مرحبا حبيبتي سلمى
كيف الحال اختي؟؟؟
شوفي اختي لكي نفهم بعضنا
الحق يقال الرجال عندهم الحق
لأنوا في هدا الزمان رجع اللي يساعد كاش واحد أو وحدة يدخل في مشاكل لها أول ما لها آخر
وكيما قال أخي محمد(الفتى الصغير) كاين اللي تكون تعيّط وكي يروح الواحد يسلكها تقولوا واش دخلك وكاين اللي مظهرها هو اللي يجيبلها المشاكل يعني هي ما خممتش في روحها كي خرجت من دارهم هكداك وهو يروح يسلكها
تندب سعدها
يداها أوكتا وفوها نفخ
والدهية الكبيرة اللي يدخل روحوا بين رجلين كيما قال أبي نهار فرّق بين رجلين من جيراننا كانا يتشاجران ولم يعرف حتى سبب الشجار وصاب روحوا في المحكمة يشهد بما لم يرى ولما قال للقاضي أنا وصلت روطار وما عرفتش على واش بدأ الشجار غضب منه كلا الرجلين وكي جا للدار قالنا
أنا عمري ما دخلتش لدار الشرَع وكي درت الخير شوفوا وين وصلت
ومن داك النهار أبي يقول أنا خاطيني وخاوتي كيف كيف خااااصة من بعد ما سمعنا على جار عمي
اللي خرج من دارو صاب رجلين من جيرانه يتقاتلان وكي دخل بيناتهم لكي يفرقهم ضربوا واحد فيهم بالسكين قتلوا
يرحم والديك خرج من دارو عشّاو اولادو يتامى على بالي هي قدّر الله وما شاء فعل ومكتوب ربي وقضاء وقدر مي الواحد كي يشوف هكداك يقول تخطيني خير لأنوا نهار ترجع للصّح كل واحد يقول المهم العزاز على قلبي.
وقوليلي سلمى لوكان جا في عمرك 5 سنين وخاوتك دراري صغار تقبلي باباك يموت مقتول بموس ويخليكم يتامى من بعد ربي سبحانه وتعالى ما عندكم حتى واحد الصّح الصّح تقبليها؟؟؟
تخيليها وقوليلي
أو تقبلي خوك يروح يديفوندي على كاش وحدة ممكن تكون تستهل ممكن لا ويسلّكها ومن بعد يومين يجي هداك اللي اضارب معاه ويجيب جماعة ويجو يضربوه حتى يطيح ومن بعد يقتلوه ويخلي قلب ماماك محروق عليه الصّح الصّح تقبليها أو تقبلها ماماك؟؟؟
لأنني صراحة لا أقبل لا هذه ولا تلك
اعتبروها أنانية اعتبروها حب الذات ,حب المصلحة أنا حتى عندما أتخيلها تؤلمني فمابالك بعيشها لا وألف لا تخطي راسنا .
أعتذر على الإطالة أختي سلمى
بارك الله فيك
وسلااااااااااااااااااااااااااااااااام
( تقرير عن مشاركة سيئة )، و الموجودة أسفل كل مشاركة .
2011-11-16, 17:47
صدقني صافي تخطي راسك فراات هك وصى الرسول راهي تخلاا البلاد بالتفكير هاذا انا حااولت من خلال موضوعي اني نعاالج المشكلة هااذي خطرة هاذي صرات لطفلة متعرفااهش خطرة اخرى تصرى لامك ولا لاختك بعيد الشر عليهم طبعا لكنها الحقفية لكن اذا عملت انت خير صدقني ربي يعوضهولك وكيما لقااتك بنت نااس واقف بجنبها امك ولا اختك راايحيين يلقااو ولااد الحلال الي يسااعدوهم راك فاهمني وااش نقصد سلاااام
سلام
وفي مرة أخرى تدخلت لما وجدت فتاة وفتى يمسكها من يدها فأبعدت يده من يدها والنتيجة انه أخبرني بأنها زوجته في حين أنها على أقصى تقدير خطيبته وليست زوجته لأنني أعرفها...وقامت هي وقالت له ابتعد ودعنا نتحدث وهو كالنعجة تركها تحدثني
العرض العادي
