*** لعقوبة للي مازالو... ***

[*marmoura*]

المشاركة الأصلية كتبت بواسطة راجية الجنة";5576984]هههههههههههههههه

ايه صح كاينة منها راني نسيت

بصحتك 3 سنوات عندك حق بصح مدريش الدنيا كفاش بصح معليش المهم عندك كنترا ربي وفقك يا حنونة وملتقانا في قسم الحقوق الي ديما يلمنا خخخخخخخخ

على بالك وش جريت على المنصب كما نتاعك بصح النافع ربي وليت قبلت بهذا عون اداري مش حتى دائم راهو عام برك خاطر عند بريفي بهدلو بيا جاب ربي عام برك

وعليكم السلام[/QUOTE]

اااااااه .... والله غضتيني.... علاش ماصبرتيش... لبريفي ماكان ماكان.... المهم ربي يوفقك زميلتي....;)

[QUOTE=**همسة حنين**;5578069][color="blue

سلام لكل من مرمورة ولقاء الجنة وشراكم ان شاء الله بخير[/color]

الحمد لله ...

مبرووووووك عليكم الخدمة في زوج ماعليش بالكونترا بصح خير من والو

الله يبارك فيك .........

المهم الواحد يتعلم

صح عندك الحق.......

أنا ثاني كملت دراستي اقتصاد وراني نخدم مقتصد ابلكونترا في اليسي
هو كاين المقتصد وأنا كعون ليه
منكذبش عليكم والله الحق راني نستفاد بزاف
حتى كي يكون عندي وقت راني نروح نزيد نتعلم في حوايج خرين لشتا ماعندهمش علاقة بالمقتصد

****
بصح ختي مرمورة نسقسيك يا لعزيزة قوليلي في الكونترا نتاعك كاتبينلك 3 سنوات؟؟
أنا راني سنييت المحضر نتاعي في 7 فيفري يعني بعد ما صدر القانون نتاع يزيدو في المدة و في السلاك

مي أنا كاتبينلي غير لمدة سنة قابلة للتجديد
والخلاص راه 12000دج

؟؟؟؟

مفهمتش كامل هكذا ولا ؟؟؟؟

وممكن يكونو غي لي كونترا الجدد يعني نتاع مارس برك لي داروهم ب 3 سنين
؟؟

تعيشي حنونة ردي عليا

ربي يحفظك و ينجيك

*********

اااااه تعيشي ...... شوفي درك نفهمك ..... ياو مستخسرين فينا لورق جدد.........


انا تاني كاتبيلني عام بصح نورمال مون 3 بارسكو من مارس تبدا القانون الجديد ..مام السلاك 15

بالتوفيق لكلتيكما
ان شاء الله

و ماتدريوش بالاك يكون ادماج

ربي قادر على كلشي
وماتدريو وين مخبيلكم الخير

تحياتي العطرة لكما

هدي هيا الهدرة الصحيحة ..... بارك الله فيك .... الي يشد في ربي عمرو لايخيبو ... واشيوا ليجان انتاعنا ماخدمينش ....


يلهطو على الخدمة ويبكيو .... كي يلقاوها يصبحو يشرطو .....ياوحللوا دراهمكم .....

المشاركة الأصلية كتبت بواسطة بن جابر

بالبركة عليك مرمورة.....عجبتني كلمتك، ما رانيش حابة نبقى هاملة طول حياتي، والله عندك الحق ، المرأة إذا ما كانتش محتاجة وعندها زوجها يصرف عليها خير لها تقعد أميرة في بيتها خير من التمرميد والميزيرية، وخلونا من عقلية الوقت صعيب والمصروف ما يكفيش، إلى درنا القناعة نعيشو ملوك، أما الدنيا نجرو فيها حتى نعياو وما نديرو والو.

ولو لبنات يخلو فرصة للجال أنهم يخدموا كانوا كل الشباب تزوجو في وقتهم وما بقاتش العنوسة الي رانا نشوفو فيها درك...تقلبت الدنيا لمرا خدامة وتستنا في الراجل البطال مسكين....كيف ايدير ويتزوجك.

بارك الله فيك اخي ....رايي من رايك ...ربي يوفقنا هذا ماكان ....

المشاركة الأصلية كتبت بواسطة حسينة 36

عندك الحق اختي شكون الي تتقنع وتحب تتهنى غير يقولو الوقت صعيب وزالراجل ما فيهش لامان ربي يجيب الخير المصيبة انو اكثرية البنات بالرغم انهم ماهمش محتجات بصح يقبلو يخدمو ب 2500 دج و3000 دج و................. وزيد التبهديل عند الخواص وووو...............
الله يحجيب الخير انشاء الله



اختي اولا مبروك عليك وثانيا ما تخلعكش كلمة متصرف لانك غير كنترا برك يعني راح يهمبرو عليك ومن باعد يقولولك ربي ينوب والمترسمين يديروك قنطرة انتي تهمبري وهوما مرتاحين من المفروض يكتبولك حسب الشهادة
كاين الي صاريلهم كيفك بصح الشيفان تاعهم المخير تاعهم عندو تقني او تقني سامي ولوكان غير جا هكة كاين الشيفان تاعهم عون اداري يعني مستوى الثالثة ثانوي بصح شاف بالسنوات الطويلة ويحكم فيهم نورمال
نزيدك مثال حي انا شخصيا خدمت في شريكة عقد تاع عام لانها اقتصادية اول مرة حطوني في بوست فارغ مولاه خرج تقاعد كان شاف سرفيس في قسم المستخدمين البيرسونال بصح الي تحت مني عندو السنة 5 ابتدائي خاف ودار مشكل وقلب الدنيا وكنت نحضر وما يخدمونيش ويخبو عليا الخدمة
خاف على روحو ونزيدك من باعد طلعوني شوية وحطوني في منصب مراقب تسيير على الشركة والمنصب فارغ ومنصب حساس وكيف كيف الي كان فيه طلع والا المدير وكي دخلت انا قلك خلاص ما كلاه نحوسو على واحد نعلموها وخلاص وبديت نتعلم وكلشي بصح الايدي الخفية دارو رجليهم وقلبو الدنيا وصدقيني ندمت على النهار الي درت فيه الادماج
بصح من باعد وليت ما نروحش كل يوم درت طلب تكوين في مدرسة وعطاوني يومين ما نروحش
والكثير من امثالك راهم يهمبرو باطل لوكان جا العبد ضامن يترسم ما تغيضش
المهم ربي يهنيك اخدمي وبصح ما تخلي همش يسيروك هوما دايما افرضي نفسك باللي خير منهم بالاحترام واكسبيهم وما تخلي همش يهمبرو عليك اخدمي غير الي يخصك والي يخصهم خلي هولهم هاذي نصيحة ليك اختي ربي يوفقك انشاء الله

المشاركة الأصلية كتبت بواسطة zidou_24

marmoura* أختاه لقد رأيت في كلامك فرحا كثيرا بوهم أنت رأيت فيه خيرا، إذا كانت أول مرة تعملين فيها فإني أحذرك لأن هذا الفرح سينقلب إلى هم فيما بعد لأنك سترين ظلما عظيما من هؤلاء كما قال الأخوة أما إذا كنت قد اشتغلت قبل ذلك فأنت تعرفين ما تفعلين
المهم نصيحة أفكري فكرة باه ما تروحيش على الأقل يومين مثل السونطر أو غير دلك
وما تلعبيهاش فاهمة في كلش حتى كي تعرفي قولي ما نعرفش باش ما يهمبروش عليك وباش ما تخدميش لي خاطيك
لا انصحك بهذا إلا عن تجربة وكل عمل في هذه العقود سيخبرك بذلك
في الأخير لست متصرف ولن تكوني أبدا ما دمت في تلك العقود وخير دليل
أنتظري أو ل ماي عندما يوزعون لي سارفيس كافي على العمال سوف تتأكدين بأنك لست عاملة لأنك لست عاملة أختاه مجرد بطالة "بطالة مقنعة" فقط
عذرا على الإطالة والإدماج حقنا الذي يجب أن لا نتنازل عنه والله المستعان

مشكوررين على النصيحة .........بارك الله فيكم ..... والله نحن بحاجة اليها ....فقط نقولكم بلي راني نحدم في الجامعة وليس لبريفي ...

[khire eddine]

السلام عليكم
يا اختي اريد منك بعض التوضيحات بخصوص لانام ..
انا شاب من قسنطينة centre ville. روحت لانام تع saint jean.فالي حيب الدوسي هدا ...كي حبتهولو ..قالي الاسبوع القادم ارواح باه نخدمولك الكونترا .
في يوم 29-03-2011 روحت لقيت الكونترا ..درت عليها 4 نسخ ..وستييتهم ..ومكتوبة فيها الى direction universite mentourie..المهم كي سنييتها فاتلي حتى تاع الجامعة يجيو يديو الدوسي ...المهم 10 ايام ارواح باه تبدى تخدم ..
يا اختي راني في 15 يوم مازال ماكان والو ..
من فضلك فهميني في المراحل الي عديتي عليهم ..لاني مثلك بعتوني للجامعة ..مع العلم تخصصي علوم اقتصادية ..في رايك واش يحطوني ..وانت وكتاه بديتي تخدمي ..وكتاه دفعتي دوسيك ..وماهو تخصصك ..وين حطوك تخدمي ..في la tour او في كاش institut ..

جاوبيني اختي باه توضحيلي الامور كيفاش تمشي

سلام

["راجية الجنة"]

السلام عليكم

شفت يا مرمورة راني كرهة من نمد يدي لبابا وراكي عارفة الكابا وترونسبور راني نسكن بعيد وشيا على جامعة عنابة لازم ندي 2 بوس بش نوصل ونهار السبت منحلكش نهار التيدي مشكلة كبيرة مع الترنوسوبر


خويا خير الدين

اصبر انا من عنابة مجيت ندي الكنترا غير بعد شهر بش جابوها لبيرو مان دوفر نتع لبلاد خاطر من بيرو ما دوفر تروح لمديرية الضمان الاجتماعي والتشغيل للمدير بش يمضيها والاجرءات هذي تأخد وقت

اصبر ان الله كان مع الصابرين وكثر من الدعاء عن تجربة وبلا منقلك عن تجربة ربي ان قال للشيء كن فيكن

مع العلم راني عندي كنترا مع الخاص

ربي وفقك ونسمع بك بلي مدولك الكنترا

وعليكم السلام

[*marmoura*]

المشاركة الأصلية كتبت بواسطة khire eddine

السلام عليكم
يا اختي اريد منك بعض التوضيحات بخصوص لانام ..
انا شاب من قسنطينة centre ville. روحت لانام تع saint jean.فالي حيب الدوسي هدا ...كي حبتهولو ..قالي الاسبوع القادم ارواح باه نخدمولك الكونترا .
في يوم 29-03-2011 روحت لقيت الكونترا ..درت عليها 4 نسخ ..وستييتهم ..ومكتوبة فيها الى direction universite mentourie..المهم كي سنييتها فاتلي حتى تاع الجامعة يجيو يديو الدوسي ...المهم 10 ايام ارواح باه تبدى تخدم ..
يا اختي راني في 15 يوم مازال ماكان والو ..
من فضلك فهميني في المراحل الي عديتي عليهم ..لاني مثلك بعتوني للجامعة ..مع العلم تخصصي علوم اقتصادية ..في رايك واش يحطوني ..وانت وكتاه بديتي تخدمي ..وكتاه دفعتي دوسيك ..وماهو تخصصك ..وين حطوك تخدمي ..في la tour او في كاش institut ..

جاوبيني اختي باه توضحيلي الامور كيفاش تمشي

سلام

اااااااو ... بلعقل عليا ... درك نجاوب خويا ...



شوف اني تاني كما انت دفعت الدوسي فيه لقروباج + صور الشفاء + ...



سنييت لي كونترا 4 ومن بعد قالولي بلي رايحة نخدم في الجامعة ...


بصح كما قلتي طالو باش عيطولي ...


برسك شهر ولا كتر ... اصبر برك خويا ام يعيطولك بربي ان شاء الله



بصح انهار عيطولي روحت طول للجامعة عبيت الكونترا + محضر التنصيب وبديت العمل هذاك النهر بعد ..


لكن نوع المنصب الله علم انت وزهرك ...





سلاااااام وبالتوفيق

المشاركة الأصلية كتبت بواسطة "راجية الجنة"

السلام عليكم

شفت يا مرمورة راني كرهة من نمد يدي لبابا وراكي عارفة الكابا وترونسبور راني نسكن بعيد وشيا على جامعة عنابة لازم ندي 2 بوس بش نوصل ونهار السبت منحلكش نهار التيدي مشكلة كبيرة مع الترنوسوبر

ياو علابالي ماتحكيليش ختي ... والله عدنا نحشموا ... شياب ومازلنا نطلبوا ...


اويفرج ربي ....



غدوة تولي اختي محامية كبيرة ...



ونرجعولهم خيرهم ......


اوك....

خويا خير الدين

اصبر انا من عنابة مجيت ندي الكنترا غير بعد شهر بش جابوها لبيرو مان دوفر نتع لبلاد خاطر من بيرو ما دوفر تروح لمديرية الضمان الاجتماعي والتشغيل للمدير بش يمضيها والاجرءات هذي تأخد وقت

اصبر ان الله كان مع الصابرين وكثر من الدعاء عن تجربة وبلا منقلك عن تجربة ربي ان قال للشيء كن فيكن

مع العلم راني عندي كنترا مع الخاص

ربي وفقك ونسمع بك بلي مدولك الكنترا

وعليكم السلام