اهلا بكن في الجزء 146 من كوزينتنا .اهلا وسهلا بيكم - الصفحة 21

um alaa · 2015-09-29, 11:22

*

ام أمينة · 2015-09-29, 11:36

صحيتو ركم طيرو مشاء الله
أم alaa تحوسي على الحم أدي برك بصحتك والقاطو بني هوا لي شافوا البارح عجبو قلي ديريلي هكذا خخخخخخ خلي نتبدلو
شكرا لك على وضع الصورة تاع زيت

ام أمينة · 2015-09-29, 11:39

سماسم صباح الخير وشبيك نقلك كيما قلت ام وابنة قتلنا كي تجو تعيشو تم ركم تعرفو لبلاد خخخخخخخخخخ انا زوجي كي نقولو روح يقلي تروحي بصح عندكي تقولي نرجع
ونتي اصبري شوي حتى تشوفي مع زوجك وراكي قلتي طبيب كيفاش يخلي خدمتو هنا ويروح مفهمتش

ام سارة18 · 2015-09-29, 11:40

سلام هادا غدائي

katrine · 2015-09-29, 11:41

ربي يفرج عيك اختي سيماسيم نبات زيت الضرو موجود بكثرة بمنطقة القبائل الصغرى موسم جنيه هو نفس موسم جني الزيتون ويعصر في البيوت بالطرق التقليدية وعد مني نصورهولك من الطبيعة فقط اصبري عليا نروح تما الامهات تاعنا يفورو ا الحب تاعه ويملحوه ويعطونا ناكلوه

باسم وبيسان · 2015-09-29, 11:42

اقتباس:

المشاركة الأصلية كتبت بواسطة katrine

اختي ام وابنة مشكورة على الدعاء وحبيت برك نقول لاختي باسم وبيسان معلومة راني نهدر عن تجربة اناتربيت وسط نبات الضرو وناكلوا الحبوب تاعو من النبتة مباشرة طعمها بنين نجيبوه من الحقول والغاشي كامل يكل صغير ولا كبير وجامي سمعت بواحد مرض منو وضرك جامي نشرب حاجة لولادي غير هو على فكرة اني نستعمل في عضوية بنتي

صباح الخير اختى كاترين زيت الضرووو راهووو مش مليح لاطفال 5 سنين وتحت 5 سنين انا طبيب الاطفال هو قالى منعووووه مأخرا للاطفال فيهلك الكبد وهو نفسووو النبت يستغرجووو منو الزيت

أم محمد تاج · 2015-09-29, 11:46

سلامي غالياتي
وينهي ام ياسوووو ياخرابي داية المنتدى شكون يولدنا نشالله خيييير
الله يخليك سيما على التوضيح والله حسبتها ناموستنا وقلت كيفاش عقالت سالي عليها بزاف بزاااااف
مممم ام جوجوووو الحبيبة اللوبية تهبل تهبل بصحتكم وبصحتو شيخك
اللهم آمين ام آلاء وبارك الله فيك وفي كل وحدة تدعيلي انا ولهووووووونة الحلوة

katrine · 2015-09-29, 12:04

مشكورة حبيبتي باسم وبيسان على المعلومة انافقط نحكي على التجربة تاعي وتاع ناس المنطقة الي يستهلكوه بزاف جامي سمعت بطفل مرض بالكبد ونزيد والله تما الناس عايشين من الطبيعة امراض كثيرة ناقصة عندهم

Oum Aness Bba · 2015-09-29, 12:08

بصحتكم اللوبيا والرشتة واللي ماخلاش غدا ام سارة اممممم
بلا ما ننسى روائع ام اسلام يعطيك الصحة
سيماسيم ربي يفرج عليك حبيبتي ويعطيك اللي في قلبك
ليزا العزيزة علي يتوحشك الخير يا الغالية وانا ثاني توحشتك وربي العالم. انا والاولاد بخير وانت واش راكي ووليداتك
وعلى المقروط اذا ما فيهش تعب حطيلي الوصفة تعيشي وربي يباركلك وان شاء الله ما تمرضيش وتبقاي زاهية وباهية ومعمرة دارك يا رب .. آمين

الرجاء الاماني المجد · 2015-09-29, 12:33

مساء الخير وشراكم شكرا ام علاء السؤال عزيزتي ربي يخليك هدا وين جيت من مدرسة تغديت وراني رايحة نرقد شويا راني عاينة

ارزاق · 2015-09-29, 12:43

مبروك الكوزينة اختي ملاك عجبني الصالون والكوزينة تاعك واكلك طبعا روووعة هذا باروك متواضع [IMG]
[/IMG]

ارزاق · 2015-09-29, 12:47

وهذي تارت عيد ميلاد ابني

um alaa · 2015-09-29, 12:54

فطورنا و الحمد لله كوتلات فالفور و سلطة
باسم الله

Simassim · 2015-09-29, 13:01

بارك الله فيكم عل التوضيح وأني قلت لسي سيد عليه فالروضة قالولو عل thym نمدلو وتشوف بالاك يرتاح

كوكا كل واحد وكيفاش. وكل واحد واولوياتو. صح العيشة فهاد البلاد الكل يحسدنا عليها بصح تلات وعشرين سنة وانا عائشة فالجزائر بمشاكلها كيفي كيف كامل الشعب الجزايري والحمد لله علاش ماتقدريش نرجع لها أنا الحمد لله مانيش مادية عمري ماهمني الأكل والدراهم والتحواس. وفرنسا هدا واش فيها. أنا تخمامي كامل عل ولادي كيفاش يترباو وكيفاش يتعلمو. مين يوصلو الطفل فالماهرق يعلموه عن العلاقة الجنسية بالتفصيل ومن الصغر وهم يهدرو عالحبيب والحبيبة كيفاش راح يديرو مين يكبرو !!!!!!!!!!! واش من معيشة حت العبادات تاعك ماتقدريش تديرهم واش من عيشة لي تعيشها انت تأكل وتحوس وتمرض يماك او باباك ماتقدريش حت تعتقهم بكأس ما او دوا وقلبهم محروق عل أولادك
اااااااه نروح خير مايطردوني أصلا الحياة فبلاد الكفار فالدين لا تجوز

fatalim · 2015-09-29, 13:05

السلام عليكن جميعا وكل واحدة باسمها اردت مساعدة في طريقة بطاطا روطي باللحم في الكوكوت وجازكن الله خيرا