~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 20

غزالة1 · 2016-04-30, 17:01

السلام عليكم
مساء الخير اروئ امنيات شريكتي ام متين و الغائبة جهينة
الممتحنات ان شاء الله يدخلو اليوم و تكون نفسيتهم مليحة و النتيجة على ربي سبحانه الي فيه خير يقدمو

غزالة1 · 2016-04-30, 17:03

سمراء يا سمراء نحن في انتظار الحلويات ههههه

غزالة1 · 2016-04-30, 17:04

حبيبة ان شاء الله امورك تمام

غزالة1 · 2016-04-30, 17:16

الاخت امنيات
موضوع التحضير لرمضان دينيا دائما نقوم بيه لكن للاسف اطبق نسبة منه فقط لاني فعلا اتعب مع الاولاد من جهة و مع. الطبخ من جهة اخرى لاني لا اقوم بتحضير الاكل مسبقا فزوجي لا يحب الاكل المجمد و المطلوع يحبو جديد الا اذا كنت مريضة فيعذرني
التراويح اصلي على قدر طاقتي و حسب ما يسمح به الصغار فصراخهم يزعجني و انا احب ان اصلي في هدوء
الذي دائما اريد ان افعله هو ايجاد طريقة عملية لجعل رمضان مناسبة مميزة للاطفال لكن لحد الان لم اجد فكل ما اقرا يتكلم عن الموضوع بصفة عامة. يعني انشائية لكن برنامج عملي لم اجد و يا ليت اي وحدة عندها تجربة ناجحة مع اولادها تخبرنا لتعم الفائدة على كل ابناء المسلمين و لا يوجد احسن من رمضان لتكون بداية لابناءنا لحفظ القران و الابتعاد عن التلفاز
و شكرا

فراشات العمر · 2016-04-30, 17:41

السلام عليكم
وشراكم كامل
تحية خاصة ازفها للممتحنات ان شاء الله يدو لي كتبلهم ربي
اختي سمورة ماتكليش قطعة اللحم راني نستى فيها
خلصت الصالون والدخلة لي تشبه جدار برلين هههه
طبقت درس الاول تاع التطريز
استمعت الى فيدوهات لزيادة الطاقة الاجابية
صلاتي ماخليتها كاين حاجة لي بوند اوان دزيت ابني يشريلي مديتلو خمس الاف قالو مول الحانوت وين ساكنين مكاش تاع خمس الاف ولات سبع الاف وانا نسيت عام تاع الحمل وتقريب عام ونص رضاعة ههههه

حبيييبة · 2016-04-30, 19:49

مساؤكم معطر برحيق المحبة و الشوق
لاحلى الاخيات
واش راكم حبيباتي وواش احوالكم جميعا
انا احوالي بخير الف حمد و شكر لله
اليقين اليقين ثم اليقين بالله هو سلاحنا امام كل ما يمر بنا من تجارب و خبرات خلال مراحل حياتنا المتجددة

حبيبتي ام هزار كم سعدت بقراءة اسمك
و ادراكي انك سائرة الى الامام هذا امر جميل حبيبتي
ربي يخليك ليا ياا رب

حبيبتي اروى
ربي يخليك ليا حبيبتي
الله لا يحرمني منك و من جميع حبيباتي في المنتدى
ربي يشفي اولادك غاليتي و زوجك و يعافيهم ياا رب
من حقك تصبحي راقدة ولو يوم واحد في الاسبوع
انت انسان و لست آآلة حبيبتي
اتهلاي في روحك و ماتكتريش الشغل فالويكاند خليه للاستمتاع بوجود عائلتك حولك

حبيبتي غزالة يا لغزالة
شكرا لك و ربي يخليك ليا حبيبتي
اصلا لا مكان لي بعيدا عنكم و بين احضانكم
لاباس على بنيتك ربي يحفظهالك ياا رب و يشفيها و يعافيها

حبيبة قلبي ام متين
لما نقرا اسمك اشعر بمتانة حبك و حرصك على رضا الله
ربي يخليك ليا حبيبتي
ربي يشفيلك وليدك و يعافيه و يحفظلك زوجك و يكثر من امثاله
و استحفظي على روحك.. العمل كاين بزاااااف منو لكن ام متين كاين غير وحدة برك

اشتقت لكن جميييييييييييييعا
و سعيدة بتواجدي بينكن

حبيييبة · 2016-04-30, 19:55

تقريري اليوم لم اقم ياي اعمال منزلية و لا حتى اعمال خارجية
اليوم كنت من الممتحنات لمسابقة التوظيف
نزولا عند رغبة امي و الحاحها المستمر
حتى رحت سجلت و رحت اليوم امتحنت
لان هذا الامر لم يكن هدفا من اهدافي
لكن واش ندير نرضيها و نخليها على الله
ربما مكتوبلي كاش خير في هاذ الطريق!

فوتنا في متوسطة في مدينة اخرى غير مدينتنا انا و اختي
و ما رجعناش حتى للمساء قرابة 19.00
جيت مدقدقة و راسي ثقيل
غادي انوض نشوف واش نطيب للعشا و ناكل و نرقد

بالنسبة لبرنامج رمضان
انا معكن البرنامج اللي تعتامدوه نطبقه معكن باذن الله

ام هزار · 2016-04-30, 20:13

حبيبة . يا حبوووبة اهلا بعودتك من جديد . سعدت بردك غاليتي
ما تعبيش روحك كولي حاجة خفيفة و ارقدي .مليح . حتى انا عندي ساعة ملي دخلت للدار من المسابقة . راني كنت حارسة . و الله التعب دار فينا حالة
لقيت عشا خفيف في الدار كليت و رايحة نريح باذن الله
ربي يوفقكم حبيبتي انت و ام ادم و ام صبرين و نسومة و امال ......والله كي كنت نحرس كنت نتخيل فيكم في مكان المتسابقات و ندعيلكم على طول الخط ... امييييييييييين
ليلة سعيدة للجمييع . تصبحن على حير

جهينة اليقين · 2016-04-30, 20:15

السلام عليكم اهلا حبيبة والله كي نشوف اسمك نحس بالطاقة الايجابية يا ريت تبقاي معنا على طول الدورة ما تزوغيش انا كذلك كنت في مسابقة عند الوالدة جاوها ضياف رحت نعاونها وبناتي فالمسابقة وخلينا الدار فارغة وجدت لولدي وباباه حاجة خفيفة للغذا ورجعنا الكل عند المساء ورانا مع العشاء

حبيييبة · 2016-04-30, 20:17

الاحظ غياب الكثير من الاسماء النشيطة في الدورة
ان شاء الله غيابهم كلهم خير

حابة نعرض عليكم هذا الفيديوهات
مارانيش عارفة اذا كنتم تشوفوا الفيديوهات اللي نعرضها عليكم
او انها تطلعلكم
لكن اتمنى ذلك
لانها مهمة و توصل لكم كل ما احب ان اعلمه لكم كما تعلمته

هذا الفيديو لام امريكية عندها بينتان 4 و 2 سنوات
و رضيع حديث الولادة
يعرض يوم من ايام هته الام من وقت ما تستيقظ من النوم على 6.00 صباحا على ما اظن الى بعد الظهر

https://www.dztu.be/watch?v=t1DCXM0PXW4

و فيديو تعرض فيه نهاية يومها من بعد تناول وجبة العشاء الى وقت النوم

https://www.dztu.be/watch?v=5MxiD4UI...ftQGrF&index=2

هذه الفيديوهات استثنت فيها التنظيفات (لها فيديوهات اخرى عن روتيناتها التنظيفية)
هذه الفيديوهات تعرض اسلوب حياة
اسم قناتها:

Myka Stauffer

سؤالي هو:

هل نحن النساء في بلدنا الجزائر المسلمة
يمكن ان نعيش يوم رايق و ممتع و سعيد من بدايته الى نهايته رفقة افراد اسرنا
بكل حب و متعة في العطاء مثلما تعيشه نساء كثييرات و مختلفات في بلد اخرى غير مسلمة؟؟

ما الفرق بين يومنا و يومهم؟؟ ما الفرق بين اسلوب حياتنا الذي اخترناه و اعتمدناه لنكون اسرى له طيلة حياتنا
و بين اسلوب حياتهم و عيشهم؟؟

((ارجو ان تغضوا الطرف عن اللقطات الاخيرة من الفيديو الثاني و تتمسكوا بالفائدة))

حبيييبة · 2016-04-30, 20:24

اذا خرجتلكم صفحة بيضاء و عليها كتابة
Votre connexion n'est pas privée
يرجى الضغط على عبارة
paramétres avancés
ثم الضغط على
Continuer vers le site www.dztu.be (dangereux)

arwa alaa · 2016-04-30, 23:52

يعطيك الصحة يا اختي امنيات ربي يبارك فيك ويجعلو في ميزان حسناتك والله انا كي نكون في داري منضمة وقتي وكل حاجة في بلاصتها وعندها وقتها لكن كي نروح عند عجوزتي كلش يتخلط مني النوض ونا نجري بلا فايدة حتى الصلاة نقصر فيها ربي يسامحني بصح وليت منحبش نروح في رمضان هي مرى كبيرة وتغيضني متقدرش على الشغل وانا كي نروح نحي عليها بصح لا تراويح لا صلاة في الوقت لاوالو كل عام لازم نروحو عندها في رمضان انا منقولش لراجلي منروحش بصح في قلبي ........وزيد نقول وحد المثل تقولو جداتي منيكنت صغيرة تقولو ليمى ولخالاتي "تقوللهم كل ما تجيو اديرو حاجة لعجوزتكم ولاتقولو حاجة عليها اتفكروتكبري ياكنة وتولي عجوز "يعني ربي راهو يشوفويخلص فدنيا قبل الاخرة اسمحولي راني كسرتلكم اسكم وخرجت على الموضوع

أم محمد وسيم · 2016-05-01, 00:11

اروى الاء ربي يكملك بعقلاك ويعطيك قدنيتك معليهش نسقسيك شحال عندك ولاد وبناتك التوام شحال في عمارهم ويناه اكثر وقت تعبوك فيه وويكت حسيتي روحك بديتي تريحي اي نصائح فيديني بيها ربي يجازيك كل خير

arwa alaa · 2016-05-01, 00:11

تقرير اليوم
تقدرو تقولو لا رقدت ولا نضت الليل كامل وانا مع لولو عندها السخانة
الصلاة في الوقت بلا قراءة ولا تسبيح
نضت على السابعة وجدت الفطور وفرزت الدنيا قبل ما ينوضو السنافر ومنبعد فطرت انا وزوجي وخرج عندو شغل رحت درت تريدة للغداء كي ناظو لولاد فطرو وغسلو وبدلو وجاء باباهم اداهم لطبيب وكي رجعو تغدينا رقدت لولو واروى محبتش تعبت اليوم اشريت كرواسون لقهوة العشيا مقدرتش ندير والو شربنا الحليب وطبقت القش ودرت العشاء شوصون الفرماج والتونة وبقاتلي تريدة من الغداء كي وصلت 7:30تعشيتنا وغسلت المواعن ووجدت البنات باش يرقو راهم رقدو بصح لولو عندها السخانة وانا راني نعس فيها ..............تصبحون على خير

LINA 97 · 2016-05-01, 00:19

باراك الله فيك اختي .