منح العطب و التقاعد بعد المصادقة على قانون المالية 2013 - الصفحة 2100

labadi · 2014-03-01, 21:42

كل واحد يتسلح الكوردة والكاسك والصاكودو فيه الرفيس

عبد_القادر · 2014-03-01, 21:45

المشكلة ان المنظمة كانت غائبة في الوقت اللازم، والمشكلة الان جاء وقت الاستحقاقات الانتخابية.

labadi · 2014-03-01, 21:47

نعم يا أخواني البلاد علي شفا حفر من نار علينا الدفاع علي مطالبنا بالوسائل السلمية
لأن الوضع الراهن جد خطير تقدر تروح البلاد بسب قضيتنا الي الهاوية وهذا مجرد رأي
يا اخواني

عبد_القادر · 2014-03-01, 21:49

ان مشكلتنا او حقوفنا راهي واضحة، والى جهة معينة وليس لنا دخل في ما يجرى في الجهات الاخرى.

عبد_القادر · 2014-03-01, 21:51

لازم الجهة المعنية بمطالبنا ان تتفهم الوضع وتحقق لنا مطالبنا عن طريق الحوار والتفاهم. والانصات لكلامنا.

عبد_القادر · 2014-03-01, 21:55

لقد اتصلت باحد اخواني واخبرني انه هاتف احد الموظفين ببلكور واخبره انه ليس هناك لي جديد في هذا الشهر، ولا توجد اي مراسلة.

~~مراد سابقا8~~ · 2014-03-01, 21:56

يا أخ عبد القادر

وزارة الدفاع تعرف مطالبنا جيدا

ولكنها لا تريد لها الحل

يعني الإرهابيين خير منا أحنا

أبدا أبدا

حياتنا كامل وأحنا نقولوا الوطن

بصح بزايد بركات

أحنا قدمنا للوطن لازم الوطن يقدر تضحياتنا

بغاوها تولي كيما سوريا خلي

أين العدالة الإجتماعية

nizar10 · 2014-03-01, 22:00

يا جماااااااااااااااااااعة حنا عندنا مطالب وراها مهضومة لكن الوقت هذا لا يسمح بان ننجر من اذاننا الى تدمير بلادنا ولا نسمح ان نسيس من طرف سياسيون يدعون انهم يطالبون بحقنا لكن المصالح تاعهم . وعلاه منضمة اذا كانت تخرج الاف المتقاعدين للشارع وتروح للعاصمة يخي كاين في كل ولاية منضمة يروحو ممثلين فقط للوزارة علاه ينوضو الحرب يا جماعة كاين الناس من الجيش اذا احتكو بعناصر الامن والله تتخلط وخاصة نتاوع البارا والجنود ...يا جماعة رانا عسكر والقطاع تاعنا حساس يمكن ان يتخذ قطاعنا كنموذج لاعطاء الضو الاخضر لاحزاب او منضمات لاشعال نار الفتنة ...الناس تطالب بحقها يقولك هاذو العسكر كونتر بوتفليقة او غير ..يا جماعة خلو الانتخابات الله يسهل عليهم ... حنا حماة الوطن نعم حقوقنا مهضومة لكن ليس الوقت المناسب ؟؟؟

عبد_القادر · 2014-03-01, 22:01

واش نديرو ، الوطن اغلى من كل شيء في هذه الدنيا، حب الوطن من الايمان بعد عبادة الرحمان واتباع منهاج النبي العدنان محمد صل الله عليه وسلم

عبد_القادر · 2014-03-01, 22:06

النصوص القانونية موجودة والقرارات مكتوبة وما بقي الا التطبيق

nizar10 · 2014-03-01, 22:08

لالا يا اخي الكريم المنضمة تاعنا اسمحلي نقولك هذا وين فاقو كانو راقدين نعم كانو راقدين والان فطنو ولكن هل الوقت لي فطنو فيه مناسب ؟؟؟؟ خلال سنوات كانت المنضمة في سبات كانو لاتين بمصالحهم الشخصية انتخاب اعضاء ومعلباليش والان يحوسو يشعلو الحالة لا اخي راك تعرف واش يصرا اذا شرطي ضرب عسكري الله يستر حنا رانا محافضين عن النضام وعلى الدولة وعلى وحدة الامة ....حنا لازم يضربو علينا الجماعة تاع المنضمة لي زعما رانا منتخبينهم ...يا اخي الكر يم وكان كل 7 افراد تاع المنضمة يروحو للوزارة من كل ولاية يشكلو كتيبة الله يبارك وممكن يوصلو المطالب بطرق سلمية راني عارف واش راني نهدر ...............منبداوش نخلطو

عبد_القادر · 2014-03-01, 22:15

مشكلتنا حنا المتقاعدين العسكريين، مين كانت الناس تهدر على حقوقها (الزيادة-الرتب- المنصب) حنا كنا راقدين او بالاحرى المنظمة كانت غايبة. نتمنى وزارة الدفاع تتلهى بامورنا شوية. ما الازمش نخلطو اونصطادوا في المياه العاكرة.

labadi · 2014-03-01, 22:15

تصبحون علي خير الانترنت راهي ثقيلة ما يكون غير الخير

nizar10 · 2014-03-01, 22:17

من المفروض حنا يا جماعة نروحو نحتجو على المنضمات لي راهم يتمسخرو بينا والمتقاعدين وكل واحد داير روحو عنتر بن شداد او عنتر زمانو ...يخي قالك نضربو عليكم وعلاه متحدوش وراحو للوزارة الوصية او قدمو مطالب ..يا جماعة كاين وزارة وكاين محكمة عسكرية وكاين كلش العنو بليس ...المشكل في الرئساء تاع المنضمات والاعضاء يديرو ندوة ويقعدو يتحفونا بالخطابات الرنانة ...عنتر زمانو ...الله يستر لبلاد نروح نرقد على روحي تصبحو بخير..

عبد_القادر · 2014-03-01, 22:43

تصبحوا على خير وليلتكم سعيدة