الطبعة العاشرة لدورة الرقي بمدبرة منزل مثالية - الصفحة 21

oummalak · 2012-11-24, 19:48

صح فطوركم يا الفحلات ان شاء الله راكم بخير غادي من غدوة نولي ندخل ان شاء الله ونتنافس معاكم كما كنا
والله توحشتككككككككككككم ونحبكم في الله

نافلة · 2012-11-24, 20:50

السلام عليكم و رحمة الله تعالى و بركاته
كيراكم يا الفحلات
صح فطوركم كامل الصايمين الله يقبل منا ومنكم اجمعين

نافلة · 2012-11-24, 22:20

تطبيقاتي اليوم كالاتي :
الجانب التنظيفي :نقيت اليوم الكوزينة و غسلت الحيوط و نظفت علب البهارات و نقيت الكويزينيار و غسلت المغارف الي كنت معلقتهم والاشياء الاخرى الي معاهم و الطابلة نتاع الكوزينة و نزعت التروسو ودرتو في الماشينة لافي وبقاولي ليزيليموو الثلاجة و النافذة الباب والقجورا نتاع الرافيتايمة الكوزينا لقيتها نظيفة غير حاشاكم زق الذباب جاتنا واحد الحملة نتاع الذباب باش تليت الكوزينة وخليتها الاخيرة .من بعد درت للفطور نتاع المغرب درت الحريرة طيب من جهة و الطاجين الحلو من جهة اخرى و درت اللحم في الفرن يتشوا فوق الملح و جبت السلاطة غسلتها هي و القصبر درتهم يقطرو ومن بعد درت القهوة طيب ورحت غسلت حبات بطاطا و قشرتهم و قطعتهم باش نقليهم و عجنت خبز الزيتون و درتو يخمر ورحت للباب نتاع برا غسلتو ثم الباب الي في الدخلة ومن بعد غسلت الحيوط نتاع الدخلة و دُرت لحمالة الاحذية حاشاكم و من بعد غسلت ليكاخبات نتاع الرجلين حاشاكم وزدت نظفت الدوش و المرحاض اعزكم اللهو فوت على الغبرة وجمعت الغرفة نتاعي ونتاع بنتي الصالة مغلقة و نظيفة .و ختامها مسك كملتها بتسيقة عاود رحت للكوزينة كملت الطياب و جدت كلشي فوق الطابلة على سلامتي انتهى .ما حلى النظافة حسي كل ركن في الدار يدعيلي و زغردلي .
ما نسيتش الجانب الديني: صلاة الضحى و كل الاوقات في وقتها الحمد لله على نعمة الاسلام و الاستغفار الذي لا يفارقني و ا لصلاة على النبي صلى الله عليه و سلم.
الجانب الجمالي: غسلت طرافي بعد الميناج و لبست روبة كنت شريتها جديدة و عدلت شعري.
الجانب التربوي : بنتي الحمد لله كملت نهارها نتاع الصيام باركولي. و فهمتها عن يوم عاشوراء و سبب صيامه و شرحتلها بعض الامور .و فيما يخص الدراسة حضرت معاها مساء يوم.

جيجلية · 2012-11-25, 07:33

اقتباس:

المشاركة الأصلية كتبت بواسطة فاطمة بشار

تطبيقاتي اليوم كالاتي :
الجانب التنظيفي :نقيت اليوم الكوزينة و غسلت الحيوط و نظفت علب البهارات و نقيت الكويزينيار و غسلت المغارف الي كنت معلقتهم والاشياء الاخرى الي معاهم و الطابلة نتاع الكوزينة و نزعت التروسو ودرتو في الماشينة لافي وبقاولي ليزيليموو الثلاجة و النافذة الباب والقجورا نتاع الرافيتايمة الكوزينا لقيتها نظيفة غير حاشاكم زق الذباب جاتنا واحد الحملة نتاع الذباب باش تليت الكوزينة وخليتها الاخيرة .من بعد درت للفطور نتاع المغرب درت الحريرة طيب من جهة و الطاجين الحلو من جهة اخرى و درت اللحم في الفرن يتشوا فوق الملح و جبت السلاطة غسلتها هي و القصبر درتهم يقطرو ومن بعد درت القهوة طيب ورحت غسلت حبات بطاطا و قشرتهم و قطعتهم باش نقليهم و عجنت خبز الزيتون و درتو يخمر ورحت للباب نتاع برا غسلتو ثم الباب الي في الدخلة ومن بعد غسلت الحيوط نتاع الدخلة و دُرت لحمالة الاحذية حاشاكم و من بعد غسلت ليكاخبات نتاع الرجلين حاشاكم وزدت نظفت الدوش و المرحاض اعزكم اللهو فوت على الغبرة وجمعت الغرفة نتاعي ونتاع بنتي الصالة مغلقة و نظيفة .و ختامها مسك كملتها بتسيقة عاود رحت للكوزينة كملت الطياب و جدت كلشي فوق الطابلة على سلامتي انتهى .ما حلى النظافة حسي كل ركن في الدار يدعيلي و زغردلي .
ما نسيتش الجانب الديني: صلاة الضحى و كل الاوقات في وقتها الحمد لله على نعمة الاسلام و الاستغفار الذي لا يفارقني و ا لصلاة على النبي صلى الله عليه و سلم.
الجانب الجمالي: غسلت طرافي بعد الميناج و لبست روبة كنت شريتها جديدة و عدلت شعري.
الجانب التربوي : بنتي الحمد لله كملت نهارها نتاع الصيام باركولي. و فهمتها عن يوم عاشوراء و سبب صيامه و شرحتلها بعض الامور .و فيما يخص الدراسة حضرت معاها مساء يوم.

ما شاء الله تنظيم رائع سخفتيني هذا اكيد بركة الصيام

ربي يتقبل منا ومنكم صالح الاعمال

وفاء سعاد · 2012-11-25, 08:39

صباح الخير عليكم واش راكم معليكمش انا راني مادخلتش في اليومين هادو كان الميكرو فازد حتى فورماطيتو ودرك راني دخلت نحكى معاكم بالنسبة ليوم الجمعة كنا انا وزوجي صايمين دوشت الاولاد وغسلت القش كامل بالمشينة وبيدي وسيقت البيوت كامل ودرت الفطور منها عشاء عاشوراء منها فطور لينا طاجين الزيتون والشخشوخة وشربة فريك ماكترتش درت كلش شوية شوية وسلاطة متنوعة وقليت الحار والديسار والموناد والجانب الجمالي في اليل درت الفازلين للرجلين والحليب لوجهي والجانب التربوى في السهرة عدنا تقليد نحطو القشقشة يعني المكسرات ونقعدو جمي العائلة وناكلو نحكيو على عاشوراء وقصة موسى ونجاته من فرعو ن فى هدا اليوم المهم اليوم هدا داروه للحفاظة والسبت للتمارين والخميس يرتحو فيها راني خديت الراي وديتهم عند جداتهم يعي ماما كانت مريضة كي فطرنا بالخميس رحنا لعندها منها زيارة منها الاولاد يبدلو الجو انتاع الداروالسبت زادنا صمنا كدالك وعقبت على بيت الاولاد راني كنت مدايتها ديجة من قبل جاتني ساهلة وبدلتلهم غلافات المخاد والدراوات وفرزت القاردروب انتاعهم راهي كرهلتلي حياتي جامي تبقى منظمة تاعي كون مانقيسهاش شهر تقعد كيما راهي المهم كي خلصتها عقبت عليها بالنشافة وكملت الكولوار والدوش والكوزينة والمرحاض على خاطر البيوت كامل بقاو نضاف المهم الفطور درت روطي تاع البطاطا والدجاج وجاري ابيض وخبز الدار وقليت شوية فريت هدا كي عاد راجلي صايم انا مالفة كي يادن نشرب الحليب ومباعد نتعشاو عادى المهم بعد الفطور راجعت لاولاد شوية وبتي الصغيرة نهار كامل معايا في المطبح انا نخدم وهى فوق الطابلة تقري وتسال في وانا نعتلها في نفس الوقت وفي الليل غست الماعن وسيقت الكوزينة وروحت وصليت العشاء وروحت رقدت

Minnnaaa · 2012-11-25, 08:56

"اللهم اني اسالك ايمانا يباشر قلبي حتى اعلم انه لا يصيبني الا ما كتبت لي ,ورضني من العيش بما قسمت لي"

Minnnaaa · 2012-11-25, 08:57

ما شاء الله عليكم يا الشاطرات راكم تفرحو ربي يحفظكم ويستركم ويبارك في ايامكم

Minnnaaa · 2012-11-25, 08:59

مريومة راكي طولتي الغيبة نتمنى تكون النت مقطوعة وماراكيش مريضة يا ريت تدخلي تطمنينا عليك رانا توحشناك

Minnnaaa · 2012-11-25, 09:02

ليلوشة تاني نتيا ما بنتيش في بالي لي زيميقري جاو وراكي لاهية معاهم (حقا قلتيلي مشي ايميقري )
ما تقوليليش رئيس نتاع حزب وراه يدور فالولايات باش يفوطو عليه ؟
مهما كانت خدمته ربي يخليك ادخلي طمنينا عليك راكي هولتينا

وفاء سعاد · 2012-11-25, 09:03

اختي ليلى واينك انتى تانى غيبت ولاحطيتى في قلبك وقلتي بلاك راكي ماكش قايمة مع بنتك وبقيتي معاها نهار كامل رهى ماتستفاد والو المشكل شوفيها فواش غلطت وركزيلها عليهم وفهميها مليح لا فهمت خير ملي دير 10 تمارين صحاح وهى ماشى فاهمة والنقط عمرهم مايقيمو حالة الطفل راهي قادرة في الدار تحل مااصعب منهم المهم راهو فرض برك وكاين الاول مع الاختبار راهي ماتاثرش بزاف اخدمي معاها المواد الاخرين باه تعوضهم اما بالنسبة للزوج راكي ولفتيه دائما الاولاد ملاح وقاريين امالا كان في فترة ماشى مليحة وهدرتو معاه صرى لصرى الامر عادي اي راجل يرد الضلم في مرتو او احنا حساسين بزاف بصح ياليلى راهو عمبالو واش قاعدة تديري راهو ماش غبي راكي قايمة بكلش وحدك وكون تسمعيه مع صحابو قادرة تلقايه يشكر فيك او حتى مع نفسو وزيد اختي ليلى راهى خدمة الحكومة صعيبة بزاف مع الضغط وانا عندى اختي متزوجة بواحد يخدم في لسام وكى ىتفيكتا يديها معاه يكريلها ويقولها لازمي ناكل الماكلة انتاع الدار وكي يروح من الخدمة يلقاها قدامو باه يحكى معاها ويديفولي من الخدمة ومن الضغط انتاع ليشاف رغم انه دو مرتبة مليحة امالا لازمك تعدريه وان شاء الله يصفي القلوب وينحي الضغينة وكون ساعة على ساعة احكيلو واش درتي في النهار على خاطر باينة نهاريعود جاي ديري كلش من قبل وهو يشوف غير الساجى وانت باه غير تقعدى معاه المهم اختي اريج الرجال متشابهون

Minnnaaa · 2012-11-25, 09:03

انما راني غادية نكمل شغالي مبعد ان شاء الله ندخل نحط تطبيقي

it's me · 2012-11-25, 09:05

صباح الخير عليكم كامل وشراهي احوالكم لاباس؟
وش نحكيلكم على تطبيقاتي تع البارح مادرت واااالو روحت عند المغرب هذاك وين وصلت للدار على 5.30 فطرت و من بعد درت دورة على البلاكار تاعي فرزتو طبقتو و خبيت الحوايج اللي جبتهم من عند الخياطة راكم تعرفو العروس و جرياتها مع الخياطات بالسيف لا كملتهملي
و من بعد راجعت لاختي سنة ثاللة متوسط اليوم بداو الامتحانات و رحت نرقد تعبت بزاف والله نحس في روحي كل بلاصة مني في جهة
لازمني ندي كاش سمانة راحة بش نرتاح شوية
يا مينة حنونتي انا نخدم عند شركة خاصة عندنا ويكاند غير جمعة و العطل كامل نخدمو البعرح عاشوراء و خدمنا محرم ثاني خدمنا ...الخ
شكرا لكم البنات و الله نحبكم كيما خواتاتي ربي يدومها علينا

وفاء سعاد · 2012-11-25, 09:06

اقتباس:

المشاركة الأصلية كتبت بواسطة minnnaaa

مريومة راكي طولتي الغيبة نتمنى تكون النت مقطوعة وماراكيش مريضة يا ريت تدخلي تطمنينا عليك رانا توحشناك

عندك الحق اختي مينة راهى طولت الغيبة يارب يكون المانع خير ان شاء الله

it's me · 2012-11-25, 09:09

الله يبارك عليكم قايمات بدياركم على اكمل وجه ربي يكون معاكم

it's me · 2012-11-25, 09:09

انا راني بديت نطلقها تعبت اسمحولي