همزة وصل بين المعلم والولي : في طبعته الثالثة - الصفحة 212

محمد مصطفى الحبيب · 2014-12-17, 21:54

وفقك الله الأخت أم أسيل ....بارك الله فيك.

MANOU1 · 2014-12-17, 22:05

حراير.........
................................
ماشاء الله على لينا شفتي و انت خايفة عليها باذن الله راح تتميز اكثر في الفصل الثاني فم وين تلقى روحها والفت اكثر
نضن انك كنت تشوفي لمشكل اللغة بمنظور حنان الام المهم مبروك و مبروك عليك انت ايضا الفرحة
........................
شفتي ؟؟؟؟؟؟؟ و الله مكنت متوقعة هذا المعدل حتى اهلي قالولي خلعتينا احنا قلنا تجيب 7 او اقل لكن انا من خوفي ...............مثل ما قلتي قلب الام
لكن الحمد لله و ان شاء الله الفصل الثاني تجيب خير

MANOU1 · 2014-12-17, 22:09

اخت ام سرمد الاخوة جاوبو و انا رائي من رايهم
روحي احكي معاها و متخليش حق ولدك يضيع

غصن البآن · 2014-12-17, 22:27

اقتباس:

المشاركة الأصلية كتبت بواسطة place audin

وفقك الله الأخت أم أسيل ....بارك الله فيك.

اللهم امين..........ربي يجازيك اخي الفاضل...........و يباركلك في حياتك......... واصل تميزك...........ماشاء الله.........نحو الاحسن

~ حراير ~ · 2014-12-17, 22:37

ام اسيل هنيئا لك بمعلمة وئام هذا شيئ مشرف
و من باب و ذكر ان الذكرى تنفع المؤمنين
نقلك " انت وش يهمك اكثر الكم او النوعية ؟؟؟؟ "
حسيتك راح نديري حرب مع الوقت

نصيحة خليها بين دراسة و لعب من درك ديري برنامج تاع العطلة و خلي وئام تشاركك في وضع البرنامج باش تقيمي عليها الحجة و الدليل
قال انت الي حطيتي البرنامج هيهيهه صغيرة مسكينة
من المفروض نقولو عطلة سعيدة لكن و على ما يبدو راح نقلك بالتوفيق

........................

ام لينا صدقولك اهلك
مبروك مرة اخرى و هدا راح يكون حافز للينا باش تحفظ مليح مشروعها
افنان كملت الحفظ و راهي تدرب على الكتابة و الاملاء مع
اما سلسبيل الي في سن لينا راهي مازالت بين و بين

طمنينا على اولادك التوام وش راهم؟؟؟

...................................

دلال 30 · 2014-12-17, 22:42

اقتباس:

المشاركة الأصلية كتبت بواسطة serine alger

وعليكم السلام
بالنسبة ل**تميم** الحمد لله لأنو كاين تحسن وهذا مشجع.و أما **حذيفة** فبالمراجعة الدائمة أكيد رايح يتحسن وياخذ المعدل 8 و9 ان شاء الله.
على فكرة المعدلات تختلف من قسم لقسم اخر ومن مدرسة لمدرسة أخرى.فمثلا في مدرسة ابني علامة التقويم لا تتعدى 16 وفي مدارس أخرى نجد 20.
المهم سر النجاح هو**الاستمرارية** يعني الاستمرارية هي اللي توصلك للهدف.
بالتوفيق.

السلام عليكم ورحمة الله وبركاته,,,
اختي serine alge بارك الله فيك...والله قد ازحت الهم عن قلبي كثيرا.... ثقتي في الله كبيرة انو مش راح يضيع تعبنا سدى....مشكلة "حذيفة" انو قليل التركيز... اما بالنسبة لتميم ,,, فلا اعلم كيف اصنع معه... المهم انو ف تحسن وخلاص.....
ربي يفرحك باولادك ...ويوفقك لما فيه الخير والصلاح وبارك الله فيك

دلال 30 · 2014-12-17, 22:52

[quote=~ حراير ~;3992282188]السلام عليكم و رحمة الله تعالى و بركاته

......................................
اخت دلال 7 ماعليهاش نضن افنان راح تلتحق بولدك و لكن راح نرضى بيها لاني مداير الهدف تاعي للفصل الثالث و للعام الجاي ان شاء الله
المهم في نقاط المواد الاساسية شحال معدلهم
و بالنسبة للصغير فنهنيك على تحسنو و على ملاحظة المعلمة يعني مع الاستمرارية راح يتحسن اكثر و اكثر
بالتوفيق للجميع

السلام عليكم
الله يجبر بخاطرك اختي حراير... راكي عارفة حنا الاساتذة كرشنا كبيرة شوي... نحبو اولادنا يكونو هوما الاحسن...
معدل ابني في المواد الاساسية شوي شوي.... مع انو ممتاز في اللغة ... بصح نهار الامتحان معرف واش بيه.... معلمتو ديما تشكرلي فيه في اللغة....بصح يوم الامتحان ممكن كان مضطرب... لانو شافني مقلقة ايام الامتحان وعشنا ضغط كبير.. هو مشكلتو الرياضيات والفرنسية...مع انو في الرياضيات ولاول مرة يجيب 9 في الاختبار.... لكن الفرنسية كانت النقطة كارثية... 5,5 ,,,, صحيح انا لامسة التحسن ,,, لكني فجعت بالمعدل والله.... قدر الله وما شاء فعل

serine alger · 2014-12-17, 22:54

السلام عليكم ورحمة الله وبركاته
أرحب بكل الوافدات الجدد فأهلا وسهلا بكم في بيتكم الثاني.ومبارك لكل الأطفال اجتهادهم والعطلة.
اليوم اخر يوم للدراسة في هذا الفصل وبداية العطلة لأنه غدا ان شاء الله لا توجد دراسة.الأبواب مفتوحة للأولياء لزيارة المعلمين.
اليوم وأنا فرحانة على يومين نروحو لأهلي لقضاء العطلة.للأسف حدث مالم يكن في الحسبان /
أخذت ابني للمسجد..وعند الرجوع تعثرت في الدرجة الأخيرة.ولم أستطع النهوض. حتى ساعدتني صديقتي للوصول لبيتي.ومباشرة للمستشفى دارولي البلاتخ.الحمد لله لا يوجد كسر.والله بكيت حتى شبعت لأني وجدت الحقائب باش نروحو ..وفي العطلة متعودين نخرجو ونزورو عدة أماكن.قدر الله وما شاء فعل.والله لا أدري ما أفعل.علابالي حاجة واحدة لااااازم نروح ولكن ربما ليس في الموعد المرتقب.
لا تنسوني بالدعاء.سلاااام.

غصن البآن · 2014-12-17, 23:07

اقتباس:

المشاركة الأصلية كتبت بواسطة ~ حراير ~

ام اسيل هنيئا لك بمعلمة وئام هذا شيئ مشرف
و من باب و ذكر ان الذكرى تنفع المؤمنين
نقلك " انت وش يهمك اكثر الكم او النوعية ؟؟؟؟ "
حسيتك راح نديري حرب مع الوقت

نصيحة خليها بين دراسة و لعب من درك ديري برنامج تاع العطلة و خلي وئام تشاركك في وضع البرنامج باش تقيمي عليها الحجة و الدليل
قال انت الي حطيتي البرنامج هيهيهه صغيرة مسكينة
من المفروض نقولو عطلة سعيدة لكن و على ما يبدو راح نقلك بالتوفيق

........................

...................................

واش راكي حبيبتي حراير.........و الف مبروك التفوق لاريج ماشاء الله..........والله حتى مع معلمة وئام قاتلي حابة ديري سباق مع الوقت............مي متنسايش بلي هي مازالها صغيرة...........مي كي قتلها كيفاش نحفز بنتي و شعال نكافاها على اي عمل تقوم بيه فرحت .وقاتلي نحب الاولياء لي يعتنو باهتمامات اولادهم

شفتي حنونة على هذا حطيت المشكل نتاعي باش نعرف نقسم وقت بنتي بين اللعب و الدراسة و نعوض واش فاتها بلا منضغط عليها...........

ايه فكرة مليحة نخلي وئام تشاركني في وضع البرنامج و ندخل فيه الخرجات كمكافاة كل متفرحني بالتزامها و اجتهادها............ايه ربي يوفقني و يفرح قلوبكم كيما مفرحيني بطيب كلامكم......و دعمكم المعنوي..........بارك الله فيك غاليتي و اسعد قلبك بما يرضيه

دلال 30 · 2014-12-17, 23:21

اقتباس:

المشاركة الأصلية كتبت بواسطة serine alger

السلام عليكم ورحمة الله وبركاته
أرحب بكل الوافدات الجدد فأهلا وسهلا بكم في بيتكم الثاني.ومبارك لكل الأطفال اجتهادهم والعطلة.
اليوم اخر يوم للدراسة في هذا الفصل وبداية العطلة لأنه غدا ان شاء الله لا توجد دراسة.الأبواب مفتوحة للأولياء لزيارة المعلمين.
اليوم وأنا فرحانة على يومين نروحو لأهلي لقضاء العطلة.للأسف حدث مالم يكن في الحسبان /
أخذت ابني للمسجد..وعند الرجوع تعثرت في الدرجة الأخيرة.ولم أستطع النهوض. حتى ساعدتني صديقتي للوصول لبيتي.ومباشرة للمستشفى دارولي البلاتخ.الحمد لله لا يوجد كسر.والله بكيت حتى شبعت لأني وجدت الحقائب باش نروحو ..وفي العطلة متعودين نخرجو ونزورو عدة أماكن.قدر الله وما شاء فعل.والله لا أدري ما أفعل.علابالي حاجة واحدة لااااازم نروح ولكن ربما ليس في الموعد المرتقب.
لا تنسوني بالدعاء.سلاااام.

طهورا ان شاء الله.... كيما يقولو لكبار... كل تأخيرة وفيها خيرة.... اكيد ربي شايفلك الخير في انك ماتسافريش ف الموعد الي انت حددتيه.... تفاءلي خيرا.... وتهالي ف روحك مليح.... والحمد لله انومافيش كسر

غصن البآن · 2014-12-17, 23:28

اقتباس:

المشاركة الأصلية كتبت بواسطة serine alger

السلام عليكم ورحمة الله وبركاته
أرحب بكل الوافدات الجدد فأهلا وسهلا بكم في بيتكم الثاني.ومبارك لكل الأطفال اجتهادهم والعطلة.
اليوم اخر يوم للدراسة في هذا الفصل وبداية العطلة لأنه غدا ان شاء الله لا توجد دراسة.الأبواب مفتوحة للأولياء لزيارة المعلمين.
اليوم وأنا فرحانة على يومين نروحو لأهلي لقضاء العطلة.للأسف حدث مالم يكن في الحسبان /
أخذت ابني للمسجد..وعند الرجوع تعثرت في الدرجة الأخيرة.ولم أستطع النهوض. حتى ساعدتني صديقتي للوصول لبيتي.ومباشرة للمستشفى دارولي البلاتخ.الحمد لله لا يوجد كسر.والله بكيت حتى شبعت لأني وجدت الحقائب باش نروحو ..وفي العطلة متعودين نخرجو ونزورو عدة أماكن.قدر الله وما شاء فعل.والله لا أدري ما أفعل.علابالي حاجة واحدة لااااازم نروح ولكن ربما ليس في الموعد المرتقب.
لا تنسوني بالدعاء.سلاااام.

وعليكم السلام .......

يا عمري مايقيسك شر باذن الله و ربي يشافيك و يعافيك و يحفظك لاولادك يا رب...............قدر الله و ماشاء فعل...........ربي حفظك ...........معليش ربي يفرحك باولادك و تفوتي العطلة معاهم كيما يحب خاطرك............ بالتوفيق حبيبتي و ماعليك شر يا رب........

دلال 30 · 2014-12-17, 23:58

اقتباس:

المشاركة الأصلية كتبت بواسطة miku hatsune

اهلا اخت دلال.....ونعم بالله..... لقد اسعدتني ردودكم ونزلت على قلبي مثل البرد....لدي طلب لو سمحت اخذفي مشاركتي من الاقتباس لان حذفت الاصلية لاني لا اريدها ان تبقى في الارشيف...وهذا من مبادئي لان هذه الهمزة ستبقى لاجيال بعدنا......مع شكري لتفهمك.....في امان الله ودمت.......غدا ساطلعكم بالجديد ان شاءالله.

راني حذفتها يا اختي.....ربي يعطيك عى قد قلبك وطيبتك ..... ربي ييسرلك كل امورك يا رب
ليلة سعيدة

آيات سرمدية · 2014-12-18, 00:04

اقتباس:

المشاركة الأصلية كتبت بواسطة دلال 30

راني حذفتها يا اختي.....ربي يعطيك عى قد قلبك وطيبتك ..... ربي ييسرلك كل امورك يا رب
ليلة سعيدة

مشكورة اختي .....وفقك الله لمايحبه ويرضاه.....واصلح امور ابنائك..ووفقهم.....اللهم ااااامين.

ombouchra · 2014-12-18, 00:16

اتمنى لك الشفاء العاجل .....كيما يقولو ناس زمان كل تاخيرة وفيها خيرة ........عسى ان تكرهو شيئا وهو خير لكم ....ان شاء الله يتم الشفاءو تجوزي االعطلة .......كيمايحب الخاطر والحمد لله على السلامة مرة اخرى

*أم كوثر* · 2014-12-18, 07:17

السلام عليكم
شكرا لكل من هنأ ابنتاي
بارك الله فيكم وربي يحفظلنا اولادنا ويجعل التفوق دائما من نصيبهم
سيرين لم تفرح بالمعدل لانها لم تتحصل على الرتبة الاولى
اما ملاك فهي جد سعيدة اذ انها نالت تكريمين
من المعلمة ومن المدير
هدايا بسيطة لكنها سعدت بها كثيرا
.........
كلمة لتلاميذ الاولى متوسط
الفصل التاثي راه بدى ماتقولوش راهي العطلة وفرصة للراحة والتجوال ووو العكس اغتنموها في تكثيف المراجعة لان الفصل التاني اصعب
سيرين بالامس تحصلت على نقطتين اضافيتين في الفيزياء لانها حضرت درس المحلول المائي عكس بقية التلاميذ اللي بداو عطلتهم على قول الاستاذة
ومن الاحسن ديروا برنامج حسب عدد ايام العطلة ولاضير في استراحة مدة يومين او ثلاث