~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[arwa alaa]

اختي ام وسيم يعيشك اختي
انا عندي 3اولاد الكبير يقرى السنة اولى والتوام عمرهم عامين ونص واختي في الاول تعبت بزاف لانو حملي صعيب ومنتحركش من بلاصتي وزيد ولدت قيصري وانا ساكنة في بلاد وحدي لا اهلي ولا اهل زوجي وزوج مكانش يعاوني حتي كون يبكيو نهزهم في زوج مع بعض وحدة في يدي والاخري في حجري لانو وليدي كان مفشش بزاف ومتعلق بباباه بزاف كون بقرب لوحدة فيهم تجيه نوبة بكاء تقولي يخليهم يبكيو خير مايبكي هو
المهم مع الوقت تعودت عليهم ونضمت وقتي ومنكذبش عليك عدى عليا وقت نشوف حاجة في الارض نعدي عليها ومنهزهاش ولحديث قياس
المهم لكان عندك توام حاولي تقراي على تربيتهم انا ضرك نقرى حوايج نقول لوكان جاو بكوي راهم نفعوني خاصة في الرضاعة

[oum sabrin]

صباح الخييييييييييير و الهناء على الجميع
شكككرا لكل من دعت لي و للمتسابقات بالنجاح ربي يحفظلكم كل عزيز و غالي
الحمد لله المسابقة مرت في ظروف جيدة على العموم
ليكم وحشة كبيييييييييييييييييييرة غالياتي
ارحب بالوافدات الجديدات و سعيييييييييدة جدا بعودة الغالية حبيبة
اتمنى لكن بداية يوم و اسبوع و شهر موفقة
اليوم عندي فرز و غسل ملابس و نسيق كل ارضيات المنزل و الغذا بلاك ندير سردين
لي عودة لاحقا
سلاااااام

[ام متين]

صباح مبارك للجميع والتوفيق للجميع

[جهينة اليقين]

السلام عليكم اصبحنا واصبح الملك لله وحده لاشريك له له الملك وله الحمد وهو على كل شيء قدير

[جهينة اليقين]

اهلا وسهلا ام صبرين وبكل الغايبات نتمنى لكم التوفيق في المسابقة ولو ان كانت هناك تجاوزات كيم راكم تعرفو بلادنا البقاء للاقوى المهم كل شيء في يد ربي لم تعد لكم حجة للغياب نسمة ام ادم امال هيا ما بقاش بزاف لرمضان يا سمراء لننطلق بجدية

[arwa alaa]

صباح الخير عليكم يا فراشات اهلا بالعودة ام صابرين

[حبيييبة]

صباح الخير و الجو الربيعي الجميييييييييييل
توحشتكوووووووووووووووم

حبيبتي ام صابرين ليك وحشة خااااااااااااااااااصة يا شريكتي
مواااااااااااااااااااااااح ♥

[الأمنيات]

السلام عليكم
اختي اروى ربي يعينك وعجوزتك اذا تقدروا تجيبوها تصوم معاكم يكون خير
واذا ما تقدرش روحي انتي مره على مره وحاولي تنظمي وقتك في رمضان
انا مازال ما نحفظ اساميكم نحاول
الاخت الي حطت الفديوهات الفرق بينا وبينهم الامكانيات اولا وهما عايشين لدنيتهم
وحنا اعمل لدنياك باش تلقى اخرتك بصح فيه كثير من عايلات عايشين هاك واحسن
انتي كيفاش حابه تعيشي تخبقي جو اما تعيس او مفرح مع عايلتك
ايضا لا تنسي مشكل السكن الي يسكنوا مع العجوز ما تقدر تعيش كيف تحب
والي ساكنه وحده تلقي اما المصاريف اثقلت كاهلهم والمعيشه غاليه
كي تكون متوفره رفاهيه الحياه وكل مستلزماتها تعيشي احسن عيشه وما عندكش عذر
ولاحظت في الفديو كي كانت تتكلم رغم مافهمتهاش ههههههه بصح زوجها كان ينظف
في الكويزنيار شفتي اختي الفرق هاداك هو الفرق بيناتنا وين راه الزوج الي يساندك
ويحسن عونك هههههه هما طبقوا الحديث خيركم لاهله وحنا والو قالك المرا تقوم شقاها
المهم كي تكون مستلزمات الحياة متوفره نبصم لك نعي احسن منهم رغم اني حاسه روحي
حاليا عايشه احسن منها هههههه ولا فخر

[الأمنيات]

جبت لكم هاد الفديوهات
تنظيم البيت عنوانه
روتيني مسائي
https://safeshare.tv/v/UarqOLYk2v8

[حبيييبة]

اليوم راه عندي تنظيف يومي و نزيد عليه حاجة ولا زوج من التنظيفات الربيعية
أنطلقت للقيام باشغالي
و رايحة نحضر حريرة و بوراك و سلاطة للغذاء باذن الله
لي رجعة عند الظهيرة لانزال تقريري

زوجي المصون راهو مريض شويا
نظن عديته بالانفلونزا لما مرضت الايام الماضية
و زيد راه عنده مدة سقط في العمل على ركبته و انتفخت و كانت توجعه
و ارتاح منها مدة
لكن هاذ اليومين رجعت انتفخت و راها توجعه و ما حبش نروحوا للطبيب يشوفهاله
عنييييييييييييييييد و ما يحب لا طبيب لا دوا
راني نشربه دواء لازاله الانتفاخ بصعوبة
انا ما كان لاه يكون عندي دراري صغار يغلبوني راه عندي ديجا واحد في حق عشر دراري

بالمناسبة حبيبتي أروى
الله يسلم فمك
قلتي كلمة من ذهب والله لو يعلم الناس فائدتها
لاختصرت عليهم الكثير من المشاكل و المتاعب
قلتي "اقراي"
هذه دعوة اشاركك فيها حبيبتي لكل الفراشات
سواء كنتي ام او زوجة او عاملة او ماكثة في البيت او لازال في بيت اهلك
اقراااااااااي
عن كل شيء في حياتك كيف تتعاملين معه وكيف تكسبينه عوض ان تخسريه بسبب جهلك في كيفية التواصل معه
قليل من العلم في ذلك الموضوع قد يفتح لك باب السعادة و الراحة الابدية
هاذي اول النقاط اللي فاتونا فيها الغرب
"القراءة"
هاني جاوبت على سؤالي بالامس باول نقطة
و النقاط الاخرين راهم جايين فالطريق

[حبيييبة]

حبيبتي امنيات واش راكي ان شاء الله بخير
شكرا لك على اجابتك لاسئلتي
راهي مطروحة للنقاش
و رايحة نعلق على اجابتك و اعذارك بعد استيفاء ردود الفراشات باذن الله
الحمد لله انك تعيشين حياة جميلة و سعيدة ربي يدومها عليك حبيبتي و يباركلك فيما رزقك
لكن الكثييييرات مازالهم مغبونين في طريقة عيشهم و امور حياتهم ملخبطة
لازمها تعديلات

لا يهم ان نفهم كلماتهم لان الصورة احسن بلاغ

رائع انك تشاهدين مثل هذه الفيديوهات
لو لاحظتي حبيبتي حتى نهى المغربية اللي وضعتي الفيديو الخاص بها
تعيش بنفس اسلوب الحياة اللي تكلمت عليه
و هي امرأة عاملة عمل جزئي
و حسب ما لاحظت من خلال ما تعرضه من فيديوهات و تحكيه عن حياتها
زوجها حتى هي مشغول عن بيته بعمله
غير كيما حنا

اذن يوجد مشكلة علينا ان نجدها باذن الله
حتى نحلها مع بعض

[ام هزار]

السلام عليكم و رحمة الله تعالى و بركاته
سمرااء ان شاء الله راكي تعدي في يامات ملاااااح . توحشتك
الامنيات بارك الله فيك على الفيديو اللي حطيتيه . رائع و محففففففففففز
حبيبة ربي يخليك لينا . و يشفيك و يشفي زوجك . يا ريت تحطينا بعض المواقف الصعبة اللي تعرضتي ليها بالتلميح فقط و كيفية تعاملك معها
ام صبرين . ما شاء الله عليك . مرحبا بعودة النشاط
جهينة ربي يوفق بناتك و كل المتسابقات . امين يا رب
ام ادم . توامي . وين راكي . هيا خلصت المسابقة توحشتك يا لعزيزة . وين راكي
امال . نسومة . ام متين . غزالة . ان شاء الله تكونو بخير . و مرحبا بالوافدات الجديدات
راني تغديت كسكس برقبة الخروف . الكرومة . و لبن . و راني اخذة عطلة لنفسي مدتها 3 ايام . راني بالعادة مع الام الظهر الشديدة . و زيد يوم الثلاثاء و الاربعاء . عندنا حراسة شهادة اثبات المستوى للي يدرسو بالمراسلة . يا ربي نريح شوية و نستعد للوقوف طيلة النهار . ربي يقدرنا
رايحة نكون دايما باذن الله في المتابعة . سلااااااااااااام

[arwa alaa]

السلام عليكم اختي امنيات شكرا على الرد ولاهتمام شوفي موضوع عجوزتي مزال ملقيتلوش حل كيما درت عجزت
نبداو كي تنوضي الصباح في داري نبدى شغلي ومحسوب نكمل قبل ما ينوضو الاولاد وعندها تقولك روحي اصبحي واش نايضة اديري وانا موالفة نوض بكري يعني لكان اصبحت نرقد ل8:00
وهي متحبش تبدى الصباح تقولك بلقل الدنيا مشي راح تهرب
ينوضو الاولاد متوخرين ومتلقاي تلمي الدنيا ولا تتهلاي فيهم كي توصل ال12انا في داري نغدي الاولاد وهي هذاك الوقت تقولك ديري البطاطة نتاع البوراك وكي الطيب يرحمها ربي توصل الواحدة تقولك هيا روح تقيلو وانا ولادي ميقيلوش وانا تاني
وعلى الثلاثة تقول وقت الجاري وعلي الخامسة وقت الطبق الثاني وعلى 6الكسوة والسلاطة وعلى 7 البوراك والتوجاد المهم تجيبيها نهار كامل في المطبخ لا صلاة ولا قراءة قران ولا نظام والمواعن متخليكش تغسليهم حتي وراء العشاء المهم يطيح قلبك ويزيد البنات يوليو يسهرو يعني منرتاحش خلاص حاولت العام الي فات نغير كي تروح تقيل انا ندخل الكوزينة ندير الجاري والطبق التاني والكسرة ماتجي تنوض تلقاني خلصت كلش تزعف وتولي تخرنن وراجلي عمبالو بلي نتعب بزاف ويقولي اصبري وديري عاداتها راكي في دارها وحتى كان مرحناش تبقى كل يوم تعيط حتى يهز كونجي ونروحو
اسمحولي بصح حبيت تشاركوني ودبرو عليا واش ندير العام الي فات جوزت نص رمضان عندها والنص الاول في داري

[نسمة صبح]

السلام عليكم

جيييييت طب طب طب

مواح مواح مواح واش مدايربيين..

اييييه الجماعة كامل هنا و الحالة زاهية بالالوان و حبيبة عاملة جو ..

مازلت معلاباليش بالتفاصيل تاع الدورة ..قولولي واش راكم اديرو على واش متفاهمين و التقارير كيفاش تحطوهم..شفت مرة وصفات حطتهم سمراااء كتر خيرها راح نرجع نشوفهم ...

لي عودة حبيباتي

[حبيييبة]

مسااااااء الأنواااار يا الغاليات
واش احوالكم

حبيبتي ام هزار واش راكي
خلاص حبيبتي دوك نحكيلك شويا واش تعلمت الفترة اللي فاتت

حبيبتي اروى
ما عندي غير كلمة اصبري ارضاءا لزوجك
و ساعفي واش راح اديري
من شب على شيء شااب عليه و عجووزتك خلااااص راهي شايبة على ديك العادة
يليق تساعفيها و خلاص
شوفي الوقت اللي تنوضي الصباح توضي و صلي الضحى و ريحي اقراي قرآن و سبحي الخ
و بعد صلاة الظهر لما ما تقيليش تاني صلي الظهر و اقراي ما شئت من القرآن و سبحي
و لما تكوني تشتغلي اذكري الله
و تفكري في حكمة الله من هاذ الموقف الذي تتعرضين له كل عام خلال شهر رمضان
ربما اجر مساعدتك لعجوزتك و ارضائك لزوجك يفوق الاجر الذي ممكن تاخذيه من ممارسة بقية العبادات
هذا في علم الله.. والله لا ياتينا الا بالخير
اذا فاعلمي ان ما انت فيه ذلك هو الخير لك حبيبتي و ان الله رايح يعوضهلك في وليداتك و حياتك و زوج ان شاء الله

حبيبتي نسمة صبح
اهلا اهلا
لما نشوف اسمك اذكر الله
لان اسمك اصبح مرتبطا باسماء الله الحسنى
ما اجمل ذلك
ليك وحشة حبيبتي