الجزء 77 من واش طيبتي اليوم سيدتي **تحضيرات شعبان لإستقبال رمضان** - الصفحة 21

oum anas 69 · 2014-06-05, 09:59

اقتباس:

المشاركة الأصلية كتبت بواسطة nawel zed

يهبل يعطيك الصحة وااااااااو زعمة خدمتوا ساهلة ولا واعرة

أهلا نوال أسهل منو مافيش كويرة غرس داخل كويرة عجين .. دخليها في الطابع .. تلضي يخرج وحدو ههه حطي في سنيوة و إلى الفرن

oum anas 69 · 2014-06-05, 10:01

اقتباس:

المشاركة الأصلية كتبت بواسطة lilouchaf

صباح الخير على الحبايب والصحبة المخيرة هنايا

واش احوالكم بخير

أهلا أهلا ليلو ربي يعينك على الخدمة حنونة

oum anas 69 · 2014-06-05, 10:02

نروح نعسل المقروط و نصورو باش نبعث لجاراتي نردلهم خيرهم
ممبعد نجيبلكم تشوفو بااااااي

lilouchaf · 2014-06-05, 10:02

اهلين عطورة واش راكي ان شاء الله تكوني ريحتي شوية

وااااااااااااااو ام انس المقروط يهبل يهبل ومبروك عليك ربي يتمملك بخير وتسعدي بها وربي يهنيك ويطلعك على خير وترجعي لدارك انت والبيبي تاعك بصحة وعافية يا رب امين فرحتلك من كل قلبي كي جاتك طفلة

عطرالذهب · 2014-06-05, 10:03

ام انس نضحك معاك برك على بالي مادام راجلك انت راهو الزين والعين ولاطاي ربي يحفظهولك
والمقروض راني رايحة نسرقلك الفكرة نديرو في نجاح بنوتتي الحلوة

عطرالذهب · 2014-06-05, 10:05

ليلو صباحو
راني خير على امس بالصح راكي عارفة الزوج والاولاد مايخلوكش ترتاحي في غرضك ربي يخليهملنا برك

oumibni · 2014-06-05, 10:07

سلام عليكم ، صباح الخير والمسرات

lyzzabel · 2014-06-05, 10:08

صباح الخييييييييير وااااااع مالصباح راني متخبطة مع النت هذا وين انهدات هههههه
يومكن سعيد حبيباتي و نبدأ بطاطا يا الغالية ام انوووووس و نقولك الف مبرووووك البنوتة ربي يكملك بالخير و يسهللها عليك و تفرحي بشوفتها سليمة معافاة و شابة كيما انا هههههه لااااازم تطلع لبنت خالتها ولا واش قلتي ههههههه ،، و الله يباااارك المقروظ هبلني جا فييييييييييم بصحتهم جاراتك و سعداتهم
ام أمنية الله يعاونك فالميناج انا كل يوم نقول الصباح نبكر على الكوزينة و التخمام تاع الفطور هو لي مكرهلي حياتي الوقت يروح غير عليه و ما نقدر ندير والو ما دامني ما وخرتش الفطور من راسي
ميمتي الغاااالية صباح النور و الورد و نهارك زين
ميمتي ام ريمة الحنينة صباح الفل و الفطور راني انا تاني نخمم واش نزيد مع السردين خخخخخ
سكرتي الحلوة ربي يخليك مواااااااح
عازفة الناي شكرا حبيبتي هذا من ذوقك
عطوووورة صباح العطر و الورد الفواح بصح قتلتيني بالضحك على راجل خالتي مسكين شمتتيه ههههه
سارة ربي يعينك فآل تربية و الأطفال مين يزيدو قاع عندهم الثلاثي الاول يفوت بالغازات ربي يشفيلك بنتك و يفرحك بيها و بصحتكم الملوخية
حبيباتي لي نسيتها تسمحلي هذا لي تفكرت خخخخخخ
أيا من بعد انشالله

استغفر الله الذي لا اله الا هو الحي القيوم و أتوب اليه

nawel zed · 2014-06-05, 10:11

اقتباس:

المشاركة الأصلية كتبت بواسطة oum anas 69

أهلا نوال أسهل منو مافيش كويرة غرس داخل كويرة عجين .. دخليها في الطابع .. تلضي يخرج وحدو ههه حطي في سنيوة و إلى الفرن

شكرااااااااااااا نجربو ان شاء الله ممكن تعطيني بأي وصفة درتيه خاطر نخاف يتفتفت اول مرة رايحة نجربو نروح طووول للعصري

سهومةج · 2014-06-05, 10:19

أم أنسسسسسسسسسسسسسسسسس الله ايبارك في دوك اليدين تبارك الله
المقروط كيفاش شكلتيه حربوش ثم تطبعي ولا كيفاه خرجلك روعة

ام نوردين · 2014-06-05, 10:21

الي مازات ماتقهواتش تتفضل

صباح الخير والربح والصحة عليكم وعلينا انشاء الله بوسة ليكم من الحاضرات الى الغايبات الله يرجعهم بخير والحوامل الله يثبتلهم الحمل والعرايس الله يتمملهم على خير ويجعلها فرحة طول العمر

سبحان الله والحمد لله والله اكبر ولا حول ولا قوة الا بالله

سهومةج · 2014-06-05, 10:24

الهههههههههههههههههههههههههههههههام أرجوك حطيلنا وصفة الارز و الرفيس القسنطيني دبري راسك خلاخاطر أثق في و صفاتك و نديرهم و عينيا مغمضين
الهام أرجوك لم أستطع تحميل الوصفات اللي حطيتيهم ف الأخير ف دفتر الوصفات أرجوك ساعديني

ام نوردين · 2014-06-05, 10:35

ام امنية الله يعينك على الميناج
ام ريمة ام رياض ام سهلم صباحكم فل
ادرارية تروحى وترجعى بالسلامة وربي يسكنها الجنة ان شاء الله
عازفة الناى الطابلة تاعك حطة تحلى فيها القعدة 444
سارة بصحتكم العدس والملوخية وربي بقدرك ويشفى بنتك و يعافيها يارب
ام محمد صباحك ورد وسكر
صباح الخير عطورة انت الاغلى حبيبتى شكرا على المشاعر الطيبة
صباحو نوال
ليلو الله يصبحك بالخير يا عسل
روضة الشيكولا ديريها شوية سميكة يعنى حطى الكوش الاول خليها تنشف ثم عاوديلها الكوش الثانى وفى كل مرة يكونو رقيق ملتكثريش باش ماتجيش خشينة ماتلقايش البلاصة وين تحطى الحشو موفقة حبوبة
ليزا صباحك عسل يا عسل وربي يعينك
استغر الله واتوب اليه

دائمة الحمد · 2014-06-05, 10:42

صباح الخيرات والبركات لكل الحاضرات والغايبات
حليت عينايا على مقروض ام انس واااااااااااااااااااااااااااااااااااااااو فرجة الله يبارك
مبروك االبنية لي في لي ليكو ام انس راهم البنات رزقهم معاهم انا نحب لبنات رغم انو عندي ولد واحد اقتداءا بالرسول الكريم الف صلاة وسلام عليه كان يحب البنات ويحب من يحب البنات
ام امنية جربت نهار درت لا قراس ماتيني كي النساء برحتي بيا
يابنتي هوانا تاع نوم راهي الكونكسيون صبحت ماكانش هذا وين رجعت
غدايا سندويتشات بخبز ام يسرى بالطن والفريت وسلاطة مشوية وهريسة دياري امممممممممممممم

nawel zed · 2014-06-05, 10:43

حبيباتييي راني قررت نجرب العجينة المورقة لاول مرة انصحوني تاع من نجرب تعيشوا مش معقدة و ناااااااااااااااجحة