لجزء 100 من واش طيبتي ليوم؟+احتفالية تكريم..بسم الله ماشاء الله

[oum radja]

ام هديل بصحتك الطعام و الموسكوتشو

[أم هبوبة]

سلام و صح واش حطيتو على من نعلق و على من نخلي كلكم روعة
بدون دكر الاسماء باش حتى وحدة ما يبقى خاطرها يعطيكم الف الف صحة و عافية كل يوم نتعلموا منكم الله يدوم هدا الرباط الي بيناتنا و يخليكم العطاء الي راكم تمدوه يوميا ما رجعتش بزاف غير ظربت طلة راني من الصباح مع الميناج و التخمال و مازال ما كملتش
قلت ندير بوز و نشوف حباباتي واش راهم دايرين
غدايا درت مقارون بالصوص طوماط و سلاطة بالخضر مشكلة و سلاطة بيطراف
و هدا مدلان وجدتو باه نتقهو
نتمنى الصورة ما تكونش كبيرة من البارح و انا نتفتف في الطابلات باش نلقى اوبسيو تصغر الصور و ما عرفتش

[omhadil]

المشاركة الأصلية كتبت بواسطة بنت الحاج

السلام عليكم ورحمة الله

مبارك لكن أخواتي التكريم وإن شاء الله مزيدا من التألق في مناسبات أخرى
وربي يدوّم لمتكم الطيبة ويجازيكم كل خير على كل ما تقدمونه للمنتدى.
شكرا أختي أم كوثر على الالتفاتة الطيبة وربي يحفظك

بارك الله فيك اختى ويعطيك الصحة على تصمييم البطاقات من يديك جزاكى الله الف خير
:1 9:
وربى يبارك فيك

[ام سهام 02]

[الأمنيات]

جربت خبز الفقاص تاع زينب




ما درتش الزعتر درت اكليل الجبل وزيت زيتون

[omhadil]

المشاركة الأصلية كتبت بواسطة oum radja

ام هديل بصحتك الطعام و الموسكوتشو

الله يسلمك اختى ام راجا سلميلى على شوشو بزاف بزاف

[أم غيلاس]

ام اماني أطباقك تشهي ما شاء الله من فضلك وصفة الحساء و المعكرونة تبان تهبل و الغراتان

[Simassim]

صح غداً كم
البركوكس راه عاد بين عيني يدور اممممممممم
دائمة الحمد هاديك رآها كبيرة عندي اصغر منها كانت تكفيني أنا وزوجي وهاد اليامات راني نكبر شوي حساب الفلوس تاعي يحب يأكل معانا ولي تبقا نزيدهالو فالعشا نحب المعان صغار ماما تضحك علي تقول رآك عاد تلعب بالبوبيات لول

هدا غدانا
لحم مبخر مع الخضر وحرمته فالكوشة اممممم خفيف وبنين
وفلفل بزيت زيتون. اليوم شويت فالكوشة كان عندي ميناج كبير
والديسار رمان


مراااااام هداك البنبون مايجيش عليه الزعاف

[ام اماني77]

الف الف مبروك افتتاح الجزء 100 لعقوبة للجزء 1000 ان شاء الله

ومبروك التكريمات للغوالي تستاهلو كل خير لعقوبة لتكريمات اخرى

اختي ام نسرين مبروك التكريم ومبروك افتتاح الكوزينة اطباقك راااائعة كروعتك

كل الاخوات لي حطو اطباقهم راكم فوووووور بدون استثناء ربي يحفظكم

مرام الغالية شحال فرحت كي لقيتك منورتنا ربي يجعل مساعدتك للاخوات في ميزان حسانتك وصدقني دعوة خيرلك من الاخوات في ظهر الغيب خير من الف تكريم

زهرة يازهرة كما قالت ام ياسين المشاغبة انت كبيرة باخلاقك وطيبتك كل ملتدخلي ماتنساي حتى واحدة ربي يجازيك كل خير ويرزقك من حيث لا تحتسبين

ام ابراهيم يالهوي على الكيكة والبوتي فور فعلا يديك يتلفو في الحرير ربي يعطيك صحتك وتزيدي تنورينا بما لذ وطاب

اختي ام صلاح راني شفت ردت في الكوزينة الماضية والله شرف كبير انك تسجلي في المنتدى من اجلي ابقاي معانا هنا واكيد راح تلقاي دائما الجديد

اختي النائلية ربي يشفي الوالد ويرزقه لباس الصحة

استاذتنا دائمة الحمد ان شاء الله تحسنت اليوم ربي يكمل يشفيك ويعافيك

بشورة الغالية فعلا دخلت الصباح حطيت موضوع الكيكة وخرجت لضيق الوقت وراني حطيتلك بعض اطباقي ان شاء الله يعجبوك

[بنت الحاج]

المشاركة الأصلية كتبت بواسطة أم هبوبة

سلام و صح واش حطيتو على من نعلق و على من نخلي كلكم روعة
بدون دكر الاسماء باش حتى وحدة ما يبقى خاطرها يعطيكم الف الف صحة و عافية كل يوم نتعلموا منكم الله يدوم هدا الرباط الي بيناتنا و يخليكم العطاء الي راكم تمدوه يوميا ما رجعتش بزاف غير ظربت طلة راني من الصباح مع الميناج و التخمال و مازال ما كملتش
قلت ندير بوز و نشوف حباباتي واش راهم دايرين
غدايا درت مقارون بالصوص طوماط و سلاطة بالخضر مشكلة و سلاطة بيطراف
و هدا مدلان وجدتو باه نتقهو
نتمنى الصورة ما تكونش كبيرة من البارح و انا نتفتف في الطابلات باش نلقى اوبسيو تصغر الصور و ما عرفتش

وعليكم السلام

ها هي الصورة صغرتهالك أختي أم هبوبة
حطيها في بلاصة الصورة الاولى راهي كبيرة بزاف وتعيق التصفح
وشكرا على الطبق راني ادّيت حقي

[omsalah]

ام سهام وصفة المعقودة رجاءا

[بنت الحاج]

المشاركة الأصلية كتبت بواسطة omhadil

بارك الله فيك اختى ويعطيك الصحة على تصمييم البطاقات من يديك جزاكى الله الف خير
:1 9:
وربى يبارك فيك

الله يبارك فيك ويحفظك أختي أم هديل
ربي يجازيك الجنة على الدعوة الزينة

[omhadil]

ام سهام والامنيات بصحتك واش طيبتو

[عازفة الناي]

السلام عليكم ورحمة الله تعالى و بركاته
وش اخباركم كامل
غدايا لليوم
رخساس الفرينة اممممم


شربة الشعيرية بالشوفان

لي كريب بالبيشاميل


والحمد لله على نعمه الكثيرة

زينت لي كريب اكيد راه يعجبك لانه مافيهش الا ملعقة زيت برك
اسمحولي لبنات مازلت ماراجعتش

[omsalah]

غاليتى ام امانى والله دمعت عيناي عندما رايت ردك شكرا