يوميات عضوة - الصفحة 20

hadjer mascara · 2014-03-14, 20:06

الله يبارك أم عبودة صدقة الله يجعلها مقبولة وتعود عليكم بلصحة

نخله. · 2014-03-15, 09:25

صباح النوووووووووووووووور

انا يامس درت ميناج خفيف والطعام غدا وكثرت باه يبقى ىعشا ودوشت وتغاشيت بعد صلاة الظهر الجيران سمعو شخيري واقبلا ههههههههه

اليوم ما زال ما درت والو مازالو ظهري منتعب البارح حتى ماعين لعشا راهم فاللوفي

انا شاطره في كلشي الا ما عين العشا..............نفرز المايده والكوزينه ونخلي لماعن للصباح مزيا وحدي كون راني مع العايله يطلللقوني كيما تقول الوالده

ام عبودة · 2014-03-15, 09:32

شكرااا لكن خياتي على المرور
صباااااحكم سعيد
اليوم ثاني كسوووولة فطنت على 7 وليت كملت ساعة نوووم
نظت توضيت وصليت واستغفرت ربي.
وجدت قهوتنا وتقهوينا وخرجو الاولاد الى التدريبات والزوج الى اشغالو اللي ما تنتهيش الله يعين ازواجنا
ولبست ميمي حوايجو وراه الريح داير حالة بلاك نغسل بلاك لا لا نرفد الالزرابيى ونمسح الحالة
ايا با ي الى الملتقى

ام عبودة · 2014-03-15, 09:37

نخولة هههههههههههههه مزية راكي وحدك هههههههههههه
العقوبة لينا وقيلا نتهنو شوي من التعب هنا ههههههههههه
علابالك كي نسافر منا ولا منا نقول في نفسي نشبع رقاد الصباح ههههه على بالك على من نوض هههه مع الفجر تقول بلعاني
بصح انا مزية طحت في عائلة تاع التصباح وتاع كل شئ بغرضي هههههههه
الله يدوم العشرة والمحبة يا رب
نخولة علاش ما رحتيش داويتي على ظهرك ولا وقيلا رايحة تجيبي طفل زوين هههههه على خاطر يقولو اللي وحمها بسطر الظهر طفل وسطر الكرش طفلة والله اعلم

فاطمةع · 2014-03-15, 09:40

صباح الخير عليكم يعطيك الصحة ام عبودة ربي يوفقك ويوفقنا اجمعين

ام عبودة · 2014-03-15, 10:10

صباااح النوًر خيتي فاطة واش درتي اليوووم

نخله. · 2014-03-15, 13:33

اهلين فاطمه
م عبوده ظهري ماشي ملوحم من الطيحه للي طحتها

و التقلاب كنت دايره رونديفو عند طالب وراجلي غلط في لا دات و زاد دوس معاهم عفس عليها يعني لازم انا نروح بالاك غدوان شالله

و تعرفي طالب 10 ايام باه يلحق الرونديفو

انا اليوم نسيت روحي مع الميكرو حتى 10 و نص حبط للكوزينه لحت بطاطا وبصل وشوي دجاج فالكوكوت طماطم وفلفل وثوم فالفور مبينما غسلت ماعن الليل والقهوة وفرزت الريدشوصي طابو رحيت السوب ووجدت الغدا وجا السبع 11 ونص وتغدينا

ا

ام عبودة · 2014-03-15, 14:07

بصحتكم الفطووور
وصح طالب مليحة انا دائما نتبعها غير هي برك الرونديفو يتعب معاها

ام ياسمين10 · 2014-03-15, 14:12

مساء الخير عليكم .انا ليوم مدرت والو غير الغداء .المورال صفر والجو باااارد ...................

ام ياسمين10 · 2014-03-15, 14:17

نخولة راكى هنا

ام عبودة · 2014-03-15, 16:56

اقتباس:

المشاركة الأصلية كتبت بواسطة ام ياسمين10

مساء الخير عليكم .انا ليوم مدرت والو غير الغداء .المورال صفر والجو باااارد ...................

اله يمسيك بالخير وااااااش بيه المورااااااااال ياخي غير الخير هههههههههههه
حتى هنا راهو الجو باااااااارد مع الريح مزية مش غباااار
انا اليوم غسلت الحوايج وسيقت الدار ورجع زوجي معه صاحبو حطيتلهم الفطور وفطرنا مع العائلة غسلت المواعن دوشت ماهر ورقدت نظت مع العصر توضيت وصليت ومازال ما شربتش الشاي نستنى زوجي
وراني دخلت الحوايج ونطبق فيهم ونخمم واش ندير للعشااء ومن بعد ندوش الاولاد المراجعة راني ديت معاهم عطلة ههههه من بعد الامتحانات
هيا باي تهلااااو في ارواحكم نروح كمل اشغالي ونوليلكم

نخله. · 2014-03-15, 17:53

ام ياسمين ماكنتش هنا.................. ما ديريش على اللامبه الخضرا انا جامي نسخل خروج خاطر ميكرو تاعي وحدي ديما في حجري وكي نروح نخليه فاي متفنيين على بيها اللامبه تاعي دايمن شاعله

ام ياسمين10 · 2014-03-15, 19:38

شكرا ام عبودة ونخلة .رانى وليت لاباس برك فترة كل شهر نولى مش مليحة .منبعد ماخليتكم رحت طيبت كيكة وقهوة وسقهويت مع اولادى زوجى ميجيش حتى لبعد المغرب .وحمصت قهوة وبعثتها عند ليرحى القهوة.زوجى ميحبش القهوة المشرية.وطيبت عشايا وغسلت المواعن درت فوضى فى الكوزينة .وطبقت الحوايج مغسولين من البارح ومن بعد نتعشا ونغسل المواعن ونروح نقصر فى دردشة الماكثات فى البيت هههههوزوجى مسكين منايفاتو ........

سامو حنان · 2014-03-15, 19:56

و الله فكرة رائعة شكرًا لكن

مواطنة جزائرية · 2014-03-15, 20:53

الفكرة رائعة

أنا مخطوبة و في دارما مدايرة رايي نهار نحدم و 10 لالا

راكم خوفتوني بيومياتكم

لازملي نفطن و نتعود على هذا الشغل

شكون تقدملي نصائح نمشي عليها هاد اليامات باه ندرب ههههههههههه