دورة خطواتي الواثقة لأصبح ربّة بيت متألّقة

[حياتي كلها امل]

اصبحنا واصبح الملك لله والحمد لله ولا اله الا الله

[ام شمسو محمد]

اللهم إني أصبحت منك في نعمة و عافية و ستر فأتم علي نعمتك و عافيتك و سترك في الدنيا و الآخرة.

[omelbanin]

صباح الخير، كيف حالكم، انا صبحت مع لحوايج من 7نحيت الشورى وغلافات لمخايد، ومن غير الملابس العادية، وعندي اليوم أيضا ترقيع للملابس،لي مقطعين شوية.
ام شمسو راني مع المناطق الساخنة، راني قريب نقضي علهم كامل، ومام الدقيقتين تاع المساء فادتني بزاف يعطيك الصحة حبيبتي .
يومكم موفق.

[ام شمسو محمد]

المشاركة الأصلية كتبت بواسطة ام اكرم31

السلام عليكم كيف حالكم اخواتي
اخواتي في هاد اليمات تع الشتا لم اقم بتنضيف عميق للبيت مع الاوللد والغبا شفت الدار ازملها تنضيف عميق قلت ليوم نضف الشومبرا واش راكم وانصحوني كيفاش نحافض على نضافتها انا عندي الغيرة بزاف وحاطة الدوزان تحس السرير صبت كلش مغبر

أهلا بيك أختي أم أكرم،و مشكلتك اللي طرحتيها هي مشكلتنا جميعا حنا ربات البيوت ....كيفاش نحافظو على بيوتنا بلا ما نهملو إلتزاماتنا(ولادنا،رجالنا،نفوسنا...)،أنا من تطبيقاتي لأسلوب الفراشة نأكدلك بلي راه فعال و يحل معظم مشاكلنا و ماكيش مضطرة تجيبي نهارك كامل في التنظيفات..20 د يوميا تكفيك وساعة للتنظيفات الأسبوعية،و ساعة أسبوعيا للتنظيفات الشهرية العميقة....و روتينات يومية مضبوطة و سهلة و ما تربطكش ......و تكوني في كل شهر مريتي على كل قطعة في بيتك.

[ام شمسو محمد]

صباح الخير أم هارون ،راكي غايبة علينا ،توحشنا طلتك المميزة وحضورك الكريم.....كي تكوني نحس روحي ضيفة وانتي مولاة الدار و قايمة بيا.

[randa3]

اصبحنا واصبح الملك لله والحمد لله ولا اله الا الله
صباح الخير عليكن يا فراشات

[randa3]

جهينة. حياتي كلها امل. ام البنين.ام شمسو وش راكم ؟

[omelbanin]

اهلا رندة، راني الحمدلله غدا اخر يوم للامتحانات تاع وليدي، ويروحلي شوية ضغط.
، راح نجوز مولود عند ختي ام هاجر، هههه، الله غالب الوالدين ماكاش ربي يرحمهم برحمته الواسعة.
الحقيقة رانا معتقدين بعدم جواز الاحتفال، بصح جاتني فرصة ما يقراوش الأولاد، قلت يروحو يلعبو مع ولاد خالتهم. وانا تانيك غير وحدي مع لولاد، ضاقت خاطري هاذو اليامات.
ام شمسو حنونتي كلامك كبير عليا، انا مازالني نتعلم ونحب نتعلم، والله وجودك في الدورة انت وام تينة، هو لي خلا الدورة ما تحبسش وتستمر، ياذن الله يخلاصو الامتحانات نوليو للنشاط ديالنا،
اييييا ام شمسو، ام تينة، والباقيات، يدا بيد نحو استمرار هاته الدورة، وازدياد تالقنا نحن الفراشات المسلمات

[ام اكرم31]

صحيتي اختي ام شوشو بصح من فضلك اشرحيلي واش راكم تديرو بامثلة على البيوت مفهمتش كيفاش نضف في 20د والتنظيف الاسبوعي غي ساعة

[جهينة اليقين]

يسال عليك الخير راندا حبيبتي ام هارون كي تروحي عند ام هاجر خبرونا واش درتو للمولود احنا كذلك ما نحتفلوش بصح تكون اكلة مميزة ههههههههه غير تاع كروشنا كي كانت عجوزتي الله يرحمها تولي غير ياو اليوم العيد ياو اليوم العيد باش نفهمو روحنا الكبار مساكن يحبو غير يكلو اكلة بنينة وفيها بزاف لحم وانا نقول لها زعم تعرفو الرسول واش دار وكيفاه عاش كي راكم تحوسو تحتافلو ولا غير باش تاكلو

[روان دينا 27]

السلام عليكم حبيباتي كي راكم و الله غير توحشتكم

بالنسبة للتنظيفات راكم عارفين الدار كلها تقلب مع الضياف البارح الوالد راح باش يجيب عمرة ربي يتقبل منه

الحمد لله رانا متعاونين كامل كلش خملناه وهذا بفضل الله فاتت غاية

[ام ادم و اسيا]

السلام على كل الاخوات انا نظن انه الاحتفال بالمولود شئ عادي لاني باحياء هذه العادة فيها نوع من التواصل بين الاجيال من جهة و من جهة اخرى فنحن نرسخ صورة الرسول من خلال الاجابة عن تساؤلات اولادنا عن مولد الرسول وعن حيا ته و عن الرسالة التي كلفه الله بها اعلى ان يكون الاحتفال رمزي و هادف مثلا انا في بيتي احضر طبق تقليدي يجمعنا كلنا بعدها نتفرج انا واولادي وزوجي فيلم الرسالة جميعا مع بعض ويتخلل هذا بعض التدخلات الهادفة

[ام ادم و اسيا]

في المقابل انا ضد الاحتفال الذي يفرغ العادة من هدفها الاصلي مثل شراء المفرقعات باموال باهظة و غيرها من الاشياء التي لا تمت باي صلة بالملد النبوي الشريف

[جهينة اليقين]

الاخت روان ان شاء الله الوالد يجي بالسلامة والعملية واش قررت فيها

[حياتي كلها امل]

ر ندة يسقسي عليك الخير اختي
روان يارب يروح باباك بخير ويرجع بخير انا عجوزتي غدا راهي رايحة