أم المشكلات

[جسور المحبة]

ايها الاستاذ الفاضل لا تبتءس بما يقولو لانك كدت ان تكون رسولا وهذا المشكل راه يعني منو اغلب الاساتذة ان لم نقل كلهم وراه في كل مكان وكما قال الاخ فارس الجزائري دير روحك ما سمعت والو يعني الكلمة تدخل من اذن وتخرج من اذن وما تخليلهاش فرصة بش تدخل لقلبك وقول في نفسك بلي مدامك راك تادي واجبك كما يرضي الله فهذا ابتلاء لك وما تخليش فرصة لاشباه الاساتذة ان صح التعبير فرصة لكي يسخرو منك ويقولو شوف زعما يقري من قلبو امالا لصقو فيه اسم قبيح حتى عاد يحشم بيه بالعكس افرض روحك على الاساتذة لي خسارة فيهم كلمة استاذ لانهم دنسوها ولازم تشوف كش استاذ مليح ومتادب وتتفاهم معاه ويعيط ليك باسم رااائع ويلصقو فيك ويناديك بيه امام الاساتذة واذا كش ما سمع كلام من الاساتذة يوقفهم عن حدهم باسلوب مليح ويخوفهم من ربي وبجزاء التنابز بالالقاب
وخلاصة القول استاذنا انو ما لازمش تتراجع عن اداء وظيفتك ولا تخليهم يحسو بلي راك متاثر بكلامهم
مكا انني احييك ولك مني اسمى معاني التقدير والاحترام وربي يوفقك ويفرج عليك ويجعل كل تعبك ومعاناتك في ميزان حسناتك

[1954مريم]

السلام عليكم ربي يهديك استاذنا الفاضل ...

انتم من علمتم الاجيال الصبر والمثابرة والصمود في وجه الوزاراة بكل تنتحر من اجل كلمة تافهة تفاهة المجتمع .
اعتقد لا يوجد استاذ يمجو من التعليقات او الالقاب المضحكة ..
فاستاذ العربية يكثر من كلمة يعني سموه يعني .
واحد يقول داكور سموه داكور ... واحد طبعا واحد العجوز لانه قديم في التعليم ..وغيرها لكن واجبنا نحن كاساتذة ننبه لهذه العبارات وخطرها .
ونقولهم انه يوم القيامة هذا الشخص يكون خصمك ترضى ذلك وزيد ليس الاستاذ يسموه فقط حتى المدير والحارس والمراقبين وانفسهم حتى هم يعطوا على بعضهم البعض القاب
لكن لازم نتحاوروا معاهم عن خطورة الظاهرة ...وانت لا تبالي كانه شئ لم يكن بل تظاهر نك لا تهتم لهم .
وما يهمك الكلاب تنبح والقافلة تسير .

[أسـماء]

سبحان الله لم ارى شخص مثلك
اخي كان يقريني واحد الاستاذ يحب الاسم لي نعيطولو بيه و نورمال
وكان يقريني واحد اخر نورمال
اخي خليهم يهدرو المهم نتا اخدم خدمتك لوجه الله وهوما خليهم يهدرو هدرة نتع تلاميذ جرحاتك لهاذ الدرجة و ليت تبكي سبحان الله
المهم خليهم يهدرو وتش يحبو المهم نتا اخدم خدمتك ولا تبالي باي كان

[selin cobbra]

السلام عليكم
حقيقة لقد اثرت فيا قصتك فانا تلميذة في الثانوية واقوم بمثل هذه الاشياء مع الاساتذة حتى اني انظم القصائد المضحكة عنهم ودائما انسى شعورهم حين يسمعونها ومدى تاثيرها عليهم
شكرا فقصتك قد غيرت مفهومي لعدة اشياء وان شاء الله ساعتذر عن كل شيء وجهته للاساتذه

[نرجس44]

السلام عليكم استاذنا الفاضل
تاثرت كثيرا بقصتك رايتها عندما كنت تلميذة و اراها الان في محيطي في المؤسسة التي جنب منزلي للاسف الشديد هناك تلاميذ و لفشلهم و قلة ايمانهم يلصقون الاسماء بكل شخص امامهم ليس فقط الاستاذ بل المدير و المراقب و بعضهم البعض لكن الحل نحن نبحث عن طريقة للتخفيف من هذا المشكل
انا ارى انك تتصل باستاذ تثق فيه و تتكلم معه خارج المؤسسة و تتفق معه بان يخبر باقي الزملاء بان يوعو التلاميذ بعدم التنابز بالالقاب و موقف الدين من هذا الشيء يجب ان تكون حملة في المؤسسة و هذا في صالح الكل ليس من اجلك فقط يا استاذ اجعلوها حملة عامة خاصة من طرف اساتذة التربية الاسلامية و اخبره بان لا تكون الحملة من اجلك اي لايجعلك في الصورة بتاتا ديروها من اجل تلميذ مثلا حتى لا يحس التلاميذ انك انزعجت منهم
يمكنكم حتى طبع اوراق بها اقوال عن التنابز بالالقاب و تلصقونها بالمؤسسة يجب ان تحاربو الظاهرة فلست وحدك المستهدف يا استاذ المفروض ان تتعاونو الكل
لا تياس يا استاذنا فانت اكبرمن ان تهزك كلمة قالها ناس جهلة
اجعل هاته الكلمة تافهة و لا تعر لها اي اهتمام بل اضحك منها و عليها حتى اسرتك اظهر لهم ان الكلمة ليس لها اي وقع عليك و صغرها قد ما تقدر

ان شاء الله تكتب لنا موضوع اخر تخبرنا فيه ان المشكل انتهى تحياتي لك استاذي الفاضل

[abdel02]

السلام عليكم شيخنا الفاضل...والله قلبي ينفطر لما وصل اليه حالنا اليوم وحال شبابنا وشابتنا...واظن ان الله يوشك ان يوقعنا في عذاب تتكلم به الاجيال اللاحقة عنا...الله يجعل الخير...وفقط...استاذي الكريم انا نصيحتي لك انك تبدل الولاية كلية للتخلص من اثار هذه المشكلة نهائيا...من جهتي انا في الشلف نقدر نعاونك نلقالك سكن بسعر معقول في نواحي المدينة...وتجي تكمل ال5 سنوات تاعك هنا وتتهنى من هؤلاء...معزز مكرم...وتحافظ على صحتك وصحة اولادك وتحصيلهم...وربي يقدرك شيخ...اي حاجة راني هنا استاذ...

[امال7]

اذا أتتك مذمتى من ناقص فهي الشهادة لي بأنى كامل