دفتر مطبخي ركن خاص لمستمعي اسرار مطبخ دليلة** ملتقى حراير الجلفة **

[هم كريم]

اهلا بعودتكي اختي ميميشة الحمد الله كي راكي بخير و بالباركة على قريباتك عقبالك اختي
و الف الف شكر ليك و للغالية ياسمين على المجهودات الي راكم تبدلوا فيها باش تفيدونا جزاكم الله كل خير
تحياتي ليك اختي

[قطوفها دانية]

سلام
اهلااااااااااا اختي ميميشة عودة طيبة ان شاء الله

[فوزي77]

المشاركة الأصلية كتبت بواسطة mimicha1977

اختي فوزي هدا الوصفة ممكن هي لراكي تبحثي عليها هي ليك المقادير

4كوؤس فرينه
1 كوب زبدة ذائبة
قرصة ملح
ماء زهر
ملعقة أكل خميرة الخبز نوع رقيقه
كأس شاي خل

الطريقة


أخلطيالفرينه مع الزبدة والملح والخميرة جيداً

ثم ضفي ماء الزهر والخل والماء إن لزم الأمر
حتى تتحصلي على عجينة طرية ومتماسكة
أبسطيها جيدا ثم مرريها على الماكنة البقلاوة رقم 5 ثم 6
شكليها
م اقليها في زيت كثيف
قطريها ثم عسليها

ان شاء الله راح نحط وصفه قريوش دليله

شكرا لك أختي ميميشة ربي يجازيك

[mimicha1977]

المشاركة الأصلية كتبت بواسطة أم هنيدة

الله يبارك أختي ميميشة خرجلك روعة طبق الزيتون أريد أن أسالك فقط عن لون المرق لماذا خرجلك أحمر؟

شكرا ليك اختي ام هنيدة مرق خرجلي احمر لانه اخي مايحبش المرق الابيض ضفت لها ملعقة قهوة طماطم مصبرة

[mimicha1977]

بلح شام
كاس ماء ربع كاس زيت كاس و نصف فرينه ملح 2ملاعق سميد ارطب 3بيض
زيت قلي عسل
فى كسرونه ضعي الماء و زيت على نار تغلي انزعها ضفي الفرينه و سميد دفعه واحدة حركي جيدا و ارجعيها لنار حركي بالملعقة خشب حتى تتماسك المواد و العجين تبتعد عن الكسرونه
انزعها تبرد ضفي البيض حبه خلطي ثم 2خلطي ثم3 خلطي (هنا من احسن استعمل الخلاط لكن ادا لم يتوفر خلطي باليد تصبح عجينه تلصق قليلا


سخني الزيت و ضعي عجين فى كيس الحلواني خرجي اصابع ارميها فى الزيت الساخن حتى تتحمر انزعها قطرها و عسلها

[kokotg]

المكونات:كيلة سمن+كيلةسكر رطب{صقيل}.+الفرينة.
الطريقة:كيلة سمن بحرارة المطبخ أنا إستعملت 1 كلغ،نفس العلبة نكيل بيهاسكر صقيل نحكها بكف اليد حتى تولي كريمي+الفرينة بالشوية نخليها طرية.نحطها في الثلاجة لمدة1/4 ربع ساعة.

تحطي العجينة في المُحقن ونشكل وردات.


نحطها تطيب في 180 دم لمدة 20د حتى تجمد تطيب صفراء.اختي ميميشة هذه الوصفة وجدتها في المنتدى وهي ليك جربتيها ....مشكورة مسبقا

[mimicha1977]

المشاركة الأصلية كتبت بواسطة kokotg

المكونات:كيلة سمن+كيلةسكر رطب{صقيل}.+الفرينة.
الطريقة:كيلة سمن بحرارة المطبخ أنا إستعملت 1 كلغ،نفس العلبة نكيل بيهاسكر صقيل نحكها بكف اليد حتى تولي كريمي+الفرينة بالشوية نخليها طرية.نحطها في الثلاجة لمدة1/4 ربع ساعة.

تحطي العجينة في المُحقن ونشكل وردات.


نحطها تطيب في 180 دم لمدة 20د حتى تجمد تطيب صفراء.اختي ميميشة هذه الوصفة وجدتها في المنتدى وهي ليك جربتيها ....مشكورة مسبقا

نعم اختي kokotg; هدا الغربيه مجربتها وتجي هايله نعملها بالسمن المدينه

تحياتي اختي

[امل الجماهير]

اختي من فضلكم اعطوني طريقة ناجحة ومجربة لقلب اللوز عملت وشحال من وصفة من المنتدى وما خرجليش كيما حابة وشكرا لك على الاطباق اللي تقدميها

[kokotg]

مشكورة اختي ميميشة

[meriem.213]

ممكن*طريقة*تحضير*الجبن في*البيت*يا*عزيزاتي

[ياسمين177]

عجيجات البطاطة بالجبن

التحضير: رطل بطاطة قشريها و غليهم ثم صفيهم وارحيهم + حبة بصلة مقطعة وليست مسكرفجة لانها تطلق الماء+ باطة طون + ملح وفلفل اكحل + ربطة معدنوس مقطع رقيق + بيضة الى 2 وخلطي الكل وخليها ترتاح قليلا
شكلي كويرات واحشيهم بقطعة جبن ابيض تاع المثلثات وكوري امليح وابسطيهم على شكل خبيزات رمديهم في الفرينة ثم البيض ثم الخبز المرحي واقليهم

[البلبلة]

وصفة هااايلة

شكرا

[zenouba]

شكرا جيلا اختى ميميشة على كل هده الوصفات ربى يعطيك ما تتمناى
لو تكرمتى و ضعتيلى وصفة البجاويات و كيفاش تتحصلى على ميرانغ جيدة
و جزاكى الله خير يا غالية

[عبير3]

بارك الله فيكما اختي ميميشة واختي ياسمين وجزاكما الله كل خير على ما تقدمانه

[mimicha1977]

مادلين
رطل سكر رطل بيض رطل فرينه رطل زيت 300غ مايزينه نصف كاس حليب 2خميرة فاني

ضربي بيض و سكر جيدا تتضاعف ضفي الزيت خلطي
أضيفي نشا+خميرة + فرينه خلطي و أخيرا ضفي الحليب مع التحريك
انزعي كميه صغيرة من العجين و ضيفي لها الكاكاو
خدي قوالب المادلين كبي ملعقة بيضاء ثم ملعقة صغيرة بني و فوقها ملعقة بيضاء رشي السطح بالسكر احرش ادخلها الفرن 30د ينشف و تصبح لونها مائل للأحمر انزعيه