عزوف الشباب عن الخدمة الوطنية

[اقبال1]

السلام عليكم و رحمته تعالى و ازكى بركاته


علابالي بلي رايي مشي بزاف مقنع بسكو رايحين تقولو هادي فتاة alors ما علابالك بوالو بصح انا حبيت نمد رايي بسكو علابالي بهادوا الحوايج :

1- الخدمة الوطنية و باش نتفاهمو هي : واجب اجباري ع كل شاب باينة.. بسكو لبلاد لي تقريك باطل،تركب فيها باطل،و تاكل باطل و + تخلصك ( ركزت ع الجامعيين ) و البلاد لي تسكن فيها ، و هي بلادك يعني جزائرك اقل حاجة نمدهالها هي نلبي نداء عملاتو من سنين هدفو تدريب الشباب ع حياة عسكرية ..و فيها بزاف ريحة " انا جزائري "


2- و علاش كي نقولو الخدمة نقولو الحقرة ،نقولو تاني لازم انا نجيب الاعفاء و باي طريقة نخلص ،نزيد نقرا ،ما نسجلش و..... المهم يخطيوني ...

مي انا نقول بلي علاه ما نشوفوش لهادي الفترة تاع الخدمة بواحد النظرة مختلفة بمعنى انها مغامرة ،تجربة في الحياة مرة مشي دايمن ...كلي راكم في رحلة و لازم تسوفرو ( علابالي رايحين تقولو ديما نسوفرو ما خصناش الخدمة بصح هي حالة بزاف بزاف خاصة )

و سي نورمال فيها حوايج ملاح و حوايج دونيين هادي هي مغامرة في الحياة ( كيما اي فيلم ex lost )نتعاملو معاها هكدا فترة و رايحة جوز نورمال ....في الضحك فيها احساس بالحقرة فيها احساس بالخوف و فيها و فيها ....... و رايحة رايحة تكمل


3- جامي نقدر نتخيل ناس نتلمو من كامل الجزائر الا في الخدمة ..تتعرف على ناس ،طبايعم ،هدرتهم ،لبسهم و...... و كاين بزاف ناس مازالو صحاب من وقت الخدمة و + تقدر تقولي وينتا رايح تكون مع السلاح ؟؟؟؟؟؟؟؟؟؟؟

الخدمة هي الجزائر كامل قدامك و لا نقولو 123 viva algerie باطل ؟؟؟؟؟؟؟؟؟؟؟؟؟


4- علابالي خاوتي تقولو هادي راهي جيب بينا الوقت مي انا هادا هو رايي بسكو بابا و عمامي و خوالي و ولادهك يحكونا ضرابي في الخدمة نموت بالضحك حتى و حوايج تاع الصح سوفرونس بصح نورمال كي يفوتو تموت بالضحك



5 - حبيت نقول برك بلي في فرنسا و تاع الصح في هادو لشهر بداو يخمو في فكرة الغاء كامل الخدمة ..علاه ؟

ببساطة قالو بلي هي زيادة مصاريف على الدولة باطل يعني خسارة الدراهم و قالو اذا حابين ناس متخصين في العسكر كاين لي يحبو يدخلو مباشرة في العسكر و يعطو حياتهم و اهتمامهم و كاين لي ما يحبش يدخل راهم قدامو الشركات و الجامعات و......و جامي تقدر تمشي البلاد غي بالعسكر و لا غي بالاطباء و ......


انا بالنسبة لي هدا راي بزاف منطقي بسكو في حال ما - لا قدر الله - حرب البلاد تحتاج المتخصين تاع الصح و هادا الراي في فرنسا يأكد و اش قلت من قبل لازم تبروفيتيو هادي الفرصة مغامرة باطل خالصة من عند الدولة و تجربة و خبرة جامي تلقاها ...



رايي هدا و اسمحولي ادا قلقتكم ...



موضوع بزاف بزاف عجبني ربي يحفظك خويا و يعطيك ما تتمنى

[ali_alpha72]

عزوف الشاب هو عدم وجود روح وطنية اصلا ......كيف يقضي عام ونصب بالخبز والماء وعارف روحو كي يخرج راه بطال

[MR.FREEDOM]

بسم الله الرحمان الرحيم
السلام عليكم و رحمة الله
أولا هي و قبل كل شيء ليست خدمة للوطن
لكونها مجرد قرار سياسي لا أكثر و لا أقل
عدد المتخرجين من الجامعات كبير في كل سنة و المناصب بالقطارة
ادا لا بد من عائق يكسب و لاد الحرام الوقت لتدميرهم و تثبيط امالهم
أنا عن نفسي ان أديتها فسأقول في كل سجود
حسبي الله و نعم الوكيل
و ادا كانت الخدمة العسكرية -السياسية-
من أجل حالة الحرب
فلمادا نتغنى بالمجاهدين أم أنهم تلقوا تكوينا عسكريا أو عفوا أدوا الخدمة الوطنية هم كدلك
كما أنني لا أريد من قريب و لا من بعيد أن أغادر عملي
و أبقى بدون راتب لأكثر من 18 شهرا بحثا عن المغامرة
و التعرف على أبناء الجزائر
فالشوارع مملوءة بهم و قليل منهم من يستحق أن تقرئه السلام
و السلام عليكم و رحمة الله.
قال خدمة و طن قال

[الصديق الذهبي]

يرفضون الشباب عند رغبتهم بالالتحاق بالجيش بحجة أنهم لا يصلحون

أما الخدمة المجانية فهم يصلحون فيها

أما من تقول أن بلادي قراتني باطل ووكلتني باطل نقوللها بلي كلشي من عند ربي

والبلاد هاذي ماهيش رب باش نعبدوه

[MR.FREEDOM]

المشاركة الأصلية كتبت بواسطة الصديق الذهبي

يرفضون الشباب عند رغبتهم بالالتحاق بالجيش بحجة أنهم لا يصلحون

أما الخدمة المجانية فهم يصلحون فيها

أما من تقول أن بلادي قراتني باطل ووكلتني باطل نقوللها بلي كلشي من عند ربي

والبلاد هاذي ماهيش رب باش نعبدوه

با أخي وين راها هاد القراية و الماكلة باطل..................................

[المارد الجنوبي]

المشاركة الأصلية كتبت بواسطة اقبال1

السلام عليكم و رحمته تعالى و ازكى بركاته


علابالي بلي رايي مشي بزاف مقنع بسكو رايحين تقولو هادي فتاة alors ما علابالك بوالو بصح انا حبيت نمد رايي بسكو علابالي بهادوا الحوايج :

1- الخدمة الوطنية و باش نتفاهمو هي : واجب اجباري ع كل شاب باينة.. بسكو لبلاد لي تقريك باطل،تركب فيها باطل،و تاكل باطل و + تخلصك ( ركزت ع الجامعيين ) و البلاد لي تسكن فيها ، و هي بلادك يعني جزائرك اقل حاجة نمدهالها هي نلبي نداء عملاتو من سنين هدفو تدريب الشباب ع حياة عسكرية ..و فيها بزاف ريحة " انا جزائري "


2- و علاش كي نقولو الخدمة نقولو الحقرة ،نقولو تاني لازم انا نجيب الاعفاء و باي طريقة نخلص ،نزيد نقرا ،ما نسجلش و..... المهم يخطيوني ...

مي انا نقول بلي علاه ما نشوفوش لهادي الفترة تاع الخدمة بواحد النظرة مختلفة بمعنى انها مغامرة ،تجربة في الحياة مرة مشي دايمن ...كلي راكم في رحلة و لازم تسوفرو ( علابالي رايحين تقولو ديما نسوفرو ما خصناش الخدمة بصح هي حالة بزاف بزاف خاصة )

و سي نورمال فيها حوايج ملاح و حوايج دونيين هادي هي مغامرة في الحياة ( كيما اي فيلم ex lost )نتعاملو معاها هكدا فترة و رايحة جوز نورمال ....في الضحك فيها احساس بالحقرة فيها احساس بالخوف و فيها و فيها ....... و رايحة رايحة تكمل


3- جامي نقدر نتخيل ناس نتلمو من كامل الجزائر الا في الخدمة ..تتعرف على ناس ،طبايعم ،هدرتهم ،لبسهم و...... و كاين بزاف ناس مازالو صحاب من وقت الخدمة و + تقدر تقولي وينتا رايح تكون مع السلاح ؟؟؟؟؟؟؟؟؟؟؟

الخدمة هي الجزائر كامل قدامك و لا نقولو 123 viva algerie باطل ؟؟؟؟؟؟؟؟؟؟؟؟؟


4- علابالي خاوتي تقولو هادي راهي جيب بينا الوقت مي انا هادا هو رايي بسكو بابا و عمامي و خوالي و ولادهك يحكونا ضرابي في الخدمة نموت بالضحك حتى و حوايج تاع الصح سوفرونس بصح نورمال كي يفوتو تموت بالضحك



5 - حبيت نقول برك بلي في فرنسا و تاع الصح في هادو لشهر بداو يخمو في فكرة الغاء كامل الخدمة ..علاه ؟

ببساطة قالو بلي هي زيادة مصاريف على الدولة باطل يعني خسارة الدراهم و قالو اذا حابين ناس متخصين في العسكر كاين لي يحبو يدخلو مباشرة في العسكر و يعطو حياتهم و اهتمامهم و كاين لي ما يحبش يدخل راهم قدامو الشركات و الجامعات و......و جامي تقدر تمشي البلاد غي بالعسكر و لا غي بالاطباء و ......


انا بالنسبة لي هدا راي بزاف منطقي بسكو في حال ما - لا قدر الله - حرب البلاد تحتاج المتخصين تاع الصح و هادا الراي في فرنسا يأكد و اش قلت من قبل لازم تبروفيتيو هادي الفرصة مغامرة باطل خالصة من عند الدولة و تجربة و خبرة جامي تلقاها ...



رايي هدا و اسمحولي ادا قلقتكم ...



موضوع بزاف بزاف عجبني ربي يحفظك خويا و يعطيك ما تتمنى

اختي مادا قول لكي تطرقتي للموضوع من كل جوانبه ماخليتي والو الله ايبار عليك بنت مي صح عندك في راس....اغلب النقاط لي تطرقتي ليها صواب..
شكرا لاثراءك موضوعي ولمرورك العطر

[المارد الجنوبي]

المشاركة الأصلية كتبت بواسطة ali_alpha72

عزوف الشاب هو عدم وجود روح وطنية اصلا ......كيف يقضي عام ونصب بالخبز والماء وعارف روحو كي يخرج راه بطال

اكيد فيه قوة انتماء الى الوطن وهو مايعبر عنه بالهوية الوطنية
شكرا لمرورك

[BAROUD]

5 سنين جامعة و عامين ميليتار و عامين و لا ثلاثة و لا حتئ اربعة شوماااااااااار يسمئ نبقاوا ندوروا غير فال..........

[AYYOUB100]

الذين يتغنون بالقراية باطل والماكلة باطل وتركب باطل... باطل ...هذا ولله جزء من حق كل جزائري
الحمد لله أنا جبت الإعفاء بسبب طبي .. عندي بعض أصدقائي يريدون الإعفاء بكل الطرق نعم ولله توجد حقرة في الجيش ويوجد فساد
لماذا إذا تقدم أحدهم إلى الخدمة العسكرية ( المجانية) السياسية أو لشغل منصب منحط يتم قبوله أما عندما يتعلق الأمر بالمناصب المهمة يؤخذها ابن المسؤول الذي لا مستوى له وتجد الزوالي الذي أفنا عمره كله في القراية وتجده متحصل على شهادات عليا اما بطال أو تحت رحمه اولاد ......
هذا كله مرى علي وعلى أصدقائي
أظن ان سبب العزوف هو الوقت الضائع كأنك في سجن ويروح ليها لي كاره من حياتوا.. أما الذين يتغنون بالوطنية فمدة التدريب العسكري لاتفوت 3 أو 4 أشهر وعلى الأقلب على قطعتي سلاح فقط ...
والسلام عليكم

[المارد الجنوبي]

المشاركة الأصلية كتبت بواسطة mr.freedom

بسم الله الرحمان الرحيم
السلام عليكم و رحمة الله
أولا هي و قبل كل شيء ليست خدمة للوطن
لكونها مجرد قرار سياسي لا أكثر و لا أقل
عدد المتخرجين من الجامعات كبير في كل سنة و المناصب بالقطارة
ادا لا بد من عائق يكسب و لاد الحرام الوقت لتدميرهم و تثبيط امالهم
أنا عن نفسي ان أديتها فسأقول في كل سجود
حسبي الله و نعم الوكيل
و ادا كانت الخدمة العسكرية -السياسية-
من أجل حالة الحرب
فلمادا نتغنى بالمجاهدين أم أنهم تلقوا تكوينا عسكريا أو عفوا أدوا الخدمة الوطنية هم كدلك
كما أنني لا أريد من قريب و لا من بعيد أن أغادر عملي
و أبقى بدون راتب لأكثر من 18 شهرا بحثا عن المغامرة
و التعرف على أبناء الجزائر
فالشوارع مملوءة بهم و قليل منهم من يستحق أن تقرئه السلام
و السلام عليكم و رحمة الله.
قال خدمة و طن قال

اخي احترم رايك لكن اختلف معك في قولك قرار سياسي اخي ادا لم تكن هناك خدمة وطنية فمن سيدافع عن الوطن ماتنساش كاين ناس ماترقدش تعس عليك وانت راقد امن في دارك.
اما فيما يخص المجاهدين ناس كبار مانقدرش انا ولا انت نهدر عليهم
شكرا لمرورك

[AYYOUB100]

وبخصوص الذين يتحدثون على الروح الوطنية وووو ليست على الزوالي فقط كي تجي حرب اروح عيط لقدور واحمد
لعلمكم أنا الجيش الوطني فيه تقريبا 10 بالمئة فقط من المجندين نتاع الخدمة المجانية .....احتياطيين

[المارد الجنوبي]

المشاركة الأصلية كتبت بواسطة ayyoub100

الذين يتغنون بالقراية باطل والماكلة باطل وتركب باطل... باطل ...هذا ولله جزء من حق كل جزائري
الحمد لله أنا جبت الإعفاء بسبب طبي .. عندي بعض أصدقائي يريدون الإعفاء بكل الطرق نعم ولله توجد حقرة في الجيش ويوجد فساد
لماذا إذا تقدم أحدهم إلى الخدمة العسكرية ( المجانية) السياسية أو لشغل منصب منحط يتم قبوله أما عندما يتعلق الأمر بالمناصب المهمة يؤخذها ابن المسؤول الذي لا مستوى له وتجد الزوالي الذي أفنا عمره كله في القراية وتجده متحصل على شهادات عليا اما بطال أو تحت رحمه اولاد ......
هذا كله مرى علي وعلى أصدقائي
أظن ان سبب العزوف هو الوقت الضائع كأنك في سجن ويروح ليها لي كاره من حياتوا.. أما الذين يتغنون بالوطنية فمدة التدريب العسكري لاتفوت 3 أو 4 أشهر وعلى الأقلب على قطعتي سلاح فقط ...
والسلام عليكم

اخي من قال لك انه توجد حقرة في الجيش .في الجيش يوجد نظام يطبق ان التزمت به لن يمسك سؤ ماحييت...
اما في قولك سجن اخي غالط في حسابك وا ش تقول على لي راهم يفوتوا فيها درك محابيس لا يجوز اخي
صدقني لوكان فوتها ماتهدرش هاد الهدرة..
شكرا لمرورك

[ithguel]

السلام عليكم

نصف الاجابة موجود في تساؤلك ....

يقولون عنها انها خدمة وطنية ...فهل من يتحكمون في زمام هذا الوطن يخدمون من خدم الوطن المتحكمين فيهبعد انهائه للخدمة ؟؟

تقبل مروري

[Virgile]

من الذي يقبل العيش سنتين في غابة مملؤة عن آخرها بالضباع

[المارد الجنوبي]

المشاركة الأصلية كتبت بواسطة ithguel

السلام عليكم

نصف الاجابة موجود في تساؤلك ....

يقولون عنها انها خدمة وطنية ...فهل من يتحكمون في زمام هذا الوطن يخدمون من خدم الوطن المتحكمين فيه بعد انهائه للخدمة ؟؟

تقبل مروري

وعليكم السلام
تساؤل في محله ولكن اخي انويها خدمة في سبيل الله قبل الوطن
شكرا لمرورك