الجزء 101 من ركن واش طيبتي اليوم - الصفحة 20

mimi79 · 2014-12-03, 10:58

machallah 3likome ya hrayére rakome kaymine biha wallah ki chefte el mawdou3e 3jabni bezef nchallah nwali ncharek m3akome

x ام رحاب x · 2014-12-03, 10:59

ملك فردوس يعطيك الف صحة كلش هايل وساهلين تسلمي ربي يفتح عليك ان شاء الله

ome loudjeine · 2014-12-03, 10:59

اقتباس:

المشاركة الأصلية كتبت بواسطة زينب 83

صباح الخير يا وجوه الخير

ام رحاب ما شاء ما شاء الله ربي يحفظو من كل سوء

ام يسرى البراج top ما شاء الله

ام حمد تاج ، توتة صباح الخير

ام أماني شكرًا حبيبتي على الإطراء

ملاك يعطيك الصحة على الوصفات

سماح صباح الخير

مرام الغالية ان شاء الله تكوني لاباس

عازفة الناي صباح الورد و الياسمين
لي نسيتها صباح الخير عليها و ربي يهنيها

ام لجين روحي للموضوع هذا رايحة تستفادي اذا حبيتي و تتهناي من المفور و تعاونك في الدورة نتاعك
https://www.djelfa.info/vb/showthread.php?t=1718203

يعطيك الصحة حبيبتي زينب.
راني شفت موضوعك في الدورة الف شكر ربي يخليك ويفرحك بوليداتك.
راني خليتو حتى نوصل للوزن المثالي ومن بعد نبدا نستعمل نظام السعرات الحرارية باش نحافظ على الوزن الي نوصلو ومانعاودش نزيد في الوزن راهم بقاولي حوالي 8 كيلو نتهنى منهم ونتبع طريقتك.
ربي يجازيك كل خير على معلوماتك وان شاء الله يقدرنا ربي ونبدلو عاداتنا الغدائية السيئة.

صدفات · 2014-12-03, 11:00

اقتباس:

المشاركة الأصلية كتبت بواسطة simassim

راكي تقصدي الدوارة ؟؟. هي تقريبا نفس مقادير لي تعمروا بيها البكبوكة بصح مانديروش الروز و والكرشة نقطعها معاهم ونزيدو الحمص ومرقة تاعها تجي خاترة

شكرا حبيبتي على الرد و لكن ماشي كيما البكبوكة هذي طبخة معروفين بها بزاف ناس بسكرة

اسماء47 · 2014-12-03, 11:01

]السلام عليكم
مرحبا بالملتحقات
الاخت هويا طيابك رائع ماشاء الله
ام رحاب الله يبارك على المولود الجديد ربي يحفضو
الاخت ملاك الفردوس يعطيك الصحة حبيبتي على الوصفات

ome loudjeine · 2014-12-03, 11:09

اقتباس:

المشاركة الأصلية كتبت بواسطة samah samah

السلام عليكم مبروك الكوزينة الجديدة طيابكم ماشاء الله
طلب للاخت ome loudjeine
لوسمحتي وصفة مطلوعك
شكرا

ضباح الخير اختي سماح.

راني استلمت رسالتك وحاولت نبعثلك مقدرتش لاني لازم نفوت 500 مشاركة وانا مازال ملحقتش ل500.

اسمحيلي وشكرا ليك.

الوصفة ساهلة...ديري السميد قيس القرصات الي حابتهم وديري مغرفة صغيرة خميرة الخيز لكل قرصة وسينوج وملح ومغرفة كبيرة زيت بلي

بماء دافيء وخليها تريح ربع ساعة.

اعجنيها مليح وابداي اسقيها بماء دافيء حتى تتحصلي على عجينة طرية اقسميها كويرات واطرحيها بيدك فوق طرشون وغطيها وخليها تخمر.

سخني الطاجين مليح مليح وطيبيها ماتخليهاش تخمر بزاف بزاف راهي تكمل طلوعها في الطاجين.

واسمحيلي اختي لاني طولت عليك وراني فرحانة كي عجبك مطلوعي .نتمنى نكون فدتك ولو بالقليل سلام.

حبيت نقولك انو نوع السميد يلعب دور في نجاح المطلوع انا نستعمل البركة تاع بسكرة.

دائمة الحمد · 2014-12-03, 11:10

صدفات راني حطيتلك الرابط هذيك هي الدوبارة بالصح كاين مناطق في الصحراء يزيدولها الكبدة
بالكرشة اول مرة نسمع بيها

x ام رحاب x · 2014-12-03, 11:13

زينب ربي يخليك حبيبتي
اسماء ربي يخليك حبيبتي تسلمو

مرام 1987 · 2014-12-03, 11:21

selma2013 · 2014-12-03, 11:22

صباح الخييييييير ويومكم سعيد

touta2010 · 2014-12-03, 11:27

لبنات رابط المحاجب بلييييز

سرور2 · 2014-12-03, 11:36

السلام عليكم وشراكم انا اليوم درت لوبيا حمرا و بقلاوة مالحة جات تهبل يعطيها الصحة مولات الوصفة

وراني سقسيتكم على عجينة الملفاي وين تتباع في الجلفة ووحدة مجوبتني ربي يحفضكم ردو عليا

مرام 1987 · 2014-12-03, 11:38

اقتباس:

المشاركة الأصلية كتبت بواسطة touta2010

لبنات رابط المحاجب بلييييز

لقيتلك هذو ولا تحوسي على كاش وحدة معينة
https://www.djelfa.info/vb/showthread.php?t=1611817

Oum yousra · 2014-12-03, 11:40

أني جيت و جبتلكم غدايا دوبارة نتاع ام كوثر امممممممممم و بقاتلي بيتزا بلاكرام فراش من البارح و الحمد للاه. . . . .

النرجووسة · 2014-12-03, 11:40

مبروك والف مبروك الكوزينة الجديدة ان شاء الله تكون معمرة بالخيرات
يوسرة كزينتك ما شاء الله تهبللتتهني بيها يارب

وهدا بروكي