الله عيب عليك يا بن بوزيد قررنا مقاطعة الباكالوريا - الصفحة 2

2011-05-13, 08:45

اوااااااااااااااااااااااااااااااااه واش هو هدا والله قريب جاني انهيار عصبي خلعني والله غيرنوضو يا اصحاب القبائل

MaxHacker · 2011-05-13, 09:01

ماكملتوش البرنامج هذي الغلطة تاعكم
احنا كي كنا نقراو نتوما كنتوا تديروا في الاضرابات

انا فرع "رياضيات" وكملنا البرنامج في كامل المواد.

jaguar-dz · 2011-05-13, 09:17

حنا في العاصمة كملنا كلش في الثانوية '' في الرياضيات لحقنا لـﻹحتمالات و كملناهم و الفيزياء لﻹهتزازات ,,
بصح واحد ماراه فاهم خاطر حشو × حشو

حتى ولينا مانروحوش للثانوية
و لاكن واشنوه الحل نقاطعو الباك' ماشي في صلاحنا
عام كومبلي تاع توجاع الراس يروح باطل
ديرو شوية كوراج و ماشي 2 اسئلة تاع استرة
و سؤال تاع حساب مساحات بالتكامل . . .
ولا درس تاريخ لي حبسنا

و مانجيبوش الباك علاجالو

شوية كوراج جماعة و نتهناو مازال شهر واحد
على البكالوريا زيرو شوية و الله الموفق

MaxHacker · 2011-05-13, 09:36

مقاطعة البكلوريا؟؟
روح تلعب على روحك خلينا نقراو

حنا كملنا كامل البرنامج وفاهمينوا 100% قسم كامل

تخصص "رياضيات"

منالM · 2011-05-13, 09:40

راه مازال الحال تقدرو تروحو تحفظو درك خير من التدمر

11 جوان ما فاتتش توكلو على ربي وكملو

قدر الله ما شاء فعل

حمزة 7 · 2011-05-13, 10:56

حنا في تانويتنا كملنا قاع البرنامج قبل اسبوعين من الان
يعني العتبة راها ماخلعتنيش خاطر كنا متوقعينها كيما هاك
رانا في بلاد ميكي بلاد تاع شكوبي
الله يوفقنا هادا مكان

blacknight999 · 2011-05-13, 11:15

والله تجي تفهم دوخ عام كامل واش كنتو ديرو ؟؟؟ حنا اضراب شهرين ولحقنا لهاذ العتبة بكل سهولة وحتى فتنا زيد عطاوهالنا قبل اسبوع برك والله غير دير القلب شوي الي عام كامل ما قراش يديه بكل سهولة ...... احمدوا ربي والله راكم في خير كبير انا قتلهم ياو زادولي اسبوع ولا قالولي العتبة قبل اسبوعين راني ديت 15 بكل سهولة لاني كنت نركز على المعاملات وخليت لخرين ..............المهم ربي يوفقكم وينجحكم وما تقلقوش رواحكم سيرتو نهار تعقبوا ما تخموش خلاص لانو الخلعة دات الكثير من القرايين ونعرف منهم وهدرو عليها في برنامج في الجزائر تولي ماكشافي حتى على حاجة .....زيد في الباك يعطيك بزاف الخيارات معناها تقرى 2 ولا 3 دروس تدي 10 نتاعك ....عناها الي وصل 80%من البرنامج يقدر يدي18
ربي يعاونكم.

blacknight999 · 2011-05-13, 11:20

زيد الثانوية مرحلة صغيرة تفوتها ماكش حاتبقى حياتك اكل ثم

imad me · 2011-05-13, 11:24

الحل الكوبياج وخلاص كوبيو كيما انا كامل الدروس وخلاص ومبعدا انت وقفازتك على الكوبياج لي حب نعطيلو الكوبياج راني خادمو انا يتصل برك في نيميرو 0772855078 ونعطيلو كوبياج جيبو الباك وفرحونا وهاذا مكان احنا من بكري على ربي بويسك تبع الخرطي نتاع الوزارة راها تتحشالك كيما راكو تشوفو حوايج ماقريتوهمش راهم راح يديرو عليه الباك للجغرافيا وتاريخ مشي مشكل هاذوك كوبياج مي الحصلة الكبيرة في العلمين لي ماقراوش دروس نتاع المات والفيزيك كيفاه راح يفهموهم ويبقى سؤال مطروح ؟؟؟؟؟

maria soumi · 2011-05-13, 11:32

السلام عليكم و رحمة الله و بركاته
المشكلة في الجزائر هي تضخيم البكالوريا أصبحت كأنها نهاية المشوار الدراسي للتلميذ و ما هي الا البداية فالجامعة أصعب فأصبح التلميذ عندما يصل الى الباك قد تحدث له ازمات نفسية من لا شيء و هذا كله لاننا شوهنا سمعة البكالوريا و جعلناها كابوسا للتلاميذ من قريب او من بعيد

بالنسبة لمواد الحفظ البرازيل و القضية الفلسطينية عادي يمكنكم تحميلها من النت او طلب الدرس من الاستاذ و دَعمو انفسكم بالمراجع لا داعي للخوف و الا فلن تفعلوا شيء في الباك
اما بالنسبة لمواد الفهم فما كان عليكم و على اساتذتكم التهاون في ذلك فالعتبة كانت متوقعة من الاول هكذا باستثناء مواد الحفظ فمن غير المعقول ينحو الاسترة و الاهتزازات او ينحو التنفس و التخمر و الجيولوجيا و اما في الرياضيات من الاول توقعنا ينحو الاحتمالات و ممكن حتى الحجوم ماتندارش في الباك حتى اذا مانحاوهاش لكن التكامل و المساحات لا فهذا ما كان متوقعا من الاول
ممكن المشكلة قليلا في القضية الفلسطينية و البرازيل بسبب الاشاعات
و لكن في كل الاحوال هذا حسب ما نشرته الشروق لا نعلم ان كانت صحيحة بعد او لا
على كل لا تضيعوا تعب عام كامل من اجل العتبة مزال عندكم الوقت و ان شاء الله النجاح للجميع