وصول سلعتي من technoudiscount مع مفاجاة من العيار الثكيل خخخخ

[madrilan]

بدون تعليق

[toxicopum]

ياو انا ما لحقني والو ههه

[TopGamer]

أول مرة وشاري 2 سلع راك زاعم ههههه .
ربي يعوضك أخاي ويجيب ليك ماحسن منها .

[3ab2ou]

تجربة مليحة ليا باش منزيدش نقول نشري من برا خلاص

[moutassem-abdou]

أنا سلعتي شحنت يوم 14 ماي و لم أستلمها لحد الآن هل هذا عادي أم لا ؟؟؟

[3ab2ou]

moutassem-abdou
تكون وصلت ضرك

[chakib91]

لوكان جيت أنا في بلاصتك ندي 2000 دج نوووووووورمال

بلاد ميكي
+
بالاك غبرت

[sabrawi2009]

لالالالا ماكانش منها يكون مدبير البريد هو لاخدها لان الجمارك اذا اخذوها لايرسلوا الطرد الفارغ اي لا يصلك شيئ فكر قليلا

[compass_dz]

المشاركة الأصلية كتبت بواسطة 3ab2ou

السلام عليكم

للاسف اول تجربة شراء لم تنجح من موقع technoudiscount اشتريت ساعة و فلاش ديسك و خلصت ثمن الشحن ووصلت الطرد فشهر بالتمام شحنت يوم 13 ماي وصلت يوم 13 جوان و لكن للاسف وصل الطرد فارغ :d خخخخ مفيه لفلاش ديسلك لا ساعة
و لقيت الطرد مفتوح على مرتين رحت زعما عند مدير البوسطا حكيتلو حكايتي قالي حنا مزلنا مقريناش عليها هادي يوصل الطرد فارغ و سنييت التما بلي موصلني والو مدير البوسطا ول يحاول فيا و الله جبد 2000 دج و قالي هاك في حق مراحولك و نوعدك بلي نجيبلك الخبر تاع السلعة تاعك ...كنت رايح نديهم و الله بصح قلت منكونش طماع و اللي جات هاديك هي
و هده صور الطرد و هو فارغ خخخخ







اخر محاولة نشوف معا الموقع كاش واحد يعف لونجلي مليح يديرلي رسالة بلي وصل الطرد فارغ و شكرا

السلام عليكم
خويا ننصك بانك لا تترك حقك يروح في الهواء
لو كن جيت انا في بلاصتك نحط الموضع في الجريدة لكي يقراه المسؤولون الاعلى
هكذا انت تخلي حقك و الآخر كذلك يخلي و نبقاو ديما خايفين
انا في الاسبوع الماضي قطعولي الانترنت و الهاتف بدون سبب و جيبت معاهم 15 يوما حتى صلحولي الهاتف
و هذا عن طريق المدير الاتصالات هدرت مع المسؤولين و لا واحد استجاب لي
ولهذا قررت ان اشتكي اولا الى المدير الاتصالات على مستوى الولاية و ان لم يستجب فسارفع الموضوع الى المدير الولائي
و ان لم يستجب الى الوالي بنفسه او الجريدة لي تهدرلو يقولك البلاد راهي في الخلاء و لهذا قررت ان اعمل شيء يحرك المسؤول الكبير
و بالفعل نجح الموضع معايا فتخيلوا ماذا حدث يوم الخميس بقوا معي الى غاية 17:00 مساءا الى ان اصلح الهاتف و الانترنت
و الله اصبح هكذا الحال
انت قول له باني سوف اشتكي الى الجريدة و شوف واش رايح يقولك
دعونا لا نترك اغراضنا تذهب في الهواء و انا عن نفسي سوف اشتري مرة اخرى و الله وان وجدت المنتوج لم يصلني فسوف اضع موضوع كبير و بالخط العريض عن الجمارك و تخيل ما سوف يحدث
نحن نشتري الاشياء و ندفع حق الجمرك و هم ياخدون منا هذا الحق
دعونا نضع يد بيد لحل هذا المشكل

[3ab2ou]

واش راح دير خير منين رايح نبدا و مننين نخلص وين رايح نلقى الخبر ول الشروق ..نوكل عليهم ربي برك خويا ايلا كان هوما داوها

[zaza55]

المشكل ليس المبلغ أو سلعةو سريقة

لكن المشكل الأكبر في حال بلادنا
والله نبكي كي نشوف وين رانا
لوكان ينوذو لميتين يشوفوا بلادهم

[أم هيثم1]

الموقع غير نصاب يا اخواني

اتهامات باطلة

لقد راسلت الأدمن الذي اعرفه جيدا بخصوص الطرد الذي وصل فارغا و كان هذا هو رده

No this is not a true. We never send empty packages. It is not possible to shipp empty packages because we decleare every package what is in because this is needed for the customs. Our customs do making an inspection and when the package is empty or when the declaration is not OK then it can not be shipped. We dont understand the ******** on this thread you have send us but please can you inform all of them that Technodiscount24 is not a scam and we will never be a scam. We are a legit registered company approved from Alertpay and from Moneybookers. Thank You

الرد يعني انهم لا يمكنهم ارسال طرد فارغ فالبريد يسالهم عن الحمولة التي فيها و يفحص الحمولة و يزنها

جرب ترسل طرد فارغ الى أي عنوان و لن يتم قبول الارسال لان الطرد فارغ يجب على الأقل أن تضع به حجارة او أي شيىء يزيد الوزن حتى لو كان رمل

لكن الطرد الذي وصل الى الأخ كان فارغا تماما و مفتوح أيضا

فلو هم ارسلو الطرد فارغا ( هذا غير ممكن طبعا ) فلن يصل مفتوحا بل سوف يصل مغلقا كما اؤسلوه

اعتقد ان السلعة سرقت في الجزائر عبر الجمارك او في البريد او ان الأخ يريد تشويه سمعة الموقع فقط

موفق ^^ ++ هذه ليست عضويتي

أي استفسار أو أي شخص طلب السلعة بالبريد المسجل و لم تصله سلعته و تجاوزت المدة شهر و 10 أيام

يراسلني فقط برقم الطلب و سوف اناقش الامر مع المدير

موفقين ^^

[أم هيثم1]

أي استفسار أو أي شخص طلب السلعة بالبريد المسجل و لم تصله سلعته و تجاوزت المدة شهر و 10 أيام

يراسلني فقط برقم الطلب و سوف اناقش الامر مع الأدمن المسؤول عن الشحن للموقع لياكد صحة الطلب و يعيد له نقوده

موفقين ^^

[3ab2ou]

تحي الكلمة تاع اريد تشويه السمعة تشوف فيا سامع بيه باه نشوهلو السمعة تاعو ... بلاك سرقوه هنا ماعرف