الطبعة التاسعة "دورة الرقي لمدبرة منزل مثالية"

[sondse1]

ربي يوفقكم جميعا

[sondse1]

سلام حبيباتي

ارواحو لموضوع و جاوبوني باه ندير البرنامج قدقد

https://www.djelfa.info/vb/showthread...1132388&page=2

[oummalak]

رانى رديت عليك بالتفصيل الممل نتمنى ما زعفتيش منى برك

[sondse1]

حبيبتي ام ملاك وضعت سؤال جديد في الصفحة الثانية

اتمنى تجاوبو عنو

حبيبتنا ام امجد راهي جاوبت عليه

[~ حراير ~]

صباحكم بالخير و الهناء يا الحراير كيف أصبحتو
تعرفو كي يخرجو لولاد من الدار انحس بواحد الهدوء ما تقدروش تتصوروه .... تعججججججججبني روحي

هياو معايا خواتاتي ندعيو شوية باش ربي يكون في عونا و يعطينا الصحة و القوة على هاد النهار المبارك إن شاء الله

"بسم الله الرحمن الرحيم. الحمد لله رب العالمين الرحمن الرحيم. مالك يوم الدين. إياك نعبد وإياك نستعين. أهدنا الصراط المستقيم. صراط الذين أنعمت عليهم. غير المغضوب عليهم ولا الضالين" فلله الحمد رب السماوات ورب الأرض رب العالمين وله الكبرياء في السماوات وهو العزيز الحكيم "الحمد لله وسلام على عباده الذين اصطفى" اللهم ذا الجلال والإكرام صل سلم وبارك على إمام أنبيائك سيد رسلك سيدنا محمد وعلى جميع إخوانه من النبيين والمرسلين وجميع عبادك الصالحين من أهل السماوات والأرض، وعلي معهم، برحمتك يايا أرحم الراحمين يا ذا الجلال والإكرام. صلى الله على سيدنا محمد سبحان ربي العلي الأعلى الوهاب فسبحان الله حين تمسون وحين تصبحون وله الحمد في السماوات والأرض وعشياً وحين تظهرون. يخرج الحي من الميت ويخرج الميت من الحي ويحيى الأرض بعد موتها و كذلك تخرجون"

رب ذا الجلال والإكرام لك وجهت وجهي فأقبل إلي بوجهك الكريم واستقبلني بمحض عفوك وكرمك وأنت ضاحك إلي وراض عني برحمتك يا أرحم الراحمين يا الله يا ذا الجلال والإكرام. لا إله إلا أنت سبحانك إني كنت من الظالمين لا إله إلا الله، واستغفر الله لذلذنبي وللمؤمنين والمؤمنات عدد خلقه ورضاء نفسه وزنة عرشه ومداد كلماته. رب اغفر لي ولأمة نبيناً سيدنا محمد مغفرة عامة وارحمني وارحم أمة نبيناً سيدنا محمد رحمة عامة رب اغفر وارحم وأنت خير الراحمين. رب آمنا فاغفر لنا وارحمنا وأنت خير الراحمين
ربنا لا تؤاخذنا إن نسينا أو أخطأنا، ربنا لا تحمل علينا إصراً كما حملته على الذين من قبلنا ربنا ولا تحملنا ما لا طاقة لنا به واعف عنا واغفر لنا وارحمنا أنت مولانا فانصرنا على القوم الكافرين أصبحنا وأصبح الملك لله رب العالمين، اللهم إني أسألك خير هذاخير هذا اليوم فتحه ونصره ونوره وبركته وهداه، وأعوذ بك من شر ما فيه وشر ما قبله وشر ما بعده. اللهم استر عورتي وآمن روعتي واقض عني ديني
اللهم أصلح ذات بيننا وألف بين قلوبنا واهدنا سبل السلام ونجنا من الظلمات إلي النور وجنبنا الفواحش ما ظهر منها وما بطن، اللهم بارك لنا في أسماعنا وأبصارنا وقلوبنا وأزواجنا وذرياتنا وتب علينا إنك أنت التواب الرحيم، واجعلنا شاكرين لنعمتك مثنين بها قابلين لها وأتمها علينا
اللهم اغفر لي ذنوبي وخطاياي كلها، اللهم انعشني واجبرني واهدني لصالح الأعمال والأخلاق فإنه لا يهدي لصالحها ولا يصرف سيئها إلا أنت
اللهم إني أسألك الثبات في الأمر وأسألك عزيمة الرشد وأسألك شكر نعمتك وحسن عبادتك وأسألك لسساناً صادقاً وقلباً سليماً، وأعوذ بك من شر ما تعلم وأسألك من خير ما تعلم واستغفرك مما تعلم إنك أنت علام الغيوب
اللهم آمين

أختي سندس راني علابالي بيك في الطريق ربي يسهل عليكم و يجيبكم بخير و عافية آمين
أم ملاك ما تقدريش تتصوري شحال عجبتني هديتك راكي جيتيني في زوج حوايج نحبهم الورد و الصداقة "رغم أني ما عنديش صديقات تاع الصح" لكن و ربي عالم بنيتي حاستكم صحيباتي و حاسة روحي تقول نعرفكم من زمااااااااان
و هديتك راهي على الراس و العين لأني حسيتها خارجتلك من القلب ... ربي يزين نيتك حبيبتي و ربي يصلحلك ذريتك آمين

أم مريم أم أمجد سعاد ربي يكون في عونكم و راني راح نوصيكم الإمتحانات ما عندو ما بقالها غير أبداو بالمراجعة من الآن باش ما يتعبوش لوليدات أيام الإمتحانات

و على هك بلاك ما تلقاونيش بزاف معاكم سامحوني
هي توكلو على ربي و ابداو في الشغل على تجينا المديرة سندوسة و تلفنا هيهيهيهيه

[oummalak]

ربي يجازيك اختي اريج المسك يا صديقتى الغالية والله احبكم في الله

[sondse1]

اسعد الله مسائكن حبيباتي
كيف احوالكم ان شاء الله بالف خير
توحشتكم بزاف
راني سرقت شوي وقت باه نجي نطل على خياتي
كي نكمل المومة اللي عندي راني نولي ندخل
و نبداو الدورة الجديدة
تحياتي للجميع
و ربي يوفقكم

[وفاء سعاد]

اسعد الله صباحكم ربي يعونك اختي سندوسة راني قاعدة نطبق في البرنامج وزيد مع الفروض انتاع الاولاد هدا الاسبوع علا هديك مانيش نكتب في التطبيقات انتاعي وزيد رابي متشوقة للبرنامج الجديد وشكرا

[oummalak]

السلام عليكم كيف الحال هدو ليامات راهو المطر وزيد رقبتي ما زالها توجعنى التطبيقات 0 لكن الجانب الدينى الحمد لله
مريومة ان شاء الله حجاجنا جاو بخير وعلى خير

[وفاء سعاد]

صباح الخير اختي ام ملاك احنا تاني الحالة مغيمة بلاك رايحة تصب النو يعني المطر ورقبتك ماتكونش المخدة اتاعك يابسة او عالية ولا رقدتي معدبة

[oummalak]

لالاحبيبة عندي خمس ايام وانا هكدا اما عن المطر الحمد لله هاد 3ايام وهو ينزل

[امجد14]

صباح الانوااار عليكم جميعا كنت لاهية مع الفروض تاع اولادى النتائج راهى تبان مليحة خاصة مواد الحفظ لكن مواد الفهامة شوى شوى
ولازم نزيد نركز معاهم لان بعد اسبوعين ندخلو فى الاختبارات
الجانب الصحى رقبتى كانت مزيرة على بزاف من كثرة الضغط و الحفظ الدروس و كان عتدى ارق لكن شربت
حبة تاع سوربريد ارتحت قليل و نمت فى النهار استيقضت وانا حاسة بالراحة
الجانب التربوى رانى وراء اولادى على الصلاة حتى نقول عليها باش يصلو لكنى نحاول دائما نكون صبورة عليهم
الجانب الجمالى رانى نحاول دائما ما نبقاش بلا مكياج و الروايح و طبعا الدوش كل يوم من اجل النضافة و تجديد الطاقة
الجانب التنضيفى رانى شوي شوى و انتمنا نلقى حل لمشكلتى فى الدورة الجاية ان شاء الله الجانب التثقيفى رانى نتبع فى برنامج على قناة الحياة على الساعة الواحدة كا سبت يحكى على المشاكل و حلول لسن المراهقة عند الاطفال و لقد استفدت منه كثيييييييييير

[فراشات العمر]

لسلام عليكم
انا ام لولدين واعرين كتلتهم بالضرب زادو في الوعارة راه راسي طارلو لشعر يهدرو غير بالعياط خبطو لحواج يفزدولي الدار يقفزو على السرير يضاربو بالمخاد يرحو للحمام يسردو واحهم للمطبخ يهزو لبريكةولاعة يفتحو الثلاجة ونا داري مافيهلش الشمس عندي مرض الربو بنالي راجلي في مراح اري ماهيش مخدومة كيفاش نفرزها لادي صغار يرقدو معانا نفرش في الارض والبرد كوزينة راهي ضلمة نكره نروح ليها رغم اني نوض من الفجر حتى ل11 تاع الليل حبيت تساعدوني ولو بكلمة الجمال من عند ربي بصح اهملتو تجاعيد وليت كبيرة على وقتي منعرفش اسماء الكريمات او الزيوت او بالنسبة لزوجي راني متخلفة راني نبكي ومتقطعة من الداخل راجلي ما يخلنيش نخرج وانا راني كرهت الدار ولا ميقليش راكي باهية صح موليتش باهية مرة تقلقت ماباش يديني للحفافة قصيت شعري وليت كي طفل نعرف غير لكحل
سسسسساااااااعععععععدوووووووووونننننننييييي ارجوكم

[oummalak]

هده هدية لكل حبيباتى ولحجاجنا الميامين وللاخت التي انضمت لنا وسارد عليك في المساء

[~ حراير ~]

المشاركة الأصلية كتبت بواسطة bant khlil

لسلام عليكم
انا ام لولدين واعرين كتلتهم بالضرب زادو في الوعارة راه راسي طارلو لشعر يهدرو غير بالعياط خبطو لحواج يفزدولي الدار يقفزو على السرير يضاربو بالمخاد يرحو للحمام يسردو واحهم للمطبخ يهزو لبريكةولاعة يفتحو الثلاجة ونا داري مافيهلش الشمس عندي مرض الربو بنالي راجلي في مراح اري ماهيش مخدومة كيفاش نفرزها لادي صغار يرقدو معانا ي الارض والبرد كوزينة راهي ضلمة نكره نروح ليها رغم اني نوض من الفجر حتى ل11 تاع الليل حبيت تساعدوني ولو بكلمة الجمال من عند ربي بصح اهملتو تجاعيد وليت كبيرة على وقتي منعرفش اسماء الكريمات او الزيوت او بالنسبة لزوجي راني متخلفة راني نبكي ومتقطعة من الداخل راجلي ما يخلنيش نخرج وانا راني كرهت الدار ولا ميقليش راكي باهية صح موليتش باهية مرة تقلقت ماباش يديني للحفافة قصيت شعري وليت كي طفل نعرف غير لكحل
سسسسساااااااعععععععدوووووووووونننننننييييي ارجوكم

و عليكم السلام و رحمة الله تعالى و بركاته
أختي بنت خليل غير بشوية عليك .... شهدي و استغفر حبيبتي و اتفكر الخير الي عطاهولك ربي ما تقعديش تشوفي غير في الحوايج الي مش مليحة
نحكيلك حكاية و افهميها مليح ... قالك ببببببببببببببكري كاين واحد طايرين رجليه و طايرين يديه و اعمى "بعيد الشر على السامعين" ... حبيبتي بنت خليل تخيليه مليح ...كيفاش ياكل، كيفاش يلبس، كيفاش يروح للحمام اكرمك الله .... يعني لازم ديما عبد يعاونو و إلا يقعد هكداك ..... وش رايك كون جيت أنا وإلا انت بعيد الشرفي وقتنا هاد رانا نندبو في حضنا و نتمناو في الموت .... صح و إلا لا ؟؟؟؟؟؟
لكن هاد الرجل قاعد غير يسبح في ربي و يحمد فيه و يشكر فيه .... مالي جاه واحد قالو : وعلاش راك تحمد في ربي و انت في هاد الحالة ؟؟؟ تخيلي وش جاوبو ........ قالو وعلاش ما نحمدش ربي الي عطاني لسان رطب بذكره ... وش نفهمو يا حبيبتي راهو عندو نعمة وحدة بالنسبة لكل الهموم و الأثقال الي فوق راسو لكن ماشافش بسلبية و قعد يشوف غير في الظلمة راهو تفائل بالحياة و بلسانه و قعد يحمد في ربي
و كما تقول الحكمة أوقد شمعة و لا تلعن الظلام
حبيبتي راني امبعد نزيد نهدر معاك درك راني رايحة نغدي لولاد ..... قوليلي شحال في عمرهم وليداتك بسلامتهم