البيتراف

[نيفرتيتي.]

انا اليوم طيبتو وخلايتو بالقشور برك ونشوف النتيجة اذا ماصلحش نزيد نخليه بماه
مشكورين على الردود

[el-dareb]

وعلاه طيبي بكمية زيادة الحمدلله يسلم كيكوطة ربع ساعة وراه طاب
ماننصح الطياب بكمية كبيرة

[نيفرتيتي.]

المشاركة الأصلية كتبت بواسطة el-dareb

وعلاه طيبي بكمية زيادة الحمدلله يسلم كيكوطة ربع ساعة وراه طاب
ماننصح الطياب بكمية كبيرة

ياختي علىابالك بالبيتراف ومشاكلو مانقدرش نطيب كل يوم

[طهراوي ياسين]

نظن تسلقيه ومديريهش في الفريجيدان

[pomaria_aindefla]

البيتراف ساقيه و خليه يبرد منبعد حطيه في الثلاجة ما يسرالوا والوا يقعد حتى سمانة

[ghada91]

السلام عليكم

اختي البيطراف غليه و خليه يبرد

كي يبرد ديريه في سلة

و دخليه للفريجيدار

يقعدلنا على الاكثر اسبوع

ما تقشريه ما والو

كل ما تستحقي اجبدي و قشريه

[نيفرتيتي.]

يا اخواتي انا راني عدت نخليه ني ونربيه يجي هايل كنت مانتقبلوش ني بصح ملي جربتو وليت مانطيبوش خلاص

[maramelmess]

قشريه و ما تقطعيهش نورمالمو ما يصرالو والو
و كي تغليه قطريه مليح و خليه يبرد باش ديريه في الثلاجة

الما ديالو هو لي يتلق النشا علابيها يتعلك

[ام الهضاب]

انا من نهار أسمعت الاخت الي قالت يبقى بالماء انتاعو في الثلاجة و كل ما نحتاج نستعمل بالشوي و انا نتبع في هذه الطريقة و هي ناجحة

[الخامسية]

يا اختي انا ما نغليه ما والو نقشره و نقطعه ونديره يفور بعدما نغطي الكسكاس عنده 10 د يكون طايب نخليه يبرد ثم ندخله في الثلاجة داخل علب .

[ilhemaya]

السلام عليكم انا ابيتراف كي نشريه نغليه كامل بعد مايطيب نقشره ونقطع ثم ندوزنه اي نعمل التتبيلةتوم وملح وكروية وتابل وهريسة الي يحب حارو زيت وخل ثم نحط في علبة يقعدلي حتي اسبوع هدا ادا خلاوه ويزيد يبنان اكثر راه يشرب التتبيلة تاعو وبالتوفيق

[مرام]

انا نطيبو ونقسمو في ساشيات ونخبيه في الكونجيلاتو وكي نحتاج نجبد

[zineb 4am]

يا اختي انا كي نغليه

نخليه بقشوروا

على خاطر فسدلي وحدة

الخطرة كي غليتوا بقشوروا

[ام عبودة]

ان تاني كي يبقىالي البتراف نخبيه بقشورو طايب
في الثلاجة برك ويحكم يوم او يومين برك

[نيفرتيتي.]

احسن طريقة انه نخلوه ني ه>ه مدة وانا نمشي بيه ومايفسد وماتتوسخ دنيتو كل مانحتاج نجبد طرف ونربي عاد مايخطنيش في الدار