بن بوزيد يمنع اعادة البكالوريا

[didin]

ماتقدرش تعاود كنظامي لكن تسجل مع الأحرار عادي

[nadjet45]

صح لواحد ديما يحلم ويدير في باله يجيب معدل اكثر بصح الحمد الله على كل حال المهم جبته وفرحت والديا هديك هي ولي كتبه ربي رانا نقرو وكل شيء بالمكتوب

[colby-nassim]

هكذا انتيكو بيان اواه يعرفلها بن بوزيد انا 13.70 الدنيا ومافيها لباس والحمد لله ولول كان جبتو ب 10.00 مانعاودوش المهم تهنيت من الليسي وضك خلي تخلى في الجامعة لووول

[yacine0209]

انا ايضا ظلموني كثيرا المعدل الطي كان في عقلي هو جيد

والمفاجئة ماذا وجدت 7.27 لقد تاثرت كثيرا ولكن والله ماني سامحلهم في الدنيا والاخرة

العلوم الاسلامية .........4.5 اهاذا لايعقل لال والف لا

الرياضة 13 لو كنت معوق ولا يعطوني هذا النقك والله لقد تاثرت كثيرا حتى بكيت

والله هذي حقرة كبيرة بص كاين ربي

[vaiking]

القناعة كنز لا يفني واحمدو ربي لي ديتو والله غالب هدي بلاد الميكي كبيريمي

[عاشقة الحبيب طه]

لالا انا ماسمعتش هدرة كيما هادي خلاص

ورانا كامل مظلومين يا ختي

نعاودوه ان شاء الله ونجيبوه خيرمن هكدا بإذن الله

وش نديروا ربي بلانا ببن بوزيد الكلب حاشاكم

[هاجر16]

slt tt le monde nn impossible y9ol mat3awdouch lbac kayn dima lbac a7rar dima .ana ra7 nahdar m3akom 3la asas mojarib ana dit lbac l3am li fat b 14.94 w kont haba ndir chirurgie dentaire mé malheureusement ma 3tawhalich 3awdet lbac condidat libre had l3am w jebtou b 16.83 mé tfaraghtlou kamil blokit l'année nta3 luniversité w kont dima dayra f bali bili l'irada tasna3 lmo3jizat w bili machi homa dalmoni f tas7i7 ma3natha nestaslim w no93od lakan lour nn nt7ada kolch w n7a9a9 hadafi nasi7ti likom hia tesm3o sout 9albkom w 39alkom ila rako 9adrin tet7adaw w tenj7o 3awdouh w douha mn 3andi li bgha yousal yousal w ila rako metradin sa9siw waldikom w khawtkom psq homa da3m w sanad fakro w fakro psq hada raho 3am mn l3mor w masir mosta9balkom w fel akhir n9oulkom kol wahed 3andou rayou lkhas bih w kol wahed kifach yondor llomor
لا تقنطن من النجاح لعثرة ما لا ينال اليوم يدرك في غد

[مريومة مريم]

ما تتقلقيش بن بوزيد كل عام يهدر هكدا ومايطبقش

[اميرة]

مي المعدل 12 واش نقدرو نديرو بيه ؟؟؟؟؟؟ قولولي شعبة علوم تجريبية

[AM-RMD7]

هذه هي بلاد ميكي بلاد تاع التيكي اقيسونا با لنسبة يخيخي يقولك لنسبة كبيرة بصح كرحت لكول اتخلعت

[rose1993]

مشكورين اخوتي هادي هي بلادنا ...........................................

[mathdz]

ماهذا الكلام وهذا التعبير الظاهر ان هؤلاء لم يتعلموا بعد لغتهم الام فكيف يريدون الإلتحاق يالجامعة بهذا المستوى

[!?زين الدين?!]

المشاركة الأصلية كتبت بواسطة rose1993

خاوتي صح هدر بن بوزيد لبارح وقال ممنوع التلاميذ اللي نجحوا العام هذا يعاودوه العام الجاي.
يعني قال غير اللي مانجحوش يعاودوا.
جاوبوني خاوتي ما فهمت والو .
يعني ظلمونا في التصحيح ويزيد مايخليناش نزيدو نعاودوه.

أي ظلم تتحدثون عنه والله لو تم التصحيح بالطريقة الصحيحة ولم يتم اللجوء اللى تضخيم النتائج لكانت نسبة النجاح 40 او 45 بالمئة ولن يتحصل الكثير منكم على البكالوريا عليكم بحمد الله وشكره ولعلمكم أنتم ضحايا سياسية الاصلاحات الفاشلة التي يحاول المسؤوليين اثبات نجاحها بتضخيم نتائج البكالوريا وغيرها

[rose1993]

اخي تتحدث عن مستواي ربي يهديك كون جيت تهمك اللغة الام كون اسمك بهذه اللغة الام اللي راك تتحذث عليها ههههههههههههههههههههmathz ربي يهديك.
غير اللي يزيد علينا.

[rose1993]

المشاركة الأصلية كتبت بواسطة !?زين الدين?!

أي ظلم تتحدثون عنه والله لو تم التصحيح بالطريقة الصحيحة ولم يتم اللجوء اللى تضخيم النتائج لكانت نسبة النجاح 40 او 45 بالمئة ولن يتحصل الكثير منكم على البكالوريا عليكم بحمد الله وشكره ولعلمكم أنتم ضحايا سياسية الاصلاحات الفاشلة التي يحاول المسؤوليين اثبات نجاحها بتضخيم نتائج البكالوريا وغيرها

ضخمت النتائججججججججج ههههههههه رانا كامل علابانا كيفاه راهو النيفو وشكون الولايات اللي ضخموا فيهم النتائج .ربي يهديكم زعما اخي مؤهل للاشراف كون راك تتفهم الوضعية تع التلاميذ لكن للاسسسسسسسسسسسسسسسف ترجعوا الخطا فينا كي ندافعوا على حقنا............هدي هي بلادنا.