هل وراولكوم...الاساتذة او خلاوكم تنقلوا

[زائرة]

حنا التنفاسة دوا
والله ما تحركنا
اساتذة كي الشر

[hidayamina]

شوفو يا جماعة
يديرو واش يديرو
الي مايعرفش ما يعرفش
حتى لوكان يمدولو الاجابة
بالاك يمدوهالو غالطة
و نتا لي تخدم بمخك ربي يوفقك و تدي خير منو
و هذا لي ينقل فالاجتماعيات
وش تفيدو اذا ماجابش فالمواد العلمية
ربي يقدر الخير
و ماطيحولناش المورال
حتى نكملو غدوا ان شاء الله

[سناء 4]

حنا الدبانة تتسمع مكانش حتى ماده صرا فيها التشويش ولا التنقال

[mostapha sed]

نا راسي روهو ضرني البارحة بيت نحفظ
في العلوم شرعية
مهيش حالة
واش ندريو
ضروك
نعودو قرية من جديد ولا واش

[رفيدة الأسلمية]

ليس غريب ما ذكرته أخي لأن هذه الجلفة ....وأنت تعرف ما معنى الجلفة .............لذلك هي دائما في ذيل القائمة رغم حالات الغش و التسيب التي هي عادية عندنا ......بالتأكيد ربي ما يوفقش الجلفة حتى تتقدم ولو قليلا ...........أنا أريد أن أعرف أين هم الغيورين على بلادهم "عجب"

[mostapha sed]

يا واس من عسة كوبياج رهو دير حالة
ذمطفرة غير في القليل
الله يستر

[مريم 19]

حنا والله غير حكمو طفلة لبارح مدايرة les kit-oriellette قالولها اخرجي و 5 سنين باش تعاود son bac

[ikramzg]

ايه نحن تانيك الحراسة مشددة


و الحراس مابين 4 لل5 لل6 كل خطرة طيفاه و يخرج واحد و يجوك اخرين لانه يقيلو مع السخانة


و بصح كلش مزيرة حتى الغزرة و ماكانش لازم عينيك غير في ورقتك

هههههههههههههه

[دراغاو]

احنا الاحرار مزيرين
وحدة حكموها تنقل بالكيتمان جابو ليها رئيس المركز

[randa17]

حتى انا في الطبلة التالية بصح ساعات يكونوا مزيرين الاساتدة واحنا كل ما يدخل المراقب ولا الي يدي الغياب يصيبوها فرصة الكلاصة تولي تغلي والاستاد ما يصيبش شكون يسكت

[manuela4400]

المشاركة الأصلية كتبت بواسطة زائرة

حنا التنفاسة دوا
والله ما تحركنا
اساتذة كي الشر

زعما التوقيع تاعك فيه دعاء.!! التقوى هي الخوف من الله ( تسألينه السداد و أنت لا تخافينه حتى)
الله يهديكم ماكمش أطفال.. راكم كباار و واعيين التالي فيكم عندو 18 سنة
الغش ماشي حاجة ساهلة ياو حاجة كبييرة.. اللي يجيب أي امتحان بالغش تعتبر شهادته زورا..;و ايلا ربي يكتبلك و تخدم بهد الشهادة.. المااكلة اللي تاكلها حرام في حرام.. ربي يهدي الجميع
مين تكونوا تفوتوا فالامتحان ديرو بلي ربي سبحانو هو الحارس و المراقب عليكم ..

[sahraoui34]

و الله حنا التحراك مكانش يعسونا 4 و المراقبين و مدير المركز كل دقيقة يدخل واحد و ساعات يجيو يحوسولنا في الوراقي كشما جبدنا ولا في الدروج و البوشات ينحيهالك يخليك تنحي منها واش تسحق برك و يديها حتان تخلص