الجزء 110 من واش طيبتي اليوم خفيف وظريف وعصري

[دائمة الحمد]

ام محمد يلي راكي من معاشرة العزايز راح تولي كيفهم
1راهي الوصفة التقليدية لي ما عندوش لابوات تاع عجينة الزقوقي لي تتباع ساجية يشري الحب ويخدمو
اما 2 فه ي اختصار ل1
تشريها ساجية وتخدمي طول
على ذكر العزايز والزهايمر
ان امس كي رحت لدارنا سلمت على بابا مرتين
كي دخلت وبعد نصف ساعة نسيت بلي سلمت عليه
مافهم والو
خواتاتي فهموها وشاخو عليا
بالضحك

[عازفة الناي]

صباحكم سعيد و همة ونشاط

[أم محمد تاج]

ههههههههههههههههههههه دائمة الحمد ضرك فهمت هههههههههه على باباك والله ساعات تصرا ولعزايز رانا فيها ياو عندي سبع شيبات يبانو فﻻفاصاد خخخخخخخخخخ

[مياسم75]

صباحكم جميييييييل وان شاء الله تكونو لاباس

انا صبحت براسي والغدا مودر ربي يجيب الخير
داءمة الحمد استاذتنا هزي إدي كلش حاجة ما تغلى عليك

[كاتي حياة]

صباح الخير يا بنات
ياا الحراير

[كاتي حياة]

يا اباتمن ققبيل وانا نراجع واعععععع
وشفتكم تحكوا على الرفيس وحبيت نمدلكم طريقتنا احنا بما انا احنا اهلوا واللي يذوقوا يهبل عليه ويرجع يدومونيه
التمر يكون منقى مليح و الزبدة ستار وانتاع الميزان هذيك البيضاء
نحضروا الفطير او المذكر انا نديروا بالمذكر يعني سميد وزيت وملح مبسين مع بعض ونلموهم بالماء ونطيبوه في طجين انتع الطين ونرحوه ونخلطوه مع التمر و نضيفوا الزبدة ونديرولوا شوية عكري ونقدموه

[omhadil]

صباحك نسعيد اخواتى وصح قهوتكم

[قمر 77]

حبيباتي يعطيكم الصحة وش حطيتو ربي يبارك فيكم
نحاول هذالمرة نطبق رني فالراتراباج سينون نعاود العام الله يستر ادعولي برك ربي يشافيني
استاذتي يعطيك الصحة على القهوة نزيد معاها براسيتامول كاش ما نرفد روحي
كاتي عاداتنا كيفكيف حنا ثاني نديروه هكاك
سلام البنات اومبعد

[ام سراج وملاك]

صباح الخير حبيباتي هاذاوين كملت مراجعة يعطيكم الصحة كامل
ههههههههههههه ضحكت من قلبي على دائمة الحمد حنونة حنا صغارات وننساو مرة اختي نقات الدجاج باش تخبيه في الثلاجة خباتها في لخزانة غدوة من ذاك حبت طيب بيها قلبت الدار عليها حتان قاتلها بنتها راني شفتك دخلتي لشامبرة ربي يعطينا لعقل برك رانا كامل ننساو

[أم ملك]

صباح الخير كاتي رفيسكم كيما تاعنا أحنا برك مانزيدوش العكري مع اللبن هايل
نهال صباح اﻷنوار مين تصفي العصير ديريه في الكونجيلاتور و أجبدي غير قيس ما تديري إدا طول في الفريجيدار التحت يطلق الريحة
أنا جربت مركز البرتقال و كون أحنا مش بزاف يعني ما إستهلكتوش ثم ثم طول شوية اﻷخير مين جبدتو لقيتو داير ريحة

[ام محمد.]

صباح الخير لبنات انشاء الله تكونو بخيرحبيت تعاونوني راجلي جابلي فول يابس وعمري ماطيبتو شكون تعرف كيفاش يطيب تقولي

[أم ماجد]

صباح الخير عليكم
مارقدتش كامل صبحت حابسة درت بسيسة لحفوظي كي شاف صوركم عاند والغدا قالي الشيخ ديري عدس وهني راسك واقعدي ماتتحركيش
الحمد لله اليوم مانخدمش
كاوكا طلبوا مني المساج لكن كل مرة نتهرب ههههههههههه
واقيلا اليوم لعشية نبداه محتم عليا واععععععععععععععععع
ننتظر في صلاة ضرك تدخل بلاك كاش مانلصق فيها والله يغيضوني لقراية والتعب

[كاتي حياة]

المشاركة الأصلية كتبت بواسطة ام محمد.

صباح الخير لبنات انشاء الله تكونو بخيرحبيت تعاونوني راجلي جابلي فول يابس وعمري ماطيبتو شكون تعرف كيفاش يطيب تقولي

قادرة تتشممخيه وتديريه دووبارة مصح مانعرفش الوفة

[lyzzabel]

صباح الخييير يا نساوين و يا بناويت ،، شفتو تعلمت نهدر كيفكم هههههه ،، نهاركم طيب حبيباتي

راني مابارح نراجع هدا وين كملت بصح قطعت عليها شحال من مرة خخخخخخ يعطيكم الصحة هبلتوووونا بالشهيوات الله يبارك و يزيد
شفتكم تحكو على الرفيس كاين شحااال من طريقة و كل منطقة و كيفاش يديروه ،، دروك راني عجلانة على الفطور بصح كي نقعد انشالله نولي و نهدرو مليييبح هههه
فطورنا سرديييين و زيد لي فريت و سلاطة و الحمد لله على نعمه
و الطمامن راهم دديرين حاااالة ،، انا تاني نجمعهم قاع و نحطهم ههههه
ناممستي العزييييزة وينك اليوم ما بنتييييش و الطمينة راهي في وصفات الحراير مع الصفحات الثلاث الاخيرة
سلااااام احبتي من بعد بادن الله نتلاقاو على خيييييير

اللهم ما اصبح بي من نعمة او باحد من خلقك فمنك وحدك لا شريك لك فلك الحمد و لك الشكر

[chez biba]

صباح الخيرات على كل المتواجدات
ام ياسو ودائمة الحمد جبتلكم الرفيس القسنطيني لعيون كم غالي والطلب رخيص، نتمنى يعجبكم


غدايا ان شاء الله سوب الخضر وكسرة، يوم موفق للجميع وربي يتقبل من الصائمين