يوميات عضوة

[ام عبودة]

المشاركة الأصلية كتبت بواسطة مواطنة جزائرية

الفكرة رائعة

أنا مخطوبة و في دارما مدايرة رايي نهار نحدم و 10 لالا

راكم خوفتوني بيومياتكم

لازملي نفطن و نتعود على هذا الشغل


شكون تقدملي نصائح نمشي عليها هاد اليامات باه ندرب ههههههههههه

مرحبااااااا بيك ونورتينا
مبروك عليك الخطوبة وربي يهنيك وما تخافي ما والو الشغل كيما في داركم كيما في دار زوجك هنهههه. برك تبدا المسؤوليات تزيد
بصح بالتعود يولي كل شئ سااهل
بصح انت في داركم شكون اللي يهني من كل شئ وعند خواتات او زوجات اخوة ؟؟؟؟؟؟؟؟؟؟
او الام الكريمة هي من النوع اللي يحي يخدم كل شئ وحدوووو؟؟؟؟؟؟

[ام عبودة]

المشاركة الأصلية كتبت بواسطة سامو حنان

و الله فكرة رائعة شكرًا لكن

لا شكر على وااجب
ومرحبا بيك نورتينا

[ام عبودة]

العشاء درت سباقيتي وسلاطة وقبل دوشت للاولاد ورجع الزوج وجدتلو الشاي هو خرج وانا رحت للمطبخ
كملت العشاء بديت نسشور لراوية في شعرها وكويتلهم حوايجهم تاع الغد عشيتهم رجع الزوج تعشينا حنا الكبار وسهرنا شوي وراني معاكم
عزوجتي العشية خدمت شوي حلوة القمع ايا تهنينا على قهوة الصباااح
والان نقلكم باااااااي وتصبحون على الف خير

[ام عبودة]

المشاركة الأصلية كتبت بواسطة ام ياسمين10

شكرا ام عبودة ونخلة .رانى وليت لاباس برك فترة كل شهر نولى مش مليحة .منبعد ماخليتكم رحت طيبت كيكة وقهوة وسقهويت مع اولادى زوجى ميجيش حتى لبعد المغرب .وحمصت قهوة وبعثتها عند ليرحى القهوة.زوجى ميحبش القهوة المشرية.وطيبت عشايا وغسلت المواعن درت فوضى فى الكوزينة .وطبقت الحوايج مغسولين من البارح ومن بعد نتعشا ونغسل المواعن ونروح نقصر فى دردشة الماكثات فى البيت هههههوزوجى مسكين منايفاتو ........

ما عليش.التعب والملل كامل يصيبنا
بصحتكم القهيوة النايلية خضراء ولالا لا صفاي ولا مخلطة. هههههه
بصحتكم العشاااء ويعطيك الصحة والله يعينك

[المستغفرة]

مساء نور ام عبودة الله يبارك عليك
تقولي نحولة في الخلية ربي يباركلك في صحتك
راني منعينكش عيني لونها خضرا هههه
وش دار فيكم لبرد
يا لطيف حشاوهالي ليمات لي فاتو تقولي ربيع
سبحان الله
هذو ليمات وسماهم بياع كساتو
يقلك بكري ليحوس يكسي روحو يشري في مارس
والله صح مقالوهاش غير هاك
وش درتي عشاك غاليتي

[ام ياسمين10]

المشاركة الأصلية كتبت بواسطة ام عبودة

ما عليش.التعب والملل كامل يصيبنا
بصحتكم القهيوة النايلية خضراء ولالا لا صفاي ولا مخلطة. هههههه
بصحتكم العشاااء ويعطيك الصحة والله يعينك

والله غير راكى تعرفى قهوتنا يا الشاطرة .ايه قهوة خضرة وصفاى منحكيلكش على بنتها بيها مخدومة جديدة ومنكثرش نحمص غير رطل باش مطوليش وتروح بنتها .انا ليوم نضت على السبعة ونص وسقهويت انا وزوجى وراح للخدمة ودرت لبنتى بيبرو حليب وحطيتها فى الحيبوسة .........وابنى راقد يصبح بصح فى الليل يهبلنى ميحبش يرقد يسهر حتى ندوخ باش يرقد...........وطيبت الحمص واللوبيا البضاء مشمخين من البارح والى الكونجيلاتور ورانى رايحة نسيق وندير لفطور ......ابنى ناض وفراشو مشمخ وقشو كامل بول غير البرح نشكر فيه لنخلة هى تعانى من ولادها قلتلها ولدى ميشمخش فراشو ياخرااااااااااااااااااببببى واش نغسل واش نخلى.........سلام

[نخله.]

صباح النور

الله الله يا ياسمين وعلى قهوتكم كانت حبيبتي نايليه تجي عندي نجيبو المقلى كيما تقول هي القلاي وتحمصها وهده وحده ونرحوها تمتم وطيبها مخلطه ونقصرو عليها

ملي تفرقنا ماوليتس نشرهبها صمطتلي البنه



النا اليوم نضت بكري و درت شربه فيرميسال ودرت على الدار وخرجت 8 ونص رحت لطبيبه نحكم رونديفو ما حكمتليش و رحت لوحدوخرا قاتلي ذرك تفوتي ماحبيتش رجعت لدلري طفيت على غدايا ورفدت معايا لي زاناليز ودوشت ورحتلها قاتلي كلو تمام ولله الحمد

رجعت كولت لغدا رميت لفيرميسال وجت نجري للنت........................راهو ولا مرض راني حابه نقص شوي كونكسيون

[ام عبودة]

صبااااحكم عسل وفل وورد وووووو كيما تحبو انتما ههههههه
المستغرة نورتيني احكيلنا واش اديري كل يوم
ام ياسمين يعطيك الصحة شاطرة تاع الصح
نخلة وينها ههههههه
ونهى وعايدة وزيييييد
انا اليوم نظت على 6:30
توضيت وصليت حفظت ايات. ومن حطيت تسميعي
نوظت الاولاد وجدت سنيوة القهوة تقهوينا واليوم السائق ما كانش وصلنا الاولاد الى المدرسة ورجعنا الزوج راح الى اشغالو وانا بديت حليت الحالة تشمس



ودخلت الحوايج المغسولين وطبقتهم (. تاع الاولاد) ونفظت والفراشات وكنست برك خرجت العصافير برا يتشمسو ودرت منا ومنا كملت دخلت الى الدوش
دوش خفيف برك وراني نشف في شعري من بعد نوليلكم باااي

[ام عبودة]

نخولة كي صبحت والحمد لله على سلامتك انت والجنين
بصح حابة نسقصيك كيفاش يطاوعك قلبك تخلي النار شاعلة وتخرجي هههههههه والله انا نبطل قاع الخرجة ولا نديرها سندويشات فورماج وكاشيير هههههه
موسوسة كي نكون وحدي مرات النار نروح ونجي نشوف روحي طفيت ولا مازال
ما نيش نشوف فيك تدخلي بزاااف ما لا انا اللي نهار كامل حاكمة التابليت واش نقول هنهههنه
بصح ندخل غير للمنتدى ولا ندخل نحوس في مجازان قوقل نحي على خاطري
الفترة هذه مش حاكمتلي على التطبيقات مالفة هم نحيولي على خاطري

[نخله.]

ههههههههه ام عبوده علاش ما تديش ولادك انت احسن من السايق الوقت يخوف

انا العا م لجاي نبدل وليدي لايكول فالسبنيول تع قدوده بصح شرطت في باباه هو يديه واذا سافر يخليلي الكروسه وهو لل ي يدي شوفور معاه لخاطرتع الخدمه ماشي خاص لينا


وراني مغموووووووومه من علامات وليدي المعلم يمكر فيه مش يصححلو مليح ومرات ما يحطش سلم التنقيط ما يدير والو في الورقه لا علامه صح ولا خطأ يدير العلامه ديركت

وعلا ماتو 10 8.5 8 8 7 7 6 6.5 كااااااااااارثه موالف 9 و10 عمرو ما دى 8

والفرنسيه راهو 9 و 9 .5

حتى باباه قالي ما نروحولوش راهو بلعاني باه نروحولو

[نخله.]

هههههههههههه ام عبوده العدس زالوبيا والمراقي موالفه نخليهم على نار هاديه بصح الدار فارغه يعني ولادي معايا
و بلادنا صغيره تحوسيها كامله وترجعي تلقاي الغدا ما زال ما طابش

[نخله.]

الصندويتشات والفرماج ههههههههههه

السبع يرميني انا وياهم لازملو مراقي مهما كانمت الظروف ياربي و كونجولي المهم الخبز والمغرف و الهريسه

[ام ياسمين10]

صح غداواتكم كامل النهار راه يهبل نتاع تحواس والى ماصابهاش كى حالتى يدير ميناج هادا نهارووو ههههههههههههه

[ام عبودة]

نخولة ههههههههههههه خيتيك ما تعرفش حتى دور الفولون وااااااااااااع راجلي نهار كامل يضحك عليا ولادي راوية وحقو ساعات كي نخرجو للصحراء يسوقو ويعيا فيا جربي نقولو وااااااالووووو خوافة بصح قلتلو لو كان نصيب مراءة تعلم ندخل بلاك نكورج معاها هههههههههه.
السائق درتو العام اللي فات وشايب كبير كان سائق في شركة المدير صاحب راجلي ومتقاعد ما لا دخلناه عندنا مالف بالطرق قولي عمرو كامل وثقة راني كنت كيفك نخاف بصح واش ندير والله يا ولادي يضيعو
ههههههههههه السبع يرميني ههههههههههههه حتى انا راجلي هكذاك بصح الاغلب يتغدى دايما البرا بحكم العمل يروح لشانطي في افلو وعاد يكره من السواقة
وهذه النوبة راهو حاكم واحد في حاسي الرمل ولا بليل والله ما ني عارفة المهم يذرح يولي الجمعة الرسمي يفطر في الدار الا لكان مسافر
السنطويشات ليا انا والاولادبرك هههههههه

[ام عبودة]

الله يسلمك حنونة وين نحوس هنا في الصحراء نفرحو بالنهار الزوين غير للصوالح هههههههه

المشاركة الأصلية كتبت بواسطة ام ياسمين10

صح غداواتكم كامل النهار راه يهبل نتاع تحواس والى ماصابهاش كى حالتى يدير ميناج هادا نهارووو ههههههههههههه