الجزء **133** من واش طيبتي ليوم

[~اسيل ريحانتي~]

دخلت على جال حبيبتنا ام اماني ماتزعفيش وماتعمريش راسك بالهدرة الزايدة وعندك الحق في كل كلمة قلتيها انا غير هدو ليام وحدة صحبتي طلبت مني وصفات تاع قاطو قلتلها ماكانش كيما قاطوات وحد الاخت اسمها ام اماني راها تحط وصفات في منتدى الجلفة يدو العقل
وتاني وصفاتك كلهم راني مخبيتهم في الميكرو وكل ماندير وصفة من وصفاتك تنجحلي وتعجب عائلتي وندعيلك ربي على لي حمرتيلي وجهي

[اسمهان79]

أم رويدة ليتاغتولات روعةةةةةةة تسلم ايدك والف شكر على الرسالة ريحتيني بكلامك العسل ما شاء الله عليه
دائمة الحمد والله انتي الاروع حبيبتي والحمد لله على شفاء الوالدة ربي يطول في عمرها يا رب
آسيا ما تنسايناش بالصور المسروقة رانا نستناو عودتنا الهام لحبيبة بالوصفات المسروقة وراحت وخلاتنا يا حوجي توحشناها لمدعية غير طلي علينا
وهيبة ما شاء الله كلامك طيب ومن اخت أطيب بارك الله فيكي حبيبتي
نضن ماشفتش ليزا وعازفة يادرا وين راهم
زينب راهي تنحي في التعب اكيد ربي يهنيها
وردة الشرق بنتها رتاحت ولا لالا ربي يسمعنا أخبار الخير
أم كمليا شحال ما طلتش
واللي راحوا ما ولاو كوكا طوكيو قمر أم رشدي وعطورة

[رفيف رانية]

مسسااااااااااااء الانوااار حبيبااتي
واش راكم ان شاء الله تكونو لباااااااس
ام اماني حبيبتي علاش الزعل مجرد غيرة حنونة راهو غارو منك ومن وصفاتك
وصفاتك راااااائعة الله يباارك

[~اسيل ريحانتي~]

اسمهان ماهذا الجمال ههههه بلاك نعاندك وندير سلاطة بنفس ديكور نتاعك امممممممممممم ياللروعة
وشفت كل الخيرات بصحتكم حبيباتي
ومقرود ام رويدة كمل عليا واااي هههههه

[fleur de lili]

choukr maoussoule lijama3 oudouette rabi yftaha fi oujhkpum
oukhti oum amani raki grand chef matz3fich kanou chi nasse mayhbouch khir ouallaou da3wa
rabi yaftha fi wajhek ki raki sa3di fina amine

[آيات سرمدية]

السلام عليكم ورحمة الله وبركاته


ماشاء الله......ماشاءالله......ماشاءالله.........اختي عازفة..........ام رويدة.....اسمهان.....ليزا.........اسيا......ملاك فردوس....اسيل ريحانتي.....رحمة......ومازال راح نعدل فالرد ونزيد الي نسيتهم باه مايزعفوش مني........


اطباقكم تبارك الرحمن.......تقول تاع مجلات .......ربي يبارك ويزيد......


اختي ام ياسين جزاك الله خيرا........ساعات نخاف نحط نصائح نقول بالاك في ناس ما يحبوش........ومن بعد نقول الشيطان لعنة الله عليه يوسوسلنا حتى في فعل ابسط امور الخير........


اختي ليزابال.......اسياااا...........ام اسلام.......اسيل ريحانتي.....ام تاج...........باركمم المولى على الكلمة الطيبة........


اختي دائمة الحمد........جزاك الله خيرا.......وبالشفاء للوالدة الكريمة......

[mosta*limoges]

المشاركة الأصلية كتبت بواسطة ام اماني77

السلام عليكم اخواتي


مبروك افتتاح الكوزينة الجديدة


اسمحولي دخلت عندي تعليق على رسالة وصلتني من اخت

تقول انها جربت وصفة وماعجبتهاش وقالت انها الوصفة في حد ذاتها مش ناجحة

حبيت نقول لهذا الاخت وكل الاخوات لي لي يطبقو ويرجعو الغلطة في الوصفة نقولهم بكل صراحة الغلطة فيكم يعني الواحدة تتعب وتصور وتحط ماتلقاش حتى رد طيب او دعوة يدخلو برك يهزو الوصفة وزيد ينتقدو فيها


نقولكم الحمد لله وصفاتي ناجحة ومضمونة بشهادة لي جربوها ممكن تقولي ماعجبتنيش في الذوق نقولك اوكي لان الاكل اذواق لكن تقولي مش ناجحة هنا نقولك الخطأ فيك لانك لكان اتبعت الوصفة بكل حذافيرها لكان نجحتي

انا شحال من مرة جربت وصفات من هذا المنتدى وما نجحتش فيهم جامي دخلت وجرحت الناس بل كنت نشكرهم ونرجع الغلطة فيا

وشحال جربت وصفات وكنت ناوية نحطهم لكن كي ماعجبونيش ماحطيتهومش انا نحب نحط وصفات تكون ناجحة نربح بها دعاوي الخير مش العكس


المهم قبل ماتكتبو كلام تجرحو به الناس خمو شوية ولي ماعجبوهش الوصفات نتاعي ماهوش محتم عليه يجربهم وانتهى

أم أماني وصفاتك راااااائعة و كلها ناجحة و راني محملة كثير و الكثير من وصفاتك
و ماتزعفيش حبيبتي هذي أكيد غيرة
أطباقكم كلها رائعة واش هذا الخير الله يبارك

[ارزاق]

[QUOTE=اسمهان79;3993568789]

جبتلكم عشايا نتاع البارح
سلاطة روز وبيري باللحم المحمر

[/QUOTE

نموت علي سلطة الروز لكن مؤخرا مولاتش جيني مليحة ممكن اسم الروز لي ستعملتيه وهل شللتيه بالماء البارد بعد ما طاب
والصوص لي فوق البيري كفاه درتيها لانها شهاتني من فضلك اسمهان

[ارزاق]

شفت خبز ادائمة الحمد روووعة . وخيرات ام رويدة والمقروط اممم وغدا رحمة والمطلوع الزين والحمدلله لي شفنا طيابك . وفطور اسيل الله يبارك نزيد نتفكر

[آيات سرمدية]

الحمد لله......نسيت نبارك للاخت فاتن........على لاسوتنوس نتاعها........نقولها مبارك عليك درجات العلا........ان شاء الله.......كي تفرحي بنجاحات اولادك........راهي اكثر من فرحتك بنفسك .........صدقيني......ربي يرزقك ويعطيك ويمنيك.......قادر ياكريم......

[ام الهضاب]

الف مبروك الكوزينة الجديدة ام ماسين دارك ماااااشاااء الله تهبل و راني غرت من الصالون انتاعك و راني جايبة حليبي و نشربو ثمة ههههههه

[ارزاق]

فاتن الف مبروك والقراتان رووعة الوصفة من فضلك
اسيا يعطيك الصحة علي البريوش والمسكوتشو
حنان غداك يشهي يعطيك الصحة
عازفة شكرا علي الوصفة

[ارزاق]

ايات سرمدية اسمحيلي نسيت نعلق علي الشارلوت تاعك خرجة روووعة وين كنتي مخبيا هذا الخير كلو
ام الهضاب الحلوي روووعة بصح منظنش تنفع مع الريجيم ههههه .

[ام الهضاب]

جميع لبنات ماشاء الله اعليكم ربي يدومها نعمة و يحفظها من الزوال و الله كلش روعة كي لبنات الصغار كي العزايز ربي يعطيكم الصحة

[ام الهضاب]

المشاركة الأصلية كتبت بواسطة ارزاق

ايات سرمدية اسمحيلي نسيت نعلق علي الشارلوت تاعك خرجة روووعة وين كنتي مخبيا هذا الخير كلو
ام الهضاب الحلوي روووعة بصح منظنش تنفع مع الريجيم ههههه .

ههههههههه أرزاق و الله غير عندك الحق بصح انا ذقت منهم شوي شوي و من هذو ما نوكل والو لغدوة ان شاء الله