الأخت yarasmin. 26 ترد على تساؤلاتكم هنا - الصفحة 21

saida08 · 2012-04-04, 12:29

اقتباس:

المشاركة الأصلية كتبت بواسطة yarasmin.26

احنا في المحل مانبيعوش حلوة الطابع ولكن منبعد نعطيك الوصفة الي نديرها انا وكذلك الكعك بصح احنا نديروه منسم بزريعة البسباس+ الجلجلان+ الشنان منيش عارفة اذا عندكم الشنان ولا لالالا
ام حلوة الطابع كاينة بالزبدة وكاين بالزيت وين هي الي راكي حبتها ودرك حلوة الطابع راهم ايديرولها القلاصاج ويبقى مايفسدش وجي طري ولذيذ شوفي شتى خصك وقوليلي وهذه المرة سيه بالقلاصاج الي نعطيهولك وقوليلي من بعد واش رايك تحياتي

مرحبا اختي ياسمين
نعم اعرف الشنان اسمه باللغة العربية المحلب
انا ندير الكعك بدون بيض مع دلك اريد وصفة اخرى كيما لينباع برا
اما حلوة الطابع اريد بالزيت و سمعت انه يزيدوها خمارة الخبز هل هدا صحيح
و الف شكر على الرد جزاك الله كل خير.

yarasmin.26 · 2012-04-04, 12:32

اقتباس:

المشاركة الأصلية كتبت بواسطة saida08

مرحبا اختي ياسمين
نعم اعرف الشنان اسمه باللغة العربية المحلب
انا ندير الكعك بدون بيض مع دلك اريد وصفة اخرى كيما لينباع برا
اما حلوة الطابع اريد بالزيت و سمعت انه يزيدوها خمارة الخبز هل هدا صحيح
و الف شكر على الرد جزاك الله كل خير.

مايديروش خمارة الخبز
اما الطابع الاكثرية ايديرو تاع الزبدة باه كي يقعد مايبسش ومايطلقش ليدام

yarasmin.26 · 2012-04-04, 12:40

اقتباس:

المشاركة الأصلية كتبت بواسطة saida08

مرحبا اختي ياسمين
نعم اعرف الشنان اسمه باللغة العربية المحلب
انا ندير الكعك بدون بيض مع دلك اريد وصفة اخرى كيما لينباع برا
اما حلوة الطابع اريد بالزيت و سمعت انه يزيدوها خمارة الخبز هل هدا صحيح
و الف شكر على الرد جزاك الله كل خير.

مايديروش خمارة الخبز
اما الطابع الاكثرية ايديرو تاع الزبدة باه كي يقعد مايبسش ومايطلقش ليدام

أم كوثر1 · 2012-04-04, 13:03

بارك الله فيك اخت ياراسمين و جعل ما تقدميه في ميزان حسناتك شكرا على وصفة الغريبية

meimeifati · 2012-04-04, 14:32

مساء الخير اختي مشكورة على مقادير الصابلي ممكن تعطيني مقادير الحشو هل نلمو الكوكاو او اللوز بالبيض او مازهر مع اني مالقيتش فيه دوق مازهر و مشكورة

imadwlidi · 2012-04-04, 16:17

من فضلك إذا أمكن recette تاع شيز كيك
وربي يجازيك راني سيت les recette دياولك (بيتزا، شوصن، كريمة الزبدة البيضاء ،الكيك) و خرجو رووووووعة خاصة البيتزا وشوصن راني حبيت نحهم مي معرفش للبورتابل لكن وعد نحطهم des possible

manothebest · 2012-04-04, 18:12

ياراسمين شكراااااااا على مبادراتك ربي يحفظك
==================================
نتمنى أن تعطيلي وصفة النوقا
كنت نسمع في الاذاعة فاتتني مقادير عجينة ووصلت ليها كي قال هذي العجينة ضرك حطوها في المقلى بعد ماتتقلى و تيبس دقوها ناعمة و زيدولها العسيلة و الزبدة و الكوكاو المرحي خشين وديروها في بلا حتان تشد روحها منبعد قطعوها
====================================
يعني في الحقيقة جاتني غريبة هذي الوصفة خصوصا كي قالت أقلو العجينة بعدها أرحوها
نتمنى تفيديني بهذي و إذا ماقدرتيش أعطيلي وصفة مجربة منك
و ألف شكر
في ميزان حسناتك

yasminbrenda · 2012-04-04, 18:23

ya3tik el saha haba tgoulilna kifache nakhedmou makrout 3ouche el nahla sma3te bi chebka wa lekat est ce que juste ne chekrek bezaf 3ala el mahoudat eli tkadmiha

oprah · 2012-04-04, 22:50

السلام عليكم
عندي سؤال محيرني بزاااف و لي تلقالي الحل ربي يعطيها واش تتمنى
المهم عندي مشكل مع قاكو الي يتعسل ديما يخرجلي ياااابس
متلا كيما الدزيريات
العجينه ندير فيها تلات عبار فرينة مع نص عبر دهان المدينة و نلمهم مع ماء الزهر مضاف اليه الماء
و كي يطيب نعسلو مع العسل الممزوج بالماء يعني عسل مخفف و الي يتخدم كي التالي كيلو عسل نزيدلو كأس ماء و كأس ماء الزهر و كي نعسلهم لازم العسل يكون سخون
وين الغلط؟ ولا كلش غالط؟
دبرو علي

yarasmin.26 · 2012-04-05, 09:50

اقتباس:

المشاركة الأصلية كتبت بواسطة meimeifati

مساء الخير اختي مشكورة على مقادير الصابلي ممكن تعطيني مقادير الحشو هل نلمو الكوكاو او اللوز بالبيض او مازهر مع اني مالقيتش فيه دوق مازهر و مشكورة

صباح الخير: كي تشكلي الصابلي انتاعك مستطيل او هلال .....الخ الجهة الفوقانية اغطسيها في بياض البيض ورمديها في الكوكاو او لوز مدشش وتروكيها اطيب منبعد كي تبرد اغطسي الجهة الفوقانية في الشكولاطة تحياتي

yarasmin.26 · 2012-04-05, 09:53

اقتباس:

المشاركة الأصلية كتبت بواسطة imadwlidi

من فضلك إذا أمكن recette تاع شيز كيك
وربي يجازيك راني سيت les recette دياولك (بيتزا، شوصن، كريمة الزبدة البيضاء ،الكيك) و خرجو رووووووعة خاصة البيتزا وشوصن راني حبيت نحهم مي معرفش للبورتابل لكن وعد نحطهم des possible

مانيش نخدم دوك تشيز كيك ولكن عندي وصفة فرنسية بصح مازال مسيتهاش نظرا لضيق الوقت عندي

yarasmin.26 · 2012-04-05, 09:59

اقتباس:

المشاركة الأصلية كتبت بواسطة oprah

السلام عليكم
عندي سؤال محيرني بزاااف و لي تلقالي الحل ربي يعطيها واش تتمنى
المهم عندي مشكل مع قاكو الي يتعسل ديما يخرجلي ياااابس
متلا كيما الدزيريات
العجينه ندير فيها تلات عبار فرينة مع نص عبر دهان المدينة و نلمهم مع ماء الزهر مضاف اليه الماء
و كي يطيب نعسلو مع العسل الممزوج بالماء يعني عسل مخفف و الي يتخدم كي التالي كيلو عسل نزيدلو كأس ماء و كأس ماء الزهر و كي نعسلهم لازم العسل يكون سخون
وين الغلط؟ ولا كلش غالط؟
دبرو علي

مشكلتك راهي صعيبة لازم اتعالجي العجينة 1 المقادير الي راهي عندك مشي صح ابحثي في صفحات يراسمين ترد على التساؤلات تصيبي وصفة الحقيقية لدزريات راني جاوبت اخت طلبت الوصفة والعسل لازم ايكون خفيف {العسل مخلط مع الماء الزهر او الشاربات ثقيلة مع الماء الزهر والعقدة ديري رشة خفيفة خمارة الحلوى باه ماجيكش ثقيلة شفتى اخطائك شعال تحياتي بالتوفيق

yarasmin.26 · 2012-04-05, 10:08

اقتباس:

المشاركة الأصلية كتبت بواسطة manothebest

ياراسمين شكراااااااا على مبادراتك ربي يحفظك
==================================
نتمنى أن تعطيلي وصفة النوقا
كنت نسمع في الاذاعة فاتتني مقادير عجينة ووصلت ليها كي قال هذي العجينة ضرك حطوها في المقلى بعد ماتتقلى و تيبس دقوها ناعمة و زيدولها العسيلة و الزبدة و الكوكاو المرحي خشين وديروها في بلا حتان تشد روحها منبعد قطعوها
====================================
يعني في الحقيقة جاتني غريبة هذي الوصفة خصوصا كي قالت أقلو العجينة بعدها أرحوها
نتمنى تفيديني بهذي و إذا ماقدرتيش أعطيلي وصفة مجربة منك
و ألف شكر
في ميزان حسناتك

صباح الخير: هذه الوصفة عمري ماسمعت بيها نعطيك وصفة فرنسية
ضربي بياض البيض حسب الكمية الي راكي حابة وطلعي معاها بالسكر قلاصي مثل الميرانق عادي لازم كي تقلبي الخليط مايطيحش
ومن جهة اخرى ديري العسل يسخن والشاربات كذالك تسخن كي يبداو يغلو فرغي خليط العسل مع الشاربات في وقت واحد على الميرانق{لازم ايكون شخص اخر ايعاونك} وبق اتضربي متحبسيش الخلط حتى يبرد الخليط تماما اضيفي المكسرات محمرة وخلطي بملعقة العود ثم احكمى سنوى ديري غلفيها بالبلاستيك وفرغي الخليط وسويه وتروكيه يبرد منبعد قطعيها كيما تحبي وشهية طيبة

بشرى2008 · 2012-04-05, 10:23

اقتباس:

المشاركة الأصلية كتبت بواسطة remadna

صح عند الحق
ماشي لوز وحده معاه حاجة اخرى يزكو بها الكمية
انتظر معك الإفادة

واحد راهو معانا يخدم بيسري قالنا نزيدولو الفرينة وخطراك الخبز اليابس

yarasmin.26 · 2012-04-05, 10:45

اقتباس:

المشاركة الأصلية كتبت بواسطة بشرى2008

واحد راهو معانا يخدم بيسري قالنا نزيدولو الفرينة وخطراك الخبز اليابس

هذا اي نوع من الحلوى اذا راكي تقصدي الدزريات اسمحيلي هذا يخدم في محل عيان يخدعو المشتاري ويقولولو هذا كوكاو ولا لوز اما الخفوفية الحلوى كاين بزاف حلول مشي الحاجة الي تسمعو بيها اطبقوها تحياتي