~¤ô¦¦§¦¦ô¤~ بيتك جنتك و رضاء ربك مبتغاك 5 ~¤ô¦¦§¦¦ô¤~ - الصفحة 20

أم فاطيمة · 2014-05-06, 09:37

السلام عليكم و رحمة الله
رني غير نجري باش نلحق بيكم بصح راني مشوف بلي راهي الحالة راقدة هههههه
الجانب الديني الصلاة و الاستغفار و و الصلاة على النبي
الجانب التنظيفي غسل و كنس و درن نحلية ام مروان
الجانب التربوي مراجعة الدروس للاولاد و مراجعة الصور القصيرة لابني الصغير
الجانب الجمالي نرطيب اليدين و الرجلين
و هما صور التحدي الاول و الثاني

[IMG]//im75.gulfup.com/1gfgYD.jpg[/IMG]

و هاهي الثلاجة بعد ما غسلتها و رتبتها

و هاهو المطبخ كظيف بعد ما رجعت كلش في مكانه

وهو انظيف الصالة والمدخل

و ليزور و الفراش مزال ما ركبتهم
و هاو المدخل تسيق فيه فاطيمة

و انشاء الله نظف غرفة الجلوس راهي فارغة و نحطلكم الصور و انشاء الله الغايبات يكون بخير

ماريا205 · 2014-05-06, 14:59

السلام عليكم ورحمة الله تعالى

تطبيقي لنهار الاحد

الجانب الديني: الحمد لله التسبيح الاستغفار الصلاة على النبي

الجانب التنظيفي اضافة للاعمال الروتينية اليومية من ترتيب ومسح الغبرة نظفت السقف وغسلت طاقة تاع غرفة الجلوس اللي هي الاوول

ونظفت الحيوط والفايونس وزدت البلاكار والطابلة والكراسي سيقت كامل الدار الغداء شربة وسلاطة بعد غسل لماعن والضهر قيلت شوي نظت طبقت القش

الجانب التجميلي عاااادي منغسل اسنان وماكياج خفيف وتعطير

الجانب التربوي مراجعة مع اولادي لاستدراك بعض الدروس الرياضيات واستعدادا للامتحانات

ماريا205 · 2014-05-06, 15:53

السلام عليكم ورحمة الله تعالى

تطبيقي لنهار الاثنين

الجانب الديني: الحمد لله التسبيح الاستغفاربعد كل صلاةو الصلاة على النبي ومراجعة ايات الطور

الجانب التنظيفي: بعد الفطور وذهاب الاولاد للمدرسة طفيت الكونتور مسحت الليستر تاع غرفة الجلوس والليستر تاع الكوزينة فرغت الكويزينيار

نظفتها من داخل ومن برا وغسلت البلاوات وها ي كي رجعت سيقت الكوزينة ونشفت باقي الدار الغداء قراتان شفلورالمساء كسرة وتغميسة الخضر

هاذي بعض تطبيقاتي

الجانب التجميلي: عاااادي من غسل اسنان ترطيب وتعطير

الجانب التربوي: واقفة مع اولادي في المراجعة استعدادا للامتحانات

في فترة الراحة خليت بنتي تساعدني في تقشير الخضر وخلط العجين فايدة ليها وليا تعاونني وتوالف بالكوزينة

نصيحة للاولاد سواء اللي يقراو والا اللي مازال ميش دايما فترة الراحة للطفل تكون العاب ميكرو او رسوم متحركة في التلفاز خلي ابنك اوبنتك تشاركك اعمال منزلية او في المطبخ حسب سنها وحسب قدراتها وجاوبي على كل استفساراتها هكذا تتعلم وتكسب ثقة بنفسها كي تقلد امها وتتحمل المسؤولية

ريماس وصهيب · 2014-05-06, 17:48

يعطيك الصحة ماريا الله الله عليك وعلى شطارتك .قوليلى باه غسلتى الكويزينيار لداخل

شوشو 11 · 2014-05-06, 18:04

يعطيكم الصحة ياحراير بلادي

ماريا205 · 2014-05-06, 18:16

اقتباس:

المشاركة الأصلية كتبت بواسطة ام ريماس

يعطيك الصحة ماريا الله الله عليك وعلى شطارتك .قوليلى باه غسلتى الكويزينيار لداخل

شكرا ام ريماس الله يخليك غسلتها بالازيس السائل والجافيل والجاكس

ام عبودة · 2014-05-06, 22:28

zitoukar · 2014-05-06, 23:02

بارك الله فيك

ام عبودة · 2014-05-06, 23:33

السلام عليكم
يعطيكم الصحة

ام عبودة · 2014-05-06, 23:45

الجانب الديني
تركيز شديد على حفظ من سورة البقرة
الاستغار على الاقل الف مرة في كل وقت فراغ والحمد لله هذا من فضل ربي
الصلاة في وقتها الا الفجر الله يسامحني
الجانب التربوي
مراجعة راوية عندها امتحانات تكمل يوم الخميس
الجانب التجميلي
مسكات للشعر
فرش للاسنان وترطيب للجسم مشط و كحل وتعطير
وعملت ماسك البيض رووووعة للوجه والطماطم تاني رووووووعة
شرب الماء والرياضة لشد الجسم

أم فاطيمة · 2014-05-07, 09:02

عتبة مربوحة الاخت أم عبود انشاء الله تدخليها بالصحة و الهنا
الله يبارك دوقك رائع و الوان اروع مع ان طلعولي بعض الصور فقط

سمراء الدنيا · 2014-05-07, 09:31

بارك الله فيكن

ماريا205 · 2014-05-07, 16:26

السلام عليكم ورحمة الله تعالى
تطبيقي ليوم الثلاثاء
الجانب الديني تمام الصلاة التسبيح الاستغفار وحفظ 3 ايات من سورة الطور
الجانب التنظيفي اعمال روتينية + فرزت حهة من البيبليوتاك تاع الاوول غسلت القش والمونطوات الشتاء باش نخبيهم +الغداء والعشاء وعملت بسبوسة للعشية

الجانب التجميلي جربت قناع الطماطم للوجه وماء البصل للشعر
الجانب التربوي خليت بنتي عملت البسبوسة بتوجيه مني ومراجعة الدروس

أم شيماءْ · 2014-05-07, 20:51

مساء الخيرات
اليوم نظفت الكويزنيار والثلاجة بصح عندي مشكل لقيت الباب تاع الثلاجة زنجر اي اصابه الصدا ههههههههه
تعيشو شكون عندها طريقة لنزع الصدا
ام عبود ربي يجعلها عتبة مباركة يارب

ام عبودة · 2014-05-07, 21:11

اوريسيا جربي القارص او الجافيل