نهار العيد

[janino]

انا كل عيد نذبحو الكبش عند اهل زوجى فى جو كل فرح و هذا العيد توفى زوج اخت زوجى و كان ابنى الصغير عمره سنتين مريض فجانى صامط و العائلة لكل حزينة بموت زوج اخت زوجى لانه صادف يم العيد مدة شهر من وفاته واطفاله بنت وولد يشفو مساكن ربى يرحمو لانه كان انسان طيب

[sarsora777]

المشاركة الأصلية كتبت بواسطة janino

انا كل عيد نذبحو الكبش عند اهل زوجى فى جو كل فرح و هذا العيد توفى زوج اخت زوجى و كان ابنى الصغير عمره سنتين مريض فجانى صامط و العائلة لكل حزينة بموت زوج اخت زوجى لانه صادف يم العيد مدة شهر من وفاته واطفاله بنت وولد يشفو مساكن ربى يرحمو لانه كان انسان طيب

ربي يرحمو ويسكنو فسيح جناته صح كي يكون جو هكذا كلش يصماط وربي يجيب الشفاء لولدك
وعلى العموم صح عيدكم ان شاء الله العام الجاي يكون خير و فرح وسرور ليكم لجميع المومنين

[sarsora777]

المشاركة الأصلية كتبت بواسطة ou ss ama

سرسورة اختي الحبيبةفي داخل الأصداف يوجد اللؤلؤ، وفي داخلكم وجدت الأنسان و أجمل القيم . وإن كانت هنالك أشياء جميلة في حياتي ، فمن المؤكد معرفتي بكم هي واحدة من هذه الأشياء. فليحفظ الله الود بيننا ويجعل الجنة دارنا ويبارك لك بالعيد السعيد .يا الغالية عيدك مبارك وسعيد وكل عام وانت بخير ووفية للمنتدى يتوحشك الخير لقد كنت مريضة وبحمد الله شفيت وتعافيت والحمد لله والله لكي اكون صادقة معكن لقد مرضت اختي في هادا العيد فقد كان اللعيد بدن طعم........ اختي فلة..........احبها اكثر من اولادي ارجوكم الى كل من قرا ردي يدعو لها بالشفاء العاجل ارجوكم انا حزينة جدا فوق ما تتصورون تذكروها في كل صلاة.......

الف الف شكر على الكلام الزين حبيبتي والله توحشناك الحمد الله لرتحتي وربي يجيب الشفاء لفلة وتنوض وتفرحكم وترجعي تفرحينا ان شاء الله خير عليها ويكون مرض بسيط وبألوف ترتاح سالي عليها و بوسيهالي على جبينها وقولها ربي يشفيك ان شاء الله

[sarsora777]

المشاركة الأصلية كتبت بواسطة miri_27

عيدكم مبارك و كل عام و انتم بخير كيما هي العادة ليلة العيد جبنا الكبش ديالنا ولا ايدور في وسط الدار و جاتو حاجة مغريبة راح لدار يما وكسرلها المراية تاع الكوافيز في الغد من ذك صبت الشتاء عندنا و تعرفو مع التزرزيق تاع الدبيحة اتولي رايحة و راجع فيها لكن كان كلش ممتع لانه يقولو ناس بكري كي اتصب الشتاء تصفى القلوب و ايروح الثقال و هذي مليحة للعازبات بعدها شوطنا البوزلوف و اغسلنا الدوارة غير انا ويما لانه اختي الصغيرة ماتحب تاكل حتى شىء و تغلق فمها و نيفها و تقول لنا الريحة راهي رايحة تخنقني و راكم عارفين الحكايات الاخريين الفطور كبدة مشوية و في اليل دوارة و في الغد كسكس و لحم و شواء على الفحم و في كل وقت اللحم في لحم حتى ملينا منو و اليوم بسم الله اديت العطلة ديالي و جات ليا يما مع الصباح و جابتلي طبسي لحم مشوي اكليت حتى تنفخت باغية تقلبلي لتاي اديالي 44 كيما ولايتي .

صح عيدك وقيلة كي شاف روحو في المراية يحسب فيه خروف اخر راح ليه هههههههه
ان شاء الله ربي يرزق جميع العازبات بولد الحلال