موضوع مميز جيبي مشينتك و ارواحي .....سطايفيه - الصفحة 22

stayfiya · 2014-03-20, 07:48

اقتباس:

المشاركة الأصلية كتبت بواسطة omseheil

واش يديرو هاد العفايس هههههه

امخيتي خلعوك هاذ لعفايس ههههه. هاذا ياخيتي عندك مشينه تاع لبياس يركبو من فوق المشينه انا اكره عندي الجور هذا تاع لماشن كل بياسه تمثل موديل و نتي تخيري لي عجبك و ترشقيه من فوق و تخدمي زيدي صوري مشينتك يشوفوها لبنات

stayfiya · 2014-03-20, 07:51

اقتباس:

المشاركة الأصلية كتبت بواسطة om aya

للاسف يبدو ماشيناتكم مش كيف كيف ماعندهاش ديك بياسة كرومي بصح فيها شغل بولون كبير
و البوبيناج من الجنب بصح قاتلي قووليلها تشوف يها مليح بلاك خصتها بياسة وين تتحط البوبينة لانها لما دورت عليها سكوتش شوية دارت مليح ومن بعد كي العادة
راهي شايطة مازال ماتفاهمتش معاها ساعة تخيط مليح وساعة تعميها بففففف زدت ترددت كتر واكتر

مشينتكم زي خلاف. بصح نورمال شفتي وين تدخلي الكانات كي جي تعمريها نتي ديريلها جوان تاع كاويتشو يسهلك الخدمه و دور نورمال بالهنا عليها

stayfiya · 2014-03-20, 07:54

اقتباس:

المشاركة الأصلية كتبت بواسطة isma84

السلام عليكم لدي مشكل في ماكينة الخياطة الخاصة بي الكروا راهي دور بصح الكراع ماراهش يخدم راهي دور وحدها مافهمت فيها والوا كانت ثقيلة حتى حبستلي كامل ضروك المشكل وين راه ماعلاباليش الماشينة تاعي هي سانجار قديمة

انا خطره صرالي المشكل هذا تعرفي لقيت الخيط دار بالعجله لي تركب فيها لا كروا و تعمر ولات خرجت لاكروا من بلاصتها و ما حبتش تخيطلي نتي المشكل او ثم بالاك ترخفتلك ولا تشركت راكي تقدري تبدليها و سينون الدوايره تاع لحديد لي تحكم لا كروا ديكالات على بلاصتها. شوفي تراش

stayfiya · 2014-03-20, 07:57

اقتباس:

المشاركة الأصلية كتبت بواسطة ياسمين1990

السلام عليكم
اختي السطايفية بارك الله فيك وربي يعينك
سؤالي هو اذا كاين علاقة بين الابرة وسمك الخيط على خاطر كنت نخيط عادي ومن بعد تكسرت الابرة بدلتها بوحدة رقم 18 والخيط مبدلتوش
وجدت القماش يتكمش يعني الخيط مزير غيرت غير الابرة فقط وين المشكل

لاااااا العلاقه بين البرا و القماش كي يعود الخيط مليح. لباس. نتي لقماش كي يكون خشين خيطي بال 18. اما الرقيق ب 14 سينون يصرالك المشكل لي لاحضتيه يتكمش لقماش و يتشبح الخيط جربي نتي

stayfiya · 2014-03-20, 07:59

اقتباس:

المشاركة الأصلية كتبت بواسطة om aya

نظن العلاقة راهي بين نوع الابرة وسمك القماش يعني كلما كان رهيف استعملي رقيقة و العكس صحيح وممكن ساعات الابرة يجي فيها ديفو

ربي يخليك ام ايووش سامحيني راني مانشوفش الرد حتى نجاوب سينون مانزيدش على ختي. راكي ماشاء الله

انا يما عندها راهي مديمونطيا و محطوطة و عجوزتي كذلك بصح مخبيتها

قلهم خبيوهم يجي النهار و تولي لامود. و الله كيما نقولك

stayfiya · 2014-03-20, 08:03

اقتباس:

المشاركة الأصلية كتبت بواسطة faiza2008

om aya انا ثاني ماما كانت مطيمونتيتهم .ديري كيما انا عودي مونطيبها وقولي بسم الله.
https://www.djelfa.info/vb/showthread...post1055927779

شكراً فايزه على لكلام لحلو لي قريتو في الرابط. والله يطلع المورال

sakura be · 2014-03-20, 10:39

اقتباس:

المشاركة الأصلية كتبت بواسطة stayfiya

اااااااا وانا نقول الشينويه لاه حاطه توقيع لا تحزني يا امي هذا راكي هردتي الحاله صحيتي
عندك 0/10 في تحدي الذكااء خخخخخخخخخ
المهم قوليلي الرجل تكرشي يعني تحكملك لقماش ما تجبدوش و لا كيفااش؟؟
المشكل تاع كي تبرونشي تمشي طول ماهوش بروبلام راهم يقيسو لخيوط في بعضاهم نتي اديها للخدا يسقمهالك و دوري السكوتش على لخيوط لا تطرطق في وجهك المره الجايه

و لكان تحوسي على خدام روحي لتاع 500 مقابل لاري الدردازي

لالا مش على هداك ......بروبلام اخر كبييير ربي يفرجها علينا .
صحيتي حنونة ربي يعطيك ماتتمناي .
دك نبعثها للخدام مع خويا .

faiza2008 · 2014-03-20, 12:59

اقتباس:

المشاركة الأصلية كتبت بواسطة stayfiya

صحا فايزه. لي بيي دبيش كاينين تاع البورتاتيف و السانجار انوستريال
الموتور. مالقيتلك قالولي كاين واحد في وحد لبلاصه لاكتب ربي نروح نشوفلك عندو و معليش يكون قديم ؟؟ المهم يخدم ملييح

بارك الله فيك .معليش يكون قديم

زهرة الأوركيدا · 2014-03-20, 23:53

بنات أريد شراء مشينة خياطة ولقيت هذه في السوق ما رأيكم فيها ؟؟ هل هي جيدة أم لا ؟؟؟؟ كاش واحدة مجربتها دبر عليا نشريها أو لا ؟؟؟وسعرها هذاك هو أم غالية

faiza2008 · 2014-03-21, 16:26

اقتباس:

المشاركة الأصلية كتبت بواسطة زهرة الأوركيدا

بنات أريد شراء مشينة خياطة ولقيت هذه في السوق ما رأيكم فيها ؟؟ هل هي جيدة أم لا ؟؟؟؟ كاش واحدة مجربتها دبر عليا نشريها أو لا ؟؟؟وسعرها هذاك هو أم غالية

مليحة بصح شوية غالية راني لقيتها في وحد الرابط غير ب11300.00da
انظن ممنوع انحط رابط
لكن ممكن انحط صورة
https://www.gulfup.com/?SWy08I

farawla01 · 2014-03-22, 10:31

اختي زهرة الاوركيدا راه غالية جارتي شارتها مليون اومرة لقيتها بتسعمياتالف ننصحك تشري

زهرة الأوركيدا · 2014-03-23, 07:50

شكرا لك أختي فايزة و فراولة ربي يجزيكم كل خير

stayfiya · 2014-03-24, 08:12

اقتباس:

المشاركة الأصلية كتبت بواسطة زهرة الأوركيدا

بنات أريد شراء مشينة خياطة ولقيت هذه في السوق ما رأيكم فيها ؟؟ هل هي جيدة أم لا ؟؟؟؟ كاش واحدة مجربتها دبر عليا نشريها أو لا ؟؟؟وسعرها هذاك هو أم غالية

ياختي كي تولي هكذا اشري مشينه ماركه مليحه و معروفه و بياسها متوفر كيما قالولك لبنات اصلا الواحد لازم يشوف واحد مضمون يشري عليه سينو رايحه تسوفري

batoul04 · 2014-03-25, 00:18

السلام عليكم
البنات انا جديدة معاكم
واول مشاركة
حبيت نشري مشينة جديدة تخيط وتطرز وتحصل الفتلة
بواش تنصحوني
شكرا

stayfiya · 2014-03-26, 06:33

اقتباس:

المشاركة الأصلية كتبت بواسطة batoul04

السلام عليكم
البنات انا جديدة معاكم
واول مشاركة
حبيت نشري مشينة جديدة تخيط وتطرز وتحصل الفتلة
بواش تنصحوني
شكرا

نتي واش من نوع حابه؟؟ صغير ولا كبير