|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
اللي حاكمة مصروف الدار تتفضل معانا
 |
|
|
أدوات الموضوع | انواع عرض الموضوع |
|
|
2013-04-28, 16:52
|
رقم المشاركة : 1 | |||||
|
اقتباس:
أختي قلتيلي المدخول الكلي 5 ملاين و300 ألف
نحاولو نقصو المليون و 300 ألف نخلوها للقسط نتاع السيارة و نتصرفوا على أساس عندنا 4 ملاين بداية النت خلصي ب 6 أشهر تطلعلك حوالي 650 ألف بالتقريب و الفيكس ديريه يستقبل فقط يعني تخلصي عليه غير 37 ألف الغاز و الكهرباء ما قلتيليش قداه مالفة تجيكم نقول بالتقريب 600 ألف هذي المصاريف الأساسية مليون و 300 ألف تبقالنا من 4 ملاين 2 ملاين و 700 ألف يتبع 700 ألف تشري بيها المواد الأساسية اللي تحتاجيها من سكر و قهوة و زيت و معجنات تبقى 2 ملاين تنحي منها 500 ألف مجموع تاع مصاريف اللحم اللي هي 4 دجاجات 240 ألف كيلو لحم مرحي 130 ألف كيلو لحم البرمة 130 ألف تبقى مليون و نص 500 ألف للخضرة و البيض بحيث كل أسبوع تشري ب 100 ألف خضرة ما تفوتيش و ال 100 الباقية 2 بلاوات بيض و الباقي ياؤورت و نفضل تديريه في البيت أنظف و أوفر بكثير المليون إذا احتجت حاجات ظرورية مواصلات أو تباريك للمناسبات أو مصاريف جيب و إذا تبقالك حاولي توفريه على قد ما تقدري حتى تحققي هدفك و تشري السيارة و إن شاء الله مبروك عليك مسبقا إن شاء الله نكون اتوفقت في حالة ما نجحت معاك طريقتي ياريت تعودي للمووضوع و تحطي تجربتك باه البنات يستفادو
|
|||||
|
2013-04-28, 17:37
|
رقم المشاركة : 2 | ||||
|
اقتباس:
|
||||
|
2013-04-28, 19:01
|
رقم المشاركة : 3 | |||
|
ملي كتبتلك المرة الاولى كانت في 09-2012 كان عمر ابني 5 شهر وكان يكونسومي الحليب ياسر وكنت حابة تردي عليا وتعاونيني بفكرة على خاطر طريقتك حالا مليحة |
|||
|
2013-04-29, 08:14
|
رقم المشاركة : 4 | ||||
|
اقتباس:
أختي راكي حيرتيني خلصتك 2 ملاين و نص و حابة تحكي بالفيكس 300 ألف و وليدك من 400 حتى ل500 واش بقى في الشهرية
معليش ما تغضبيش مني حاولي الشهر هذا تبدلي السيستام مثلا الفيكس ديريه يستقبل و هاو عندك الأنترنيت و كاين البورطابل ديري العفايس تاع القراتوي فقط باش نخرجو بنتيجة و ما تضطريش تدديني راح نحاول نديرلك التقسيم بصح إمشي عليه قدر المستطاع ما تصرفيش أكثر من هاذاك شوفي في البداية عندنا 2 ملاين و نص تبدي تخلصي الأنترنيت لمدة 6 أشهر و يعطوك شهر قراطوي تطلعلك ب 650 ألف هذا المصروف تصرفيه غير الشهر الأول و من بعد في الشهر الثاني و 3 و 4 و غيره راح تربحيها إنت هاذيك 650 ألف فهمتيني نقصنا 650 ألف تاع الأنترنيت و زيديلها 400 ألف تاع البيبي ما ننقصوش منها لأنه يحتاج لا كوش و الحليب و غيره هكذا راهي مليون و 50 ألف مصاريف زيدي 50 ألف خليها للخبز في ظرف واحدها هكذا نقفلو مليون و 100 ألف الآن تبقات لينا مليون و 400 ألف نقصي منها 600 ألف إشري بيها المواد الأساسية و اللي تحتاجيها فقط ما تشريش الزايد يعني زيت +سكر+قهوة+طماطم+إيزيس +............. بالكمية اللي تحتاجيها أنا 5 في العائلة نشري ب750 ألف إنت 3 في العائلة حطيتلك 600 ألف تبقى 800 ألف نقصي منها 400 ألف لحم و توابعه 3 دجاجات ب 150 ألف + كيلو لحم مرحي أو لحم برمة ب 130 ألف +رطل مرقاز 65 ألف أو كيلو دوارة ب 50 ألف+ كيلو سردين ب 30 ألف يجوك ب 400 ألف تبقى 400 ألف تخليها للخضرة كل أسبوع 100 ألف خضرة و كيلو فاكهة للأسف ما بقالكش مصروف توفريه بصح من الشهر الثاني فصاعدا راح توفري حق النت اللي هو 650 ألف لمدة 5 أشهر و في الشهر السادس تدفعي 650 ألف إن شاء الله يكون عجبك التقسيم و ما تزعفيش يا الحنونة |
||||
|
2013-04-28, 21:28
|
رقم المشاركة : 5 | |||
|
موضوع رائع قسميلي مبلغ 2ونصف بدون غاز وتريسيتي عندي طفل 5 سنوات و طفلة 1عام |
|||
|
2013-04-29, 08:39
|
رقم المشاركة : 6 | ||||
|
اقتباس:
بداية إشري الحوايج الأساسية اللي تكفيك شهر
بيدون زيت 4 باطات طماطم تاع رطل واحدة ملح واحدة خل واحدة زهر 5 كيلو سكر 3 باطات قهوة 5 باطات لحظة 2 كيلو كسكسي 2 كيلو أرز مفور 2 كيلو معجناتك المفضلة ثريدة أو رشتة أو مقرونة 2 كيلو حمص 2 إيزيس 2 جافيل 2 صاني بون 2 أريال تاع القش في حدود 700 ألف زيديلها 100 ألف كاشير و فورماج و تن لحد الآن صرفنا 800 ألف واتهنينا من الحوايج الأساسية تبقالنا مليون و 700 ألف تنقصي منها 100 ألف لللاكوش تاع البيبي و 100 ألف للفليكسي تاع شهر و 500 ألف 3 دجاجات و كيلو لحم مرحي + رطل لحم البرمة + 2 كيلو سردين + كيلو دوارة أو رطل مرقاز و يتبقالك صرف كملي بيه البيض يبقالنا مليون تنقصي منه 400 ألف خضرة كل أسبوع 100 ألف هكذا لمدة شهر و 50 ألف خبز تبقى 550 ألف تحتفظي بيها في ظرف إذا احتجت ليها لحاجة ضرورية إجبدي منها و إذا ما احتجتيهاش حاولي توفريها كل شهر 500 ألف بالشوي تولي مليون و بعد مليون و نص و هكذا يعني حاولي تنسيها نهائيا و تعتبري نفسك تخلصي فقط 2 ملاين تم بفضل الله |
||||
|
2013-04-29, 08:36
|
رقم المشاركة : 7 | |||
|
السلام عليكم عندي 4اولاد و وشهرية 3 ونصف |
|||
|
2013-04-29, 08:42
|
رقم المشاركة : 8 | ||||
|
اقتباس:
و عليكم السلام يا ريت تكتبيلي قداه موالفة تجيكم الفواتير بالضبط غاز و كهرباء و الماء و الفيكس و النت و عندكم سيارة أم لا معليش راني عدت من مدة قريبة للموضوع و تاهت مني المشاركات يعني تهاون مني لا تجاهل |
||||
|
2013-04-29, 09:18
|
رقم المشاركة : 9 | |||
|
شكرا اختي اسعد الله صباحك انا الريجيم يلي نمشي عليه كيما قلتي نشري كلش مي البنت والولد يحتاجو ملابس دايما في اغلب الاوقات و احيانا نلم شوية دراهم مي مرة علي مرة يطيحو الضياف وتلقايني نصرف الدوبل من كلش واذا مشينا للاهل كذلك نفس الموضوع وزيد علي ذلك وينا المتطلبات الشخصية وما الي ذلك هي الكلام ساهل والتطبيق وووووالو وين الحل انا كل شهر تخرجلي حاجة جديدةوما نلم والو عفوا اطلت الكلام عليك واتمني الافادة |
|||
|
2013-04-29, 09:38
|
رقم المشاركة : 10 | ||||
|
اقتباس:
صباح النور أم سيرين
بالنسبة لملابس اللأولاد حاولي ما تكثريلهمش لأنهم بالخف يكبرو و كي تشريلهم القش ما تخلطيش تاع الخرجة خليه للخرجة نظيف و مكوي و دايما يبقالهم جديد و تاع الدار حوايج خفاف و خاصة رانا داخلين على الصيف بالنسبة للضيوف تكوني دايما جاهزة في الدار كي تديري الصابلي أو المقروض أو الرفيس دايما خبي شوي في الكونجيلاتور باش كي يجيك ضيف ما تتفجعيش و تظطري تصرفي أكثر من اللازم و زيد العصاير أخدمي في الدار كاين عصاير زاكية و بنينة كيف كيلو تشينة تجيب 5 لترات عصير مثلا عصير الجزر يجيب حوالي 3 لترات و عصير الصوامعية تاع القارس كيلو قارس يجيب 3 لترات و كذلك كي تسمعي بضيف جايك من الصباح تقدري تديري تحلية تزيد في الصينية و ما تكلفكش إن شاء الله حتى فلان كذلك الشامية أنا نشري الباط الكبير تاع 5 كيلو ب130 ألف تاع البلاستيك يقعد مدة طويلة و الله كون يجيني ضيف على غفلة كل شيء من الدار وزيدي أي استفسار راني موجودة و إن شاء الله تستفادي مني و لو بالقليل |
||||
|
2013-04-29, 09:55
|
رقم المشاركة : 11 | |||
|
شكرا وجزاك الله خيرا رايحا نجرب و ندير بالنصائح نتاعك وانا في المتابعة معاكم ان شاء الله والحمدلله علي نعمه الكثيرة |
|||
|
2013-04-29, 10:07
|
رقم المشاركة : 12 | ||||
|
اقتباس:
فعلا الواحد ديما يقول الحمد لله كاين الكثير ما عندهمش دخل و راهم عايشين واحنا عندنا دخل و نقولو رانا حاصلين و ما تكفيش لا تكفي بإذن الله المهم النظام و دايما أول ما نحكمو المصروف نسمو بسم الله و نقولو اللهم بارك لنا في رزقنا و ما ننساوش الصدقة و الله عن تجربة 50 ألف رجعتلي 500 ألف و عن ربي طبعا ما يضيع والو سامحيني طولت عليك |
||||
|
2013-04-29, 10:08
|
رقم المشاركة : 14 | ||||
|
اقتباس:
على العكس أنا اللي نقولك إسمحيلي لأني طولت عليك
وربي يباركلكم في أرزاقكم |
||||
|
2013-04-29, 10:35
|
رقم المشاركة : 15 | |||
|
ماهو لحم البرمة و نعتينا سيدتي كيفاش تقتصد البنت العازبة أو كيفاش تتصرف في مالها |
|||
|
| الكلمات الدلالية (Tags) |
| مصروف, معانا, المد, الدار, تتفضل, حاكمة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
