هُنا الموضوع الشامل ( الأول) للناجحين في بكالوريا 2012...تفضلوا بالأسئلة وبإذن الله ستجدون الإجابة...

[Loyalty]

؟؟؟؟؟؟؟؟؟؟؟؟؟؟؟؟؟؟؟؟؟؟؟

[سطايفية بكل فخر]

المشاركة الأصلية كتبت بواسطة نبع الندى

أختي قنوان دانية ربي يحفظك وآسفة على إزعاجك لكن لم أجد من يساعدني , ماذا أتخرج من علوم المادة والعلوم والتكنولوجيا , الرياضيات والإعلام الآلي باينة أستاذة تعليم ثانوي , وماهو معدل القبول فيها , حابة ندير مدرسة عليا للإساتذة تعليم ثانوي إعلام آلي , ربي يجازيك ألف خير ساعديني

علوم المادة
تقراو اما شيمي او فيزيك
وتخصص في مجالاتها وتقدر تقري بيهم ايضا
+
علوم وتكنولوجيا فيها اليكترونيك اليكتروتاك شيمي او كهرباء
وتخرجو تخدمو حسب هذي التخصصات اما في شركات او مخابر الو اغلبيتهم مصانع
+
الاعلام الالي تقدري حتى تخرجى تخدمى في شركات لانو مجال رالعصر ومطلوب بزاف
+
ديري مدارس عليا افضل لانو مستقبلك مضمون فيها 100بال100
بالتوفيق واسفة لاني رديت وانت طلبتي دانية

[يـاسـر الـمـسـلـم]

السلام عليكم خاوتي
معدل 13,86 لغات زاش تنصحووني
حاب صحاافة ولا شريعة اسلامية

[سطايفية بكل فخر]

انا ننصحك بالعلوم الشريعة
او بلغة انجليزية
والافضل ديري مدارس عليا باش تضمني مستقبلك المهني

[يـاسـر الـمـسـلـم]

مدرسة العليا للاساتذة عربية علما اني ديت فيها 12 يقدرو يمدزهالي

[سطايفية بكل فخر]

اختي هاهم ليك المدارس ومعدلات القبول العام لي فات
نشاء الله يهبطو هذا العام
باش نحط فالصورة فقط

شعبة لغات أجنبية
ـ لغة إنجليزية أستاذ التعليم الثانوي المدرسة العليا للأساتذة بقسنطينة(قسنطينة) 15.59 ـ
ـ لغة إنجليزية أستاذ التعليم الثانوي المدرسة العليا للأساتذة ببوزريعة ( الجزائر ) 15.44 ـ
ـ لغة فرنسية أستاذ التعليم الثانوي المدرسة العليا للأساتذة بقسنطينة(قسنطينة) 15.15 ـ
ـ لغة إنجليزية أستاذ التعليم متوسط المدرسة العليا للأساتذة بقسنطينة(قسنطينة) 14.86ـ
ـ لغة إنجليزية أستاذ التعليم متوسط المدرسة العليا للأساتذة ببوزريعة ( الجزائر ) 14.70 ـ
ـ لغة فرنسية أستاذ التعليم متوسط المدرسة العليا للأساتذة بقسنطينة(قسنطينة) 14.57 ـ
ـ لغة فرنسية معلم المدرسة الابتدائية المدرسة العليا لأساتذة التعليم التقني بوهران(وهران) 14.55 ـ
ـ تاريخ و جغرافيا أستاذ التعليم الثانوي المدرسة العليا للأساتذة بقسنطينة(قسنطينة) 14.52 ـ
ـ لغة و أدب عربي أستاذ التعليم الثانوي المدرسة العليا للأساتذة بقسنطينة(قسنطينة) 14.51 ـ
ـ لغة فرنسية أستاذ التعليم متوسط المدرسة العليا لأساتذة التعليم التقني بوهران(وهران) 14.27 ـ
ـ لغة وأدب عربي أستاذ التعليم متوسط المدرسة العليا للأساتذة بقسنطينة(قسنطينة) 14.24 ـ
ـ تاريخ وجغرافيا أستاذ التعليم متوسط المدرسة العليا للأساتذة بقسنطينة(قسنطينة) 14.21 ـ
ـ فلسفة أستاذ التعليم الثانوي المدرسة العليا للأساتذة بقسنطينة(قسنطينة) 14.15 ـ
ـ تاريخ و جغرافيا أستاذ التعليم الثانوي المدرسة العليا للأساتذة ببوزريعة(الجزائر) 14.06 ـ
ـ لغة و أدب عربي أستاذ التعليم الثانوي المدرسة العليا للأساتذة ببوزريعة ( الجزائر ) 14.05 ـ
ـ موسيقى أستاذ التعليم الثانوي المدرسة العليا للأساتذة بالقبة(الجزائر) 13.99 ـ
ـ موسيقى أستاذ التعليم متوسط المدرسة العليا للأساتذة بالقبة(الجزائر) 13.67 ـ
ـ تاريخ وجغرافيا أستاذ التعليم متوسط المدرسة العليا للأساتذة ببوزريعة(الجزائر) 13.66 ـ

[يـاسـر الـمـسـلـم]

كون غيير يهبطوو شووية بارسكوو هكا ما نلحق والووو ههه

[سطايفية بكل فخر]

نشاء الله اختي
تلحقي باستاذ تاريخ وجغرافيا هه

[يـاسـر الـمـسـلـم]

ههههههه وي ياك التخصصلا يبدااو ملو 9 يعني يمدولك عشرة ترتبهم

[نقاء قلب]

بوركتِ يا غالية ،

ماذا عن البيولوجيا نظام كلاسيكي ، أخبريني من الأول لأني لم أجدها في الدّليل

[سطايفية بكل فخر]

لا يوجد نظام كلاسيكي راهو راح كليا

[نقاء قلب]

كيف يعني ، راني ما فهمت والو ؟
راني حابة نظام كلاسيكي
وقتاه غيروا هاذ الشكيل ؟
حابة بيولوجي يا سيدي ترجع واش أندير واااااااااااع

[محمد الهادي ع]

أنا اريد ان استفسر عن تخصص علوم سياسية و العلوم الاجتماعية اي ماهي موضوعاته وماهو مستقبله ارجو الاجابة
وشكرااا

[نبع الندى]

شكرا أخت سطايفية بكل فخر يعني يمدولي مدرسة عليا للأساتذة أستاذة ثانوي للإعلام الآلي مع العلم معدلي 12
وحابة نستفسر على نقطة مهمة ألا وهية : كيقول الترتيب على حسب الشعب ويزيدولك الترتيب حسب المعدل ثم الأولية الأول الرياضيات + فيزياء معدل يساوي أو أكبر من13 وش معناها هذا , آمالي راها تحطمت لأنو معدل الرياضيات + الفيزياء يساوي 11.5 ومع أن الأولوية لشعبتي وهي الرياضيات ربي يحفظ فهميني ماني فاهمة فيها والو داخلة ندمس وحاجة أخرى فاني كفاه نخير الجامعة الي حابة نروح ليها يعني كيفاه ندير بته نروح ليها

[أبو_ربيع]

السلام عليكم ورحمة الله وبركاته

رغبتي وطموحاتي كبيرة للدراسة في بوزريعة فأردت أن أسأل عن هذه المدرسة و أرجو أن اجد
الذي أريده
معدلي في الباكالوريا هو 14.51
أنا أريد تخصص استاذ ثانوي أدب عربي هل يتم قبولي للدراسة فيها؟
ما رأيك في هذا التخصص ؟
هل الدراسة هناك صعبة؟ سهلة؟
كيف هي فرص العمل ؟
هل هناك اختبار شفوي؟ واذا كان نعم كيف يكون؟
هل إعادة العام تعني الخروج نهائيا؟
نصيحة أخيرة