موضوع مميز وصفات من حراير مطبخ وش طيبتي اليوم - الصفحة 21

oum ibrahim · 2013-10-30, 08:02

ilbeldelmondo
خبز الدار مغربي
كاس فرينة
كاس سميد
ملعقتين ص ملح
ملعقتين ص سكر
ملعقتين ص خميرة الخبز
بياض بيضة
ملعقتين ك زيت
حليب دافئ
نعجن العجين بالحليب الدافئ و لازم يكون طري بزاف و نخليه يتخمر في الكيس بطريقة الوهرانية ربي يخليها
من بعد باستعمال السميد نفرد الخبزة باليد و نضعها في الصينية تتخمر مدة ساعة
نكونو سخنا الفرن و نهبط الصينية و نخليها تحمار من تحت و نطلعها و نشعل من فوق او نخليها تحت و نقلبها
حرارة الفرن ٢٢٠

oum ibrahim · 2013-10-30, 08:14

انا حلم
خبز الدار
ربع كيسان فرينة زوج مغارف صغار خميرة
خميرة مغرف كبيرة سكر وملح وحليب لحظة حوالي ربع مغارف
وتعجني بماء دافي تم تضيفب زود مغارف كبار زبدة وتعجني حتى تتماسك العجينة
وتخليه يخمر تشكلي خطوط بالسكين وتدهني بالبيض وقطرات خل وطيبيه في فرن مشعول مسبقا

oum ibrahim · 2013-10-30, 08:23

ام اناس
hachis parmentier
طيبت البطاطا وبعد درته في الروبو او الرحي او كيم مؤلف دير البيرى تاعك المهم متجيش جري لزم تجئ شد روحه وضفتله فرماج كيري وزبد وجوزة الطيب تجيي بنى وحدخر رووووعه
وبعد نوجد اللحم مرحي ندير بصل نخليه تتحمر بشوي زيت وبعد نضيف اللحم مرحي و السبانخ. كيم تحبي تضيفي جزرا وكرجات و فلفل حلو شوي شوي ومقطعين مربعات صغار وتخليهم يطيبو مليح وبعد تأخذ المول. ليدخل الفرن تدهنيه بالزبدة وبعد ديري طبق بطاطا وبعد للحم طبق وبعدطبق بطاطا ديري فوق الفرماج ربي ودخليه الفرن وبالهناء والعافيه

oum ibrahim · 2013-10-30, 08:30

ilbeldelmondo

شكولاطة للدهن*
السلام عليكم و رحمة الله و بركاته
عندي مدة و انا نحوس على وصفة لي شكولاطة الدهن تشبه nuttella لكن كل مانجرب وصفة تكون لا علاقة الى حد الان هذه الأقرب لكن اقل دهون و سكر من nutella لانها ٧٠٪ سكر و زيت النخيل و أيضاً المواد الحافظة*
مكونات nutella الحقيقية في pot de 400 g: ٢٠٠ غ سكر- ٨٠ غ زيت النخيل - ٥٢ غ بندق- ٢٩ غ كاكاو- ٢٦ غ حليب بودرة
يعني اهم المكونات السكر و زيت النخيل و ليس الكاكاو و الحليب كيما نظن و الطعم الخاص بها جاء من زيت النخيل لذلك مستحيل تتحصلي عليها بدونه
اما لي راح نقدمها انا فهي chocolat *à tartiner تقدري تتحكمي بحلاوتها و كمية الكاكاو و ذوق المكسرات*
المكونات:
نص كاس بندق محمص قليلا او كاوكاو او لوز ...
نصف علبة نيسلي الحليب المحلى المركز
ملعقتين كبيرتين قشطة
ملعقتين كاكاو او اكثر حسب الرغبة او اقل انا كثرت
ملعقة سكر بودرة او يمكن الاستغناء عنها لان الحليب المركز محلى او اضافة ملعقة اخرى

نحضر ما يشبه زبدة البندق او المكسرات لي راح تستعمليها و بالكاوكاو تجي احسن لانه كثير الدهون و طعمه قوي
نطحن البندق حتى الحصول على كريمة ثم نضيف باقي المكونات في الخلاط الكهربائي*

نضع الكريمة المتحصل عليها في الثلاجة مدة ثم تستعمل بعد ذلك و شهية طيبة

أم محمد تاج · 2013-10-30, 08:35

شكرا أم برهوووووم ولبنات لي راهم يتفاعلووو وبارك الله فيكن

oum ibrahim · 2013-10-30, 17:36

hamida 2012
قاطو les cloches
100غ مارغرين من الاحسن فلوريال 50غ سكر رطب 3 صفار بيض قرصة ملح م ك فاني تخدميهم بيدك مليح و تزيديلهم 200غ فرينة تتحصلي على عجينة مليح تخليها ترتاح 15 د و مبعد ديريها في ليمول و لعجينة لخرى تطبعيها و ديري منها الغطاء و تحطيها تطيب
هو يتخدم بنفس طريقة البالون
الحشو كبريس ذايبة في حمام مائي زيديلها كمشة نوازات او جوز او لوز مقلي و مرحي شوية نيسلي م ك زبدة 2 م ك معجون و تخلطيهم مليح و تحشي بيهم الحبات و مبعد تحطي الغطاء رايح يلصق وحدو
لقلاساج شوكولا ذوبيها في حمام مائي دون اضافات و السر تاع الشوكولا باش جي مليحة و تبرق كي تذوبيها نحيها من فوق الناس و خفيها ب لي قلاسون رايحة تكون الشوكولا سخونة بزاف و هما باردين يذوبو ثمثم و تخدميها بسرعة بلافوي مليح مليح و رايحة تتحصلي على احسن قلاساج بالشوكولا انا نستعمل بات اقلاسي اسمها فضيلة هايلة
ومن فوق تزيني بالحلوى تاع التوت و لا تخدمي سوغيز بلابات داموند كيما تحبي

*عاشقة الجنة* · 2013-10-30, 22:01

ام اماني77

هذا لحم عملتو في الطاجين المغربي جا امممممممممممم
عملت لحم +بصل +ثوم مرابيين +ملح +فلفل اسود+زنجبيل+كركم+شوية زيت

كي تقلاو مليح ضفت نصف كاس ماء وخليت اللحم يطيب على نار هادئة حتى يبدا يتحمر

ام ندى 87 · 2013-10-31, 08:41

مادلان ام محمد تاج
جبتلكم باش تفطرووو
مادلان أم محمد تاااااااااااااج روووعة وبالماء مخدوووم مممممممممم وهذاك التزيين راه نيستلي طايب

4 بيضات وكاس سكر وفاني ورشة ملح خبطيهم مليح حتان يطلعووو وبياض الخليط ضيفي باطة ياؤورت الصغيرة تاع ألف وبنفس الباطة كيلة ماء وبنفس لباطة كيلة حليب وبنفس لباطة كيلة زيت وباكي خميرة وخبطي وفي الأخير زوج كيسان فرينة نحي شوي من الخليط وزيديلو كاكاو ونعمل خربشات وطيبيهم وزينيهم حسب الرغبة
هاذ الكمية قطعتلي 24 حبة

قطيطوشة · 2013-10-31, 10:18

اقتباس:

المشاركة الأصلية كتبت بواسطة oum ibrahim

ام اناس
hachis parmentier
طيبت البطاطا وبعد درته في الروبو او الرحي او كيم مؤلف دير البيرى تاعك المهم متجيش جري لزم تجئ شد روحه وضفتله فرماج كيري وزبد وجوزة الطيب تجيي بنى وحدخر رووووعه
وبعد نوجد اللحم مرحي ندير بصل نخليه تتحمر بشوي زيت وبعد نضيف اللحم مرحي و السبانخ. كيم تحبي تضيفي جزرا وكرجات و فلفل حلو شوي شوي ومقطعين مربعات صغار وتخليهم يطيبو مليح وبعد تأخذ المول. ليدخل الفرن تدهنيه بالزبدة وبعد ديري طبق بطاطا وبعد للحم طبق وبعدطبق بطاطا ديري فوق الفرماج ربي ودخليه الفرن وبالهناء والعافيه

رووووووووووعة التقديم
باه قطعتيها بالمول؟
انا نديرها بصح من غير اضافة الخضر للحم

*عاشقة الجنة* · 2013-10-31, 12:39

nihale89

بربوشة الشاوية

تفوري البربوشة عادي
وتقصي البطاطا والكابويا وديريهم في ماء يغلي
في البرمة انتاع الكسكاس الماء يكون كمية مليحة خاطر يطولو وزيدي معاهم الخليع وفلفل حار والملح والفلفل الاسود والفول
وكي يطيبو تلقاي الماء بقا شوي يعني صوص بيضاء خاثرة
فيضي الحليب ولوحي فوقههم وخليهم يغليو شوي
وسقي البربوشة بيه
نسيت نقولك بلي تقدري تفوري البربوشة فوق البرمة انتاع لاصوص الي درتيها
جربيها وراح تدعيلي صدقيني هايلة

nina nawel · 2013-10-31, 16:10

اقتباس:

المشاركة الأصلية كتبت بواسطة *عاشقة الجنة*

nihale89

بربوشة الشاوية

تفوري البربوشة عادي
وتقصي البطاطا والكابويا وديريهم في ماء يغلي
في البرمة انتاع الكسكاس الماء يكون كمية مليحة خاطر يطولو وزيدي معاهم الخليع وفلفل حار والملح والفلفل الاسود والفول
وكي يطيبو تلقاي الماء بقا شوي يعني صوص بيضاء خاثرة
فيضي الحليب ولوحي فوقههم وخليهم يغليو شوي
وسقي البربوشة بيه
نسيت نقولك بلي تقدري تفوري البربوشة فوق البرمة انتاع لاصوص الي درتيها
جربيها وراح تدعيلي صدقيني هايلة

فكرتيني باختي متزوجة عندكم بباتنة دايما تعملوا ليا كي تجي و راهي جايبة الخليع معاها هاذ المرة كي تجي مسكينة تخمم فينا قالتلي خلعلت ليكم حقكم و الله كي ريته دمعت عينيا توحستها هي ووليدها بزاااااااااف بززززززززززززززاف صحيتي أختي

*عاشقة الجنة* · 2013-11-01, 12:47

لينا11

لبنات هاكم طريقة صنع الرشتة

المقادير

كمية من الطحين (فرينة)
كمية من الدقيق (السميد)
قليل من الملح
ماء دافيء
نشاء "ميزينة"

طريقة التحضير بالصور

نخلط الدقيق بالطحين والملح ونجمعهم بالماء

نحصل على هذه العجينة

نقوم بعجنها جيدا وكلما أحسسنا أنها تحتاج الى الماء نزيد لكن بحذر لكي تبقى متماسكة
نبسطها على هذا الشكل

بواسطة سكين نقصها هكذا

نحضر شاش معقم ونضع عليه نشاء "ميزينة "

نربط الشاش جيدا ليسهل علينا العمل به

نرش الميزينة على القطع لكي لا تلتصق

هذه هي المكينة التي نحتاجها للعمل بها

نبدأ بترقيق العجينة تدريجيا على رقم 01

هنا قصصتها الى نصفين ليسهل لي تمديدها

هنا إنتقلت الى الرقم 06 لأنني أريدها رقيقة
لكم حرية إختيار الرقم

هنا حضرت كمية معتبرة وتركتها تنشف
مهم جدا أن تنشف قليلا لكي لا تلتصق عندما نقوم بالخطوة التالية ولا ننسى تمرير الشاش المملوء بالنشاء بين كل طبقة

هنا بعدما نشفت بدأت بتمريرها لكي أحصل على خيوط رقيقة

هاهي حاضرة أمامكم
نتركها تجف جيدا ونكثر من إستعمال النشاء لكي لا تلتصق

*عاشقة الجنة* · 2013-11-01, 13:17

*ام رامي*

باتيلا واللي طلبوا وصفة الرولي اتفضلوا
كمية لحم مفروم
صدر دجاج مفروم
كل جزء نحطوه في صحن وحده نقسم بيناتهم بيضة نية ونضيف لكل جزء ملح فلفل اسود كمون كسبر ثوم ودبشة وخبز مرحي حوالي ملعقتين ونعجنهم
نحلل الدجاج فوق بلاستيك ونزيد نحلل اللحم فوق بلاستيك نحطهم فوق بعض ونحللهم شوي ونروليهم ونلفهم في نيلون مليح ونطيبهم في الماء الساخن نص ساعة
كي يطيب اتزعي النيلون وحطي في قدر زيت وحمريه شوية ومن بعد اضيفي نص كاس ماء فيه ( ملعقة قهوة طماطم واخرى هريسة وثوم وملح وفلفل اسود وفلفل احمروكمون ) واضيفيهم خليه يتقلى ويتشرب نكهة التوابل طفي وقصيه دوائر وبالصحة والهناء

*عاشقة الجنة* · 2013-11-01, 17:54

إلهام07

هذا فلفل مرقد بطريقة ماشفتكمش ديروها نفورو الفلفل الحلو ونقطروه مليح ونديرولو شوية ملح وثوم فصوص ورند وخل ونغموه بزيت الزيتون يتكل مع البربوشة مممممممممممم يهبل

أم ماجد · 2013-11-02, 06:54

شكرا لبنات يعطيكم الصحة
لازم مانخليوش اي موضوع يفوت بلاماندونوه هنا
الف الف شكر