اسمع حكاية بلهجتي ....

[novateen]

يحكو الناس على قصة زواج دامت كثر من ستين عام بلا مشاكل وكي سمعت وحد الصحيفة هاد الحكاية راحت دارت استطلاع لقات قاع الجوارين موافقين على الحكاية بلي صحيحة وهاد الزوجين عاشو حياة شابة مافيها لامشكال لا والو
تعجبت هاد الصحيفة ورسلت محررين باش يديرو مقابلة معاهم وهدرو مع كل واحد فيهم وحده
سقسا المراسل الزوجة قالها بصح عشتو متفاهمين بلا مشاكل قاع هاد السنين
قاتله واه
قالها كيفاش واوش هو السر
قاتله بلي هاد الشي قاع يولي لشهر العسل تاعنا اللي فوتناه في بلاد شابة مشهورة بجبالها وفي وحد النهار كرينا زوج بغال باش نطلعو هاد الجبال كي مشينا مسافة بعيدة البغل اللي كان راكب عليه الزوج تاعي حبس ومابغاش يتمشى زعفر راجلي وقال "هادي لولة" من بعد محاولة تمشى البغل
ومن بعد عاود البغل حبس راجلي قال "هادي الزاوجة" شعال هو يسايس فيه أيا عاود تمشى
بعد مسافة عاود البغل حبس زعف راجلي بزاااف وقال "هادي الثالثة" وقعد يسايس فيه كيما كل مرة بصح البغل مابغاش يمشي أيا جبد راجلي كابوس من جيبة وتيرا عليه قتله
تقول الزوجة أنا زعفت بزاف قعدت نزقي ونعيط عليه على واش دار وهو غير ساكت ويشوف فيا استناني حتى كملت هدرتي
قالي "هادي اللولة"
ومن يومها وأنا ساكتة مانهدرش ههههههههههههههههه
ان شاء الله تكون عجبتكم الحكاية

[نادر ضياء]

كان هناك ملك له وزير كان هدا الوزير كل متصرا كارثة ومشكلة كان يقول للملك لعله خير الملك في احد المرا قطع اصبعه قالوا الوزير لعله خير زعف الملك وقال لوزير صبعي قطع ونت تقولي لعله خير فامر به فوضع في الحبس خراج هدا الملك في رحلة صيد وهو يمشي ويدور تلفتلو الطريق فوقع اسيرا الاحدا القبائل دوهم لزعيم تيعهم قالهم نديروهم قربان الالة تعنا رماوهم بلواحد في النار لقد دالت الملك شفو بلي صبعو مقطع قالو هدا مايجوزش لازم بكون كامل طلقوه ارجع للمملكة تيعو وقالهم جيبولي الوزير كي جاء الوزير احكالو واش صرالو وقال عند الحق كي قطع صبع لعله خيرا بصح ونت كاش ما كان لك خير في الحبس لخطاش كي قتلهم اديوه للحبس اسمعتك تقول لعله خير قال يالملك لوكان مكنتش في الحبس كونت انروح امعاك لصيد اولوكان رحت امعاك كانو يقدموني قربان

[novateen]

المشاركة الأصلية كتبت بواسطة نادر ضياء

كان هناك ملك له وزير كان هدا الوزير كل متصرا كارثة ومشكلة كان يقول للملك لعله خير الملك في احد المرا قطع اصبعه قالوا الوزير لعله خير زعف الملك وقال لوزير صبعي قطع ونت تقولي لعله خير فامر به فوضع في الحبس خراج هدا الملك في رحلة صيد وهو يمشي ويدور تلفتلو الطريق فوقع اسيرا الاحدا القبائل دوهم لزعيم تيعهم قالهم نديروهم قربان الالة تعنا رماوهم بلواحد في النار لقد دالت الملك شفو بلي صبعو مقطع قالو هدا مايجوزش لازم بكون كامل طلقوه ارجع للمملكة تيعو وقالهم جيبولي الوزير كي جاء الوزير احكالو واش صرالو وقال عند الحق كي قطع صبع لعله خيرا بصح ونت كاش ما كان لك خير في الحبس لخطاش كي قتلهم اديوه للحبس اسمعتك تقول لعله خير قال يالملك لوكان مكنتش في الحبس كونت انروح امعاك لصيد اولوكان رحت امعاك كانو يقدموني قربان

بارك الله فيك هادي قصة مشهورة
أكيد هي عبرة على الثقة بالله القضاء والقدر
شكرا

[rimas charmante]

المشاركة الأصلية كتبت بواسطة novateen

يحكى أنه في زمان بعيد كانت بنت صغيرة يتيمة عايشة مع بوها، امها ماتت وخلاتها صغيرة
كبرت البنت وصارت شابة بزاف و في عمر الزواج تقدملها فارس من فرسان قبيلة أخرى غير قبيلتهم
ويوم عرسها عيطلها بوها باش يوصيها لا خاطرش ما عندهاش امها اللي توصيها على حوايج ديرهم وحوايج ما ديرهمش.
كي جمعت حداه قاللها:" يا بنتي نوصيك حاجة ديريها في وذنك وما تنسيهاش، اذا سمعتي حاجة ما تقوليش سمعت واذا شفتي حاجة ما تقوليش شفت وما تهدريش بزاف الا للضرورة."
سمعت البنت كلام بوها وراحت لدار راجلها .
مرت ليلة وزوج و سيمانة وشهر والبنت ما تهدرش شعال حاول معاها راجلها باش تهدر وهي والو ساكتة حتى ظن الفارس بلي مرته طرشة وبكوشة ( بكماء وصماء) مرت السنين وجابت البنت زوج اولاد سماهم بوهم الحسن والحسين
مل الفارس من زوجته اللي ما تحكي ما تشاركه فالكلام فقرر يتزوج مرة ثانية
خطب الفارس ويوم ما راحت القافلة باش تجيب العروسة،
الزوجة الأولى كانت غاسلة القمح وناشراته قدام الشمس باش ينشف
من حياءها وخوفها لا كاش واحد يشوفها ما نجمتش تعس القمح اللي تداور بيه الجاج ( الدجاج) وقعد ياكل فيه.
في هاد الوقت كانت القافلة اللي راحت تجيب العروسة قد قربت من خيمت الزوجة الأولى
أما العروس فكانت فوق الهودج وشافت الجاج ياكل فالقمح قالت" أش يا خيمة الطرش والبكش ( يعني دار الصم والبكم) "
سمعتها الزوجة الاولى خرجت ليها وقالتلها أنا عشت مع راجلي سنين وجبتله الحسن والحسين ومازال حتى واحد ماسمعش صوتي وانت مازال ما حطيتيش روحك وقاع الناس سمعت صوتك "
تفاجأ الفارس لما سمعت مرته تهدر
قاللهم المرة اللي مازال ما وصلتش لخيمتها وقاع الناس سمعت صوتها تحرم عليا وردوها مين جبتوها
وعاش الفارس بعدها في سعادة وهناء وراكم تعرفوا النهاية السعيدة
يعني العبرة باينة
ان شاء الله تكون عجبتكم
لي عودة ان شاء الله في حكاية أخرى
ما تنسوش تعطوني رايكم

قصة حلوة كتيـــر والمعنى أروع..يسلمو ايديكي

[rimas charmante]

المشاركة الأصلية كتبت بواسطة novateen

يحكو الناس على قصة زواج دامت كثر من ستين عام بلا مشاكل وكي سمعت وحد الصحيفة هاد الحكاية راحت دارت استطلاع لقات قاع الجوارين موافقين على الحكاية بلي صحيحة وهاد الزوجين عاشو حياة شابة مافيها لامشكال لا والو
تعجبت هاد الصحيفة ورسلت محررين باش يديرو مقابلة معاهم وهدرو مع كل واحد فيهم وحده
سقسا المراسل الزوجة قالها بصح عشتو متفاهمين بلا مشاكل قاع هاد السنين
قاتله واه
قالها كيفاش واوش هو السر
قاتله بلي هاد الشي قاع يولي لشهر العسل تاعنا اللي فوتناه في بلاد شابة مشهورة بجبالها وفي وحد النهار كرينا زوج بغال باش نطلعو هاد الجبال كي مشينا مسافة بعيدة البغل اللي كان راكب عليه الزوج تاعي حبس ومابغاش يتمشى زعفر راجلي وقال "هادي لولة" من بعد محاولة تمشى البغل
ومن بعد عاود البغل حبس راجلي قال "هادي الزاوجة" شعال هو يسايس فيه أيا عاود تمشى
بعد مسافة عاود البغل حبس زعف راجلي بزاااف وقال "هادي الثالثة" وقعد يسايس فيه كيما كل مرة بصح البغل مابغاش يمشي أيا جبد راجلي كابوس من جيبة وتيرا عليه قتله
تقول الزوجة أنا زعفت بزاف قعدت نزقي ونعيط عليه على واش دار وهو غير ساكت ويشوف فيا استناني حتى كملت هدرتي
قالي "هادي اللولة"
ومن يومها وأنا ساكتة مانهدرش ههههههههههههههههه
ان شاء الله تكون عجبتكم الحكاية

هههههههههههههههههه

[novateen]

المشاركة الأصلية كتبت بواسطة rimas charmante

قصة حلوة كتيـــر والمعنى أروع..يسلمو ايديكي

المشاركة الأصلية كتبت بواسطة rimas charmante

هههههههههههههههههه

الله يسلمك اختي
شكرا لمرورك

[Dounia Nina]

حكايتك شابة مام انا حالبا نحكي مي ما نعرفش الخطرة الجاية نحكيوليك حبيبتي ما تقلقيش روحيك :*

[novateen]

المشاركة الأصلية كتبت بواسطة dounia nina

حكايتك شابة مام انا حالبا نحكي مي ما نعرفش الخطرة الجاية نحكيوليك حبيبتي ما تقلقيش روحيك :*

الله يسلمك اختي
مافيها حتى قلق اختي براحتك احكيلنا وقت اللي تبغي
شكرا لمرورك

[نادر ضياء]

رغب أن يزرع البطاطس في حديقة منزله
و لكنه لا يستطيع لكبر سنه
...فارسل لابنه الأسير رسالة
هذه الرسالة تقول :
.
ابني الحبيب أحمد
تمنيت أن تكون معي الآن
و تساعدني في حرث الحديقة لكي أزرع البطاطس
فليس عندي من يساعدني
و بعد فترة استلم الأب الرسالة التالية :
.
أبي العزيز
أرجوك
إياك أن تحرث الحديقة
لإني أخفيت فيها شيئا مهمّا
عندما أخرج من المعتقل سأخبرك ما هو
(ابنك أحمد)
.
.
لم تمض ساعة على الرسالة و إذ برجال الموساد و الإستخبارات
و الجيش يحاصرون المنزل و يحفرونه شبرا شبرا
فلما لم يجدوا شيئا غادروا المنزل

وصلت رسالة للأب من ابنه في اليوم التالي :
.
أبي العزيز
أرجو أن تكون الأرض قد حُرثت بشكل جيد
فهذا ما استطعت أن أساعدك به
و إذا احتجت لشيء آخر أخبرني
و سامحني على التقصير

[novateen]

المشاركة الأصلية كتبت بواسطة نادر ضياء

رغب أن يزرع البطاطس في حديقة منزله
و لكنه لا يستطيع لكبر سنه
...فارسل لابنه الأسير رسالة
هذه الرسالة تقول :
.
ابني الحبيب أحمد
تمنيت أن تكون معي الآن
و تساعدني في حرث الحديقة لكي أزرع البطاطس
فليس عندي من يساعدني
و بعد فترة استلم الأب الرسالة التالية :
.
أبي العزيز
أرجوك
إياك أن تحرث الحديقة
لإني أخفيت فيها شيئا مهمّا
عندما أخرج من المعتقل سأخبرك ما هو
(ابنك أحمد)
.
.
لم تمض ساعة على الرسالة و إذ برجال الموساد و الإستخبارات
و الجيش يحاصرون المنزل و يحفرونه شبرا شبرا
فلما لم يجدوا شيئا غادروا المنزل

وصلت رسالة للأب من ابنه في اليوم التالي :
.
أبي العزيز
أرجو أن تكون الأرض قد حُرثت بشكل جيد
فهذا ما استطعت أن أساعدك به
و إذا احتجت لشيء آخر أخبرني
و سامحني على التقصير

قصة شابة بزاف يا ريت لو حكيتهالنا بلهجتك
بارك الله فيك وشكرا على المشاركة

[mibo123]

قصه جميله اختي لكن اين يوجد هذا النوع من النساء

[novateen]

المشاركة الأصلية كتبت بواسطة mibo123

قصه جميله اختي لكن اين يوجد هذا النوع من النساء

مازالت البركة أخي حتى وان كانت في امهاتنا وجداتنا
مانقولش في تراثنا وماضينا دور على بنات الحلال تلقاهم وتعرفهم من خزرتهم ومشيتهم
بارك الله فيك أخي على مرورك

[°yassmin°]

المشاركة الأصلية كتبت بواسطة امل عمري

السلام عليكم
انا حكايتي غير الحكاية هنا صارت ومازالت تصرة .............نبدوها ...بسم الله.....كانت عائلة كبيرة فيا الجدة هي البركة نتاع الدار والحنانة ككانت القلب الدافيء والام العطوف وفي العيد نتلاقاو عندها .......انا وحدة من احفادها.....كانت عندها السكن ضيق كنا نباتو في المطبخ انا وبنات خالاتي والسعادتنا لا توصف من هذه المة ونسهرعلى كلام و سرقة حلوالعيد من الخزنة والتفاخر على بعضنا واستعراض ملابسنا وازعاج الجيران بضجيجنا .........الخ .......انا كنت احب جدتي كثيرا لكن كنت من اواخر احفادها فلا القى منها الحب الذي اريده وعندما كبرت اسريت على الذهاب عندها في العطل الدراسية وكم احببت لو اعيني اعطيها ...وكلما قضيت معا وقتا اطول يزيد حبي لها .عطلتي اخيرة عندها كانت قبل عام من موتها .............وعندا اتصلو بنا انا الجدة مريضة تريد رؤية الجميع ...رحنا على الفور انا وامي والكل
اول شعور انتابني هو خوفي على امي من فراق امها خاصة وان لم يبقى لها احد...
وانا لم ادرك ابدا ان جدتي ستفارقنا فعلا لن تكون في حياتي ........ذهبنا للمستشفى كانت في الانعاش كانت منتفخة وقال الطبيب ان تحضروا حالكم مسكت يد جدتي انتابني الخوف ..كانت في عينها لحظة وداع ودمعة بريقها لا يفارق ذاكرتي بعد انتهاء من الزيارة ذهبنا جميعا الى بيتها اختلف الوضع البيت جامد والسكات يحوم ومكانها فارغ .............اتصلو بالجميع ...وحضر الكل ...وفي اليوم التالي جاء خبر وفاتها وتاعالا الصراخ في بيت جدتي لاول مرة منذ ولادتي وعلى من ...على الجدة لم ابكي حتى بل قمت بدات التنظيف وفرش المكان كاني لم ادرك ماذا حصل ..............احضرو جدتي لتغسيلها ودفنها فقالو لي اني استطيع رؤيتها توضات ودخلت عليها كانها نائمة فقبلتها كانت كالجليد جبهتها فتمنيت لو اصرخ باعلى صوت لاعبر عما بداخلي فلم استطع الم لم اشعر به من قبل لم احس ابدا بمرارة الحياة هكذا في حياتي ومرت الايام على خسارتها وبكتابة لكم القصة هذه تكون مرت 4 سنوات على موتها ..........ولم اعد اعيش فرحة العيد واختفت لمة الخلات وسرقة الحلوى وملابس العيد وجفت القلوب واختلفو على الميراث............وظهر النزاع ونسيت تلك الايام ايام الدفيء والحنان ......اسفة

قصة مؤثرة جدا ربي يرحمها جداتك ويجعل مثواها الجنة

[°yassmin°]

المشاركة الأصلية كتبت بواسطة رحيق الايمان

شكرا على الموضوع لانه فكرني بايامات الصغر كي كنا نتلو عند جداتي باه تحاجيلنا والحمد لله هذه الظاهرة مازالت عندنا في البيت لكن غير كي يروح التريسيتي في وقت السهرية يروح التيليفزيون و الغاشي يدورها تسحليل لجدة باه تحكي ههههههه
حبيت نحكيلكم حكاية كي كنا صغار تكلحنا بيها جدة هي حكاية معروفة لكن تاع بكري يحكوها بصيغتهم الخاصة واحب ان اشير ان نفس الحكاية الي كنا نحن نسمعوها و تعجبنا و نصدقوها الاولاد الصغار تاع الوقت هذا فاقو بالغلطة الي فيها وضحكو عليها شوفي وين لحقنا البراكة طارت وهنا الحكايات تاع بكري الاولاد الصغار تاع الوقت هذا ما تقنعهمش و يسمطوها لانهم يكذبو احداثها ما علينا نحكيلكم الحكاية تاع سبيريقة و عبيريقة ههههههههه و بلهجتي كيما تحكيها نانة الي هي جدة
قالك بكري واحد النعجة هملت على القطيع تاعها و مشات في الغابة بقات هايمة حتى طاح الليل خافت من الذيوبة راحت تجري عثرت في حجرة شوي لقاتها فكرون قاتلو يا عمي الفكرون خبيني كون يشوفوني الذيوبة ياكلوني المهم اداها عمي الفكرون لواحد المغارة خباها و حكاتلو حكايتها وبقات معاه بعد مدة عرض عليها الزواج قبلت النعجة و زوجو ومن هاك المغارة بناو دار وفي كل صباح يخرج الفكرون يقضي و يخلي النعجة في الدار ووصاها ما تحلش الباب غير كي تشوف رجليه مشات الايام و هزت النعجة بالكرشة يا حنين يا حنين ولدت النعجة جابت زوج خرفن اناثي و قدر عليها ربي ماتت وبقى الفرون مع بناتو الي سماهم سبيريقة و عبيريقة يروح يجيبلهم الحشيش و يرجع يقعد معاهم حتى كبيرو وصاهم كيما كان يوصي امهم ما تحلوش الباب حتى لواحد غير ليا كي نقوللكم سبيريقة و عبيرقة بويكم جابلكم حشيشات و تشوفو رجليا حلو الباب
واحد النهار البنات ما سمعوش هدرت باباهم و خرجو شافهم الذيب عسهم و شافهم وين يروحو من غدوة جاء قدام الدار وبقى يعس شاف الفكرون خرج و تاكد انهم وحدهم راح طبطب الباب و قاللهم حلو طلو عليهم قالولو ما نحلوش ما نعرفوكش من غدوة نفس الشئ عاود رجع المهم جابها مدة وهو يطبطب و البنات ما يحلوش واحد النهار بقى يعس سمع واش يقوللهم باباهم وفاق بالعفسة رجعلهم من غدوة و طبطب الباب وقاللهم سبيريقة و غبيريقة بويكم جاب حشيشات قالت سبيريقة لعبيريقة حلي راهو بابا قاتلها اختها لا الرجلين ماش رجلين بابا و الصوت كيف كيف بالصح لخرى قاتلها لا الهدرة هذه يعرفها غير بابا و بدات تقنع في اختها باش تحل وكي ما حبتش اختها سقساتو قالت ليه واش بيهم رجليك قاللها شريت صباط جديد هنا قالت لاختها راح نحل راهو بابا وحلت الباب وهجم عليها الذيب كلاها و جاء باه يوكل اختها مالقاهاش لانها هربت درقت حوس حوس وراح جاء الفكرون يلقى بنته ميته بقى يبكي حسبهم ماتو الزوج وكي تاكدت عبيريقة انه باباها خرجت و حكاتله الحكاية تغشش الفكرون و حلف ينتقم وتفاهم مع بنته غدوة كي يجي الذيب تحل الباب و حكم هو درق في واحد الركشة و هز المقرون من غدوة جاء الذيب و نفس الحكاية فتحتلو هو جاء باه يوكلها و الفكرون تيرى عليه قتله و بقى هو بنته عايشين و حكايتنا راحت للغابة و ربي يجيبلنا الصابة

ان شاء الله تعجبكم و ما ديروش كي ولد خالي يقرى سنة اولى تحضيري عقد جدة كي حكاتهالو قالها كيفاش فكرون يزوج نعجة و كيفاش ما عندهمش ايدين يبنو دار و زيد الفكرون كيفاش لقى مكحلة قده ههههههههههههههههههه

ههههههههههههههههه حكاية روعة و ولد خالك ماشاء الله ذكي ابن الجيل هذا تاع الصح هههههههههههههههههههههه ربي يعيشهولكم

[novateen]

المشاركة الأصلية كتبت بواسطة °yassmin°

قصة مؤثرة جدا ربي يرحمها جداتك ويجعل مثواها الجنة

المشاركة الأصلية كتبت بواسطة °yassmin°

ههههههههههههههههه حكاية روعة و ولد خالك ماشاء الله ذكي ابن الجيل هذا تاع الصح هههههههههههههههههههههه ربي يعيشهولكم

شكرا لمتابعتك للحكايات ومرورك
نورتي اختي