انا حايرة وخايفة و مترددة - الصفحة 2

براءة الطفولة · 2011-07-12, 20:43

ارجوووووووووووووكم

PASSIFLORE · 2011-07-12, 20:50

ختي انا متخرجة صيدلة وهي بززززاف مليييحة و لوكان يرجعو بيا اكييد نخيرها
على خاطر نقراو فيها كلشي تحسي روحك تثقفي في نفس الوقت
نقراو الكيمياء بانواعها الفيزياء شوووووووووووووووووية المواد تاع الطب علوم النبات علم الحيوان علم التسممات و الغات اونجلي فرونسي نديرو tp td
وأهم شي في الفااااااااارماسي انها مهيييييييش حفاضة وهادا أهم شي بالاخص في العامين الاولين ومن بعد نتعودو على كل شي و في الاعوام الاخيرة تكون كاين حفاضة بصح حوايج حلويييييييين و آخر عام يكون سطاج و شوي امتحانات خفااف و سااهلين

أما الطب فلازملك اول هااااام انك تكوني.....................

حفااااااااااااااااااااااااااااااااااااضة و بالك طوييييل(7 او 8 سنات ادا ما راطيتي حتى عام) والا مش رح تلقاي روحك لانو كلشييييي حفاضة في حفاضة من اول عام الى آخر عام

و ادا حبيتي ديري تخصص لازم تزيدي 4 سنين

المهم انتي خيري واش حابة انتي مش الناس و ادرسيهم في زوج وشوفي واش عجبك انتي نصيحة مني و استخيري...................

براءة الطفولة · 2011-07-12, 20:55

merciiiiiiiiiiii bcq raki weritili teri9 men kol jawaneb ana manehabche heida bezaf psk mane9darelhache sema radi nedire pharmacie inchalah w la 3tawehali

PASSIFLORE · 2011-07-12, 21:07

شوفي ختي انا قلتلك على كل شي نعرفو على فارماسي بكل امانة
و الحاجة الي راني متأكدة منها انو طب حفاضة 100 بال100 لأنو عندي صحاباتي 8 دايرين طب عشت معاهم 5 سنين و شفت كيفاه يقراو ليل مع النهار هازين لي كور حتى البراتيك مايديروش بزاف نادرا ما يروحو لزبيطاااااار مش كيملا حنا صح نقراو بزاااف بصح مش كييي هوما دائما يقراو في وقت الامتحانات و خارج وقت الامتحانات
بصح اهم شي تخيري حاااجة تكوني نتي تحبي مثلا ادا كنت تحبي طب ديريهااااااا

براءة الطفولة · 2011-07-12, 21:13

nn ana maraniche haba medcine psk rani 3arefa beli se3iba w li9 te9ray bezaaaaaaaaaf lile w nehar en + la pharmacie melih w mafihache les années bezaf w tani madmona fel khedma

رفيدة0 · 2011-07-12, 22:34

شوفي ختي الطب 7 سنين والصيدلة 6 سنين بالنسبة للي يسجلو هاد العام اجباري وتاع العوام لي فاتو عندهم الاختيار اولا لازم تشوفي ميولك فيما يخص الطب العام اللول حفاضة علاه لاخاطرش لازم تحفظي جسم الانسان والمصطلحات anatomy وتجبدي صح بصح اومبعد توالفي والطب تتعلميه بالممارسة من السنة 4 تبداي تروحي للسبيطار مشي حفاظة برك فيها دكاء وهذا لي يخليك تنجحي وديري تخصص شباب وما تنسايش بلي هي مهنة انسانية وتوالم الطفلة فيما يخص صيدلة فهي تميل الى النباتات والبيولوجيا وتعتمد على الحفظ هي ايضا ديجا تحفظي اسماوات الدوا في الاخير الاختييار يولي ليك

براءة الطفولة · 2011-07-13, 17:56

merci darewak khamemte melih w radi nedire haja li rani mertaha men jihetha w lazam 3liya ne9ra bache menba3ed nale li nebri w hadi haja beyad rabi