المصداقية - الصفحة 2

مريم الصابرة · 2012-05-27, 21:21

اقتباس:

المشاركة الأصلية كتبت بواسطة z.abdo

السلام عليكم اختي مريم نرجع للموضوع للمرة الثانية

بالفعل اصبحت سلعنا ومنتوجنا المحلي لا نثق به وانا من الذين لا يظعون الثقة في منتجاتنا المحلية نعطيك مثال أختي وتعرفي سبب ركاكة منتوجنا المحلي

اليس تشغيل في الؤسسات بالمعريفة يعني ناس ليس لتلك الناصب كذالك الرشوة الغش في العمل الحقرة من طرف ارباب العمل للعمال

في رأيك أختي هل كل هذه الظروف تساعد ان يكون المنتوج المحلي فيه بركة أو ذو جودة

كذالك عدم الإتقان في العمل هو الذي أدى بردائة المنتوج المحلي العامل يسهر حتى الواحدة صباحا ويدخل للمصنع كيف راح يشتغل بطريقة سليمة

نحكيلكم قصة جرت لعامل جزائري في شركة فرنسية هذا العامل سهر في الليل لساعة متأخرة جدا ولما دخل المصنع بدأ يتثائب كثيرا

ونقص نشاطه لاحظ رئيس عمله هذا إستدعاه ما سبب الخمول فأجابه بدون حياء كنت سهران البارح فطلب منه الذهاب للمحاسب ويأخذ أجرة ما عمل سابقا
اخبره انه مطرود

كذالك اصبحت هناك المنتوج الأوربي الموجه للعالم الثالث خاص بنا والمنتوج الأوربي الموجه للاوربيين ذوجودة

بينما نحن نبعث لهم دقلة نور ذات الجودة العالمية ونأكل الدقلة المدودة

تقبلو مروري

السلام عليكم اخي بارك الله فيك هذا رد روعة وطويل ويعمر العين ربي يجازيك خويا واش نديرو الصراحة اللوم فينا فقدنا الاصالة في كل شي والمنتوجات المحلية رديئة بزاف على هذا نجيبو من الخارج لانو الصراحة منتوجاتهم احسن من منتوجاتنا شكرا جزيلا

مريم الصابرة · 2012-05-27, 21:23

خ

اقتباس:

المشاركة الأصلية كتبت بواسطة mebarka1961

المصداقية فى البيع والشراء والاشياء المماثلة مقدور عليها __الطير الحر كي يتقبض مايتخبطش __ المشكلة فى مصداقية التعاملات الاخرى الاكثر خطرا كالصدق والوفاء بالوعد والكلمة اللى توزن جبل و...و..

السلام عليكم اختي شكرا جزيلا وربي يجازيك
هذيك موضوع آخر المصداقية فالتغاملات والاخلاق توفات يا ختي زمن النية راح شكرا جزيلا

مريم الصابرة · 2012-05-27, 21:25

اقتباس:

المشاركة الأصلية كتبت بواسطة baroud

المنتوج الاصلي و المخير بلا اشهار يتباع

اما تاع هنا يهفوا فينا

لالا منتوج هنا غير مرغوب به تماااااااااااااااااااااما

السلام عليكم اخي بارك الله فيك هذا اللي قلتو أنا الإعلان مجرد هف برك والمنتوج ما تلقى فيه حتى علاقة بالجودة الصراحة نقولوها شكرا

مريم الصابرة · 2012-05-27, 21:27

اقتباس:

المشاركة الأصلية كتبت بواسطة lydia istanboul

لكني أشجع شراء المنتوج المحلي على علاته للنهوض بإقتصادنا و لو لبعض المرات و لنكن إنتقاائيين فليست كل السلع المحلية مغشوشة أو كل الاجنبية ذات جودة عالية خلي نديرو النيف علاش نشرو واش الخارج يمدلنا مع انهم يبعثونا الاقل جودة منهم و حنا نخلو المحلي و نجرو وراهم

السلام عليكم اختي اكيد لكن يا اختي المنتوج ضعيف بزاف وتربات عندنا عقلية إنو لمنتوجات الأوروبية اكثر جودة من منتوجاتنا الله غالب خلاونا ما نديروش ثقة فالمنتوج المحلي شكرا جزيلا

نورة أسماء · 2012-05-27, 21:42

مريم الصابرة · 2012-05-27, 21:57

اقتباس:

المشاركة الأصلية كتبت بواسطة نورة أسماء

السلام عليكم اختي ربي يخليك على الورد يا رودة شكرا

mohamed160 · 2012-07-27, 23:49

سلام عليكم ما كاين مصدقيه فى الجزائر

مريم الصابرة · 2012-07-27, 23:56

اقتباس:

المشاركة الأصلية كتبت بواسطة mohamed160

سلام عليكم ما كاين مصدقيه فى الجزائر

السلام عليكم خويا محمد صحا فطورك فدزاير كاين الخرطية وهف تعيش هذا ماكان لكن الحمد لله حماري ولا عود الناس حاشاك يعني بلادنا خير من بلاد الناس واش نديرو الحمد لله

mohamed160 · 2012-07-28, 00:08

اقتباس:

المشاركة الأصلية كتبت بواسطة مريم الصابرة

السلام عليكم خويا محمد صحا فطورك فدزاير كاين الخرطية وهف تعيش هذا ماكان لكن الحمد لله حماري ولا عود الناس حاشاك يعني بلادنا خير من بلاد الناس واش نديرو الحمد لله

سلام عليكم صح فطورك مريم صح مريم عندك الحق

LIDIA NOUR · 2012-07-28, 00:09

يعطيك الصحة اختي والله غير عندك الحق

مريم الصابرة · 2012-07-28, 00:14

اقتباس:

المشاركة الأصلية كتبت بواسطة mohamed160

سلام عليكم صح فطورك مريم صح مريم عندك الحق

السلام عليكم اخي صحا فطروك شكرا وبارك الله فيك اسعدتني مشاركتك

soso sirin · 2012-07-28, 00:22

واش من مصداقية يا ليليا والله في بلادنا والو و تاني حنا رانا نشرو بعينينا و وذنينا على هكى نهار نروحو نشرو لازم الشي الي كنا حاسينو و حنا نتفرجو في الاشهار نتفكروه وقت مانذوقو المنتوج و هكا باه مانحسوش رواحنا مغفلين هذا مكان.الصح اصح كاين ديفيغونس كبير كبير بيا منتوجاتنا و منتوجاتهم و المصيبة السوق راه مفتوح و المنافسة راهي شديدة مي واش نقولو الشركات تاوعنا و المصانع راهي في سبات تحسب الشتا مازال داخل عليهم و منبعد يقلك علاه تشري القش تاع برا اربي ديرو حاجة شابة و لاخر ساهل و نهار تلقاونا نشرو القش المستورد مدولنا بروسي مي المشكل ضروك القش تاع الخارج و رانا نشروه بالاسم برك لانو كلشي راه مقلد و انا نشوف نشري المحلي و لا المستورد والله كيفكيف لانو الغش راه قاتلنا .

mohamed160 · 2012-07-28, 00:26

اقتباس:

المشاركة الأصلية كتبت بواسطة soso sirin

واش من مصداقية يا ليليا والله في بلادنا والو و تاني حنا رانا نشرو بعينينا و وذنينا على هكى نهار نروحو نشرو لازم الشي الي كنا حاسينو و حنا نتفرجو في الاشهار نتفكروه وقت مانذوقو المنتوج و هكا باه مانحسوش رواحنا مغفلين هذا مكان.الصح اصح كاين ديفيغونس كبير كبير بيا منتوجاتنا و منتوجاتهم و المصيبة السوق راه مفتوح و المنافسة راهي شديدة مي واش نقولو الشركات تاوعنا و المصانع راهي في سبات تحسب الشتا مازال داخل عليهم و منبعد يقلك علاه تشري القش تاع برا اربي ديرو حاجة شابة و لاخر ساهل و نهار تلقاونا نشرو القش المستورد مدولنا بروسي مي المشكل ضروك القش تاع الخارج و رانا نشروه بالاسم برك لانو كلشي راه مقلد و انا نشوف نشري المحلي و لا المستورد والله كيفكيف لانو الغش راه قاتلنا .

سلام عليكم صح الاخت كل شى معشش

soso sirin · 2012-07-28, 00:35

اقتباس:

المشاركة الأصلية كتبت بواسطة mohamed160

سلام عليكم صح الاخت كل شى معشش

و عليكم السلام و هذا الي راه مبهدلنا و المشكل التقليد و ماشي نافعين فيه

MIWAKE · 2012-07-28, 00:41

بارك الله فيك