الجزء **133** من واش طيبتي ليوم

[ارزاق]

المشاركة الأصلية كتبت بواسطة oum islem

هذا العيش بنين وحار ينحي الزعاف
جبتو سبيسيال لام اماني وام عازفة الناي وام ياسين المسرارة

ومازال كاين لا تحبو نزيدلكم

نموت عليه خاصة مع الخليع يعطيك الصحة ام اسلام شهيتيني

[oum islem]

ارزاق ما شاء الله عليك متمكنة من الباتيسري لابعد الحدود راكي فور تاع الصح علاه ما ديريش مواضيع
والعيش بالخليع والدجاج دخلو يهاوشو علاه ديري فيه؟ بالصح كلاوه ما خلاو والو

[oum islem]

https://www.djelfa.info/vb/showthread.php?t=1812319

بنات طلو على روائع اختنا اسمهان المبدعة

[rahma2014]

ام اسلام نموت على العيش ناكلو غير ف دارنا ما ياكلوش راجلي
ارزاق واش راكي حبيبتي و الباتيسري هايل يعطيك الصحة وهديك الجنواز محشية ولا لا

[آيات سرمدية]

اختي ارزاق.....عشايا باذن الله ........كبدة مشوية وبطاطا بيري......اذا قدرت اني نصورلكم....مازلت ماوالفتش......خاصة الزوج الكريم....كون يشوفني نصور فالماكلة.....يقولك هاد المخلوقة هبلت سوووووور.....السمانة لي فاتت شافني نصور فالشجرة والحجرة والسماء........قالي واش بيك الناس تصاور في ولادها وانت....



سااااعفوني برك........راني جديدة معاكم........

[oum radja]

السلام عليكم حبيباتي نتمنى تساعدوني راني حطيت طلبي في الدردشة او كيماتقولو في الصالون ههههه

[malak sara]

يا اختي العزيزة ما تخافيش الحسد[/b][/i]

[ام الهضاب]

المشاركة الأصلية كتبت بواسطة oum islem

هذا العيش بنين وحار ينحي الزعاف
جبتو سبيسيال لام اماني وام عازفة الناي وام ياسين المسرارة

ومازال كاين لا تحبو نزيدلكم

ام ياسين راهي تزنق راني حكمت بلاصتها هههههه

[أم ياسين الزهراء]

راني جيت راجعت بصح ؤاني شوي مريضة والحمد لله

درت البكبوكة والمطلوع وللقهوة والو عيت رقدت ونضت مع العصر طليت عليكم ورحت نحفظ قراني الله يجعل نور قلوبنا وونيسنا في قبرنا

ام اماني معليش هي كان من المفروض تقل شكرا جربت الوصفة ومانجحتش فيها برك هدا يكفي وبلا تجريح انا كنت جربتلك البيتي فور واهل داري ماحبوهش ماشي معناها مانجحتش بالعكس الشكل وكلش صحيح الدوق اللي ماحبوهش وعادي بصح مانكدبش عليك لحد الان كل وصفاتك نجحت فيها والحمد لله ويكفيك منا دعوة خير وماديريش في بالك

ام اسلم تعيشي حنونة والله هداك واش خصني راني مريضة اح اح مرض عجايز ههههههههههههه

دائمة ولو اختي الكبيرة مانشارشيش العجايز لراهم سندي راني عل ى الخايبة تاع ام محمد هههههههههههههههههه تنوض على 10 هههههههههه
ام ماجد خير برك وينك طمنينا

والباقي الكل الله يبرك فيكم ويبعد عليكم العين
ايات لو سمحتي منين انت ياحلو ادا معليش

[ام ماسين]

المشاركة الأصلية كتبت بواسطة malek firdaouss

اممممممممممممممممممممممم حنلن بصحتكم

وشنو هذيك المرقة ماشاء الله

ربي يعينك على التوجاد

المشاركة الأصلية كتبت بواسطة ~اسيل ريحانتي~

نهاركم سعيد اخواتي مازال ماراجعت الصفحات نحط الصور ونروح نراجع ههه
عشايا تاع لبارح كنت صايمة وراني وحدي غير سلكت هههههههه

هدي حريرتنا تاع الغرب



طاجين حلو بدون لوز ولا مشمش ههههه



فلفلة حارة



معقودة

المشاركة الأصلية كتبت بواسطة عازفة الناي

تورت السلق اممممممممممممممممممممم
بسم الله









اسفة على التأخير والله النت هبلتني

المشاركة الأصلية كتبت بواسطة rahma2014

مساء النور واش راكم هذا غدايا من الصباح وانا نحاول نحطو معاه فريت اوملات من بعد نحطها

المشاركة الأصلية كتبت بواسطة rahma2014

هذا عشايا نتاع البارح والحمد للله

المشاركة الأصلية كتبت بواسطة دائمة الحمد

الكونكسيون راهي مهبلتني اليوم نحط غدايا قبل لاتزيد تروح
رحمة مطلوعك 44444444444

المشاركة الأصلية كتبت بواسطة om wassim

الف مبروك الكوزينة أم ماسين يا رب تكون فاتحة خير علينا جميعا
راني نرجع بالباروك

المشاركة الأصلية كتبت بواسطة 0ibtissam

ألف مبروك افتتاح مشاء الله روعة

المشاركة الأصلية كتبت بواسطة آسيا 27

السلام عليكم
المنتدى اليوم هبلني ساعة وانانحاول نحمل صورة وفي الاخير كل شيء راح
جبتلكم كيكة رخامية






صابلي بالنقاش





وكي شفت صور yasmalak تفكرت بلي عندي صور الليمون البرتقال مجمدين قلت نحطهم







سلاااااااااااااااااااااااااااااام

المشاركة الأصلية كتبت بواسطة ام اماني77

السلام عليكم اخواتي


مبروك افتتاح الكوزينة الجديدة


اسمحولي دخلت عندي تعليق على رسالة وصلتني من اخت

تقول انها جربت وصفة وماعجبتهاش وقالت انها الوصفة في حد ذاتها مش ناجحة

حبيت نقول لهذا الاخت وكل الاخوات لي لي يطبقو ويرجعو الغلطة في الوصفة نقولهم بكل صراحة الغلطة فيكم يعني الواحدة تتعب وتصور وتحط ماتلقاش حتى رد طيب او دعوة يدخلو برك يهزو الوصفة وزيد ينتقدو فيها


نقولكم الحمد لله وصفاتي ناجحة ومضمونة بشهادة لي جربوها ممكن تقولي ماعجبتنيش في الذوق نقولك اوكي لان الاكل اذواق لكن تقولي مش ناجحة هنا نقولك الخطأ فيك لانك لكان اتبعت الوصفة بكل حذافيرها لكان نجحتي

انا شحال من مرة جربت وصفات من هذا المنتدى وما نجحتش فيهم جامي دخلت وجرحت الناس بل كنت نشكرهم ونرجع الغلطة فيا

وشحال جربت وصفات وكنت ناوية نحطهم لكن كي ماعجبونيش ماحطيتهومش انا نحب نحط وصفات تكون ناجحة نربح بها دعاوي الخير مش العكس


المهم قبل ماتكتبو كلام تجرحو به الناس خمو شوية ولي ماعجبوهش الوصفات نتاعي ماهوش محتم عليه يجربهم وانتهى

شكرا لي باركولي على الكوزينة لجديدة ربي يبارك راكم مزهين الحالة بالطيابات
ام اماني ياغالية علينا كامل متقلقيش روحك انا وحدة من ناس جربتلك شحال من حاجة وعجبتني ونجحت فيها جزاك الله كل خير اختي

[ام ماسين]

المشاركة الأصلية كتبت بواسطة ام رويدة

وهااادو سخفتني فيييه المسرااارة ام المسرررارين والاسرررار البارح نضت ديركت درتهم
العجينة تاع ام اماني ربي يعطيها ما تتمنى ويبعد عنها كل سووووء

المشاركة الأصلية كتبت بواسطة جوهرةالجنة

السلام عليكم

ام رويدة من فضلك طريقتك فالمقروط رووووووووعة

المشاركة الأصلية كتبت بواسطة ام الهضاب

الف مبروك الكوزينة الجديدة ام ماسين دارك ماااااشاااء الله تهبل و راني غرت من الصالون انتاعك و راني جايبة حليبي و نشربو ثمة ههههههه

المشاركة الأصلية كتبت بواسطة ارزاق

تفضلو كل وحدا تهز طرف

المشاركة الأصلية كتبت بواسطة oum islem

هذا العيش بنين وحار ينحي الزعاف
جبتو سبيسيال لام اماني وام عازفة الناي وام ياسين المسرارة

ومازال كاين لا تحبو نزيدلكم

يعطيكمة الصحة صراحة مالقيت منقول غير ربي يحفظكم من العين وربي يدومها نعمة للجميع

[ام ماسين]

اسمهان يعطيك الصحة على لابيري حتى انا مع ارزاق اعطيني طريقة نتاعك كيفاه

[اسمهان79]

المشاركة الأصلية كتبت بواسطة ارزاق

تفضلو كل وحدا تهز طرف

أرزاق انا نديها كلها كرشي كبيرة الله غالب
ههههههههههه
تسلم ايدك حبيبتي رااااائعة

[أم ياسين الزهراء]

هدي وصفة التارتولات لميت من وصفة ام كوثر وفلة وام سهام وام اماني وخرجت وصفة ممتازة

العجينة

250 غ فرينة + 125 غ زبدة نخدم بفلوريال تاع 250 غ +2 مغرف عسل + 2 مغارف زيت وفاني و1 بيضة كاملة وشوي ملح والماء ونلم كيما ندير العجينة البريزي ونحطها في فرجيدار ومنبعد نخرجها ونديرها في ليمول المول الفردي يجي خير من الكبير وعن تجربة وتهني روحك مع اولادك باش مايقولوش مامديتلناش كيفكيف انا ديما هدي المقادر ديري 10 من ليمول ونطيبها كيما موالفين راح تشمو ريحة تهبل ونحطها تبرد

من جهة 3 كاس حليب بارد + 5 مغارف سكر + 4 مغارف نشاء وفتيتة ملح فتيتة برك و1 بيضة كاملة تحركي مليح وعلى النار حتى تبدا تعقد زيديلها 2 سكر فاني سكر فاني فهمتو وشوي زبدة حوالي مغرف صغيرة ونفرغها على ليتاتولات وندير ليفراز وندهن بالمعجون

صدقوني تبقى كيما راهي موالفة نخليها تبات في فريجيدار وتبقى هي ماتطلقش الماء

شكرا لكل من حرفت لها الوصفة وشكرا لي ههههههههههههههههه

[اسمهان79]

المشاركة الأصلية كتبت بواسطة oum islem

هذا العيش بنين وحار ينحي الزعاف
جبتو سبيسيال لام اماني وام عازفة الناي وام ياسين المسرارة

ومازال كاين لا تحبو نزيدلكم

ياوخذي على أم إسلام نساتني وانا جارتها ياو انا ثاني نموت عليه
نجي ندي العيش والطبسي احكميه عندي كيفو ياك رانا بنات العلمة ونشريو كيف كيف
على فكرة شكرآ على الرابط حبيبتي فرحتيني جزاك الله كل خير