دورة فراشات تزهو بالألوان بيوتهن قمة في النظافة و التنظيم و التدبير و الاتقان - الصفحة 21

~ حراير ~ · 2015-03-04, 20:14

يتسما نحسو باسم الله الودود من جيهتين الله يحبني و انا احب الله

الله يحبني كلمة كبيرة حسيها سع لاني منين جيت نحسها حرت و حشمت من روحي
و باش تحسي بحب ربي نذكرك بهاد الاية الكريمة

﴿ إِلَّا مَنْ رَحِمَ رَبُّكَ وَلِذَلِكَ خَلَقَهُمْ﴾

سبحانه الرحمن الرحيم جبار المكسورين الودو
خلقهم ليسعدهم، خلقهم ليرحمهم، خلقهم لجنة عرضها السماوات والأرض،
خلق الله الخلق ليرحمهم، خلقهم ليهديهم سبل السلام، خلقهم ليسعدهم،

خلق الخلق ليُحسن إليهم

ماعندي وش نزيدك لكن فكري مليح درك انت كيفاش راح تحبي ربي

كبيرة هاد الكلمة و سؤال صعيب؟؟؟

في الحق ساهل على المؤمن الملتزم بتعاليم القران و السنة نعطيك رؤوس أقلام برك

أولاً: معرفة الله ..
فالله يحب أن تتعرف عليه، كما يقول النبي " تعرَّف إلى الله في الرخاء، يعرفك في الشدة"
وقال "إن الله ليعجب من العبد إذا قال: لا إله إلا أنت إني قد ظلمت نفسي فاغفر لي ذنوبي إنه لا يغفر الذنوب إلا أنت، قال: عبدي عَرِفَ أن له ربًّا يغفر ويعاقب"
ومن أعظم الأسباب التي تُعين على معرفة الله تعالى:
التفكُّر في خلق السماوات والأرض • ومطالعة أسماء الله تعالى وصفاته • و استشعار نعم الله على العبد

ثانيًا: حب النبي واتبـــاع سُنَّته ..
فمن اتبع رسوله فيما جاء به، وصدق في اتباعه، فذلك الذي أحب الله وأحبه الله .. قال تعالى {قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ}

ثالثًا: كثرة ذكر الله تعالى ..
قال ذو النون "وَمَنْ شُغِلَ قَلْبُهُ وَلِسَانُهُ بِالذِّكْرِ، قَذَفَ اللهُ فِي قَلْبِهِ نُورَ الِاشْتِيَاقِ إِلَيْهِ"

رابعًا: حب القرآن وتلاوته بتدبُّر وتفكُّر ..
عن عائشة: أن النبي بعث رجلاً على سرية وكان يقرأ لأصحابه في صلاتهم فيختم ب { قُلْ هُوَ اللَّهُ أَحَدٌ } [الإخلاص:1] .. فلما رجعوا ذكروا ذلك للنبي ، فقال "سلوه لأي شيءٍ يصنع ذلك". فسألوه، فقال: لأنها صفة الرحمن وأنا أحب أن أقرأ بها، فقال النبي "أخبروه أن الله يحبه" أحبَّ { قُلْ هُوَ اللَّهُ أَحَدٌ }، فأحبَّهُ الرحمن. *** يا حظه دبرها كون غير جيت انا***

خامسًا: الانكسار والذلَّ بين يدي العزيز الجبــار ..
فإن منن الرحمن تفيض على أهل الانكسار .. قال تعالى { وَلَقَدْ نَصَرَكُمُ اللَّهُ بِبَدْرٍ وَأَنْتُمْ أَذِلَّةٌ ..}

نقلكم سر والله منين ندعي بانكسار و نقولو يا ربي راني ضعيفة و انت القوي يا ربي ذنوبي بزاف و انت الرحيم يا رب راك قلت ادعوني نستجيب لكم و راني ندعيلك
والله العظيم غير ما نوض من الزربية و قلبي راااااااااايح راحة و هدوء و سعادة لا توصف ماتقولوليش ماجربتوهاش

سادسًا: التقرُّب إليه بالفرض وكثرة النوافل، لاسيما الصلاة ..
كما ورد في الحديث القدسي " .. وَمَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ، وَمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ .."

سابعا : تذكُّر نعيم أهل الجنة، ورؤيتهم لربِّهم ..
فاستحضار هذه اللحظة يُسكِب في القلب معاني المحبة.

ثامنا: محبة أولياء الله ومجالسة الصالحين المحبين ..
و طبعا أهمها حب الصحابة و اهل البيت رضي الله عنهم

تاسعا : المبادرة إلى التقرب لله بالطاعات ..
قال النبي "قال الله : يا ابن آدم، قم إليَّ أمش إليك، وامش إليَّ أهرول إليك"

عاشر: محبة لقاء الله ..
والاستعداد له بالزيادة في الأعمال الصالحة، عن عبادة بن الصامت قال: قال رسول الله "من أحب لقاء الله أحب الله لقاءه، ومن كره لقاء الله كره الله لقاءه"

و طبعا بلا ما ننسى انه
والمودة بين المسلمين أمر واجب لأن الله جلّ جلاله يقول ( والمؤمنون والمؤمنات بعضهم اولياء بعض ) ويقول الرسول صلى الله عليه وسلم " المؤمن للمؤمن كالبنيان يشد بعضه بعضا .
لانه امس نسيت نقلكم عمدكم تنساو او تتنساو انه ربي تكلم مع الرحم و قاللها سميتك باسمي فمن قطعك قطعته و من وصلك وصلته
فانتبهو خياتي

~ حراير ~ · 2015-03-04, 20:23

بقى أخيرا نقوللكم على الدعاء باسم الودو

لكن قبلها نحذركم من البدع
في الطواف او السعي طبعا 7 أشواط يقولونا كاين دعاء لكل شوط و هاد بدعة هي صح مليحة لكن الاحسن نتمسكو غير بواش ثبت على الحبيب صلى الله عليه و سلم
على هك نقلكم غير الي ثابت و الي نعرفو طبعا على اسم الله "" الودود ""

قال رسول الله صلى الله عليه و سلم "اللهُمَّ إِنِّي أَسْأَلُكَ فِعْلَ الْخَيْرَاتِ وَتَرْكَ الْمُنْكَرَاتِ، وَحُبَّ الْمَسَاكِينِ، وَأَنْ تَغْفِرَ لِي وَتَرْحَمَنِي، وَإِذَا أَرَدْتَ فِتْنَةَ قَوْمٍ فَتَوَفَّنِي غَيْرَ مَفْتُونٍ، أَسْأَلُكَ حُبَّكَ وَحُبَّ مَنْ يُحِبُّكَ، وَحُبَّ عَمَلٍ يُقَرِّبُ إِلَى حُبِّكَ"، قَالَ رَسُولُ اللهِ "إِنَّهَا حَقٌّ فَادْرُسُوهَا ثُمَّ تَعَلمُوهَا"

"اللَّهُمَّ إِنِّي أَسْأَلُكَ حُبَّكَ وَحُبَّ مَنْ يُحِبُّكَ وَحُبَّ عَمَلٍ يُقَرِّبُنِي إِلَى حُبِّكَ، اللَّهُمَّ مَا رَزَقْتَنِي مِمَّا أُحِبُّ فَاجْعَلْهُ قُوَّةً لِي فِيمَا تُحِبُّ، وَمَا زَوَيْتَ عَنِّي مِمَّا أُحِبُّ فَاجْعَلْهُ فرَاغاً لي فِيمَا تُحِبُّ، اللَّهُمَّ اجْعَلْ حُبَّكَ أَحَبَّ إِلَيَّ مِنْ أَهْلِي وَمَالِي وَمِنَ الْمَاءِ الْبَارِدِ عَلَى الظَّمَأِ، اللَّهُمَّ حَبِّبْنِي إِلَيْكَ وَإِلَى مَلائِكَتِكَ وَأَنْبِيَائِكَ وَرُسُلِكَ وَعِبَادِكَ الصَّالِحِينَ، وَاجْعَلْنِي مِمَّنْ يُحِبُّكَ وَيُحِبُّ مَلائِكَتَكَ وَأَنْبِيَاءَكَ وَرُسُلَكَ وَعِبَادَكَ الصَّالحِينَ، اللَّهُمَّ أَحْيِ قَلْبِي بِحُبِّكَ وَاجْعَلْنِي لَكَ كَمَا تُحِبُّ، اللَّهُمَّ اجْعَلْنِي أُحِبُّكَ بِقَلْبِي كُلِّهِ، وَأُرْضِيكَ بِجُهْدِي كُلِّهِ، اللَّهُمَّ اجْعَلْ حُبِّي كُلَّهُ لَكَ، وَسَعْيِي كُلَّهُ في مَرْضَاتِكَ"

chez biba · 2015-03-04, 20:28

اقتباس:

المشاركة الأصلية كتبت بواسطة بعيدة المنال

الله يحفظك ويمتعك مع من تحبين يا ملكة النحل على قول أختنا حرة الحراير البرنامج عجبني بزاف بديتو البارح نظفت الكوزينة ولمعت البوتاجي وهذا في حد ذاته إنجاز بالنسبة لي
بدأت يومي( على خلاف ما نصحتك ) نصبت الغداء باش يوجد قبل خروجي للعمل زوجي يرفض فكرة الغداء البايت ثم أديت حق ربي أما التزين وما تزين خاطيني وقت العمل ربما في العطلة أو يتفرز وقتي مع برنامجك وتشجيع أخواتي لي المهم وجدت الفطور ونوضت وليداتي في الحقيقة معاناتي تبدأ هنا لأنهم يرفضو يفطرو مع أنهم في الامتحانات تقوليلي تحايلي عليهم تفننت في التحايل : عملتلهم الفلان بدل الحليب مرة اثنين ورفضوه نحللهم بالفاكهة والو نوجد بعض أنواع القاطو ما يقدروش يفطرو على الحلاوة خدمت لي كراب على اعتباره حليب وبيض بطريقة غير مباشرة يقولولي خليهنا حتى نرجعوا باختصار معاناااااة
فكرة تحضير لوازم الخروج في الليل رائعة رايحة نطبقها باذن الله من الليلة
بقية اليوم تعرفين جري برة ولداخل وصلني الليل عشيت وليداتي وهاني نايضة نكمل خدمتي وبرنامجي أما 15دقيقة ما كان عندي وقت اليوم إلا إذا تبقالي الآن وقت وجهد؟؟؟ظ
مارأيك علابالي تقولي ما اتفقناش هكا لكن الله غالب هدا وش قدرت

نفس المشكل مع بنتي ما تحبش تشرب لحليب الصباح ما نحتمش عليها مبصح نعطيها اللهجة تاعها بسكويت وعصير وفاكهة او فرماج وكي تروح للمدرسة تعاند وتأكل كلش وزيد المطعم ساعات برك وين تأكل جربي معاهم هاذ الطريقة ممكن تنجح

اختي حراير بارك الله فيك على الطرح القيم وانا بدوري نضم صوتي لزينب لوكان تحطيه موضوع مستقل لتعم الفاءدة وما يروحوش مع الردود

~ حراير ~ · 2015-03-04, 20:33

اولا قراءة ممتعة و نتمنى تستفادو و لو بكليمة

جيادا طهور ان شاء الله لاباس عليك

بيبا قبل مانعطيك الرابط نعطيك نبذة لانه كاين الي يقولو دخلنا للهمزة و تهنا
هاد الهمزة فيها اولياء كي حالتنا و معلمين
الاولياء يطرحو اسئلتهم تربوية تعليمية طريقة تدريس و شرح بيداغوجية و حتى نفسية و المعلمين يجاوبو طبعا اضافة لانهم الاولياء يحطو اجوبة ابنائهم و وضعياتهم الادماجية يعني التعبير و المعلمين يحلوها و ينقطوهم و فيها مشاريع للتلاميذ اولادنا مشروع حفظ نصوص فرنسية باش يتعلمو النطق الصحيح للثوالث و الروابع و مشروع وضعيات ادماجية للروابع و الخوامس في الفرنسية و العربية و بلاك تلحق الرياضيات
يعني منين تدخلي انت يا اما تحطي انشغالك او تساؤلك او تساهمي في حل انشغالات زميلاتك الامهات

https://www.djelfa.info/vb/showthread.php?t=1666234

بيبا قولي الصح ماحسيتينيش سامسونج مديتلك الرابط بكطالوج الاستعمال هيهيهيهيهيهيه

om wassim · 2015-03-04, 20:36

مساء السعادة على احلى فراشات
عشية شربت قهوة و نوضت وليدي عطيتو لقوتي
حضرت لعشا رانا غير انا و هو درت حاجة خفيفة
تعشينا و غسلت لماعن و لمعت الحوض و رتبت المطبخ
دخلت الملابس الناشفة و راني رايحة نطبقهم
درت مرطب ليديا لانه الجافيل ماخلى فيهم والو
صلاتي اليوم في وقتها الحمد لله

حبي لأمي · 2015-03-04, 20:49

يعطيك الصحة على هذي الدورة فعلا رائعة وممتعة ان شاء الله نجرب نمشي على البرامج اللي حطيتيهم

om wassim · 2015-03-04, 21:02

<< يا ودود يا ودود يا ودود ،يا ذا العرش المجيد،يا فعالا لما يريد، يا مبدئ يا معيد>> 3 مرات

samira1980 · 2015-03-04, 21:04

اقتباس:

المشاركة الأصلية كتبت بواسطة ~ حراير ~

بيبا

حبيت نقلك على همزة وصل شفتيها من قبل هنا في منتدى التعليم الابتدائي؟؟؟ عندك افكار ياريت تمديها لمن يحتاجها هناك
اذا بغيتي نعطيك الرابط

اذا وليداتك صغار لازم تديري خطة مستعجلة قبل ما يكبرو و مادامهم صغار و كي لعجين في يديك

انا بناتي منين كانو صغار والله ما يفوتو 8
و نوضهم بكري مابين 6 و نص و 7

و درك الحمدلله عمري و لا نشتكي من نواضهم للمدرسة ينوضو 6 او 6 و نص ينظمو غرفهم و يصلو و يعملو كل اعمالهم و يبقى الوقت للحكايات

راح تجيك صعيبة في الاول و من بعد يوالفو
ابداي نقصي كل يومين نص ساعة حطيهم في بلايصهم حتان يوالفو

شكرا لك بناتي الكبيرة عنها اربع سنوات و الصغيرة عام ونص الصغيرة كانت ترقد مليح بصح كي بدات تفهم شوية بدات تعاند في اختها و الكبيرة تحب تتفرج في المسلسلات على بيها تبات سهرانة وعنيدة واش نديرلها ما نفعش

حبيييبة · 2015-03-04, 21:11

حبيباتي يا فراشاتي الزاهيات
حبيت نشكر حبيبتنا حراير لانها تولت فقرة اسماء الله الحسنى
و اسرت قلوبنا بمعانيها الجميلة الرائعة التي تجعل الفؤاد خاشعا لخالقه سبحانه
و نشكر حبيبتنا بيبا لانها تولت فقرة نصائح تربية الابناء و زودت الفراشات الامهات بمعلومات قيمة و مأخوذة عن تجربة خاصة
و هذا اهم ما عجبني فيها
ربي يجازيهم خيرا عنا و يبارك فيهم و يخليهم لينا ان شاء الله

غذا باذن الله رايح نرد على مشاركاتكن فراشاتي الغاليات

يوم الجمعة باذن الله رايح كل فراشة تاخذ قلمها وورقة اللي رايح تعلقها على باب ثلاجتها باذ ن الله
و تكتب قائمة الطعام اللي راه تعده طيلة الاسبوع القادم
باه تقدر تكتب قائمة المشتريات اللي تحتاجها باه تعد اكلاتها للاسبوع بحسن تدبير و بدون تبذير و لتحاشي شراء مالا تحتاجه

و سنتعلم معا بعض كيف نرتب اسبوعنا

و سنتعلم معا بعض كيف نرتب شهرنا و كيف نستعمل الكالندر الشهري في حياتنا و حياة اسرتنا اليومية باذن الله

[IMG]https://www.elliarose.com/wp-*******/uploads/2015/02/Mars15-Violet.png[/IMG]

[IMG]https://www.elliarose.com/wp-*******/uploads/2015/03/calendrier-mars-2015-Ellia-Rose-rose-1024x722.png[/IMG]

لا تنسوا حبيباتي تكتبوا التطبيقات الجديدة في صفحة الروتينات في كراريسكن و مفكراتكن
* تلميع حوض المطبخ
* ارتداء ملابسي الجميلة و اتزين و اسرح شعري بمجرد نهوضي من الفراش
* 15د للفرز و الرمي و الترتيب
* تجهيز لوازم الغد لي و لاسرتي

"احبي نفسك"

حين تحبين نفسك:
ستعتنين بنفسك و تعطينها حقها
ستشربين كل مقدار الماء المخصص لك يوميا
ستأكلين أكلك الصحي جيدا
ستذهبين للنوم مبكرا
ستقومين بالمشي و الحركات الرياضية
ستلمعين حوض مطبخك كل ليلة قبل النوم
ستقضين على الفوضى في بيتك
ستجهزين لوازم غدك من الليلة لتيسري يوم الغد عليك
ستسبحين الله باسمه الودود

اترككم بود
احبكن في الله

~ حراير ~ · 2015-03-04, 21:24

ام ملاك نسيت قبيل كنت راح نقلك: علاش عليك تعبتيلي صحيبتي علاش حكمتيها كل بلعقل على رويحتك
ديري حمام سخون و منين تخرجي اشربي عسل محلي في كاس ما و ارقدي تريحي عليه

اقتباس:

المشاركة الأصلية كتبت بواسطة samira1980

شكرا لك بناتي الكبيرة عنها اربع سنوات و الصغيرة عام ونص الصغيرة كانت ترقد مليح بصح كي بدات تفهم شوية بدات تعاند في اختها و الكبيرة تحب تتفرج في المسلسلات على بيها تبات سهرانة وعنيدة واش نديرلها ما نفعش

اختي سميرة والله امس واحدة طلبت النصيحة منين نصحتها زعفت مني و خايفة تكوني كيفها

على هك نقلك فقط بنتي سنة اولى متوسط لحد الان ماتتفرجش غير الرسوم و بمتابعتي

اربع سنين راهي صغيرة خلاص مازال في يدك تعالجي الامر اذا اردتي راح ننصحوك كامل

سع الارادة من عندك

............................

الملكة حبوبة روحي ترقدي و انت هانية
نومالصحة و الراحة نوم لهنا

و سلامي لكل الفراشات و اليرقة الصغيرة الي بيناتنا ربي يكمللها ما طالبة

samira1980 · 2015-03-04, 21:34

شكراااا انا راني هنا غير باش نسمع لنصائح
ما نزعفش قولي واش حبيتي
والله ما لقيت الحل معاها
في سببها مانيش نتفرج تعاند فيا
نقصت عليها التفراج مسلسلات ياسر حبستهم عليها مزال في ليل تتفرج في مسلسل والله ماني عارفة عنوانو و حريم السلطان
وبنتي الله يبارك عليها ذكية

chez biba · 2015-03-04, 21:44

اختي حراير بارك الله فيك على الرابط والكاتالوج بالعكس هايل هكا سهلتي عليا ربي يسهلك كل صعيب ويفتحها في وجهك يا رب

الاخت سميرة انا نصيحتي ليك اختي ديري وقت للنوم انا بنتي منين كانت صغيرة ما تفوته التسعة لا زم انتي ديري جو تاع الرقاد كل الأضواء والتلفاز يطفاو حتى ولو انتي ما كيش راح ترقدي هكذا راح ويوالفو وبنتك ربع سنين راهي مازالت صغيرة وكيما قالت الخت حراير تقدري تتحكمي فيها

حبييييبة الحبوبة شكرا ليك انتي اختي ولو هذا ولا شيء قدام واش تقدمو انتوما، بالمناسبة حبيت نطلب منك تحطي اقتراحك تاع تقطير الأواني في موضوعي من فضلك حتى يستفادو الأخوات من هاذ النصائح وَبَارك الله فيك
هذا هو الرابط
https://www.djelfa.info/vb/showthread.php?t=1752006

زينب 83 · 2015-03-05, 00:34

السلام عليكم و رحمة الله
اليوم قريت كل الصفحات ، وحدة و حدة و بإذن الله يوم الجمعة نبدأ معاكم جديا

سلاااااااااااام

om wassim · 2015-03-05, 01:10

هذا غاسول لي نستعمل
و كاين كريم الليل و كريم النهار انا مازال ماشريتهمش

om wassim · 2015-03-05, 07:06

يا ودود يا ودود يا ودود ،يا ذا العرش المجيد،يا فعالا لما يريد، يا مبدئ يا معيد