~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام آدم]

مساء الخير حبيباتي واش راكم
ام هزار غاليتي واش راكي واش راها بنتك الحبوبة الحمد لله خلاصت المسابقة راني مسلمة امري لله هو لي علابالو الخير وين ولييقدرو مرحبا بيه
راني روحت اليوم فقط على الخمسة ونص لداري لبارح روحنا على التسعة تاع الليل من المسابقة بسبب الظروف الجوية امطار وبرد والسيركيلاسيون وليت كملتها في دار بابا
المهم راني درت بيتزا وكرواصون للفطور بالعجينة السحرية وقلت نطل على حباباتي الغاليات
نشكر كل وحدة سقسات ودعات لينا ربي يعطيها ما تتمنى
ارحب بعودة الغالية حبيبة واتمنى ان تكون عودة دائمة فنحن حقا بحاجتها هي و الاخت سمراء وكل اخت هنا لديها مكانتها وبصمتها
رايحة نقرا لي فاتني احبكن في الله يا احلى واطيب لمة

[حبيييبة]

تقريري اليوم
قمت بالتنظيفات اليومية
ترتيب الأسرة ، تنظيف الحمامات، غسل غسلة واحدة من الملابس،
تحضير الغذاء درت حريرة و فلفلة و بوراك و سلطة
تنظيف المطبخ و غسل الاواني،
رتبت الصالة و كملت تنظيفها عميقا للجزء اللي بقالي من يوم الاربعاء
و ذلك اتماما للتنظيفات الربيعية
و مسحت الارضيات لكل البيت
على فكرة استعملت الملح لمسح الارض للقضاء على الطاقة السلبية
و شغلت كذلك الرقيا الشرعية لتطهير البيت من الشيطان و العين و كل شيء مضر
راني نشغلها تقريبا يوميا

بعد الظهر خرجت لقضاء بعض الامور المهمة
و في المساء رحت مع زوجي المصون و اهلي للبيت الذي سنتخذه مسكنا خاصا لنا
لاني رايحة نخرج جزئيا من بيت اهل زوجي
(جزئيا يعني الويكاند راني عندهم و الايام اللي يخدم في مناوبة الليل راني في بيت اهلي كيما الليلة)
و نعيشوا في مسكن مستقل باذن الله
اليوم اخدنا شويا مواعين و اواني بلاستيكية
يعني حاجة خفيفة
و غدا صباحا نروح لتنظيفه و ناخذ تاني ما تبقى من أواني و فراش و ملابس
البيت جديد حنا اول من سيسكنه
هو في الحقيقة بيت حماي يعني اخو زوجي في المهجر
و جهزه تقريبا من كل شيء ضروري
فيه صالون و غرفة نوم و طاولة اكل
زوجي و اخوه ما حبوش نخرجوا اثاثنا من بيت اهله
يعني غرفة النوم و السدادر و الصالون
اذا رايحين نعيشوا في اثاث اخوه حتى يفرج ربي و ناخذوا سكن ملك و نخرجوا اثاثنا باذن الله
و رمضان راه جاي والله ما عرفت وين نفوته
في البيت الجديد ولا بيت اهله او بيت اهلي
واقيييييلة رايح يصرالي كيما حبيبتنا مروى

الآن زوجي تعشى و راح لعمله رغم انو اليوم عيد العمال
لكن رايح يعوضوهاله غدا باذن الله لا يعمل
و انا راني معاكم و شويا و نرقد لاني راني نحس روحي عيانة شويا

[جهينة اليقين]

السلام عليكم كيف اصبحتو فراشات حبيبة الله يعاونك يا اختي شوفيب للموضوع من الجانب اليجابي في رمضان راه غندك ثلاث بيوت الله يبارك كل مرة تبدلي الجو في بيت وكي تحبي تريحي نفسيا في بيتك الجديد المهم اخلاص النية لله ويجوز رمضان اللهم بارك لنا في شعبان وبلغنا رمضان

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

مرحبا برجوع الفراشات ان شاء الله تعود اللمة من جديد

[غزالة1]

البارح المسائ كتبت جريدة و اجبت على سؤال حبيبة على الفرق بينا و بينهم كتبت جريدة ال100 صفحة ثم طااااااااااار طاح المورال و لم استطع اعادة ما كتبته
سلام

[oum sabrin]

السلام عليكم و رحمة الله
غزالة و جهينة اسعد الله صباحكم انتن و كل الملتحقات بعدي
حبيبة نورت الصفحات بطلتك الوردية يتوحشك الخير انت تان ليك وحشة كبييييييييرة ربي يخليك لينا و لعائلتك يا شريكتي الغالية
تقرير يوم امس
طيبت لغذا سردين و العشا جابنا بيتزا
درت 2 غسلالت في الة الغسيل و نشرتهم
مسحت الغبار لكل الغرف و سيقت كل الغرف + البالكون و الفيروندا و الدرج ما كملتش حتى ل11/30 لاني الاسبوع الماضي كنت مشغولة و كنت نجوز غير خفيف
بالنسبة للتنظيف العميق انا الصالون كملتو و كنت درت قبلو المطبخ راني رايحة نبدا غرفة ابنائي هذا الاسبوع باذن الله و لكن حتى تتحسن حالة ابني شويا راهو بالحمى و السعلة نحاول اليوم نرتب الخزانة او الالعاب
يوم موفق للجمييييييييييع

[hanamohamed]

اللَّهُمَّ صَلِّ عَلَى مُحَمَّدٍ، وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ، وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، وَبَارِكْ عَلَى مُحَمَّدٍ، وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ، وَعَلَى آلِ إِبْرَاهِيمَ، فِي الْعَالَمِينَ إِنَّكَ حَمِيدٌ مَجِيدٌ
نسأل الله أن يوفقكنا لما فيه الخير و الى الجديد والمفيد تحياتي وسلامي لكن جميعا وبالتوفيق جميعا

[ام متين]

صباح الجميع طيب ومبارك
راني مع اختبارات الفصل 3 لوليدي نتاع المتوسط لان المتوسطة نتاعو خلية للامتحانات وبالتالي لازم يكملوقبل المؤسسات الاخرى راني مع الجري والقلق ربي يعطينا العقل وراحة البال للجميع
فرحت لان حبيبة رجعت بتقاريرها
لي رجعة ان شاء الله

[ام آدم]

صباح الخير يا احلى لمة
انا اليوم درت غدا لوبيا نظرا للبرد لي رجع بقوة عندنا ورايحة نغسل الاواني ونظم المطبخ والغرف اما الصالون نخليه للمساء راني غبت 3 ايام على داري رجعت لقيتها حاالة

[ام هزار]

صباح الخير للجميع
ام ادم توامي بصحتك الغداء تاع اللوبيا . انا درت جلبانة بالقرنون . رانا مع الحبوب
اليوم ما رحتش نخدم . عندنا نصف يوم فقط للتكريمات . رتبت المنزل و غسلت شوية قش بيدي و شوية بالماشينة . طبعا مع تحضير الغداء و الاهتمام ببنتي
الحقبقة راني متعبة شوية مع العذر و بالتالي ما تعبتش روحي بزاف . و زيد غدوة ان شاء الله عندي حراسة رسمية ليومين متتاليين . ربي يقدرنا . معولة لعشية ان شاء الله نزيد ننظف ادراج المطبخ باقيلي شوية منو برك و نكملو
توامي ربي يعينك في اشغالك و يوفقك
ام صبرين . ربي يشفي وليدك يا رب . حتى انا بنتي راهي بالسعلة و ديناها للطبيب و خلصت الدواء و ما زالت ما رتاحتش . راني نعطيها في زيت الضرو هاايل للسعلةو الصدر بمعدل ملعقة صغيرة صباحا و اخرى مساء و الحمد لله راها بدات تتحسن . المشكل ما تحبش تشربولي غير بالسيف و احيانا تتقياه حاشاكم و نعاود نشربولها . فعال جدا باذن الله
حبيبة شكرا يا عزيزتي على الرد . و بالنسبة للملح في الماء قريت عليه باللي ينحي الطاقة السلبية من المنزل و رايحة نجربو باذن الله باذابة 3 ملاعق كبيرة في دلو متوسط من الماء . و المدهش في الامر انو عندو خلفية عند جداتنا . و حنا كنا نحسبوها خرافات
ام متين ربي يعينك و يقدرك .فيما بعد رايحة نحطلكم وحد الماسك عطاتولي مختصة لكن بعدما نجربو
يومكن موفق .حبيباتني

[حياتي كلها امل]

السلام عليكم جميعا انا عضو جديد لكن تاكدو انني من المتتبعات القداما لمنتد ى الجلفة وخاصة الدورات التي قامت على الاشراف عليها الاخت حبيبة ،بارك الله فيكم جميعا وادعو الله ان يجمعنا في جنته

[ام آدم]

مساؤكن معطر بالورود والامل
حبيبتي ام هزار الله يعينك على اشغالك وعلى اليومين تاع الحراسة ساعفي روحك حبيبتي فصحتك هي الاهم
ام صابرين الله يشفي وليدك زيت الضرو مليح كيما قالت توامي وزيدي ادهنيلو رجليه وصدرو بزيت الزيتون قبل ما يرقد راهي تدفيه وتخفف السعلة ان شاء الله ربي يجيب الشفا
ام متين الله يعينك على المراجعة لابنك ربي يوفقو ان شاء الله
حياتي كلها امل اسمك رائع مرحبا بك معنا ان شاء الله تفيدي وتستفيدي
هنا محمد غزالة تحياتي ليكم واش راكم عاملين
اروى آلاء راكي غايبة اليوم ياخي غير الخير ادخلي طمنينا حبيبتي
واقيلا غير انا لي ندور هنا المهم سلامي لكل وحدة فيكم

[حياتي كلها امل]

شكرا لكي غزيزتي ام ادم واصدقك القول من كثرة اعجابي بكم وبلمتكم الراءعة لم اجد الا ان انضم اليكم واكون في صحبتكم وارجو ان تقبلوني فيها

[حياتي كلها امل]

لقد اقترب هلال رجب لينقضي ويهل علينا هلال شعبان اسال ان يهله علينا بالخير والبركات ثم يحل علينا رمضان شهر الخير فانصحكم ونفسي ان نغتنم كل دقيقة بل كل لحظة في الطاعة وكثرة العبادات فقد قال الشيخ ابو بكر الجزاءري ان في رمضان تضاعف الاجور فالتسبيحة تضاهي عشرات التسبيحات ف الايام العادية فلنكثر من الدكر ونترك كثرة الاهتمام بالملهيات .و كما اظن ان شهر رمضان فرصة يعطينا اياها الله لاعادة تنضيم حياتنا فلا نضيع هده الفرصة الراءعة ،