الجزء **133** من واش طيبتي ليوم - الصفحة 21

ارزاق · 2015-06-03, 17:27

تفضلو كل وحدا تهز طرف

ارزاق · 2015-06-03, 17:28

اقتباس:

المشاركة الأصلية كتبت بواسطة ام الهضاب

الف مبروك الكوزينة الجديدة ام ماسين دارك ماااااشاااء الله تهبل و راني غرت من الصالون انتاعك و راني جايبة حليبي و نشربو ثمة ههههههه

الحلوة لي فوقها وردة حمرا باه درتيها من فضلك

ام الهضاب · 2015-06-03, 17:28

ام اماني الحبيبة انا اختي تعرفك الا من خلالي كل ما تحطي حاجة جديدة ندزهالها و تقولي الله ايبقي اعليها الستر ام اماني راهي تمد من قلبها ، قالتلي صحبات و يقولولك ما نقدروش انمدولك لاغوسات اما هي فتعطي دون حساب و ربي يعطيك بدون حساب ان شاء الله ، و الله غير هذا الكلام حقيقة

أم غيلاس · 2015-06-03, 17:31

اقتباس:

المشاركة الأصلية كتبت بواسطة ام اماني77

السلام عليكم اخواتي

مبروك افتتاح الكوزينة الجديدة

اسمحولي دخلت عندي تعليق على رسالة وصلتني من اخت

تقول انها جربت وصفة وماعجبتهاش وقالت انها الوصفة في حد ذاتها مش ناجحة

حبيت نقول لهذا الاخت وكل الاخوات لي لي يطبقو ويرجعو الغلطة في الوصفة نقولهم بكل صراحة الغلطة فيكم يعني الواحدة تتعب وتصور وتحط ماتلقاش حتى رد طيب او دعوة يدخلو برك يهزو الوصفة وزيد ينتقدو فيها

نقولكم الحمد لله وصفاتي ناجحة ومضمونة بشهادة لي جربوها ممكن تقولي ماعجبتنيش في الذوق نقولك اوكي لان الاكل اذواق لكن تقولي مش ناجحة هنا نقولك الخطأ فيك لانك لكان اتبعت الوصفة بكل حذافيرها لكان نجحتي

انا شحال من مرة جربت وصفات من هذا المنتدى وما نجحتش فيهم جامي دخلت وجرحت الناس بل كنت نشكرهم ونرجع الغلطة فيا

وشحال جربت وصفات وكنت ناوية نحطهم لكن كي ماعجبونيش ماحطيتهومش انا نحب نحط وصفات تكون ناجحة نربح بها دعاوي الخير مش العكس

المهم قبل ماتكتبو كلام تجرحو به الناس خمو شوية ولي ماعجبوهش الوصفات نتاعي ماهوش محتم عليه يجربهم وانتهى

أختي الغالية ام اماني أنا نقولك ما تشوفيش مع مثل هذه الأراء اللي يحب أصحابها يفشلوك و يهبطو من عزيمتك و كملي إبداعاتك و أتحفينا بينها
أنا شخصيا محملة كل وصفاتك على الأي فون تاعي و جربت الكثير منها و كلها ناجحة و بدون مجاملة و الله
و راني في سباق معاك كل ما تحطي وصفة نجري نجربها بصح نستعرف سبقتيني لأني عاملة و ليس لدي سوى الويك أند باش نطبق
شكرًا شكرًا شكرًا على كل مجهوداتك و في انتظار المزيد ان شاء الله

ام الهضاب · 2015-06-03, 17:32

أرزاق لاه تبهدلي فيا هههههه مانيش انا الي خدمتهم جابوهملي ، لكنه تشيراك السكر فقط أرزاق و الله غير فنانة يعطيك الصحة
دائمة الحمد الحبوبة واش راهي أمك ؟ ربي يشفيها و جميع المرضى المسلمين

آيات سرمدية · 2015-06-03, 17:34

سلامي للملتحقات ........ارزاق وام الهضاب.......ماشاء الله عليكم اطباقكم ......والي راح يلحقوا من ورايا.....ولي قاعدين برا .........سلاااااام الله للجميع........راني مازلت في حصص التعارف................

ربي يحفظك اختي ارزاق.........الخير يخرج غير فالعطلة.....ولا كيما نقولوا الابداع.....خاطش ساير ليام راني نطيب كلش........بصح مانزينش.......فهمتيني.........يعني نطيب تارت فرطاسة.....سلاطة مخلطة.............وهلم جرا.....ومنكم نتعلموا ان شاء الله......

لانه المنتدى يزخر.........بالواااااان الطعام المغرية......التي تفتح الشهية للتجريب......فبارك الله في كل من يستقطع من وقته باه يحط لغيروا يستمتعوا ......واجرواا على الله....

جزاكم الله خيرا جميعا دون استثناء.....

ام الهضاب · 2015-06-03, 17:46

اقتباس:

المشاركة الأصلية كتبت بواسطة آيات سرمدية

سلامي للملتحقات .

.......ارزاق وام الهضاب.......ماشاء الله عليكم اطباقكم

......والي راح يلحقوا من ورايا.....ولي قاعدين برا .........سلاااااام الله للجميع........راني مازلت في حصص التعارف........

........

ربي يحفظك اختي ارزاق.........الخير يخرج غير فالعطلة

.....ولا كيما نقولوا الابداع

.....خاطش ساير ليام راني نطيب كلش........بصح مانزينش.......فهمتيني.........يعني نطيب تارت فرطاسة

.....سلاطة مخلطة........

.....وهلم جرا.....ومنكم نتعلموا ان شاء الله......

لانه المنتدى يزخر.........بالواااااان الطعام المغرية......التي تفتح الشهية للتجريب......فبارك الله في كل من يستقطع من وقته باه يحط لغيروا يستمتعوا ......واجرواا على الله....

جزاكم الله خيرا جميعا دون استثناء.....

بارك الله فيك على هذا الكلام الطيب ،
قال رسول الله صلى الله عليه و سلم"من لايشكر الناس لا يشكر الله" و الحديث قياس

آسيا 27 · 2015-06-03, 18:05

اقتباس:

المشاركة الأصلية كتبت بواسطة ارزاق

تفضلو كل وحدا تهز طرف

شكرا

بصح القهوة وين راهي :d

آيات سرمدية · 2015-06-03, 18:08

اكيد عزيزتي ....ام الهضاب........اذا كان ربي جل وعلا.......يقول ((لئن شكرتم لازيدنكم))......فما بالك بالانسان الضعيف......الي يحط موضوع ويستنى في كلمة شكر طيبة تفرحوا......يدخل ويلقا......كلام جارح........ربي يهدي النفوس.......ويهدينا جميعا الى سواء السبيل........قال رسول الله صلى الله عليه وسلم......((من كان يؤمن بالله واليوم الاخر فاليقل خيرا او ليصمت)).......

والدين نصيحة.......والله المستعان.....

ارزاق · 2015-06-03, 18:13

اختي اسيا ونزيدك القهوة مش مشكل لكن نظن مع عصير احسن

ارزاق · 2015-06-03, 18:14

اختي ايات سرمدية وش عشاك

oum islem · 2015-06-03, 18:15

السلام عليكم ورحمة الله وبركاته
امسية طيبة للجميع
ام اماني اتحدى اي واحدة تقول حلوياتك فاشلة لاني كل ما تحطي وصفة نجربها ودائما انبهر بها ودائما انتظر جديدك بفارغ الصبر
وندعيلك بكل خير ونمد وصفاتك للي ما عندهمش النت وكما تعرفي الشاذ لا يقاس عليه يبقى هذا رايها المفروض ما
تقلقيش روحك واحنا كامل نحبوك وندعولك بالخير

ارزاق التارت روعة عندك ديبلوم في الباتيسري ...
دائمة الحمد ربي يشفي الوالدة ويديم عليها العافية
ام الهضاب ايات سرمدية ام غيلاس مساء الخير ومنورين حبيباتي
اسمهان وام رويدة ما شاء الله عليكم مبدعات
لبنات ماعليش ما تزعفوش مني يفوتوني بزاف الصفحات ونراجع بسرعة
لذا مضا نتفكرش بزاف ولي زعفت مني تقولي
وهذي بوسة بلا غوج ا لافر

oum islem · 2015-06-03, 18:25

هذا العيش بنين وحار ينحي الزعاف
جبتو سبيسيال لام اماني وام عازفة الناي وام ياسين المسرارة

ومازال كاين لا تحبو نزيدلكم

ارزاق · 2015-06-03, 18:26

ام اسلام كلامك فرحني والله معندي دبلوم في الباتيسري لكن نموت عليه كنت نشري الكتب ونجرب ولما متنجحش الوصفة نعاود ممكن 5 مرات او اكثر حتي نتمكن منها ولما تلاقيت مع الجلفة والحراير لي يمدو من قلوبهم عاونوني كثر خيرهم ومنقولش الوصفة مهيش ناجحة

ام هزار · 2015-06-03, 18:28

نقولك حاجة وحدة برك عزيزتي .......... الحجارة لا ترمى الا على الاشجار المثمرة ............ اذن لا داعي للقلق عزيزتي