خطيبتي و الخيانة --- راني مقلق بززاف عاونوني ---

[رَكان]

جميل أن يحدث هذا قبل الزواج...
لاافهم لم البحث عن الدليل..
في هكذا حالات يتوجب المرور الى المباشر ولاغيب في أن تفرع سلتك امامها مادمت أنك لاحظت عليها التفير..
صارحها بشكوكك وأخبرها أنها لاحوف عليها لو قالت الحقيقة وأنك لن تكشف أمرها مع أهلها..إن نجحت في ذلك واعترفت..فاحزم متاعك الى وجهة أخرى فلاخير لك فيها...نصيحة ..أطلق رجليك للريح..تنجو..قبل أن يبتلعك الغول...

[دموع الحيــاة]

لو كانت الخيانة عبر الهاتف النـّقال
ومادامك خطيبها
فاطلب من أهلها
أن ينزعوا منها الهاتف
- أو منها -

لو استغنت عنه فهي لم تخونك
ولو رفضت فهي فعلاً تخونك

أيضاً

فكلام صديقتها قابل للتصديق والتكذيب

[شهد حنان]

السلام عليكم اخي

اياك ان تنجر وراء ما قالته جارتها فلو كانت صديقتها ولا تغار منها ولا تحسدها لما قالت عن جارتها ذاك الكلام حتى وان كانت تخونك بصدق

قبل ان تصارحها تأكد أولا وذلك بان تطلب منها مثلا تغير رقم هاتفها وانك انت من تقوم بشراء الببيس فان استجابة بسرعة فاعلم ان لايوجد شيء
اما ان بدأت تتردد وتعطيك اعذارا واهية ففي الامر شيء
بعد ان تجمع عدة ادلة
صارحها لكن حاول في البداية ان تقول لها انه لا يهمك شيء سوى ان تقول لك الحقيقة وبعدها ستسامحها

[عبد النور مكي]

المشاركة الأصلية كتبت بواسطة رنوش 2011

السلام عليكم و رحمة الله تعالى و بركاته
خاوتي صحا فطوركم
===================
مشكلتي يا خاوتي اني خطبت بنت نحبها بززاف و هي اوهمتني بالدموع و ماعلاباليش ......
و ليوم تبدلت معاملتها معايا و شكيت بلي دارتها من ورايا و تخون فيا مع واحد
رحت للطفلة جارتنا و صحبتها في نفس الوقت قلتلها تشوفلي هاذ القضية
===================
خطيبتي استعرفت لجارتنا بلي اي تخون فيا مع واحد و كيما قالتلي جارتي ماصدقتش
انا ذركا اني كاره حياتي معاها و زيد هي اي تعامل فيا بطريقة ميش مليحة
مع العلم اني ماصرحتهاش بلي فقت بيها
ذركا اني حاب نفسخ لخطوبة و مازلت متردد
قلت لجارتنا تسجلها فالبورتابل و نسمع لخطيبتي المقطع الصوتي و تعترف بنفسها لكن جارتنا ماقبلتش
===================
ذركا يا خاوتي راني كاره حياتي
دبرو عليا وش ندير باش نلقا دليل قاطع
ولا اعطوني اي حل
===================
انا في انتظاركم يا خاوتي
و بارك الله فيكم

ما تسمعش كلام الناس يا صاحبي....انت راجل و تعرف كفاش تتصرف...ما تبعش قلبك تبع عقلك و كونك ثقيل و ما تتخذ اي قرار حتى تتاكد منه ...
و ما عندك ما تتاكد صاحبي...هذي البنت راك خاطبها ماشي تخرج معاها ....يعني راه كاين اهل و الخ..100% ماهيش تخون فيك...وسواس فقط اخي....
و ننصح صاحبي....الشك مثل السراب كلما لحقته ابتعد عنك و لن تجده ابدا......يعني اذا حاولت تثبت الشك تاعك كونك متاكد انك ستزيد الامر سوءا....لا تتبع الشك و ابقي الامور على حالها..لا تصارحها و لا هم يحزنون....عاملها بكل رزانة عقل و هي اذا قدر الله و راهي عاملة حاجة دوك ربي يكشفها...انت خلي نيتك صافية و خلاص و خلي الامور تمشي

نصيحة اخي و الله ...لا تتبع الشك فهو سراب فقط.
وفقك الله

[وردة 07]

نقولك خويا ما تحكمش على الواحد حتان تشوفو بعينك ربما جارتك تكذب وحامزة من صحبتها انت لا تدري نقلك حاجة انت استفسر وراقبها وكان قبضت عليها حاجة الله غالب عسى ان كرهتم شيئا وهو خير لكم

[azhars]

لي يشك دروك يبقى دايما شاك هذا زواج ماشي لعب

[عبد النور مكي]

هذا شك لا اصل له من الصحة ...و الشك يتغذى من محاولة اثباته.....لذا اقتله بالجوع.هههههههههههه
اعيد و اكرر......الشك سرااااااااااااااااااااب...لن تجده ابدا
حفظك الله و رعاك

[نورسين.داية]

أصعب شيئ في هذه الأمور هو الشك و أنا صراحتا من الناس إذا دخلني الشك في أمر أقطعه من أصله و أرتاح ،أشد ما أكره الحيرة ، لكن تقع علي مسؤولية إثبات الدليل المادي ، فما عليك إلا سؤالها مباشرة ، هل تحب أن تكمل معك أم ماذا بسؤال و اضح و صريح و مباشر و ردها سوف يكون الفاصل ......وفقك الله أخي

[عُضو مُحترم]

دع ما يريبك الى ما لا يريبك


بالعامية

اخطيك منها و شوف غيرها

كاين بنات الحلال يااااسر

[هامتارو]

واش دخل جارتكم في الزواج . راهي تكذب عليك.

روح زوج و اقطع علاقتك بجارتك .

[ليلى الجزائرية1]

أنا في رايي ما تتسرعش وزيد تاكد مليح
يمكن جراتكم هاذيك تكذب عليك

[benzarour]

اْستر روحك .

[Meriemchawiya]

salam bibasata ya khouya kalamha w chouf ida ahi en attente dima ça veux dire kayan waha w wajaha ya khouya

[نتــــــــــاشا]

عليكم السلام ورحمة الله وبركــاته

نصيحتي ليك اياك واياك ثمـ ايــاك تتسرع لقول الله تعالـى:* يـا أيها الذين آمنـوا اجتنبوا كثيرا من الظن ان بعض الضن اثمـ*
ونقولهالك بصريح العبارة كيفاش تقدر تصدق بنت الجيران وتكذب خطيبتك؟؟؟
والله انـا طفلة ونعرف بزاف بنـات حسادات يخطوا كيفاش يفرقوا بين الزوج وزوجته ولا بين الخطيب وخطيبته فبالله عليك كيفاش تقدر تصدق هاذ البنت.
ولو كانت صادقة علاش ماجبتلكش دليل وماسجلتش مقطع من محادثة خطيبتك؟ نقولك علاش خاطر ببساطة راهي تكذب عليك.
ولوكـان صح هاذ الصديقة كانت صادقة ووفية ماتقولكش كلام كيما هذا بدون اي دليل
نصيحتي ليك يا أخي في الله عاود حساباتك مليــح وخمم خاطر باش تقذف فتاة بالخيانة راه ذنب كبير جدا ، وافضل شىء هو مواجهة الفتاة لكن دون جرح مشاعرها: قوللها راهي صاحبتك قالتلي كذا وكذا
او تبعهـا كي تخرج وشوف وين راهي تروح
لكن أحسن حـل هة الاستخارة استخر الله سبحانه وتعالى وشوف اذا كانت ليك خير او لا.
عمومــا يا أخي ننصحك ماتسمعش كلام لبنـات خاطر أكثرهم راهم حسادات ومايحبوش الخير لصحاباتهم.الا من رحم ربي

نتمنى نكون فدتك شوية
تحياتي...

[ناصرالدين الجزائري]

الله يهديك

أنت تعلم انها تخونك مع غيرك ...

فاين كرامتك و غيرتك على شرفك ...