لجزء 100 من واش طيبتي ليوم؟+احتفالية تكريم..بسم الله ماشاء الله

[ام سهام 02]

السلام عليكم وصح فطوركم

فطوري شربة ومعقودة

الغالية مرام ماتزعفيش ركي عارفة معزتك عندنا الكوزينة بلا بيك صامطة

[ام سهام 02]

المشاركة الأصلية كتبت بواسطة زينب 83

سلامي لكل الملتحقات

هذا غدايا اليوم و الحمد لله

خبز ألفيسال استعملت نفس الوصفة لكن درت نصف كمية الزبدة (25غ) و زدت شويييييية فاني و ماء زهر ، اممممممممممممممممم





و هادو من ابداع الأولاد



و هذا زيتون بالبسباس

ماشاء الله بصحتكم

المشاركة الأصلية كتبت بواسطة oum yousra

سلام و صح غداً كم انا هاذا وين وجد غدايا مزال ماتغديناش درت طعام بالعصبان . .

الله الله على ذاك الطعام يسلموووووو

المشاركة الأصلية كتبت بواسطة أم محمد تاج

صح غداكم ياغاليات
هذا غدايا ممممم فريكاسي فوووووور وفلان طبقات وديسار ماصورتش







نراجع ونرجع حبيباتي

اممممممممم راهم يشهو الف هتا

[sara74]

يعطيك الصحة اختي مرام 1987 الله يسعدك يارب

[عطرالذهب]

السلام عليكم والف مبروك الجزء 100 من واش طيبتي اليوم
باذن الله نعيشو وتدوم العشرة بيناتنا الى الجزء 1000
الف شكر ام كوثر على التكريم المميز وان شاءالله تتواصل العطاءات وتتجدد الافكار هكاك ننفعو ونستنفعو
واللي مالحقهاش التكريم اكيد خيرها في غيرها ومستحيل تمر مشاركاتكم هباءا لانو اقل شيء دعوة خير خير من الدنيا ومافيها
غدايا اليوم سباقيتي بصوص طوماط وسردين العلب وفورماج بسيطة بساطة عطورة والبارح خدمت موسكوتشو وصالاد دوفغوي للسهرة وغدايا امس كسكس اكيييد

[oum radja]

زينب بصحتك الخبز و البسباس بالزيتون امممممممممممم شهيتيني
ام تاجو الفريكاسي روعة,,,,ولا هاذاك الفلان اعطيني طريقتك
روضة بصحتك اللوبيا
ام سهام بصحتك الشوربة والمعقودة حبيبة قلبي نموت عليها

[ام اماني77]

بعض اطباقي للايام الماضية كلها معروفة ولي عندها اي استفسار حول اي طبق تتفضل

طبعا نبدا بالكسكس هذا الطبق لازم نعمله مرة في الاسبوع الطبق المفضل عند العائلة

https://

https://

https://

https://

https://

https://

https://

https://

https://

https://

https://

https://

اللهم ما ادمها نعمة على الجميع

[oum radja]

عطورة على سلامتك
ام اماني ماكلتك جوعتني يعطيك الصحة

[ام اماني77]

وااااااااع حطيت رد طويل عريض بصح مالقيتوش واااااع ضرك نعاود

[روضة 88]

عطورة بصحتك السباقيتي و سلاطة الفواكه طبعا و المسكوتشو.

ام اماني اكلاتك ماشاء الله تشهي يعطيك الصحة.

[omsalah]

اختى ام امانى الاطباق الاربعة الاخيرة حلل وناقش وعذرا على الازعاج مع خالص دعواتى

[أم شيماءْ]

امممممممممممممممممم ام اماني كلش روعة اطباقك كلها ابداع

[عطرالذهب]

[مرام 1987]

سارة بلا مزية هذا واجبي
أم سهام وروضة ربي يبارك فيكم وصح غداكم
زينب بصحتك الغدا والزيتون
أم أماني متألقة كعادتك بوركتي
عطورة بصحتك السباقيتي والبساطة هي عنوان الأناقة ولووو
زهرة وين رحتي طليتي الصباح ورحتي وبصحتك الغدا
أم صلاح بصحتك الغدا نورتي
البقية صح غداكم النت راها تقلق تاع الصح
الأولاد لي عندهم إمتحانات نقولهم ربي يعينكم وربي يوفقكم في الإمتحانات ياااارب وشوي تركيز برك راها القراية تاع درك ساهلة ماشي كيما كانت ودرك راهم دايرينلهم تسهيلات بزاااف يعني شوي إجتهاد من التلميذ والباقي على ربي سبحانه
بالتوفيق للجميع

[بنت الحاج]

السلام عليكم ورحمة الله

مبارك لكن أخواتي التكريم وإن شاء الله مزيدا من التألق في مناسبات أخرى
وربي يدوّم لمتكم الطيبة ويجازيكم كل خير على كل ما تقدمونه للمنتدى.
شكرا أختي أم كوثر على الالتفاتة الطيبة وربي يحفظك

[omhadil]

السلام عليكم
عطورة بصحتك سباقيتى
ام امانى يعطيك الصحة يالفحلة اكلاتك مميزة كاالعادة
ام راجا واش راكى اختى ان شاء الله بخير
غدايا طعام بالخضرة والدجاج جبتو من دارنا البارح وبقالى للغداء اختى دارت الموسكوشو
جات خفيفة