أنا و صديقي العلماني

[ryyyma]

المشاركة الأصلية كتبت بواسطة *عالي الهمة*

السلام عليكم
العلمانيون العرب هم مجرد جماعات للشغب الثقافي والتفلت الأخلاقي ومشاغباتهم تأتي دائما في مغامرات من اللغو الذي لا طائل تحته, ويحاولون أن يصنعوا من أنفسهم أبطالا للحرية من بطولات وهمية ليس من ورائها اختراع نافع ولا نقد بنّاء.
شغلهم الشاغل معاداة دينهم متوهمين أنهم أبطال المعركة مع التخلف يقودون الشعب الى النّور والمستقبل ولئن فتشت عن عصرنتهم لوجدتها تدور بين طعن في القرآن أو استهزاء بأحكام الشريعة المطهرة.
خلاصة وصفهم أن الغرب أرادهم أحرارا عندما يطعنون في دينهم وأرادهم عبيدا له في كل ماسوى ذلك فكانوا كما أرادهم في كلا الأمرين ثم يتفاخرون علينا متباهين أنهم أبطال الحرية !!
وأمّا صديقك هذا فحاله تدعوا للشفقة فهو ضحيّة لأفكار مستوردة يحسب نفسه متحضرا بفخره بعلمانيته ولكن يا ويل له مما ينتظره !!
وأمذا اتخادهم كأصدقاء فهذا ليس بالشيئ السليم والأحسن هجرانهم لأنّه قد يتأثر الانسان بشبهاتهم وفكرهم فيصير واحدا منهم وخاصة اذا لم يكن له علم كافٍ يصون به نفسه من الشبهات.

و عليكم السلام و الرحمة و البركة

بارك الله فيك خيو

و ربي يهديهم للاسلام

فأنا صراحة ما نقدرش نشوف ناس عرفتهم يتعذبو بسبب أنهم ليسو مسلمين

و يعطيك الصحة على الرد خويا

تحياتي

[ryyyma]

المشاركة الأصلية كتبت بواسطة بنت الباهية

إلا عندك إيمان قوي ممكن ربي يجعلك سبب لهدايته
و لو أني ننصحك بالإبتعاد عنه
الله يهديه

ان شاء الله

نحاول أنني نحكيلو على الاسلام رغم أن الأمل ضعيف لأني البارح فهمت وحد الشعار يأمن بيه هو و كل أصدقائه و هو شعار للعلمانية

يعني راح نكون وحدي لي نتحدثلو على الاسلام مقابل كل اصدقائه اللي هوما مثله

ربي يقدرني ان شاء الله

و بارك الله فيك

[djfr]

المشاركة الأصلية كتبت بواسطة ryyyma

أهلا بك أخي

ايييه قلتلكم أننا كنا نتبادل أطراف الحديث عن الدنيا و الحكم و بعض المعارف و و و و و و

لكن البارح فقط وين عرفت بلي علماني

و في الفترة السابقة لم ألاحظ أنه لا يدين بأي ديانة

و الله راسي راه مبلوكي

ما رانيش قادرا نخمم صراحة
و بارك الله فيك خيو

شكرااااااااااااااا
لكن ابتعدي عنه

[مصرية من الجزائر]

العلمانية فكر وليس ديانة
يؤمن بأن الإسلام مكانه المسجد
نصيحة طالما أنت لست متعمقة في الدين لا تجادلي..!!

[ryyyma]

المشاركة الأصلية كتبت بواسطة djfr

شكرااااااااااااااا
لكن ابتعدي عنه

ان شاء الله أخي
و بارك الله فيك على النصح

[ryyyma]

المشاركة الأصلية كتبت بواسطة مصرية من الجزائر

العلمانية فكر وليس ديانة
يؤمن بأن الإسلام مكانه المسجد
نصيحة طالما أنت لست متعمقة في الدين لا تجادلي..!!

أهلا بك ختيتي
أضن أنها أول مرة تشاركين فيها بأحد مواضيعي

فمرحبا بيك ختيتو

نعاود نولي لموضوعي

علماني = Laïque

Laïque c'est quelqu'un qui n'est pas religieux

يعني ما عندو حتى ديانة

و هادا الصديق هو بنفسه قاللي بلي يأمن بوجود الله لكن لا يأمن بحتى ديانة

ان شاء الله تكوني فهمتيني ختيتي

و مرحبا بيك في كل وقت

تحياتي

[ل..ب..ن..ى]

المشاركة الأصلية كتبت بواسطة ryyyma

أهلا لبنى أهلا

هادي هي الحكاية لي كنت حابة نحكيهالك البارح مي نتي ما نعرف وين كنتي هاملا

لوكان جا يأمن بديانة أخرى تقدري تديريلو مقارنة بين هاديك الديانة و الاسلام و تحاولي تبينيلو بلي الديانة لي راه يأمن بيها فيها أخطاء و أمور ماشي واضحة و غيرها من العيوب

لكن غير ما تكون عندو حتى ديانة الحالة واعرا يا بنتي

راسهم مغلوق الله غالب واش تديريلهم

ربي يهديهم للاسلام هادا وش نقدر نقول

ماشي انا اللي كنت هاملا
الكونكسيون عندك كانت تروح وتجي
كنت غير داخلة خارجة

دخلت ريمة خرجت ريمة
دخلت ريمة خرجت ريمة

قريب ضربني البرد مع الكوراندار courant d'air

سي بون ضركا تهنيت ههههه


اسمعيني نقولك حاجة
كنت نعرف واحد زعما زعما مسيحي
بصح مايأمنش بلي سيدنا عيسى ولد ربي
ويقول ان الديانات ==== خرطي برك
وهي قصص خيالية
بصح يامن بلي ربي موجود

راكي فاهمتني بعني تقريبا كيما السي علماني تاعنا

هو كان يكره الاسلام ويشوف من المسلمين
اغبياء يأمنو بحوايج غريبة
هكدا كان يقول
بصح مبعد مع الوقت
جبتلو بزاااااااف حكايات والاعجاز في القرآن الكريم
الحاجة اللي مليحة كانت فيه ,,,,
يحترم اسس الحوار
ومثقف
يعني تجيبيلو حاجة علمية يقولك ديجا راني سامع بيها
ومبعد تجيبيلو الآية القرآنية
يسكت مايصيب مايقول

هكدا هكدا

انا زدت تعلمت حوايج على الاسلام

وهو دخل للاسلام والحمد لله

بصّح اذا شفتي اخينا العلماني مايحوسش يفهم
والحاجة اللي في راسو والله ماتطير
غير اخطيك منو تخاف يدور عليك

واتهلّي


سلااااااااااام

[*مصطفى*]

السلام عليكم

وماذا عن الذين يطبقون أفكارهم بحيث لا يتقيدون بدين الذين ينادون بنزع الحجاب والصداقة بين الجنسين وو.....
هاؤلاء هم الذين يصدموننا يريدون منا أن نتبع من لا دين لهم ولا خلاق لهم ويكونون قدوة سيئة لغيرهم
ثم ماذا ان كنت أصلي وأصوم ووو....ثم تسألني ابنتي الصغرى (( طبعا بعد أن تطلع على موضوعك ))
أبي كيف سأختار صديقي في الجامعة ...؟؟؟؟ هل عندكي جواب..؟؟؟؟

[ryyyma]

المشاركة الأصلية كتبت بواسطة ل..ب..ن..ى

ماشي انا اللي كنت هاملا
الكونكسيون عندك كانت تروح وتجي
كنت غير داخلة خارجة

دخلت ريمة خرجت ريمة
دخلت ريمة خرجت ريمة

قريب ضربني البرد مع الكوراتدار courant d'air

سي بون ضركا تهنيت ههههه


اسمعيني نقولك حاجة
كنت نعرف واحد زعما زعما مسيحي
بصح مايأمنش بلي سيدنا عيسى ولد ربي
ويقول ان الديانات ==== خرطي برك
وهي قصص خيالية
بصح يامن بلي ربي موجود

راكي فاهمتني بعني تقريبا كيما السي علماني تاعنا

هو كان يكره الاسلام ويشوف من المسلمين
اغبياء يأمنو بحوايج غريبة
هكدا كان يقول
بصح مبعد مع الوقت
جبتلو بزاااااااف حكايات والاعجاز في القرآن الكريم
الحاجة اللي مليحة كانت فيه ,,,,
يحترم اسس الحوار
ومثقف
يعني تجيبيلو حاجة علمية يقولك ديجا راني سامع بيها
ومبعد تجيبيلو الآية القرآنية
يسكت مايصيب مايقول

هكدا هكدا

انا زدت تعلمت حوايج على الاسلام

وهو دخل للاسلام والحمد لله

بصّح اذا شفتي اخينا العلماني مايحوسش يفهم
والحاجة اللي في راسو والله ماتطير
غير اخطيك منو تخاف يدور عليك

واتهلّي


سلااااااااااام

أهلا لبنيتا

ياو السي العلماني تاعنا يحترم المسلمين نورمال و ما عندوش حتى مشكل معاهم و الدليل أننا أصدقاء و أنا مسلمة و ندير الحجاب و الحمد لله

المشكل أن عقليتو "معزة و لو طارت"

شوفي كنت مريت بتجربة هاكدا مع صديق فرنسي
هو مسيحي بصح croyant برك

المهم بقينا نحكو هو يحكيلي على المسيحية و أنا نحكيلو في نفس الشيء لي راه يحكي عليه لكن بما قال عليه القرآن
حتى لحق ما قدرش يجادلني في هادا الأمر
و حسيت أنه أقتنع بواش كنت نقول

لكن السي المسيحي تاعنا اختفى من داك العام و ما زادش بان

أنا راني حابة نحاول معاه بالاك نقدر نقنعو

و ان شاء الله يكون فيها خير

[ryyyma]

المشاركة الأصلية كتبت بواسطة *مصطفى*

السلام عليكم

وماذا عن الذين يطبقون أفكارهم بحيث لا يتقيدون بدين الذين ينادون بنزع الحجاب والصداقة بين الجنسين وو.....
هاؤلاء هم الذين يصدموننا يريدون منا أن نتبع من لا دين لهم ولا خلاق لهم ويكونون قدوة سيئة لغيرهم
ثم ماذا ان كنت أصلي وأصوم ووو....ثم تسألني ابنتي الصغرى (( طبعا بعد أن تطلع على موضوعك ))
أبي كيف سأختار صديقي في الجامعة ...؟؟؟؟ هل عندكي جواب..؟؟؟؟

و عليكم السلام و الرحمة و البركة
شكرا على صراحتك أخ مصطفى

سأقول لك شيء
أنا الوسط الذي تربيت فيه هاكدا عندي أصدقاء من الجنسين لكن كل واحد يعرف حدوده و الحمد لله لحد الآن ما صرالي حتى مشكل في هذا الأمر
و أأكد لك أن معظم اللي راهم يقولو بلي حنا خاطينا و حنا و حنا عندهم أصدقاء من الجنسين أيضا

فالواحد يكون صريح و كيما والفتوني دائما صريحة

أما عن كيف سأختار صديقي في الجامعة أنا سأقول لك شيء
أصدقائي من الذكور لديهم حدود و كلهم يعرفون حدودهم و الحمد لله عمرهم ما تخطاوها

و ليس بالضرورة أن تكون لابنتك أصدقاء ذكور

و بارك الله فيك و ربي يحفظ بنتك ان شاء الله

[*مصطفى*]

المشاركة الأصلية كتبت بواسطة ryyyma

و عليكم السلام و الرحمة و البركة
شكرا على صراحتك أخ مصطفى

سأقول لك شيء
أنا الوسط الذي تربيت فيه هاكدا عندي أصدقاء من الجنسين لكن كل واحد يعرف حدوده و الحمد لله لحد الآن ما صرالي حتى مشكل في هذا الأمر
و أأكد لك أن معظم اللي راهم يقولو بلي حنا خاطينا و حنا و حنا عندهم أصدقاء من الجنسين أيضا

فالواحد يكون صريح و كيما والفتوني دائما صريحة

أما عن كيف سأختار صديقي في الجامعة أنا سأقول لك شيء
أصدقائي من الذكور لديهم حدود و كلهم يعرفون حدودهم و الحمد لله عمرهم ما تخطاوها

و ليس بالضرورة أن تكون لابنتك أصدقاء ذكور

و بارك الله فيك و ربي يحفظ بنتك ان شاء الله

ماذا لو قلت لك أنني أحكم عليك بأنكي (( ضحية للعلمانيين )) وتتبعين أفكارهم وقد تتأثر ابنتي بأفكارك وووو.... وتصادق من تشاء
كيف ستقنيعينني بأنني على خطأ ولنكن أنا هنا بدل المسيحي والعلماني فهل تغيرين تقكري وقناعتي .

[ryyyma]

المشاركة الأصلية كتبت بواسطة *مصطفى*

ماذا لو قلت لك أنني أحكم عليك بأنكي (( ضحية للعلمانيين )) وتتبعين أفكارهم وقد تتأثر ابنتي بأفكارك وووو.... وتصادق من تشاء
كيف ستقنيعينني بأنني على خطأ ولنكن أنا هنا بدل المسيحي والعلماني فهل تغيرين تقكري وقناعتي .

أوكي
لو كنت ضحية للعلمانيين لما عدت مقتنعة باسلامي و لتركت صلاتي و كثير من الأمور اللي نديرها لكوني مسلمة
لأني لو تأثرت بهم راح نولي نشوف بلي الصلاة و الأمور الأخرى مضيعة وقت كيما هوما يشوفوها
و لو ككنت ضحيتهم لنزعت حجابي لأنه راح يولي يبانلي لباس الجهل و الناس الجاهلين كيما يشوفوه هوما
بكل بساطة لو أنني ضحيتهم لما بقيت مسلمة

هادا هو الشيء لي نقدر نقنعك بيك خيو

[thorpe]

السلام عليكم

طبيعة الحال هذا امر محتمل جدا جدا خاصة في هذا الزمن
لان الغلبية مسلمة بالام او بالوراثة فقط ولا يعرفون عن الاسلام الا الاسم ربما
وخير دليل انظري كيف اغلب الشباب تارك للصلاة ويصوم رمضان
يعني يصوم لانو بالاك لقا باباه وجدو وامو تصوم
المهم
كان لي صديق ايضا لا يؤمن اصلا بالله ولا بالجن ولا باي شي
لكن الحمد لله كان تعاملي معه عادي يعني هو كي يحكي معاي يحترم معتقداتي ولا يضحك حين احلف بالله او ماشابه بل انه يصدق

وانا ايضا لا دخل لي فيه حدثته ذات مرة بالموضوع لكن رايت انه متمسك بعدم ايمانه
الله يهديهم

[ryyyma]

المشاركة الأصلية كتبت بواسطة thorpe

السلام عليكم

طبيعة الحال هذا امر محتمل جدا جدا خاصة في هذا الزمن
لان الغلبية مسلمة بالام او بالوراثة فقط ولا يعرفون عن الاسلام الا الاسم ربما
وخير دليل انظري كيف اغلب الشباب تارك للصلاة ويصوم رمضان
يعني يصوم لانو بالاك لقا باباه وجدو وامو تصوم
المهم
كان لي صديق ايضا لا يؤمن اصلا بالله ولا بالجن ولا باي شي
لكن الحمد لله كان تعاملي معه عادي يعني هو كي يحكي معاي يحترم معتقداتي ولا يضحك حين احلف بالله او ماشابه بل انه يصدق

وانا ايضا لا دخل لي فيه حدثته ذات مرة بالموضوع لكن رايت انه متمسك بعدم ايمانه
الله يهديهم

و عليكمم السلام و الرحمة و البركة

عجبتني تاعع مسلمون بالوراثة

و الله صح كاينا

المشكل في هادو الملحدين أنهم متمسكين بعقليتهم

لوكان جاو يأمنو بكاش ديانة تقدر تقنعهم لكن المشكل غير ما يأمنو بوالو

ربي يهديهم و يهدينا

و بارك الله فيك خيو

[*مصطفى*]

بصراحة شخصيا انصدمت من هذه الدعوة صديقي في الجامعة وعلى اتصال بيه فهل من يغير قناعتي وتفكيري بأن لا صداقة بين الشاب والفتاة
فأنا مقتنع بأن الصداقة بالشكل المعبر عنها هنا (( و بعد ذلك اليوم أصبحنا نتبادل أطراف الحديث تقريبا كل مرة نلتقي فيها الجامعة (كأصدقاء طبعا)...
أكملنا الجامعة
و بقينا على اتصال......))
كيف لا ينصدم الواحد منا عندما نقع في هذا التناقض فأنا مقتنع بأن لا صداقة بين الجنسين بهذا الشكل وقناعتي نابعة من الدين الذي أتمسك بيه أم أنا مخطئ
أنا أولى من هذا العلماني لكي أفهم الدين وربما أدخل الاسلام من جديد ومعذرة (( ربما يكن الوسط الذي تربيت فيه هو السبب ))