|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الدورة الثالثة "الرقي لمدبرة منزل مثالية"
 |
|
|
أدوات الموضوع | انواع عرض الموضوع |
2012-02-12, 22:14
|
رقم المشاركة : 287 | ||||
|
اقتباس:
و عليكم السلام
راني هنا حبيبتي و راني بخير الحمد لله غير شوية برد راه مدوخني بصح راني غاية رحمة ربي و أنتي واش راكي لحبيبة؟؟ حبيبتي طلبت منك تعاودي تكتبي تفاصيل بيتك و ظروفك باش نقدر نقارن بينها و بين النصائح اللي حبيت نمدلك راني نسيت التفاصيل اللي كنتي كتبتيهالي غير اسمحيلي راني نتلف بين كل الحبيبات اللي بعثولي تفاصيلهم و حبيت نحوس عليها في المشاركات الموقع راه ثقيل بزاااف ماراهش يحب يخرجلي الصفحات حبيبتنا أم مريم راهي بعثلتي رسالة بكافة التفاصيل من خلال موقع آخر و راني رديت عليها باقي انتي حبيبتي راني نستنى ردك ربي يحفظك و يعطيك كل الخير |
||||
|
|
2012-02-14, 08:45
|
رقم المشاركة : 290 | |||
|
برنامج اليوم بإذن الله الثلاثاء الممرات و المدخل إضغط هنا لرؤية الصورة بحجمها الطبيعي. الديني/ اذكار الصباح والمساء + صلاة الضحى + قراءة القرآن بواقع 4 صفحات بعد كل صلاة فرضية + الاكثار من الاستغفار قدر المستطاع صلاة الوتر + الوضوء قبل النوم واذكار النوم + حفظ 3 آيات من القرآن قبل صلاة العصر التنظيفي / الجدران و الدرج+ تنظيف الجزامة + طاولة المدخل و المرآة + الباب + كوي الجمالي / تفريش الاسنان مرتين على الاقل + ترطيب اليدين والرجلين باي مرطب متوفر لديك فازلين / زيت / او اي مرطب معتمد لديك ربي يوفقنا و يعينا |
|||
|
|
|
2012-02-14, 09:06
|
رقم المشاركة : 291 | |||
|
السلام عليكم ان شاء الله بخير |
|||
|
|
|
2012-02-14, 09:07
|
رقم المشاركة : 292 | |||
|
صباح الخير لبنات |
|||
|
|
|
2012-02-14, 10:21
|
رقم المشاركة : 293 | |||
|
السلام عليكم و كيف الحال الحمد لله على رجوع المنتدى و رجوعك يا غالية حبيبة |
|||
|
|
|
2012-02-14, 10:44
|
رقم المشاركة : 294 | ||||
|
اقتباس:
صباح الانوار للحبيبة أم مريم و عليكم السلام ربي يقدرك حبيبتي و يكون معاك و يهون عليك أمروك اللهم آآآميييين ماعليش يوم لنا و يوم علينا لكن الاهم في حالة ما قدرتيش تخدمي الاهم أنك تحافظي على الاشياء اللي نظفتيها تبقى نظيفة علابالي لبنات راهم ساجيين في هاد النقطة بصح هنا يأتي دورك حبيبتي لازم يكون عندك حزم في قوانينك إذا غلطوا اعطيهم انذار للغلطة الاولى و إذا كرروا الغلطة عاقبيهم ممكن تحطيهم في الركن لمدة دقيقة إلى أكثر حسب أعمارهم يعني اللي عندها عامين تبقى في ركن العقاب دقيقتين و اللي عندها 3 سنوات تبقي 3 دقائق و هكذا و ممكن تزيد العقوبات على حسب انتي وكيفاش موالفة تعاقبيهم لكن بعيدا عن الضرب و الصراخ من بعد رايحين يفهموا العقلية الجديدة و يرضخوا لأوامرك و ما يزيدوش يعاندوك و رايحة تكون طريقة التفاهم معاهم أحسن بإذن الله |
||||
|
|
|
2012-02-14, 10:45
|
رقم المشاركة : 295 | ||||
|
اقتباس:
وردة قلبي
واش راكي لحبيبة حتى أنا ماحبش يطلعلي حبيبتي و كان يخرجلي معطل الحمد لله ليوم قدرت ندخله و نشوفكم بخير و على خير راني نستنى نقرا تقريرك خخخخخ |
||||
|
|
|
2012-02-14, 11:20
|
رقم المشاركة : 296 | ||||
|
اقتباس:
و عليكم السلام
أهلا بالحبيبة الغالية أم أمجد ربي يخليك ليا حبيبتي الله يبارك حبيبتي ربي يزيد و يبارك و يسترك مالعين بيتك كبير علابيها راكي قريب تتودري باش توفي كل أشغالك فيه هههههه بنتك راهي تحب تفيق معا آذان الفجر يعني خلاص استغنيتي على المنبه خخخخخ أنا والله نحب نطفي المنبه و ندور للجيهة الزاوجة نكمل نعاسي خخخ شوفي حبيبتي رايحة ننصحك لما تنوضي الصباح و ترضعي البنيتة ربي يحفظها اتوضي و صلي ووجدي القهوة لراجلك وولادك ربي يحفظهملك و يسترهملك مالعين اللهم آآآمييين لما تبقيهم على خير و يروحوا لاشغالهم و مدارسهم تنقي بنتك و تبدليلها و تتهلي في روحك شوية ادخلي مباشرة للمطبخ طيبي الفطور و اغسلي الماعن و لمي الكوزينة على السريع قبل ما تتفكرك بنتك هههه إذا احتاجتك روحيلها و إذا كانت مكتفية ابدي بغرفة نومك و بعدها غرفة الاولاد (بصح قوليلي أولادك منظمين ولا غابنينك كيما بنات أم مريم ربي يحفظهملكم أجمعين اللهم آآآمييين) رتبيها وارجعي لغرفة المعيشة ترتيب سريع على خاطر من المفروض أنك نظمتيها ليلة أمس و قهوة الصباح تكون في المطبخ لحصر الفوضى تاع الاطفال (إذا خلاوا غرفة المعيشة منظمة طبعا على حساب واش راكي فارضة قوانين في بيتك) باقي الحمامات امسحي الارضية إذا قدرتي تمسحيها كل يوم فكان بها إذا ما قدرتيش خليها يوم بيوم على خاطر لازم الدار و الارضيات تكون خالية من الميكروبات و الاوساخ راه عندك أطفال صغار حبيبتي من بعد انزلي لغرفة والدين زوجك رتبيها على السريع وامسحيها هي و الأوول و راكي كملتي اغتسلي و بدلي قشك و حطي لفطور ممكن تطيبي القهوة بعد اللي تطيبي الفطور مباشرة و تحطيها في الثلاجة راني ننصح النساء اللي عندهم الاطفال الرضع بهاذ الامر (و حتى أنا راني نديرها خخخخ) ووجدي الصينية و غطيها بعد الفطور لمي الماعن و حطيهم في حوض المطبخ و روحي ارقدي طبعا إذا نامت بنتك في هاداك الوقت على كل نعطيك حل اغتنمي فرصة الوقت اللي ترقد فيه بنتك و ارقدي رتبي أمورك على حساب رقادها و نهوضها لعشية رايحة تلقي القهوة واجدة حطيها و اغسلي الماعن على السريع و طيبي العشا بكري و حاولي ترقدي اولادك بكري و ارقدي انتي تاني بكري على الاقل بعد العشاء بوقت قليل باش تشبعي نعاس هاكدا لما تنوض بنتك فالليل رايحة تنوضي مرتاحة شوية و تقدري تسهري معاها إن شاء الله يوالمك هاد البرنامج و إذا كان شيء ما جاكش على حساب ظروفك قوليلي و رايحين نلقولك حل بإذن الله و تكوني دايما راضية و مرتاحة |
||||
|
|
|
2012-02-14, 13:12
|
رقم المشاركة : 297 | |||
|
 نصيحة اليومنصيحة اليوم رايحة تكون عن كيفية ترتيب الدولاب أسفل المجلى ياعيني عالفوضىىىى صور قبل إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. صووووورة المقسمات اللي رايحين نستعملوهم باش انظموا المنظفات و كل الاغراض إضغط هنا لرؤية الصورة بحجمها الطبيعي. صوووووور بعـــــــــــــــــــد إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. وهذي صورة الدولاب وهو مقفـــل إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. دمتم في نظافة و ترتيب |
|||
|
|
|
2012-02-14, 19:04
|
رقم المشاركة : 298 | |||
|
مساء الخير عليكن |
|||
|
|
|
2012-02-14, 23:29
|
رقم المشاركة : 299 | |||
|
برنامج الغد بإذن الله الاربعاء الديني/ اذكار الصباح والمساء + صلاة الضحى + قراءة القرآن بواقع 4 صفحات بعد كل صلاة فرضية + الاكثار من الاستغفار قدر المستطاع صلاة الوتر + الوضوء قبل النوم واذكار النوم + حفظ 3 آيات من القرآن قبل صلاة العصر التنظيفي / تنظيف يومي + غسل ارضية البيت كله بالمنظفات الجمالي / تفريش الاسنان مرتين على الاقل + ترطيب اليدين والرجلين باي مرطب متوفر لديك فازلين/ زيت / او اي مرطب معتمد لديك ربي يوفقنا و يعينا |
|||
|
|
|
| الكلمات الدلالية (Tags) |
| مثالية", أوسم, الثالثة, الدورة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
صباح الخير حبيبتي حبيبة كيفك عندي شحال مادخلتش لموضوعك التهيت بغرز السموك وانسيت نتابع معاكم (ماشي حق عليا اعدرينيييييييييييييييي)
العرض العادي
