اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 22

yasmalak · 2015-09-21, 16:23

اقتباس:

المشاركة الأصلية كتبت بواسطة ام و ابنة

يسملاك قتلتيني
حبسوووووو
نحو يديكم
راني ديت كاس و تضاربو على هذاك اللي مازال

هههه خلااص وحدة ما تمسووووو

آسيا 27 · 2015-09-21, 16:26

حنان بارك الله فيك و راني اديت كاس و يلعن ابو و جد الريجيم هههه
ام و ابنة شفتي على حالة كي دايرة
وانا نفتيلكم السرقة في الوصفات تاع الحلوة ولا الماكلة حلااااااااااااااااااااااااااااااااااااااال خخخخخخخخخخخخ

omjoujou · 2015-09-21, 16:29

اقتباس:

المشاركة الأصلية كتبت بواسطة yasmalak

وهدو باش تبردو خاطررركم

اختي حنان طليتي على قلبي ربي يخليك من قبيل و انا نحوس على حاجة نبرد بيها قلبي يعطيك الصحة

omjoujou · 2015-09-21, 16:33

لبنات وش راح ديروا عشاوتكم بلاك نعاند عليكم

omjoujou · 2015-09-21, 16:34

الرجا الاماني مدخلتيش ليوم وينك؟؟؟؟؟؟؟

الرجاء الاماني المجد · 2015-09-21, 16:36

مساء الخير ام وابنة اسيا ام جوجو حنان قاطوك روعة الغربية ورلي المول انتعها ام وابنة لترتولات خرجو هايلين رايحة انا ثاني نخدمهم

tamimkougi · 2015-09-21, 16:39

[quote=ام و ابنة;3994358760]اختي الملتزمة ربي يفرح قلبك كيما فرحتيني بكلامك الجميل و مع ذلك و رغم حبي لك في الله بصح تسمحيلي الجبة تع الاء رايحة تسلفها لبنتي للعيد خخخخ

الملتزمة بإذن الله ..أحبك الله الذي أحببتني فيه ..يشهد الله أنا زادا نحبك بزاف غاااليتي أم وإبنة
وفي ما يخص جبة بيسان رب يحفضها معليهش أنت أحق مني لاخاطر أنا مازال ما عنديش طفلة
بنتك هي الأولى بيها رب يحفضها و يصونها و تكبر في حضن والديها في طاعة رب

yasmalak · 2015-09-21, 16:39

اقتباس:

المشاركة الأصلية كتبت بواسطة الرجاء الاماني المجد

مساء الخير ام وابنة اسيا ام جوجو حنان قاطوك روعة الغربية ورلي المول انتعها ام وابنة لترتولات خرجو هايلين رايحة انا ثاني نخدمهم

ام جوجو والله علمييي علمك مانيش حابة يلح العشية غير باش مانطيبش

الرجاء الاماني المجد · 2015-09-21, 16:39

اقتباس:

المشاركة الأصلية كتبت بواسطة omjoujou

الرجا الاماني مدخلتيش ليوم وينك؟؟؟؟؟؟؟

يسقسي عليك الخير ام جوجو القلوب عند بعضها راني كنت ندير في العشا درت خرشف ودرك رايحة نخدم القاطو

omjoujou · 2015-09-21, 16:46

اقتباس:

المشاركة الأصلية كتبت بواسطة الرجاء الاماني المجد

يسقسي عليك الخير ام جوجو القلوب عند بعضها راني كنت ندير في العشا درت خرشف ودرك رايحة نخدم القاطو

يعطيك الصحة يالفحلة كي درتي لعشا بصحتكم و ربي يعينك على القاطو
انا هاذ لعشية حكمني التفنيين عييت نوقف زعمة راح ندير قاطو الصابلي تاع القارص والله لذرك لا درتو وراه يستنى فيا لعشا

*سماح 94* · 2015-09-21, 16:48

السلام عليكم يا بناااات
ماشاااالء الله عليكم غبت صفحة جيت لقيت الكوزينة منووورة و ناشطة تهببببببل
ما قدرتش نرد على كل وحدة لاني لقيت الصفحات يجريو ههههههه
نراجع و نرجع

ام و ابنة · 2015-09-21, 16:49

الملتزمة ربي يرزقك البنت الصالحة

ام جوجو راني نستنا راجلي ينوض يروح يشريلي الجاج حبيت ندير مقرون بالمرقة و الجاج كيما تع السباقيتي ديالك تع ذاك النهار خخخخ

الاماني عالسلامة عزيزتي و بانتظار صور قاطواتك

دائمة الحمد · 2015-09-21, 16:50

مساء الخيرات
ام يزن ربي يبارك في صحتك وعمرك وذريتك عزيزتياذا ما لحقنيش الوقت نعملها بعد العيد لاني نحب اي حاجة فيها القارص
قلت نهز فيرين من تاع حنان نبرد بيها بعد الفطور السعة القافزات طارو بيها
بصحتكم
توتة يعطيك الصحة على حلوياتك
ممارسات السرقة البلية اذا عمت خفت راكم كونتو عصابة اشرار ربي يكون معاكم ونحن المستفيدات
سرور الشويات انا عندي الثانية هذي سنوات وانا بيها روعة

ام و ابنة · 2015-09-21, 16:55

ام جوجو صدقيني الصباح عملت عجينة الصابلي شوكولا و من مقبيل و انا نقول ضرك نروح نشكلها و ما زلت قاعدة خخخ

نسيت نحكيلكم غدوة ان شاء الله وليدي يقرا نص نهار و عندي الدونتيست بش نكمل نخدم ضروسي قبل العيد و خويا تع الغربة يلحق غدوة و الغاشي كامل خدام لازم نروح انا و يما و بنتي نجيبوه بصح ما علاباليش كيفاش نوفق بينهم و بين مدرسة وليدي و الدونتيست

و زادو في مدرسة وليدي قالولي ما يقراوش نهار الاربعاء و انا كنت حابتو يقرا بش نغتنم الفرصة و نكمل اشغالي خاطر كي يكون ما يهنينيش

و الله ما علابالي كيفاش رايحة تصرالي خخخخخخخ

ام و ابنة · 2015-09-21, 16:57

دايمة الحمد كي عدت صايمة نعطيك اللي سرقتها انا
صح فطورك مسبقا و ربي يتقبل و ما تنسايناش من الدعاء
انا ما قدرتش خلاص نصوم بصح باذن الله نصوم نهار الاربعاء