شارك في اختيار الملكة قبل انتهاء التصويت - الصفحة 20

stayfiya · 2013-10-25, 18:48

صحيتو يا لحراير. والله عجبتني حطتكم كيما راكم سيييرتو العشاء والله تحفة كي تاع الفيلمات هههه حسيت روحي قاعدة ثم و باينة ريحة الشمع تنفنف. ممممم
فريولة وشنهي الحية لمكربعة هذيك نديه كلشي تووب بان المستر تقلش بالبيان و نور المستقبل اني نشوف فيك درتي غير زوج طباسا و لولاد وين عشيتيهم في الكوزينة ولا دزيتيهم لبيت الشيخ هههه بصح والله يعطيكم الصحة و راني نشوف تعليقات المرة لي فاتت جابت نتيجة و تطور ملحووظ خصتنا جوجو و ليونة ان شاء الله يكونو بخير معليش المرة الجاية لازم يدوبليو المجهودات نورمالمون ماهمش ايليميني

•~ندية الجوري~• · 2013-10-25, 18:48

اقتباس:

المشاركة الأصلية كتبت بواسطة فريولة ابتسام

العشاء الرومانسي اتاعك يهبل

تعيشي يا غالية ... ميغسي هذا من ذوقكْ

و فستاني ما عجبكش

stayfiya · 2013-10-25, 19:02

هاايل ندية كون زدتي درتي احمر يا ختي واش نقلك ! هههه ماشفتش مليح السلاطة وشنهي درتيها هاذو الشلايم واش ؟؟؟ نور المستقبل راهي في العرس و قلبها راه عندنا هههههه بصح ما طلعوليش تصاورها كومبلي

•~ندية الجوري~• · 2013-10-25, 19:17

اقتباس:

المشاركة الأصلية كتبت بواسطة stayfiya

هاايل ندية كون زدتي درتي احمر يا ختي واش نقلك ! هههه ماشفتش مليح السلاطة وشنهي درتيها هاذو الشلايم واش ؟؟؟ نور المستقبل راهي في العرس و قلبها راه عندنا هههههه بصح ما طلعوليش تصاورها كومبلي

هذا ما عندي ... و واحد أبيض قصير و واحد روز .... إخترت هذا ... الأحمر كاين واحد مخيطاته وحدي لكن خفت ما يكونش قد المقام

قصدكْ على هاذي...

هاذو ديــول قصيتهم دوائــر صغيرة
و حشيتهم بـ فيونداشي
و عملتلهم ربطات و درتهم في الفور

...

فريولة ابتسام · 2013-10-25, 21:54

المنتدى راه في سبات

stayfiya · 2013-10-25, 22:11

هاني جيت كانو عندنا ضياف. هذوين روحو. هاه واش الكالم هذا خير ؟؟؟

stayfiya · 2013-10-25, 22:15

ندية راني شفت الشلايم هذوك ايييييه لوكان جيت ثم راني فرزتلك الطابلة ههههه

فريولة ابتسام · 2013-10-25, 22:22

اقتباس:

المشاركة الأصلية كتبت بواسطة stayfiya

هاني جيت كانو عندنا ضياف. هذوين روحو. هاه واش الكالم هذا خير ؟؟؟

مرحبا بيك ارواحي طلعيلنا المورال اموا انت

stayfiya · 2013-10-25, 22:27

ياختي مافهمناش اليوم الجمعة والناس كامل قاعدة و في المسابقة حطيتو خير اللوكس. ولا ماهمش يفوطيو هههههههههه راني نحميلك في الدم فريولة هههه ماديريش في بالك مزااال الخير واشراهي ست فريال عجبتها الحطه هههههه

فريولة ابتسام · 2013-10-25, 22:39

راني بزاف متوحشتها راهي في دار جدها

stayfiya · 2013-10-25, 22:49

معليش تفوت يامات و جي بخير نشالله فريولة نخليك على خير بغيت نطيح اليم من الميناج للمشينة للضياف عييت لغدو لاحب ربي نشالله بالسلامة حبيبتي

فريولة ابتسام · 2013-10-25, 22:55

تصبحي بخير حنونة انا مازالت لي شوية خدمة امبعد نرقد غدوة ان شاء الله عندي خياطة

فريولة ابتسام · 2013-10-25, 22:56

الفستان اتاعي كي تقيميه دري في بالك انا خيطتو

•~ندية الجوري~• · 2013-10-26, 07:37

السّلام عليكم و رحمة الله و بركاته ....

الحمد لله حمداً كثيراً طيباً مُباركاً فيه

صباح الأنس يجمعنـا ... و بـ الأمــال يُحيينــا
صباح كلّــه فرح ... و نبض الشّوق يحدونـــا
رداء اللّيـل قد ولّى ... و وجهـ الصّبح انـــوار
صبــاحٌ باسم عذبــٌ ...و نبضُّ الرّوح أَسْـرار

كتبتها اللّحظـة من عمق خيبة املي
فشّلتـــونــا
ما ظنيتش يرجع لي الحماس تاع الأسبوع الماضي

فريولة ابتسام · 2013-10-26, 07:40

صباح الخير كيفاش صبحتو نتمنى بخير على مايبدو انا اغلقت الوضوع البارحوانا صبحت عليه يا الحباب انا اليوم عندي خياطة حجاب كي نكملو نعاود نولي راني نصورو لكم تشوفوه

مشاهدة نتائج الإستطلاع: لمن تصوت لافضل اطلالة اسبوعية 2013 MISS DJELFA
ندية الجوري	22	28.95%
ليان نجمة البحر	17	22.37%
فريولة ابتسام	15	19.74%
نور المستقبل	11	14.47%
عذراء الجبل	11	14.47%
المصوتون: 76. أنت لم تصوت في هذا الإستطلاع