ساعدوني أو أقتل نفسي

[hano.jimi]

حبيبتي عيشي حياتك وارضي بالمكتوب .كم من فتاة تمنت ان تتزوج الشاب اللذي تحبه وتعشقه لكن بعصد الزواج ندمت ندما شديدا
وجدت في الشخص اللذي كانت تدعو الله ان بان تتزوج به عيشها المر والذل
اختي واصلي حياتكي ان كنتي تدرسي اجتهدي في دراستكي .وان كنتي تعملي اهتمي بعملك
ساعدي امكي في البيت وكوني عنصر فعال في المجتمع
تمسكي بالله كلنا خلقنا لعبادته
وفقي الله وامسحي دموعكي وابدئي من جديد

[أم حامل القرءان]

يأختي مازالك على نيتك ونتيا أتضني بلي كاين في هذا الوقت شاب أكبير خاصة أنو فايت 22 ويحكم فيه باباه ماكاش منها راه يتمسخر بيك غير أخطيك منو

[janino]

اللى باعك بيعيه و ما تسالى فيه من الاول انى الغالطة حب عن طريق الفايس بوك هده هى النتيجة ربى يرزقك زوج حلال

[بلبلة الجزائر]

حتى وان تزوجك سيبقى يعيرك بانك فتاة لا ثقة فيها و الدليل طريقة زواجك

انسيه و امحيه من صفحة حياتك و تذكري ان لك اهل مسؤولة عن سمعتهم

[fifi180]

اللهم خذه من قلبي .... .كما أخذته من عيني !
وخذه من تفكيري .... كما أخذته من نصيبي !
وخذه من منامي ... ..كما أخذته من يقظتي !
وخذه من خيالي ..... ..كما أخذته من واقعي !
اللهم إجعل فراقه آخر مصائبي .. وأكبر مصائبي..وأعظم مصائبي !
اللهم لاتجعل الانشغال به فتنة دنياي ولاتجعل التفكير فيه فتنة ديني!
اللهم اجعل فراقه فاتحة الخير في دنياي .....وفاتحة الفرح في قلبي !
اللهم اني اعوذ بك من عودة تكسرني ..أو عاطفة تهزمني !
اللهم لاتُسلط علي من الحنين اليه مالا طاقة لي به !
اللهم اجعل ذكراه بعده تُضحكني ولاتُبكيني ..واذقني بعده ( ندم ) إيابه..وليس (ألم ) ذهابه !
اللهم افقدني الذاكرة ( به ) وبصوته.. وبوجهه.. وبتفاصيلة ..وبكل مايمت بصلة إليه !
وأخرجني من حكايته اللهم بشرني بــ ( نسيانه) )
اللهم اغفر لي كل ( دعاء ) كان به ...وكل أمنية كان ( بها )!
اللهم خذ بيدي فاني أغرق ... وخذ بقلبي فاني أختنق

[fifi180]

matzidich t3aytilo w ad3i had do3a2e

[سِدْرَةِ الْمُنْتَهَى~]

طلبتي المساعدة وها نحن نلبي الدعوة ونتمنى تكوني معي بضميرك وعقلك ولبتعدي عن العواطف لنتمكن من حل المشكلة ،،،،
أختي الكريمة أظنك واعية الله يبارك راكي في 22 سنة من عمرك وبيدك أنت وحدك مساعدة نفسك بنفسك فقط تحتاجين إلى تذكير ولو كان بلهجة قاسية التي هي أولا وأخيرا في مصلحتك :
فيقي مع راسك وأعطي قيمة لنفسك وحافظي على شرف عائلتك ،وابتعدي أنتي الأخرى عن كل شيء متعلق بهذا الشاب.
أما تقتلي نفسك التي حرم الله قتلها وجعلها من كبائر الذنوب ومن اجل شاب فلا حول ولا قوة الا بالله ليس الى هذا الدرجة تحطي من قيمتك الدنيا لا تتوقف عنده لست أنكر لك بكلامي صفة الحب بل هو مغروس في النفوس البشرية ...لكن المشكل في الأفعال المنجرة عن هذه العاطفة ولتحفظي عن ظهر قلب للبيوت أبواب إن كان قصده شريف سيتفضل منها لا محالة غير ذلك احمدي ربي انه صرفه عنك .
ولا تنسي الاكثار من الاستغفار والدعاء بإن يصرف الله قلبك عن الحرام...سلام

[!?زين الدين?!]

المشاركة الأصلية كتبت بواسطة amel soltani

السلام عليكم و رحمة الله و بركاته

مشكلتي:أنا فتاة عمري 22 سنة متدين متواظعة ذو أخلاق و الحمد الله
تعرفت علي شاب عن طريق الفايس بوك أكبر مني بشهر كانت تجمعنا صدقا فقط و مع مرور الأيام أعترف لي أنه معجب بي و أنه نيتو معي صافة من هنا بدأت حكايتي مع أنس
حبني و حبيتو و الحمد الله مادرنا حتي حاجة لي تغضب الله ولا الوالدين كنت نتكلم معها في هاتف دائما كان يعمل في المدينة لي نسكن فيها و هو مش من ثم من مدينة أخرى
حتي وين جاتو الفاتورة تاع التليفون غاليا ولينا نهدرو بشريح أخرى
بدأت الدراسة في الجامعة راح وترك شريح الأول في بيتهم.....
هنا بدأت المشكلة وجد أبوه شريحة الهاتف سأل الأم قالت هذا تاع أنس فتحها أبوه
وجد sms تاع الفاتورة 1500 دج تفاجأ أبوه قال أول مرة تجيه غاليا
راح عند مركز الأتصالات الخاص بشريح طلب منهم أن يعطوه الأرقام لي تكلم معاها طيلة الفترة وكان رقمي الأكثر أتصال
ثم طلب منهم أن يعطوه معلومات عن صاحب الرقم
بطبع أعطوه معلوماتي أنا بذات,غضب الأب من أبنو قال للأم أبنك راح يخدم أم يعشق و يتمسخر وألخ..............
المشكلة حتي الأم قالت نحي من بالك هذي الطفل و موحال تقلي لي تهدر معاها تتزوج بيها أو ما نسمحلكش أكيد رايح يتخلا عليا بكل بساطة لأنه من المستحيل يسمح في والديه علي جالي أنا
راني نعيطلو ما يردش عليا قطع الأتصال بيا هذا الأسبوع.
قولولي واش ندير أنا حاير راني نحبوووووووووووو بزاااااف
والديه ظلموني بزاف و حرام عليهم يفرقونا علي بعض المهم سامحوني طولت عليكم
أدعولي ربي يجيب الخير أنشاء الله

أختي الكريمة ان بعض الظن إثم لكن حسب ظني وقراءتي البسيطة ومعرفتي الجيدة لشباب اليوم فأظن ان كل هاته القصة مفتعلة من طرفه فهو لا يرغب في المواصلة والارتباط معك وكم من شاب تحجج لفتاة عرفها ان والدته رفضت زواجه بها وهو في الاصل لم يسأل والدته حتى اختى نصيحة من أخوك مدريش على هاد القصة انا اتكلم معك عن تجربة وليس مجرد كلام لانها قصة مفتعلة من طرفه يا اختاه انها حجة واهية فلو أحبك حقا لأقنع والديه ومتعوديش تعيطيلو لانو حقا ميستهلكش

[ورود الشتاء]

علابالك كى شفت العنوان او اقتل نفسى ما لقيت ما نقول غير ربى يهديك سبحان الله يخلق الله ما يشاء ................

[fati 17]

هناك مثل اطلق صراح الشئ الذي عندك ان عاد لك فهو لك وان ذهب فهو منالبداية ليس لك

[yasmina dz]

السلام عليكم
اختي راح نسقسيك سؤال برك و ماراحش نقولك جاوبيني لكن جاوبي حالك
هو قالك هاذ الشي ؟؟؟ يعني هو اللي روالك القصة ؟؟
إذا كانت نعم يا اختي هو راه يتهرب و هاذا قالب من عنده باش تفهمي روحك و تبعدي
إذا كانت الاجابة لالا راه يخاف من باباه و عايلته و سمح فيك

في كلتا الحالتين راه حاب يقطع العلاقة معاك

و يقولك اللي بدلك بالفول بدله بقشوره

ربي يرزقك بزوج صالح ان شاء الله

[shadow30]

سلالالام
يا اختي والله احمدي ربي=مكاش منها كامل لحكاية لتحججلك بيها باينة واضحة وضوح شمس كدبة باش يجبد روحو=عودي الى وعيك وارجعي لربي سبحانه مزالللك صغييرة ومزالها طريق طويلة ====راح تتلقاي بمكتوبك وتتفكري كم كنتي _____لتمسككي بهدا الشخص الدي لا يستحقكي
ربي يكون معاك انشالله

[samah2]

السلام عليكم ورحمة الله تعالى وبركاته

حبيت نقلك رايحة تقتلي روحك تغضبي ربي على جال شخص
ميستهلش . كون جيتي قدامي نعطيك كف .فيقي روحك ومدزديش
ديري الامان في راجل .
اتصلي بيا عندي هدرا معاك راني اكبر منك

[wahoub]

أول حاجة اتقي الله كيفاش هادي تقتلي روحك على خاطر ولد
وثانيا هادي قصة الاتصالات وانهم عطوه المعلومات ناعك هادي ماكنش منها كامل المعلومات سرية للغاية وحتى واحد ما يديها غير صاحب الشريحة اذا كان عنده العرف كيما يقولو
استغفري ربك وارجعي لحياتك واللي يحبك عمره ما يعمل معاك علاقة اللي يحبك يجي من الباب ويخلص النية لله ومايخونش الامانة
صح راني قسيت عليك في كلامي لكن الحقيقة توجع
la vérité blesse

[oprah]

salam okhti
mais kifesh 3refti hadi kisa? bouh 3ayetlek wala howa galek?
berk habit ngolek balak hadi kisa aslan ikhtera3 bech yegta3?!!