تصدقوا والا تكذبوا.....والله تشوكيت!!؟

[sara96]

انا نقولك شوفي اللي يخرج عليك اختي

[سيريناد]

احنا مازال ماعطاولناش المهم اختي انا سمعت بلي صح الرياضيات صعيبة و لازملها مجهود لكن يجب عليكي المثابرة و لازم تعرفي بلي الرياضيات هي الاولى في الاختيارات
يعني قادرة تروحي طب بكل سهولة لان لها الاولوية كتر من العلوم حتى في الطب فهمتيني
بصح ولا انتي ماتحبيش رياضيات غير ماتروحيش خاطرش تهرديها لتما و ماكاش حاجة مستحيلة
و صلي صلاة الاستخارة و بادن الله ربي يوفقك و تنجحي ماتقلقيش روحك بزااف ياك حبيبتي
انا عن نفسي بادن الله نروح رياضيات

اختك روميسة

[{ توبة }]

للأسف في المتقن تاعنا معدناش رياضيات

يعني ح نروح للعلوم التجريبية

و انت اختي شوفي واش يخرج عليك

إذا عدت ممتازة في الرياضيا خيري الرياضيات احسن

[bouelame]

هذه بطاقة استبيان و ليس الرغبات حنا ثان طاوهنا درت مات بصح ماتاثرش

[♥ليزا البريئة♥]

الاختيار الامثل علوم تجريبيةةةةةةةةة

[avp]

ديري مات كي ما انا

[Narcisse95]

المشاركة الأصلية كتبت بواسطة avp

ديري مات كي ما انا

Ana brabi nchallah ndir maths aussi
^^
Ana 7abba maths 5a6er tefta7lek l'abwab llta5asosat kamel
7kayet s3iba whakka malazemch takhla3kem
li raye7 llycée ya9ra hahou bayen tesshalou
ama li raye7lou bech...el7fidha wetjih s3iba wchefnaha m3a el2adabyiin

Dsl mais rani na7ki hakdek 3la 7asseb wech rahou sayer fi lycée taana
salem alikom

[سارة 07]

المشاركة الأصلية كتبت بواسطة nada.nawi8

السلام عليكم
واش راكم نتمنى تكونوا çv المهم الخبر الحصري والجديد انو ثانويتنا بدات توزع في بطاقة الرغبات وكامل الاقسام عطاولهم
مام احنا مي لقاونا نديروا في فرضـ الفيزيـــأآإء فقالولنـــــأآ دركـ نرجعوا والحد الآن ولا خبر المهم
انا مانيش حايرة في هدي مي ماشي داخلـــة مخــي كيفاه واحد مازال ماقيمش روحوا ومازال ماشافش la note نتاعوا في المواد العلمية ويعطوه يخير
بصراحـــ’ة رانــــي حايرة واش ندير parce que اختـــي قاتلي المرة الاولى ديري math ومن بعد قالتلي ديري علوم باسكو تحتاجيها في medecine والمات مايقراوش مليح علوم واختي راهي تقرى في الطب "ادعولها"
mais mama et papa قالولي ديري ماااااااااااات

وانا ماعندي حتى ميول باسكو ماشفتش روحي
وقلت نصلي صلاأة الاستخارة ونشوف؟

وانتم واش رايكمـــ وجهونــــــي لعل وعسى ربي يسهلـــي
تعبتكم وطولت عليكم
bon chance
اورفوااااااااااار et b.8

واش راكي صفاء واش هذا الخبر الجديد احنا قسمنا 1ع5 ما عطوناش بطاقة الرغبات وانت شكون الي قالك هذا الخبر
بطاقة الرغبات قالونا في بداية العام بلي تجيكم في الفصل الثالث واذا عطاولك بطاقة الرغبات ننصحك ديري عاوم تجريبية لانك تقدري ديري طب وانت ياخي حلمك الطب ولا لا وانا ثاني راني حبا ندير علوم
انا هذا راي وانت ديري ليساعدك وساعد والديك
صديقتك سارة

[التلمساني المغناوي]

عليك اختيار الشعبة التي تناسب ميولاتك وقدراتك
فان كنت تحبين العلوم والطب فأنصحك من الآن بالسير قدما نحو شعبة علوم تجريبية فهي الأنسب لما تطمحين لها
ومن مميزات هده الشعبة أن معاملات المواد الأساسية متوازنة
وأما شعبة رياضيات فهي تحتاج لمن هو ماهر بالرياضيات والفيزياء ويتميز بالعبقرية والرزانة فخطأ واحد في اشارة أو معادلة يكلف غاليا .
وانت مادام حابة تصيري طبيبة غير روحبي للعلوم التجريبية .

.

[الجزائرية 2010]

المشاركة الأصلية كتبت بواسطة hadadji13

الى الخت التي قالت بان العلوم التجريبية تقدري تختاري واش تبغي العكس الرياضيات هي التي لها الاولوية في كل الاختصاصات وهي التي تقدري تختاري اي تخصص حتى الطب وانا نقولك اختي اختاري المات احسن وانا تاني رايحة نختارها لاني نفم الماث والفيزياء عكس العلوم

نفترضو دارت رياضيات وكي تطلع للجامعة ويقبلوها طب والله ماتلقى روحها
كان دير علوم تجريبية تلقى روحها في الجامعة
بصح الا اذا كانت حابة تقرا طيران دير رياضيات يقبلوها في الطيران

لكن نصيحتي ليها ولكل واحد علوم تجريبية خير باسكو الرياضيات يديروها غير الجماعة اللي قرايين يعني مش قرايين برك نابغة في الرياضيات..


وانا ثاني نفهم الفيزياء والرياضيات لكن مانفهمش علوم وحابة ندير ع/تجريبية


والله ولي التوفيق..

[إبرآهيمـ]

بالتوفيقـ لكـ آختي فيـ مسيرتكـ والمآدة الاكثر ميولآ لهآ لكيـ حريهـ اختيآرهآ ..

[قدوتي رسولي]

بوركتم وربي يخليكم
نصائح رائعة
اختي ماقالتليش مادريش مات لانها مافيهاش الاولوية قالتلي مايقروش مليح مات باسكو معاملها2 سيتو وهي عارفتني راني باغية الطب قاتلي ديري علوم
وان شاء الله نصلي صلاة الاستخارة لعل وعسى ربي يسهل طريقي ونردلكم خبر

ربي يسهللكم ويخليكم

[قدوتي رسولي]

المشاركة الأصلية كتبت بواسطة rabeh20

واش راكي صفاء واش هذا الخبر الجديد احنا قسمنا 1ع5 ما عطوناش بطاقة الرغبات وانت شكون الي قالك هذا الخبر
بطاقة الرغبات قالونا في بداية العام بلي تجيكم في الفصل الثالث واذا عطاولك بطاقة الرغبات ننصحك ديري عاوم تجريبية لانك تقدري ديري طب وانت ياخي حلمك الطب ولا لا وانا ثاني راني حبا ندير علوم
انا هذا راي وانت ديري ليساعدك وساعد والديك
صديقتك سارة

حنونة كامل عطاوهم من غير انتم واحنا
ربي يقدم اللي فيه الخير مازالت حايرة والله
وخايفة بعد هذي التعبة ومسيرتي الدراسية مانلقى والوا

[lili*]

hiiiii ma chére
wach raki çv ??
wallah le meme probléme
ana rani 9taaaar men 7ayra
le contraire ta3ak ana mama w papa kalouli rou7i xience wana 7aba nrou7 math mais khayfa na7sal aprés
!!
w kima koultii sale salat el 2stikhara wa nchallah maykoun ghir el khir 7anouna
bn chance *

[KAMEL AT]

الله يعاونك أختـــــي أو إيورليلك الطريق
الحمد لله أنا أديت مات أو العائلة راهم معايا ديجا أديت الخبرة من خواتاتي
أداو قاع سيونس أومباعد ندموا باسكو ألقاو أرواحهم ملاح في المات خير
مي ماشي قاع