الجزء 182 من الكوزينة( ان شاء الله تكون فاتحة خير عليكم) - الصفحة 21

أمنية غفران · 2017-09-30, 22:31

هاوليكم حلوة الطابع بلا طابع نحكم كويرات من العجينة و من بعد نبلاطيهم بيدي باش ما نستعملش الطابع ربحا للوقت هههههههههه

و هادا كروكي

في أمان الله

حياة نور الدين · 2017-09-30, 23:41

صح عشاكم وفطوركم خياتي
اهلااا اهلااا ببنتي هدول الغالية بنت الغالية ربي يفرحك ويبنجحك حبيببتي ونديروا فرحة وقعدة زيبنة ان شاء الله
التحلية روووووعة شهيتيني فيها ونتمنى امنية متزعفش راه تشهي على الاصل

ملوكتي العزيزة يعطيك الصحة على الاطايبب المقرون امممم وعجبني بلزااااف تقديم البيض انيق يا انيقة

سحابة ربي يخليك وبصحتكم اللمة في دار خوك وواش طيبتوا

بيسيو ربي يخليك حنونتي واطايببك هايلين

بيىان اهلااا اختي واش طيبتي اليوم

امنية واش نقولك الكلمات تخوني راكي راااائعة بلا شريك ههه ولا منازع ربي يبفرحك ويعمر حجرك يااا رب الوصفات رووووعة والطابع لونه هااايل بصحتكم

حقا البنات الكيك اللي حطيت تع شابلير وصفة امنية يعطيبك الصحة روووووعة وينين ويببان مشرب امممم

حياة نور الدين · 2017-09-30, 23:44

فطوري كان حريرة وسلطة وعشاء عاشوراء رشتة باللحم تفضلوا

بيان 5 · 2017-10-01, 02:31

السلام عليكم يعطيكم الصحة كل وحدة باسمها كل ماحطيتوا هاااايل
انا درت بربوشة عشاء عاشوراء والحمد لله وناوية نصوم يمي 10و11 ان شاء الله
ربي يتقبل منا يارب

أم يوسف2 · 2017-10-01, 06:54

صباح الخير حبيباتي وحدة ماجاوبتني علي تيراميسو حياة

x ام رحاب x · 2017-10-01, 08:12

السلام عليكم ورحمة الله وبركاته
صحة عواشيركم لبنات واش راكم ان شاء الله جوزتو عواشير مع وليداتكم بالف صحة
حيوتي بسلم ايدك الرشتة تووووووووووووووووووووووووووووووووووووووب
امينة بصحتك الحلويات كلش من تحت يديك تحفة
ملاكي المقارون والله وبلا مجاملة تحفة تسلم ايدك
بنت الحبيبة ام هدول ربي يحلي ايامك ويفرحم حنونة بنجاحك وباعلى معدل يارب الحلو من تحت يديك لوحة فنية تسلم ايدك احنا انقولو كب القدرة على فمها تطلع البنت الامها ماشاء الله عليك
ام يوسف اجبتلك التيراميسو بصح الصور راحة انحطلك الرابط بلاك انت تلقاي واش راكي اتحوسي

x ام رحاب x · 2017-10-01, 08:13

ام يوسف هاكي الرابط التيراميسوا
https://www.djelfa.info/vb/showthread.php?t=2068809

x ام رحاب x · 2017-10-01, 08:17

سحابة ليك وحشة عزيزتي واش راكي وكوزينتك جازت تحفة بلا مجاملة
وردة الرمال اهلا بيك حنونة واش راكي
اسيا الكعك ايشهي ماشاء الله وعلاش مراكيش تدخلي توحشناك
انا هي رزيقة ربي يفرحك حنونة واش راكي توحشتك

Fifilondon · 2017-10-01, 08:42

صباح الخير لبنات وعشوراء مبتركة على الجميع
بدون مجاملة الخيرات لي حطيتوهم تحف والله ربي يبارك لكل وحدة فيكم
حياة سلمس على الوالدة تاعك والف لابااس عليها واطايبك يشهو
رزيقة اهلين بطببتك الطيبة وبصحتك الحوت والفريت الخفوفي ههه
هديل الشطورة مرحبا بيك والنحلية ماشاء الله راكي كي ماماك شاطرة الله ببارك ان شاء الله تدي الباك بمعظل مليح ونفرحو بيك
بيان وام يوسف واش راكم يا لحبيبات ان شاء الله لباس
ابني نور عيني اتحفينا باطايبك لي توحشناهم راكي شطورة يا ام البوقوص
ام رحاب صباح النور واش راكي ان شاء الله لاباس وعاشوراء مباركة
بيسان واش خبارك ام شاء الله تسهلك الامور
سحابة اختي قريب مانسيتك هههه ان شاء الله تكوني مليحة
نخليكم حبيباتي نروح لاشابي ومن بعد نحط بعض اطباقي

Fifilondon · 2017-10-01, 08:44

اقتباس:

المشاركة الأصلية كتبت بواسطة أمنية غفران

هاوليكم حلوة الطابع بلا طابع نحكم كويرات من العجينة و من بعد نبلاطيهم بيدي باش ما نستعملش الطابع ربحا للوقت هههههههههه

و هادا كروكي

في أمان الله

ماشاء الله الله يبارك راه تحفة ربي يزيدك من خيرو باش نستمتعو معاك بالذ واحلى لاطباق

أمنية غفران · 2017-10-01, 09:59

السلام عليكم و رحمة الله تعالى و بركاته

أخواتي الكريمات عضوات صحابات الكوزينة و زائرات و كواليسات نهاركم زين و معطر بورد و الياسمين و نهاركم مبروك

و الغائبات ربي يعينكم

تفضلو حلوى الطابع بلا طابع خفيفة ظريفة هشيشة ساهلة ماهلة تصلح لقهوة الصباح اليومية

في أمان الله

Fifilondon · 2017-10-01, 11:00

السلام عليكم راني جبتلكم بعض اطباقي ليامات لي فاتو

Fifilondon · 2017-10-01, 11:04

هديك ميني بيتزا بطحين الاسمر والطون والجبن الطبيعي

nihal159 · 2017-10-01, 11:06

صباح الخير على حراير الجلفة، شيفات و مشجعات و متتبعات خلف الكواليس، الاسبوع الماضي ماقعدتش خلاص، هذو بعض التطبيقات تاع الويكاند.

nihal159 · 2017-10-01, 11:10

مسمن ، شوفوه كيفاش منفوخ فالطاجين.