الجزء 73lن واش طيبتي اليوم كوزينة النجاحات - الصفحة 22

دائمة الحمد · 2014-06-23, 21:34

بصحتكم ام امجد راهي باينة تشهي الحوتة
دبرتيها انا كانت عندي اسينات شوي مريضة عملت بوز غدا بحول الله نكمل

عطرالذهب · 2014-06-23, 21:41

السلام عليكم حبيباتي وصح عشاكم
انا عشايا مثوم ورخساس وسلاطة وكونطالون والحمد لله على ما اعطى

ladymillion · 2014-06-23, 21:42

صح عشاكم كامل لفحلات ويعطيكم الصحة واش طيبتو

هذا فطورنا انا ،و طومة حميص وفريت وخبز الحمد لله

حبي لأمي · 2014-06-23, 21:47

مساء النور تقبلوني بينكم .
رانا شرينا طاجين نتاع فخار باه نطيبو الحريرة بصح اول مرة نطيبو فيه ، شكون تقولي واش نديرولو قبل ما نطيبو فيه على خاطر ماما قاتلي بلاك نفيضو فيه الحليب قلت نسقسيكم قبل ان شاء الله تجاوبوني

ladymillion · 2014-06-23, 21:49

الاخت حبي امي /// فيضي فيه الحليب كيما قاتلك امك حتى مرتين قبل ماطيبو فيه هذا مانعرف ان شاء الله يزيدوا يفيدوك لبنات

عطرالذهب · 2014-06-23, 21:56

ليدي صح فطورك انت وطومة بالصح واش هذا تقشف او ريجيييييييم
قولي للحكومة تتهلى في النوارات نتاوعها

ladymillion · 2014-06-23, 22:00

هههههههههههههههه عطورة هذا تفنييييييييين نتاعي وتقدري تقولي باش ماناكلوش بزاف والله ماكملناهم مالا،، طومة ماقعدتش وانا اليوم جاتني شوي الدوخة ههههههه
معولة غير حميص ومن بعد زدت بطاطا شفتني طومة مكراشة خخخخخخخخخ والحكومة متهلية الحق

قولولي كشما خممتو لغدا غدوة اذا كنا من الاحياء ان شاء الله

عطرالذهب · 2014-06-23, 22:06

ايمان المهم بصحتكم والاهم سلامتك من الدوخة اتهليفي روحك ماعندناش 100 منك
غدوى مبرمجة لوبيا خضراء نحبوها بالاجماع وزيد ماما لازمها تاكل غير بوخفيف

دائمة الحمد · 2014-06-23, 22:06

ليدي وعطورة صحة عشاكم احنا راهي السخانة عاملة حالة
حبي لامي الطاجين حكيه بالصابون تاع الطرف وخليه يبات ما تغلسليشو من غدوة اغسليه بالماء برك يعني شليه وفيضي فيه الحليب و بصحتكم

fatimazahra09 · 2014-06-23, 22:08

اقتباس:

المشاركة الأصلية كتبت بواسطة ladymillion

جبتلكم شوي من تحضيرات نتاعنا وبالبركة الحمد لله

هاذا الليمون وzeste درتو عندو بزاف بصح درتو خصيصا لرمضان المبارك اذا كنا من الاحياء

ثوم شراتها يما ونقاتها صورتلكم كمية صغيرة هههه يبالي نعاودلها البيع نربح شوي نخبيوها في اكياس والى الكونجيلاتوغ تبقى هي هي نتاع عام كامل

هذا الطون نتاع قبيل

حميص درتو قبيل درت شوي برك سخفت عليه

العجينة المورقة تخدم فيها صديقة طومة شراتها من عندها ( 4 كغ)

وهاذي شباح الصفرة كملتها قلاتها وخبيناها في الكونجيلاتوغ

/// لي حضرت ولو شوي تصورلنا وتشاركنا هيا يالفحلات

فحلة ونص و 25

أم ماجد · 2014-06-23, 22:10

عشاتنا روزا بطاطا صوص بيضا بنينة
والغدا صلاة ؟يادرا ؟

ladymillion · 2014-06-23, 22:15

عطورة حتى انا نشتي لوبيا الخضرا مممممممممممم مليحة بزاف في الصف انا راني نخمم فففففف يقلق تخمام لغدا عندنا طرف لحم بقري عيييت واش نديرو وماياكلوش المرق ،،، مليح غير عيش سخون وحار في هاذ السخانة علكيف هههه
دائمة الحمد الله يسلمك حبوبة

omomnia15 · 2014-06-23, 22:18

سلام حبوباتي توحشتكم راني نطل ونهرب والله راني ميتة بالعيا اليوم غسلت 3 سلوكة حوايج و2 كوفيرطات ودرت جواز بطاطا وكي طاب جا وليدي على 9 قالي الخبز مكانش نضت علي همي عجنت مع دلاع وقازوز ولبن ولله الحمد راهي السخانة انا كون ماشي لانسولين جوعني والله منكل غير اللبن ولا دلاع بالخبز موالفة في الصيف ندير لاتاي تع الصح وهذا العام راني غير نزيد المهم راكم الله يبارك الواحد يتكل عليكم فحلات ونص ويعطيكم الصحة

omomnia15 · 2014-06-23, 22:19

ليدي هذاك طرف اللحم ديري فالفرن بالخضر امم يجي يهبل وزيديلو سلاطة خضرا راني دبرت عليك ها دبري علي ههههههههه

ladymillion · 2014-06-23, 22:25

ام امنية نديروا في اكياش الشواء؟؟؟ ونداويه مليييح وبلاك ندير حتى انا لوبيا خضرا او بوري /// قوليلي واش عندك انت باش نعاونك حبوبة
ام ماجد علاه ماصورتش روزا طيابها نشتي نشووووووووف نتوقب هههههههههه