ديول أم لميس - الصفحة 2

أم سيرين1 · 2011-11-30, 18:26

يعطيك الصحة حبيبتي جاوك روووووعة كانش نهار نجربهم
مشكوووورة

chaima02130 · 2011-11-30, 18:48

بووووووووركت سيدتي.

my lamis · 2011-11-30, 20:12

الله إسلمك ختي أم سيرين و فيك بركة ختي شيماء مشكورين على المرور و نورتو الصفحة

جيجلية · 2011-12-01, 07:52

ما شاء الله

طريقة رائعة إن شاء الله نجربها أنا كمنلقاش الديول ندير عجينة الصامصة ونحشيها اتجي بنينة لكن ماشي كما الديول

هل ممكن ندهن بالبانسو تاع الحلوة اللي يجي مثل البلاستيك نسيت اسمه

my lamis · 2011-12-01, 08:45

مشكورة ختي الجيجلية على مرورك نورتي الصفحة
ختي منقدرش نقولك إخدمي بيه لخطرش أنا معنديش منو و مجربتوش نتي سايي بيه و شوفي هو بلاستيك و المقلة ميش محطوطة على النار و ميش سخونة بزاف بالاك يخدملك

ام محمد ميدو · 2011-12-01, 14:27

شكرا ام لميس ربي يخليلك لميس الله يبارك عليها

نفيسة1982 · 2011-12-01, 16:30

بارك الله فيك بصح هذه المقادير شحال تخرج من ورقة تاع ديول

my lamis · 2011-12-01, 17:05

يبارك فيك ختي أم ميدو و ربي يخلينا قاع ولادنا نشالله مشكورة نورتيني بمرورك
و فيك بارك الله الأخت نفيسة و هذيك المقادير تخرجلي حتى 18 ورقة بصح هذا على حساب المقلة تاعي شوية صغيرة هي المقلة الكبيرة تخرج قل من هذا المهم فوق 10

islam1aya · 2011-12-01, 18:13

أختي أم لميس راكي شاطرةبزاف
روعة الديول رايحة انجربهم اكيد
حبيت نجرا ونطلب منك طلب
حبيت طريقة مفصلة لفتل الكسكس مانعرفش كيفاه وبالصور اذا قدرتي طبعا
وراهم حطولي موضوعي تع الرشة ادخلي شوفيه تحت عنوان الوصفة الاولى مع لحظات مخبرية في الفنون الطبخية
مراة فحلة وسيدة المعجنات اكيد رايحة نتعلم عليك حاجات كثيرة ان امي من وانا صغيرة علمتني كثير حلويات طواجن لكن الفتيل والعجاجن شوية او لاحظت انو اولادي ملو شوية من كثرة الحلويات ويحبو العجاجن مثل المسمن الشخشوخة البغرير الكسرة اليابسة والرخساس و المطلوع الخفاف ماذا بيباتحطلنا الوصفات مرة على مرة

my lamis · 2011-12-02, 13:47

مشكورة ختي إسلام آية نورتي الصفحة و مشكورة على كلامك المعسل حتى نتي تعجبيني بزاف و فحلة فحلة الله يبارك عليك و راني حابة نتعلم منك طواجن و الحلويات أنا هدو ناقصة فيهم و صح العجاجن نخدمهم بزاف دارنا كي يتواحشوهم يعيطولي باش ندير مسمن ولا محاجب .... و نشالله نشري التشيشة و نوريلك فتيل الطعام أنا ماما علماتولي كان في عمري 15 و الله علماتولي بالعصى قاتلي لازم تخرجي تعرفي كلشي و صح صبت غير يديا مشكورة مرة ثانية و اللي تسحقيها نوريهالك

islam1aya · 2011-12-02, 17:24

بارك الله فيك اختي الغالية عارفة بلي مارايحاش تبخلي عليا وانا كذلك واش سحقيتي راني هنا خاصة الحلويات والطواجن ماتنساينيش برك في فتل الكسكس
بالننسبة لاول موضوع راني حطيتو فيه طريقة عمل الرشة من العجين الى المرق بالتفصيل الممل وبالصور تحت عنوان
الوصفة الاولى مع لحظات مخبرية في الفنون المطبخية هو الي كان محذو ف بالغلط وراهم رجعوه وليس لحضات مخبرية في الفنون الطبخية
هذا كان موضوع للتقديم فقط علبالي تخلطتلك شوفي مليح مكتوبالوصفة الاولى مع لحظات مخبرية في الفنون المطبخية وفي قسم الحلويات حلوة هايلة بالشكولطة
ربي يخليلك الوالدة ويحفظلك قرة عينك لميس شفتها هايلة الله يبارك بالمناسبة وين المنطقة الي راكي فيها
مع تحياتي يا الغالية الحرة

omo mazen · 2011-12-02, 17:33

بارك الله فيك ننتضر المزيد

*سماح 94* · 2011-12-02, 18:00

بارك الله فيك ختي شكرا

*سماح 94* · 2011-12-02, 18:04

اللهع يبارك هدا وين طلعتلي تصورة بنتك
الله يبارك ربي يحفها

nada nina · 2011-12-02, 20:53

بارك الله فيك على الوصفة اختي انا نديرهم بلا زيت و بيض و نشاالله نجربهم بطريقتك في اقب وقت